གཞིས་ཆགས་ཁ་ཤས་སུ་ཁང་བ་མཐོན་པོ་དང་རྫིག་པོ་བརྒྱབས་ཏེ། ང་ཚོ་རྒྱ་གར་ནང་དུ་སྐྱབས་བཅོལ་བ་ཡིན་པ་དང་། ང་ཚོ་རྒྱ་གར་བའི་མགྲོན་པོ་ཡིན་པ་བསམ་བློར་འཁོར་གྱིན་མེད་པའི་སྲོལ་འདྲ་བོ་འདུག དེ་འདྲ་གནང་རྒྱུ་ཡོད་པ་མ་རེད། ཡ་རབས་ལུགས་མཐུན་གནང་སྟེ། དངུལ་ཡོད་ན་དངུལ་ཁང་དུ་འཇོག་པ་དང། ཞལ་ལག་དང་འགྲོ་འདུག་སོགས་སོ་སོའི་འཕྲོད་བསྟེན་ལ་དོ་སྣང་གནང་རྒྱུ་གལ་ཆེན་པོ་རེད། ཕྱི་ལོགས་སུ་དེ་འདྲའི་རྫིག་པོ་བྱས་ན་ཕན་ཐོགས་གང་ཡང་ཡོད་པ་མ་རེད། ཅེས་༧གོང་ས་མཆོག་གིས་གསུངས་ཡོད།
ཕྱི་ཚེས་ ༡༥ ཉིན་བོད་ཀྱི་བུད་མེད་ལྷན་ཚོགས་ཀྱི་ཚོགས་བཅར་བ་རྣམས་༧གོང་ས་མཆོག་ལ་མཇལ་ཁར་བཅར་སྐབས། ༧གོང་ས་མཆོག་གིས་བོད་ནས་གསར་དུ་འབྱོར་བ་ཁག་ཅིག་དང་མཉམ་དུ་བོད་ཀྱི་བུད་མེད་ཚོར་བཀའ་སློབ་ལམ་སྟོན་བསྩལ་དོན། སྤྱིར་སྐད་འབོད་བྱས་ཏེ་ཆབ་སྲིད་ཀྱི་ལས་འགུལ་སྤེལ་རྒྱུ་དེ་ཚོ་གལ་ཆེན་པོ་ཡིན་ཡང་། གཙོ་བོ་ཤེས་ཡོན་ཡར་རྒྱས་གཏོང་རྒྱུ་དང་མིའི་རྣམ་དཔྱོད་ཀྱིས་ཐབས་ཤེས་འཐེན་རྒྱུ་གལ་ཆེན་པོར་མཐོང་གིན་ཡོད། ལྷག་པར་དུ་བུད་མེད་ཚོར་སྤྱི་ཚོགས་བདེ་དོན་གྱི་ཐད་ནས་འགན་ཡོད་པ་རེད། རྒྱ་གར་ཡུལ་མི་དང་འབྲེལ་ལམ་ཡག་པོ་ཡོང་བ་བྱ་དགོས། ཉེ་སྔོན་རྒྱ་གར་གྱི་ས་གནས་ཤིག་ཏུ་བོད་མི་ཚོ་ཕྱིར་འཕུད་དགོས་པ་རེད་ཅེས་སྐད་ཆ་བྱུང་ཡོད་ཚུལ་གོ་རྒྱུ་འདུག དེ་བཞིན་རྒྱ་ནག་གིས་ཀྱང་། བོད་མི་ཚོ་རྒྱ་གར་དུ་གནས་ཚང་གཡར་ཡོད་པ་འདིས་རྒྱ་གར་ནག་གཉིས་ཀྱི་མཛའ་བརྩེ་ལ་གནོད་སྐྱོན་བཟོ་བཞིན་ཡོད། ཅེས་རྟག་པར་བཤད་བསྡད་ཡོད། གནས་ཚུལ་འདི་འདྲའི་རིགས་ལ་ང་ཚོས་གཟབ་གཟབ་གནང་དགོས། ངོས་རང་ལྷོ་ཕྱོགས་མོན་གྷོར་བསྐྱོད་སྐབས། རྒྱ་གར་བ་ཞིག་གིས་ང་ལ། བོད་མི་ཚོར་དཔལ་འབྱོར་ཏོག་ཙམ་བྱུང་ན། རླངས་འཁོར་དང་གསེར་ཉོས་པ་སོགས་ཕྱི་ཚུལ་རྫིག་པོ་བྱ་རྒྱུར་དགའ་བོ་ཞེ་དྲག་བྱེད་ཀྱིན་འདུག བྱེད་སྟངས་དེས་རྒྱ་གར་ཡུལ་མི་ཚོར་ཕྲག་དོག་སློང་གིན་ཡོད་པ་རེད། ཅེས་བརྗོད་བྱུང། དེ་བཞིན་བོད་ནས་གསར་དུ་འབྱོར་བ་རེ་ཟུང་གིས་ཀྱང་ཆང་རག་འཐུང་སྟེ། ངྷ་རམ་ས་ལ་གཡས་གཡོན་གྱི་རྒྱ་གར་ཡུལ་མི་ཚོ་དང་མ་འཆམ་པའི་གནས་ཚུལ་ཕྲན་བུ་ཡོང་གིན་ཡོད་ས་རེད། དེ་འདྲའི་རིགས་ཁྱོན་ནས་བྱ་རྒྱུ་ཡོད་པ་མ་རེད། ང་ཚོར་གནས་ཚང་གཡར་བ་རེད། གཞིས་ཆགས་ཁ་ཤས་སུ་ཁང་བ་མཐོན་པོ་དང་རྫིག་པོ་བརྒྱབས་ཏེ། ང་ཚོ་རྒྱ་གར་ནང་དུ་སྐྱབས་བཅོལ་བ་ཡིན་པ་དང་། ང་ཚོ་རྒྱ་གར་བའི་མགྲོན་པོ་ཡིན་པ་བསམ་བློར་འཁོར་གྱིན་མེད་པའི་སྲོལ་འདྲ་བོ་འདུག དེ་འདྲ་གནང་རྒྱུ་ཡོད་པ་མ་རེད། ཡ་རབས་ལུགས་མཐུན་གནང་སྟེ། དངུལ་ཡོད་ན་དངུལ་ཁང་དུ་འཇོག་པ་དང། ཞལ་ལག་དང་འགྲོ་འདུག་སོགས་སོ་སོའི་འཕྲོད་བསྟེན་ལ་དོ་སྣང་གནང་རྒྱུ་གལ་ཆེན་པོ་རེད། ཕྱི་ལོགས་སུ་དེ་འདྲའི་རྫིག་པོ་བྱས་ན་ཕན་ཐོགས་གང་ཡང་ཡོད་པ་མ་རེད། ང་ཚོ་སྐྱབས་བཅོལ་བ་ཡིན་པ་མ་བརྗེད་པ་གནང་དགོས། གཞན་གལ་ཆེ་བ་ཞིག་ལ། ད་ལྟའི་དུས་ཚོད་འདིར་ཚང་མས་ཤེས་ཡོན་ཐད་ཤུགས་བརྒྱག་དགོས། ཤེས་ཡོན་གྱི་ལས་གཞི་གང་འདྲ་ཞིག་བརྩམ་ཀྱང། གལ་སྲིད་དཀའ་ངལ་འདྲར་འཕྲད་པ་ཡིན་ན། ཤེས་རིག་ལས་ཁུངས་ཡོད་པ་རེད། མ་བྱུང་བ་ཡིན་ན་ཐད་ཀར་སྐུ་སྒེར་ཡིག་ཚང་དུ་འབྲེལ་བ་གནང་དགོས་པ་རེད། ཅེས་གསུངས་བྱུང་།
དེ་བཞིན་ཕྱི་ཚེས་ ༡༤ ཉིན་ཚོགས་བཅར་བ་ཡོངས་དཔལ་༧རྒྱལ་བ་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་ལ་མཇལ་ཁ་ཞུས་སྐབས་ཁོང་གིས་བོད་ཀྱི་བུད་མེད་ཚོས་རང་ཉིད་ཀྱི་ཕྲག་ཏུ་བབ་པའི་ལས་འགན་གང་ཡིན་པ་མ་ནོར་བའི་ཐོག་ནས་འཐབ་རྩོད་གནང་དགོས་པ་སོགས་ཀྱི་བཀའ་སློབ་གནང་དོན། བོད་ལ་དུས་འགྱུར་མ་བྱུང་བའི་སྔོན་དུ་ཤེས་ཡོན་སྦྱོང་རྒྱུ་དེ་བུད་མེད་ཁྲོད་ནས་བཙུན་མ་ཁོ་ནར་མཁོ་བ་ཞིག་ཏུ་ངོས་འཛིན་བྱེད་ཀྱིན་ཡོད་པ་དང་། བུད་མེད་ནི་ཁྱིམ་ཚང་ཁོ་ན་གཉེར་མཁན་ཙམ་ལས་་ཤེས་ཡོན་སྦྱང་ཚེ་བེད་སྤྱོད་མེད་པ་ཞིག་ཏུ་ངོས་འཛིན་བྱས་མྱོང་། སྤྱི་ལོ་ ༡༩༥༩ ལོར་བོད་ཀྱི་བུད་མེད་ཚོས་བློ་སྟོབས་ཆེན་པོ་དང་བློས་གཏོང་ཆེན་པོས་མི་རིགས་ཀྱི་ཆེད་དུ་བོད་ཀྱི་བུད་མེད་ཀྱི་སྒེར་ལངས་ཐོག་མ་དེ་བྱུང་བ་རེད། དེ་ནི་ལོ་རྒྱུས་ཀྱི་དོན་སྙིང་ལྡན་པའི་འགྱུར་བ་ཆེན་པོ་ཞིག་རེད། དུས་དེ་ནས་བཟུང་སྟེ། བོད་ཀྱི་བུད་མེད་ཚོས་དུས་རབས་དང་མཐུན་པའི་ལས་འགན་དང་འཐབ་རྩོད་མུ་མཐུད་གནང་གིན་ཡོད། འོན་ཀྱང། བུད་མེད་ཚོ་ཡིན་ཡང་རང་ཉིད་ལ་གང་ཞིག་དགོས་ཀྱིན་ཡོད་པ་དང། གང་ཞིག་རང་ཉིད་ལ་འཐོབ་འོས་པ། ཅི་ཞིག་ད་གཟོད་རང་གི་ཕྲག་ཏུ་བབ་པའི་ལས་འགན་ཡིན་པ་བཅས་ཧ་གོ་བའི་ཐོག་ནས་འཐབ་རྩོད་གནང་དགོས་པ་རེད། ཅེས་དང་། ང་རང་ལ་ཆ་བཞག་ན། ལོ་བདུན་ནས་ཀརྨ་པ་རེད་ཟེར་ནས་ངོས་འཛིན་བྱས་པ་རེད། སྐབས་དེར་ང་ལོ་ན་ཆུང་སྟབས། ཀརྨ་པར་གྱུར་ན་རྩེད་ཆས་དང་རྩེད་རོགས་མང་པོ་ཡོད་རྒྱུ་རེད་སྙམ་པ་བྱུང་། འོན་ཀྱང། དུས་དེ་ནས་བཟུང་ང་རང་གཞན་གྱི་བཀའ་བཀོད་དང་དབང་བསྒྱུར་གྱི་ལམ་ཀ་འདིར་འགྲོ་དགོས་བྱུང་བ་རེད། ད་སྐབས་ཆེན་པོ་ཆགས་སྐབས་འགན་ཆེན་པོ་ཡོད་པ་དང་། རང་གི་བསམ་འདུན་བཞིན་གདམ་ཀ་བྱ་རྒྱུ་མེད་པར་ལས་དབང་གིས་སྤྲད་པའི་ལམ་ཁ་འདི་རང་ལ་བསྐྱོད་དགོས་ཀྱིན་ཡོད། ཇ་འཐུང་ནས་སྡོད་དུས་དང་མི་གཞན་དང་མཉམ་དུ་སྐད་ཆ་བཤད་ནས་སྡོད་སྐབས་མི་སྐྱིད་པའི་སྣང་བ་གང་ཡང་མེད་ཀྱང་། བསམ་བློ་ནན་ཏན་གྱིས་གཏོང་སྐབས་འཇིག་རྟེན་གྱི་མི་གཙང་བ་ཡོངས་རྫོགས་མཉམ་དུ་ཡོད་པའི་སྣོད་ཅིག་གི་ཁ་ཕྱེས་པ་དང་འདྲ་བོ་འདུག འདི་འདྲའི་ཁོར་ཡུག་ཞིག་དང་བསྒྱུར་ཐབས་མེད་པའི་མི་ཚེ་ཞིག གུ་དོགས་ཀྱི་ཁང་པ་འདིའི་ནང་ནས་སེམས་མི་སྐྱིད་པ་ཡང་ཡང་ཡོང་གིན་འདུག ཡིན་ཡང་ཐེག་པ་ཆེན་པོའི་ནང་གསུངས་པ་ལྟར། བསམ་བློ་རྒྱ་ཆེ་ཙམ་བཏང་སྟེ། བདེ་སྐྱིད་དང་བདེ་བ་ཡོང་ཐབས་ལ་འབད་བརྩོན་བྱས་པ་ཡིན་ན། དཀའ་ངལ་ལ་གདོང་ལེན་བྱ་མ་ཐུབ་པ་དེ་འདྲ་མི་འདུག ཁྱེད་ཚོ་ཡིན་ཡང་སྤྱི་ཚོགས་ཤིག་གི་ནང་དུ་འགན་བླངས་ཏེ་ལས་ཀ་བྱེད་སྐབས། མ་སྐྱིད་པ་མང་པོ་ཡོང་སྲིད་ཀྱང་བསམ་བློ་རྒྱ་ཆེ་སར་གཏོང་དགོས། ང་ཚོའི་གནས་སྟངས་འདི་འདྲའི་ཛ་དྲག་པོ་ཞིག་ལ་སླེབས་ཡོད་སྟབས། ང་ཚོས་ང་ཚོའི་གནས་སྟངས་དང་ལེན་ཐོག་མི་རེ་ངོ་རེ་ནས་འགན་ལེན་དགོས་པ་རེད། ཅེས་གསུངས་བྱུང་།
གོང་ས་མཆོག་དང་རྒྱལ་དབང་ཀརྨ་པའི་གསུང་བཤད་ཡིན་ཁུལ་གྱིས་བཀོད་པ་འདི་གཉིས་ལ་ཁོང་རྣམ་པ་གཉིས་ཀྱི་ནམ་རྒྱུན་གྱི་གསུང་གི་ཉམས་རྩ་བ་ནས་སླེབས་མི་འདུག ལྷག་པར་གོང་ས་མཆོག་གི་གསུང་གི་ནང་༼དེ་འདྲ་གནང་རྒྱུ་ཡོད་པ་མ་རེད། ཡ་རབས་ལུགས་མཐུན་གནང་སྟེ། དངུལ་ཡོད་ན་དངུལ་ཁང་དུ་འཇོག་པ་དང། ཞལ་ལག་དང་འགྲོ་འདུག་སོགས་སོ་སོའི་འཕྲོད་བསྟེན་ལ་དོ་སྣང་གནང་རྒྱུ་གལ་ཆེན་པོ་རེད། ཕྱི་ལོགས་སུ་དེ་འདྲའི་རྫིག་པོ་བྱས་ན་ཕན་ཐོགས་གང་ཡང་ཡོད་པ་མ་རེད། ང་ཚོ་སྐྱབས་བཅོལ་བ་ཡིན་པ་མ་བརྗེད་པ་གནང་དགོས།༽ཞེས་གསལ་བ་དེར་གཞིགས་ན། གོང་ས་མཆོག་གི་གསུང་ཇི་མ་ཇི་བཞིན་ཕབ་པ་ཨེ་ཡིན་སྙམ། གོང་ས་མཆོག་གིས་ནམ་རྒྱུན་༼དེ་འདྲ་བྱེད་རྒྱུ་ཡོད་མ་་རེད།༽ལྟ་བུ་གསུངས་ཡོང་།
ང་རང་གིས་གོ་ཚོད་ལྟར་ན། གོང་ས་མཆོག་གིས་བོད་མི་ཚོས་ཤེས་ཡོན་དང་དཔལ་འབྱོར་ཡར་རྒྱས་ལ་ཤུགས་རྒྱག་དགོས་པའི་བཀའ་སློབ་ཕེབས་ཡོད་པ་འདྲ། འོན་ཀྱང་འདིར་དཔལ་འབྱོར་སྐོར་དེ་གསལ་པོ་མི་འདུག
མདོར་ན་གསར་འགོད་པས་གོང་ས་མཆོག་དང་བཀའ་བློན་ཁྲི་པ་སོགས་ཀྱི་བཀའ་སློབ་དང་གསུང་བཤད་འགོད་སྐབས། གསུང་ཇི་མ་ཇི་བཞིན་ཕབ་སྟེ་འགོད་དགོས་གལ་ཆེ། དེ་མིན་རང་གིས་དྲན་ཚོད་ཆ་བསྡུ་ཡ་བསྡུ་བྱས་ཏེ་འགོད་པ་དང་། འགྱིག་ལུག་ཏེ་དུམ་བུ་རེ་ཟུང་ཙམ་དྲངས་ཏེ་བཀོད་ན་གོ་ལོག་མང་པོ་ཡོང་གི་འདུག
᩶་ᩮᨑ་᪠ᨕ᩶་ᨑ་᪢ᨓ᩶་᪇᪱་ᨑ་ᨓ᪱་ᨵ་᩶ᨓ་᩶ᨵ་་ᩏᨕ་᪄་᪠ᩔᨵ་᪠ᩞᨕ᩶་ᨕ᩶ᨎ
ད་དངོས་གནས་བུད་མེད་ཚོའི་འཇོན་ཐང་འདོན་རན་འདུག་ལ། རྗེས་མའི་བཀའ་ཁྲི་དེ་ཡང་ཁོང་ཚོའི་ཁྲོད་ནས་ངེས་པར་དུ་ཡོང་དགོས།