བོད་ཀྱི་བུད་མེད་རྩོམ་པ་པོ་འོད་ཟེར་ལགས་ཀྱིས་རྒྱ་ཡིག་ནང་རྩོམ་གནང་མཛད་ཅིང༌། ཀུན་ཐར་དོན་འགྲུབ་ཀྱིས་བོད་བསྒྱུར་བྱས་པའི་ས་བྱི་ལོའི་བོད་ཆོལ་ཁ་གསུམ་གྱི་གཞིས་ལུས་མི་དམངས་ཀྱི་ཞི་རྒོལ་ལས་འགུལ་གྱི་བྱུང་རིམ་ཟིན་ཐོ། <<གངས་སེང་གི་ངར་སྒྲ>> ཞེས་པའི་དཔེ་དེབ་དེ་ ༢༠༠༩ ལོའི་ཟླ་ ༢ ནང་དཔར་སྐྲུན་འགྲེམས་སྤེལ་ཞུས་ཡོད། དཔེ་དེབ་དེར་ཞི་རྒོལ་ཆེན་མོའི་བྱུང་རིམ་ཤོག་ངོས་ ༢༢༦ དང་པར་རིས་དང་དཔྱད་གཞིའི་ཡིག་ཆར་ཤོག་ངོས་ ༦༤ ཙམ་ཡོད་པ་མ་ཟད། ༢༠༠༨ ལོའི་ཟླ་ ༣ ཚེས་ ༡༠ ནས་ལོ་དེའི་ཟླ་ ༨ ཚེས་ ༢༤ བར་ཆོལ་གསུམ་བོད་མི་ཚོས་རྒྱ་གཞུང་ལ་ཞི་བའི་ངོ་རྒོལ་བྱས་པའི་ལོ་རྒྱུས་སྙིང་བསྡུས་སུ་བཀོད་ཡོད།
སྒྱུར་བ་པོའི་གཏམ་དུ་བཀོད་དོན། འོད་ཟེར་ལགས་ཀྱིས་ཁོང་གིས་བྲིས་པའི་ས་བྱི་ལོའི་ཞི་རྒོལ་དོན་རྐྱེན་གྱི་ཟིན་ཐོ་རྣམས་དངོས་ཐོག་བདེན་འཚོལ་གྱིས་ཞིབ་བཤེར་དང་དུས་ཐོག་འཚོལ་སྡུད་བྱ་ཆེད། ཆེད་དུ་མདོ་དབུས་ཁམས་གསུམ་གྱི་ས་གནས་མང་པོར་ཕེབས་ཏེ། ཟིན་བྲིས་ནང་གསར་སྣོན་བྱས་པར་བརྟེན། མོ་རང་གི་དྲ་ཚིགས་ཟིན་བྲིས་དང་སི་ཁེ་བྷེ་ལ་གཏོར་སྐྱོན་ཐེངས་མང་བཟོས་པའི་གནས་ཚུལ་ཟིན་ཐོ་འདིར་བཀོད་ཡོད་སྟབས། ཀློག་པ་པོ་རྣམས་ཀྱིས་རིམ་པར་མཐོང་ངེས་ལགས་ཤིང༌། དཔེ་དེབ་བཀླགས་པ་བརྒྱུད། དྲང་བདེན་ལ་ཡིད་ཆེས་དང་བོད་མི་རིགས་ལ་དགའ་ཞེན། ༧གོང་ས་མཆོག་ལ་དད་པ་ཡིད་ཆེས་གཡོ་མེད། རྒྱ་གཞུང་གི་འཇིགས་སྐུལ་དང་གདུག་རྩུབ་ལ་སྨྱུ་གུ་གཅིག་དང་གློག་ཀླད་གཅིག་གིས་ཁ་གཏད་གཅོག་ཕོད་པའི་བུད་མེད་རྩོམ་པ་པོ་ཞིག་གི་ཞིམ་པ་མེད་པའི་སྙིང་སྟོབས་ཀྱི་གཟུགས་བརྙན་གསར་བ་ཞིག་ངང་ངམ་ཤུགས་ཀྱིས་རྣམ་པ་ཚོའི་སེམས་ཀྱི་མེ་ལོང་ངོས་སུ་བཞེངས་ཐུབ་པའི་ཡིད་ཆེས་ཡོད། ཅེས་བཀོད་འདུག
༧གོང་ས་མཆོག་གིས་དཔེ་དེབ་དེའི་མགོ་བརྗོད་དུ་གསུངས་དོན། བོད་རིགས་སྨྱུག་འཛིན་མ་འོད་ཟེར་གྱིས་ལུས་སྲོག་གི་ཉེན་ཁར་འཛེམས་ཟོན་དང་འཇིགས་སྣང་མ་བྱས་པར་བོད་དུ་བྱུང་བའི་གནས་ཚུལ་རྣམས་ཇི་མ་ཇི་བཞིན་བདེན་པར་སྨྲ་བའི་གཏམ་བརྗོད་དང༌། རྩོམ་ཡིག་ཇི་སྙེད་ཅིག་རླུང་འཕྲིན་སོགས་ཀྱི་བརྒྱུད་ལམ་ནས་གོ་ཐོས་ཡོང་སྐབས། བོད་མིའི་སྙིང་སྟོབས་དང་ལྷག་བསམ་ལ་གདེང་སྤོབས་གོང་འཕེལ་དུ་འགྲོ་བའི་རྒྱུ་རྐྱེན་དུ་གྱུར་ཅིང། ཡང་སྒོས་ད་ལམ་སྔ་ལོའི་ཟླ་ ༣ ནས་བོད་དུ་བྱུང་བའི་ཡིད་སྐྱོའི་གནས་ཚུལ་རྣམས་ཀྱི་དངོས་མཐོང་མྱོང་ཚོར་ཟོལ་མེད་ལྷུག་པོར་བཀོད་པའི་ཉིན་རེའི་དྲན་ཐོ་འདི་བཙན་བྱོལ་དུ་ཡོད་པའི་རྩོམ་སྒྱུར་བ་ཀུན་ཐར་གྱིས་བོད་སྐད་དུ་བསྒྱུར་བ་འདི་མཐོང་སྐབས་ཡིད་འགུལ་ཤུགས་ཆེན་དང། རྩོམ་པ་པོའི་སྙིང་སྟོབས་དང་ཆོད་སེམས་ལ་སྙིང་ནས་ཡི་རངས་དང་བསྔགས་བརྗོད་བྱ་འདོད་བྱུང། རྩོམ་ཡིག་འདི་བོད་མིའི་བྱུང་རབས་ནང་གལ་གནད་ཆེ་བའི་ཡིག་འཇོག་ཅིག་ཏུ་འགྱུར་རྒྱུ་མ་ཟད། བོད་ཕྱི་ནང་དུ་གནས་པའི་བོད་མི་ཡོངས་ལ་སྙིང་སྟོབས་དང་ལྷག་བློ་སྤེལ་བའི་ཆ་རྐྱེན་འགྲན་བྲལ་ཞིག་ཡོང་རྒྱུ་གདོན་མི་ཟ། ཞེས་གསུངས་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
this book is very nice and i am wholly thank to tsering ozer. here i am proud of your solidary and sacrifice.
བོད་མི་ཞིག་ཡིན་པའི་ངོས་ནས་བོད་མི་རིགས་ཀྱི་ཞབས་འདྲེན་མ་ཞུས་པ་དེ་སྲིད་དུ་བསྟོད་དགོས་པ་ཞིག་རེད།
བསྟོད་པ་མང་ན་ཡང་འདྲ་གང་ལྟར་བསྟོད་ཡུལ་དུ་གྱུར་འདུག་པ་ཀུན་གྱིས་གླེང་།
འོན་ཀྱང་རྒྱ་གཞུང་གིས་རྐང་པ་ནས་མར་འཐེན་དང་འཐེན་བཞིན་པ་མ་ཡིན་ནམ།
དཔེར་ན།
ྑཁོ་མོའི་དྲ་རྒྱ་བཀག་སྡོམ་བྱེད་པ་སོགས་ཀྱིས་མཚོན་ནོ།།
དྲ་གྲོགས་ཚོ་ཞིབ་འདང་རྒྱོབ་བསྟོད་ཀྱིན་མང་དྲག་འདུག།
བོད་ཀྱི་མགྲིན་ཚབ་པ་ཚེ་རིང་འོད་ཟེར་ལ་ཕུལ།
ཞབས་རྗེས།
བསམ་ཕོད་བཤད་ཕོད་སྒྲུབ་ཕོད་གསུམ་པོ་ནི།།
འོད་ཟེར་གང་གི་ཁྲག་རྒྱུན་ལྷན་དུ་འཁོལ།།
མི་རིགས་ཤིག་གི་སྐྱོ་གར་ལོ་རྒྱུས་རྣམས།།
དེབ་ཐེར་འདི་ཡི་ནང་དུ་གསལ་ལྷང་ལྷང་།།
ཚེ་གཅིག་ལས་དབང་བོད་མིའི་རིགས་སུ་བསྐོས།།
རིང་བའི་ནམ་ཟླར་དཀའ་སྡུག་རི་བོ་ལྕི།།
འོད་ཀྱིས་བདེན་དོན་སྣང་བ་བསྐྲུན་པའི་སླད།།
ཟེར་བརྒྱ་པ་བཞིན་བོད་འབངས་ཀུན་ལ་མཁོ།།
འོད་ཟེར་ལ་ཕུལ་བའི་སྙན་ངག
མཛངས་མ། མཛངས་མ། མཛངས་མ།
འོད་ཟེར། འོད་ཟེར། འོད་ཟེར།
བུད་མེད། བུད་མེད། བུད་མེད།
རླབས་ཆེན། རླབས་ཆེན། རླབས་ཆེན།
འོད། འོད། འོད།
ཟེར། ཟེར། ཟེར།
དཔའ་མོ་དེས་སྔོན་མ་ཞིག་ཨེ་ཤི་ཡ་རང་དབང་རླུང་འཕྲིན་ཁང་གི་གཏམ་གླེང་ཞལ་དཔར་གྱི་ལེ་ཚན་ཐོག་བཀའ་མོལ་གནང་སོང་། བོད་སྐད་འཁྱོངས་པོ་རང་མིན་འདུག་ཀྱང་གང་གསུངས་བ་རྣམས་རྣག་ཐོག་གཙག་འཁེལ་རང་རེད། སྐབས་འགར་འདི་འདྲ་གསུངས་ན་ལུས་སྲོག་ལ་ཉེན་ཁ་མེད་དམ་སྙམ་པ་ཡང་བྱུང་། དཔའ་མཛངས་མ། ཁྱེད་ཀྱི་སྐུ་གཟུཊ་ལ་ཐུགས་ཅག་གནང་རོགས།
འོ་ཡ་་་་་་་་དྲྭ་གྲོགས་རྣམ་པ་་་་དེབ་དེ་ཚོང་ས་ག་བར་ཡོད་དམ།
བོད་ཀྱི་བུད་མེད་ཚོས་ཐོབ་ཐང་རྩོད་པ་ལས་འགན་འཁུར་བརྩད་ན་མི་ལེགས་སམ།
ཆ་བཞག་ན་མཛངས་མ་འོད་ཟེར་ནང་བཞིན།
ཨ་ལེ། ཀུ་རེ་ཡིན།
ཨ་ཅག་འོད་ཟེར་ལགས། ཁྱོད་ནི་མར་མེ་རྐོང་བུ་གང་ཡིན་པའི་དབང་དུ་བཏང་ན་མུན་ནག་གི་ནང་དུ་ལྷུང་བའི་ངའི་ཆེད་དུ་ཉིན་མཚན་དུས་དྲུག་ལ་འབར་བཞིན་ཡོད་སྟབས། ཁྱོད་ཀྱི་འབར་སྟངས་དེ་ངའི་སེམས་ལ་ཅི་འདྲའི་ཐེག་དཀའ་བའི་སྡུག་བསྔལ་གྱི་ཁུར་པོ་ཞིག
རྒྱ་ཡིག་མ་དཔེ་ཐེངས་གཅིག་བཀླགས་པ་ཡིན། ཡག་པོ་བྲིས་འདུག ཚེ་རིང་འོད་ཟེར་ལ་བསྔགས་བརྗོད་ཡོད། བོད་བསྒྱུར་ད་ལྟ་མཐོང་མ་བྱུང་། དེར་བརྟེན་སྒྱུར་གྱི་སྤུས་ཚད་སོགས་གང་འདྲ་བྱུང་ཡོད་མེད་མི་ཤེས་ཀྱང། བསྒྱུར་བའི་བྱ་བ་དེ་བསྔགས་འོས་པ་ཡིན་པས། ཀུན་ནས་བསྔགས་ཤིང་བསྟོད་པར་བྱའོ།།
རླབས་ཆེན་གྱི་བུད་མེད་འོད་ཟེར་གྱི་སྙིང་སྟོབས་ལ་རྗེས་སུ་ཡི་རུང་དང་དམིགས་གསལ་གྱིས་རིག་གནས་ནང་འདྲེན་གྱི་བྱ་བཞག་ལ་བྱས་རྗེས་འཇོག་མཁན་གྱི་ཀུན་ཐར་དོན་འགྲུབ་ལགས་ལ་སེམས་གཏིང་ནས་བཀའ་དྲིན་ཆེ་ཞུ་བཞིན་ཡོད། རྗེས་ཕྱོགས་ཀྱི་འདི་འདྲའི་རིགས་ཀྱི་རྩོམ་ཡིག་མི་ཉུང་བ་རེ་བོད་སྒྱུར་གནང་ཐུབ་པར་རེ་སྐུལ་ཡོད། རླབས་ཆེན་གྱི་བུད་མེད་འོད་ཟེར་གྱི་མི་ཚེའི་བྱ་བ་མཐའ་དག་ལ་བར་ཆད་མི་ཡོང་བའི་ཐད་དུ་བོད་མི་སུ་ཡང་རུང་བ་དག་གིས་བྱེད་ཐུབ་པ་རེ་ཡོད་ན་དངོས་ཤུགས་བརྒྱུད་གསུམ་ནས་ཁོ་མོ་འབྲེལ་བ་བྱེད་ཐུབ་ན་ཡག་པོ་འདུག
བོད་ཀྱི་བུད་མེད་རྩོམ་པ་པོ་འོད་ཟེར་ལགས་ནི་ རྗོད་དུ་མེད་པའི་སྙིང་སྟོབས་དང་ལྷག་བསམ་
དེ་བཞིན་དྲང་བདེན་དང་མི་རིགས་ཀྱི་ལ་རྒྱ་ཁ་ཙམ་མ་ཡིན་པ་
འཇིགས་ཞུམ་མེད་པའི་བོད་ཀྱིས་གངས་སེང་གི་
ངར་སྒྲ་སྒྲོག་མཁན་དཔའ་མོ་ཡིན་པ་
ངས་དཀར་འཇམ་ཡུག་གཅིག་གིས་བསུ་མ་ལོས་ཡོད་།
གངས་ལྗོངས་ལོ་རྒྱུས་སྟེང་གི་བུད་མེད་མཛངས་པ་འོད་ཟེར་ལ་རྟེན་འབྲེལ་ཞུ། ཁོང་མོའི་མ་འོངས་པའི་བྱ་གཞག་ཐམས་ཅད་ཡར་ངོའི་ཟླ་བཞིན་འཕེལ་བར་སྨོན། ཁོང་མོར་མ་མཇལ་བར་དུ་སྐུ་ལུས་བདེ་ཐང་ཡོང་བར་སྨོན། མི་ཚེའི་མཐའ་ལ་ཐུག་རེག་བར་དུ་ཁོང་མོར་ཐེངས་གཅིག་མཇལ་ཐུབ་པར་སྨོན། དེབ་འདི་རྒྱ་ཡིག་ཅན་དེ་བཀླགས་ཟིན། ཁོང་མོའི་སྙིང་སྟོབས་དང་བྱས་རྗེས་ལ་སྔོན་མ་ནས་ཡི་རངས་བྱས་ཟིན།
སྙིང་སྟོབས་ལ་ཞུམ་པ་མེད་པའི་བུད་མེད་རྩོམ་པ་པོ་ཚེ་རིང་འོད་ཟེར་ལྟ་བུ་ཇི་ཙམ་བྱུང་ན་དེ་ཙམ་གྱིས་བོད་ཀྱི་བདེན་དོན་ཐོག་ལ་ཕན་ཐོག་ངེས་ཅན་ཞིགཐོབ་སྲིད་ཀྱི་རེད་འདོད་ཀི
ནོར་བཅས། རྒྱ་ཡིག་སྟེང་ནས་མཐོང་མྱོང༌། བོད་ཡིག་གི་དེབ་འདི་གང་ནས་རེག་གི་རེད།
དཔེ་དེབ་འདི་ཉིན་འགའི་སྔོན་ལ་ཐེ་ཝན་ནས་དཔར་དུ་སྐྲུན་པའི་རྒྱ་ཡིག་སྟེང་ནས་མྱོང་མྱོང༌། དངོས་གནས་ཡག་པོ་བྲིས་འདུག ལོ་རྒྱུས་ཀྱི་ཟིན་ཐོ་རང་རེད། རྩོམ་མཁན་ཚེ་རིང་འོད་ཟེར་ལ་ཐུགས་རྗེ་ཆེ་ཞུས་པ་དང་ཆབས་ཅིག བསྒྱུར་མཁན་ཀུན་ཐར་ལའང་ཐུགས་རྗེ་ཆེ་ཞུས་པ་ཡིན།