པན་ཆེན་ཆུང་སྲིད་དངོས་གནས་སྐུ་གཤེགས་སམ།

ངོ་མ་ང་ཚོས་ཅི་ཞིག་ཤེས་ཡོད་དམ་ང་ཚོའི་གཞུང་གིས་ཅི་ཞིག་ལ་རྒྱུས་ལོན་བྱེད་ཀྱིན་ཡོད་དམ། མཐའ་ན་བན་ཆེན་རིན་པོ་ཆེའི་སྐུ་འདས་གསོན་ཙམ་ཡང་བློ་ཐག་ཆོད་པོས་བཤད་མི་ཐུབ་དོན་ཅི་རེད་འདི་ལྟར་བསམ་ན་ངོ་མ་ཁོ་རེ་ཆད་གི ད་དུང་ང་ཚོས་འདི་ན་བན་ཆེན་འཁྲུངས་སྐར་ཞེས་སྤྲོ་སྐྱིད་བཏང་སྟེ་རྩེད་མོ་རྩེ་བཞིན་པ་འདི་ལ་བསམ་ན་ངོ་མ་ང་ཚོ་ཀླེན་པ་རང་རེད། གཞུང་གིས་མ་འཇོན་གྱང་དུས་བབས་ཚང་གིས་འདིའི་སྐོར་གསལ་བོ་ཞིག་དང་བདེན་པ་དངོས་ཤིག་བཤད་ཐུབ་ན་དུས་བབས་ཀྱིས་བཞག་པའི་ཞབས་རྗེས་རླབས་ཆེན་ཞིག་ལ་དངོས་འཛིན་ཆོག་ཆོག་རེད་

དྲ་གྲོགས་ཚོ་གནས་ཚུལ་འདི་འདྲ་ཞིག་ངེད་ཅག་གིས་ལོ་ངོ་དུ་མའི་སྔར་རོལ་དུ་གོ་མྱོང་བ་ནི། ཆུང་སྲིད་འདས་པའི་སྐུ་ཕུང་དེ་ནི་སེ་ར་དུར་ཁྲོད་ནང་དུ་མི་ཞིག་གིས་མཐོང་སོང་ཟེར་ནས་སྐད་ཞིག་གོ་བ་རེད། དེ་རིང་ཡང་གསར་འགོད་པ་ཞིག་གིས་ཆུང་སྲིད་རིན་པོ་ཆེ་སྐྲན་ནད་ཀྱི་དབང་གིས་འདས་པར་གླེང་གི་ཡོད་པ་དེ་རེད། ང་ཚོས་གསལ་གསལ་དངས་དངས་ཤིག་མི་ཤེས་པ་དེ་ནི་སྐུ་འཚོ་བཞུགས་ཡོད་མེད་ཀྱི་དྲི་བ་འདི་རེད། ད་ནི་དུས་ཚོད་འདི་དམ་འཛིན་གྱིས་བོད་མི་ཡོད་དོ་ཅོག་གི་རྣ་བར་བླུགས་དེ་གཏམ་འདི་ཡི་ཁུངས་ཤིག་རྙེད་ཐབས་བྱེད་པའི་དུས་སུ་སླེབས་ཡོད་པ་འདྲ། གཅིག་བྱས་ན་ཆུང་སྲིད་རྫུན་མར་འབོད་པ་དེས་འདིའི་བསྐོར་གྱི་གནས་ཚུལ་ངོས་རེ་ཤེས་མི་སྲིད་པ་མིན། དེ་ལ་རྒྱུད་ལམ་ཡོད་མཁན་རེ་ཡོད་ན་ད་ནི་འབྲེལ་བ་ཞིག་བཟུང་དེ་སྐད་ཆ་རེ་དྲིས་ན་ཡག་ས་རེད། འདི་ནི་ང་རང་གི་རྨོངས་འཆར་ཙམ་ཞིག་ཡིན། ལྷག་པར་དུ་གསར་འགོད་པ་དེ་ལ་དུས་ཚོད་ཐུང་ཐུང་ངང་དུ་འབྲེལ་བ་འཛིན་མ་ཐུབ་པ་ཡིན་ན་ནི། གནས་ཚུལ་རྒྱ་ཆེ་རུ་སོང་རྗེས་སུ་དཀའ་ལས་ཁག་པོ་རེད་སྙམ། དེས་ནས་དུས་བབ་ཚང་གི་རླབས་ཆེན་གྱི་ལས་གཞི་འདིས་མཇུག་སྐྱོང་ཐུབ་རྒྱུའི་རེ་སྐུལ་ཡོད།

ད་ནངས་གནས་ཚུལ་འདི་གོ་བ་དང་སེམས་ནང་ཅི་ཡང་དྲན་གྱི་མི་འདུག གནས་ཚུལ་འདི་ལ་ཐེངས་མང་པོར་བལྟས་པ་ཡིན་ཏེ། ད་དུང་ཁ་གསལ་གང་ཡང་མི་འདུག དྲ་གྲོགས་ཚོས་འདི་སྐོར་ལ་ད་དུང་གང་བྱུང་མ་བཤད་ན་མི་བཟང་ངམ། གནས་ཚུལ་ནི་ཧ་ཅང་ལྐོག་གྱུར་རེད་པས། ང་ཚོས་འོད་ཚོད་མ་བྱས་ན་བཟང་སྙམ།

པཎ་ཆེན་ཆུང་སྲིད་ཁོང་བོད་མགོ་ནག་སྤྱི་ཡི་ཁོག་པའི་སྙིང་དང་དཔྲལ་བའི་མིག་
གཅིག་ཏུ་ལྟ་བཞིན་ཡོད་པས། ལས་སླ་བོར་བགྲོངས་མི་ཐུབ། འོན་ཀྱང་དེ་ལྟ་བུའི་
འཆར་གཞི་ཡོད་པ་ནི་བཤད་ཀྱང་ཅི་དགོས། དེ་བས་ད་ཐེངས་ཀྱི་དཀྲོགས་གཏམ་
འདི་རྒྱལ་སྤྱི་དང་བོད་མི་ཚོར་ཉམས་ཚུལ་ལེན་རྒྱུ་དང་། ལག་ལེན་གྱི་སྔོན་འགྲོའི་
འཆར་གཞི་ཞིག་མིན་ནམ། གསར་འགོད་པ་དང་སྲིད་དོན་པ་དག་གིས་ནུས་ཤུགས་
གང་ཡོད་ཀྱིས་རྒྱལ་སྤྱི་དང་གསར་ལམ་ཁག་ནས་གཏམ་དེ་བདེན་མིན་ལ་མ་ལྟོས་
པར་ཁོངས་རྩད་གཅོད་ཀྱིས་དགྲ་ནག་འཇིགས་ཡེར་བའི་ཨར་ལ་གཏད་དགོས།

དེ་བདེན་ནི་མ་རེད། ན་ནིང་རླངས་འཁོར་ཞིག་གི་ནང་བཞག་སྟེ་ལྷ་སར་བསྐོར་བ་ཞིག་བརྒྱབས་ནས་ཁྲིད་སོང་། དེ་པལ་ཆེར་བདེན་པ་ཡིན་པ་འདྲ། ་ད་དུང་པེ་ཅིན་པེ་ཧེ་གླིང་གའི་ཉེ་འགྲམ་ཞིག་ན་བཟང་བཙོན་བྱས་ནས་ཡོད་པ་ཡང་ཁུངས་ཐུབ་ཞིག་གོ་མྱོང་།

མ་གཞི་གཏམ་ངན་གྱི་རིགས་དག་ཕལ་ཆེར་མི་བདེན་པ་མེད་ནའང༌། ད་ཐེངས་ཀྱི་གནས་ཚུལ་སྡུག་པོ་འདི་བདེན་མི་སྲིད་སྙམ། གལ་སྲིད་བདེན་པ་ཡིན་ན་རྒྱ་ནག་གིས་ཁྱབ་བསྒྲགས་བྱེད་སྲིད། རྒྱུ་མཚན་ནི་ཁོང་བཙོན་དུ་འཇུག་ཐུབ་ན་དོན་དག་མི་ལེགས་པ་དེ་འདྲ་བྱུང་བ་ཡིན་ན་སྐྲག་ས་གཞན་ཡོད་པ་མ་རེད། སྐུ་གོང་མ་དེ་ལྟར་ང་ཚོའི་ལག་ནས་ཤོར་བ་ལ་བསམ་ན་འདི་ཉིད་ཤོར་སྲིད་པ་རེད། ཡིན་ནའང་ང་ཚོ་ལ་གྲ་སྒྲིག་ཅིག་ངེས་པར་དུ་དགོས་པ་རེད།

སྐུ་གཤེགས་པ་དེ་མི་བདེན་པའི་སྨོན་ལམ་འདེབས། གལ་ཏེ་བདེན་པའི་དབང་དུ་ན་རང་དགར་འདས་པ་མིན། རྒྱ་མིས་བཀྲོངས་པ་ཡིན་ངེས་སོ། །

བརྗེད་ཟིན་པའི་དོན་དག་ཅིག་ཐོལ་གྱིས་གླེང་བྱུང་།