སློབ་འབྲིང་ཞིག་ཡར་ལངས།

གནས་ཚུལ་གསལ་བོ་ཆགས་སོང་། ཀླུ་ལགས་ཐུགས་རྗེ་ཆེ།

ལ་རྒྱའི་སྙིང་སྟོབས།
བསང་ཆུ་རྫོང་སློབ་འབྲིང་བ་ཚོས་སོ་སོའི་ཚེ་སྲོག་ལས་ཀྱང་རང་མི་རིགས་ཀྱི་ལ་རྒྱ་གཅེས་པར་བཟུང་སྟེ། ཞི་བའི་ཁྲོམས་སྐོར་བྱས་པའི་སྙིང་སྟོབས་དེ་ནི་དོན་གྱི་སྙིང་སྟོབས་ཤིག་གོ །
ཀླ་ཀློས་མཚན་སྨད་དང་ཁྱེད་གསོད་བྱེད་སྐབས་རང་ཉིད་གོང་ས་མཆོག་གི་ཕྱོགས་སུ་ལངས་པ་ནི་ཆོས་ལུགས་དད་མོས་སམ། སྲོལ་རྒྱུན་དཔོན་བཀུར། རིགས་ཞེན་ཙམ་གཏན་ནས་མ་ཡིན་པར། བོད་མི་རིགས་ཀྱི་ཚེ་སྲོག་དང་དྲང་བདེན་ཆེད། བདེན་པས་བདེན་པ་བསྐྱངས་པ་ཉག་གཅིག་གོ།

ན་ཚོད་ཀྱི་ལང་ཚོ་དར་ལ་བབས་པའི་ཤེས་རིག་གི་སྒོ་མོ་ཆེ་ཆེར་ཕྱེ་བཞིན་པའི་གདོང་དམར་མར་ཚང་གི་གཞི་ལུས་ཀྱི་སོན་རྩ་འདི་དག་གི་རྒྱལ་ཞེན་དང་རིགས་གཅེས་སྙིང་སྟོབས་དང་ལྷག་བསམ་འདིས་༧གོང་ས་མཆོག་གི་ཐུགས་རྗེ་ཡི་གྲིབ་བསིལ་འོག་དུ་རང་དབང་གི་འཚོ་བ་ལ་རོལ་བཞིན་པའིི་གཞི་བྱེས་བོད་རིགས་སེར་སྐྱ་འདི་དག་ལ་ཁོག་དཔུང་དང་ལ་རྒྱ་ཁེྲད་ཡོད་དང་ངོ་ཚ་ཞིག་ཡོད་ན་ད་དངོས་གནས་ངོ་གདོང་ཡར་ལ་འདེགས་དཀའ་བ་ཞིག་བཟོས་སོང།ཁོ་ཚོས་༧གོང་ས་མཆོག་ལ་སྐྱོན་བརྗོད་ཀྱི་བསྒྲགས་ཡིག་ཞིག་སྤྱར་བ་ཙམ་གྱིས་རང་གི་གཅེས་བའི་རིན་ཆེན་ཚེ་སྲོག་དག་དགྲ་ནག་གི་དྲག་ཆས་དམག་དཔུང་གི་མཚོན་ཆའི་རལ་ཁ་ལ་ལག་རྡང་གཅིག་སྤྲེལ་དང་དཔུང་མཉམ་གཤིབ་གྱི་གཅིག་ཏུ་སྤུངས་བ་འདིས།་་་་་་་ང་ཚོ་༧་ཁོང་གི་ཉེ་འགྲམ་ནས་ཁོང་གི་སྐུ་སྲོག་ལ་ཉེན་ཁ་ཅི་ཙམ་བྱུང་ཡང་གོ་མེད་ཚོར་མེད་དུ་བསྡད་ཡོད་པ་ལ་གོ་བརྡ་དང་འབོད་སྒྲ་གསལ་བོ་ཞིག་བསྒྲགས་པ་ང་ཚོས་་ཤེས་དགོས།གདོན་འདྲེ་དོལ་རྒྱལ་གྱི་རྒྱུགས་ཁྱི་དག་གིས་༧གོང་ས་མཆོག་གི་སྐུ་སྲོག་ལ་ཉེན་ཁ་ཅི་ཙམ་བཟོས་ཡང་གྲགས་འགུལ་ཅི་ཡང་མེད་པར་མ་ཤེས་མདོག་མདོག་བྱས་ནས་བསྡད་མཁན་དེ་དག་ལ་སློབ་ཕྲུག་འདི་དག་གིས་སྐུལ་བར

བོད་མི་རིགས་འདི་དེ་ལྟར་ལས་སླ་བོ་འཆི་མི་སྲིད། ང་ཚོའི་སོན་རྩ་འདི་ཚོ་མ་རྫོགས་ན་རྒྱ་ངན་ཚང་གི་རེ་བ་ནམ་ཡང་འགྲུབ་ནི་མ་རེད།

ང་ཚོས་འདི་ལྟར་ཐབས་བརྒྱ་བྱུས་སྟོང་གི་ངང་ནས་ཚེ་སྲོག་གི་འགྲོ་སོང་འགྲོ་མི་དགོས་པའི་ཐོག་ནས་ཞི་བའི་ལས་འགུལ་ཐབས་ལམ་འདྲ་མིན་སྣ་ཚོགས་སྤྱད་བོད་ཀྱི་བོད་ཀྱི་གནད་དོན་འདི་བོད་གཞིས་བྱེས་གཉིས་ཀྱི་འདོད་དོན་བཞིན་མ་བྱུང་བ་དེ་སྲིད་དུ་རྒྱ་གཞུང་ལ་བདེན་པའི་ཐ་ཚིག་སྒྲོག་རྒྱུ་ནམ་ཡང་མཚམས་ཆད་མི་སྲིད།
ད་དུང་འདི་ལྟར་རྒྱ་ནག་གཞུང་གིས་དྲག་གནོན་བྱས་ཏེ།
ང་ཚོ་བོད་མི་རྣམས་ཕོ་ཟད་མོ་ལ་ཐུག ལག་ཟད་དཔུང་ལ་ཐུག ས་གཞི་ཁྲག་གིས་ཚོས། ས་སྟེང་ཤ་རུས་ཀྱིས་བཀང་ཡང་བདེན་པའི་འབོད་སྒྲ་འདི་ནམ་ཡང་མཚམས་ཆད་མི་སྲིད། འདི་ནི་བོད་མི་ཚང་མའི་སེམས་ཀྱི་རེ་སྨོན་ཡིན་ལ། ཡིད་ཀྱི་དམ་བཅའ་ཡང་ཡིན་ངེས།།

བོད་ནང་གིས་གནམ་ས་སྒུལ་བའི་ལས་འགུལ་རབ་དང་རིམ་པ་སྤེལ་བཞིན་འོང་དུས། ང་ཚོ་ཕྱི་བསྡོད་པ་དག་གིས་ད་ནི་གང་ཞིག་བྱེད་དགོས་ཀྱི་ཡོད་མེད་ཀྱི་བགྲོ་གླེང་ཙམ་ཡང་མེད་པ་འདི་ནི་དངོས་ནས་སེམས་པ་སྐྱོ་བ་ཞིག་མ་རེད་དམ། དམིགས་གསལ་གྱིས་བོད་ནང་གི་གཞོན་སྐྱེས་དག་གི་སེམས་ཤུགས་དང་སྙིང་སྟོབས་ཀྱིས་ང་ཚོ་བོད་མི་ཡོངས་ལ་སྐུལ་ལོངས་ཐེངས་མང་བྱེད་ཀྱི་ཡོད་ན་ཡང་། ད་དུང་ང་ཚོ་ལྟ་བུ་ཕྱི་བསྡོད་པ་མི་ཉུང་བ་ཞིག་གིས་རང་རང་གི་དགོས་འཁོ་ཙམ་ཞིག་ལ་མགོ་རྨོངས་དེ་བསྡོད་བཞིན་པ་འདི་ནི་དངོས་ནས་སེམས་སྐྱོ་དགོས་པ་ཞིག་མ་རེད་དམ། དྲ་གྲོགས་ཚོ། ད་ལོ་ནི་བོད་ནང་གི་བོད་མི་ཡོད་དོ་ཅོག་གིས་རང་རང་གི་ཚེ་སྲོག་གི་ངར་ཤུགས་དང་བདེན་པའི་འབོད་སྒྲ་རྒྱུན་མི་ཆད་པར་རང་རང་གི་ནུས་ཚོད་ཅིག་བྱེད་བཞིན་ཡོད་ན། ངེད་ཅག་གིས་ག་རེ་བྱེད་སྲིད་དམ་ཟེར་ནས་ངེད་ཅག་གིས་སེམས་ལ་དྲི་བ་རེ་བཀོད་དུས། ངེད་ཅག་ནི་ལྷོད་བསྡོད་རང་ལུགས་ཀྱི་མི་རྐྱང་རྐྱང་ལྟར་བོད་ནང་གི་གསར་འགྱུར་རེ་ཀློག་བཞིན་བསྡོད་དགོས་ཀྱི་ཡོད་པ་དེ་རེད།