དཀར་མཛེས་སུ་ངོ་རྒོལ་བྱེད་མཁན་མ་འདས་མགོན་པོ་དང་བརྩི་སྲུང་དགོན་པའི་གྲྭ་ཚེ་རིང་འཇིགས་མེད་གཉིས་རྒྱ་གར་དུ་བཙན་བྱོལ་ལ་འབྱོར་ཡོད་འདུག
༢༠༠༨ ལོའི་ཟླ་ ༣ པའི་ཚེས་ ༡༨ ཉིན་དཀར་མཛེས་དུ་ཆུ་ཁ་ཚང་གསེར་དགའ་གཙོས་པའི་སེར་སྐྱ་བོད་མི་སྟོང་ཕྲག་ལྷག་གིས་ངོ་རྒོལ་བྱས་པའི་སྐབས་ཞི་རྒོལ་དེའི་སྣེ་ཁྲིད་མཁན་རང་ལོ་ ༤༡ ཡིན་པ་མ་འདས་མགོན་པོ་དང་ལས་འགུལ་དེའི་ནང་མཉམ་ཞུགས་བྱེད་མཁན་རང་ལོ་ ༢༤ ཡིན་པ་བརྩི་སྲུང་དགོན་པའི་གྲྭ་ཚེ་རིང་འཇིགས་མེད་གཉིས་ཉིན་ཤས་སྔོན་རྒྱ་གར་དུ་འབྱོར་ཡོད་འདུག
དཀར་མཛེས་ཉེན་རྟོག་ལས་ཁུངས་ནས་ ༢༠༠༨ ཟླ་བ ༥ པའི་ཚེས་ ༧ ཉིན་གསལ་བསྒྲགས་སྤེལ་ཏེ་ཁོང་གཉིས་དང་དེ་མིན་དཀར་མཛེས་རྫོང་ཁོངས་ནས་མི་ ༣ དང་། བྲག་མགོ་རྫོང་ཁོངས་ནས་མི་ ༤། གསེར་རྟ་རྫོང་ཁོངས་ནས་མི་ཉི་ ༢༧ བཅས་ཁྱོན་མི་གྲངས་ ༣༦ ནི་རྒྱལ་ཁབ་ཀྱི་བདེ་འཇགས་གཏོར་བཤིག་བྱེད་མཁན་ཡིན་སྟབས་འཇུ་བཟུང་བྱ་དགོས་པ་དང་ཁོང་རྣམས་སུ་ཞིག་གིས་འཇུ་བཟུང་བྱེད་ཐུབ་ན་བྱ་དགའ་རྒྱ་སྒོར་ཆིག་ཁྲི་ནས་ཉིས་ཁྲི་བར་སྤྲོད་རྒྱུ་ཡིན་སྐོར་རླུང་འཕྲིན་བརྒྱུད་གསལ་བསྒྲགས་བྱས་ཡོད་པ་དང་ད་ལོ་ཁོང་རྣམས་འཇུ་བཟུང་གི་བྱ་དགའ་དངུལ་འབོར་མང་དུ་བཏང་ཡོད་འདུག
མ་འདས་མགོན་པོ་དང་ཚེ་རིང་འཇིགས་མེད་རྣམ་པ་གཉིས་ན་ནིང་ཞི་རྒོལ་ལ་དྲག་གནོན་བྱེད་སྐབས་ལོ་གཅིག་ལྷག་ཙམ་རིང་རི་ལ་བྲོས་ནས་ཉེན་གཡོལ་བྱས་པ་ནས་ས་སྟོང་ལུང་སྟོང་བསྐོར་ཏེ་ད་ཆ་རྒྱ་གར་དུ་བྲོས་ཐར་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དཔལ་བོ་ཟུང་ངོ་མ་ཁྱེད་གཉིས་ཡག་བྱུང་།་གངས་རིའི་ལྗོངས་ན་འཁྲུངས་པའི་ཕོ་རྒོད་རེད།ཐུགས་རྗེ་ཆེ་ཁྱེད་གཉིས་ཀྱི་མཛད་རྗེས་ནི་བླ་མེད་རེད།་་དྲ་གྲོགས་ཚོས་དོན་མེད་སྟོང་མ་བཤད་གོང་གི་ཕོ་རྒོད་གཉིས་དཔའ་བོ་མ་རེད་ཟེར་མཁན་སུ་ཡང་མིན་འདུག།་་་་་་་་་
ཡང་བསྐྱར་ཞི་རྒོལ་གཉིས་རྒྱ་གར་ལ་བདེ་འབྱོར་བྱུང་བ་དགའ་འོས་པ་ཞིག་རེད། ཡིན་ནའང་འདི་སྔོན་ཞི་རྒོལ་བ་འགའ་ཤས་འབྱོར་ཡོད་པས། དེ་ཚོར་དཔའ་བོ་ལྔ་རྡ་སར་འབྱོར་ཡོད་པ་ཟེར་ནས་བོད་ཀྱི་དུས་བབ་གསར་ཤོག་དང་དྲྭ་རྒྱའི་ནང་མགོ་བརྗོད་ཁོ་རང་ལ་དེ་བྲིས་ཡོད་པ་རེད། ད་ཐེངས་འདི་གཉིས་ལ་དེ་ལྟར་མེད་པ་ག་རི་ཡིན་ནམ། བོད་ནང་ཞི་རྒོལ་བ་གཅིག་པ་ལ་བཙན་བྱོལ་ནང་བལྟ་སྟངས་ཁྱད་པར་འདི་འདྲ་ཡོང་དོན་ཅི་ཡིན་ཞེས་པའི་དྲི་འདི་རང་བཞིན་གྱིས་སླེབས་ཀྱི་འདུག་པས། དྲ་གྲོགས་ཚོ་དེའི་ཐོག་བསམ་ཚུལ་ག་རི་ཡོད་མེད་ཀྱང་ཤེས་འདོད་འདུག
GPÅ-Tm-qºÛ-hqº-Lô¾-±ô-¾-ljÛP-mÅ-fÞGÅ-XïÅ-Vï-ŸÝÅü
ཏག་ཏག་རེད་དགྱ་སྐྱགས་དེ་ཚོར་ཏག་ཏག་བཟོས་འདུག ཨ་མའི་བུ་དེ་ཚོ་་་་ བུ་རྒོད་ཚོ་བོད་པ་དངོས་ཞེས་པ་དེ་འདི་འདྲ་ཞིག་དགོས་པ་རེད།རྟེན་འབྲེལ་ཞུ་་་་འཚམ་འདྲི་ཡོད། དགྱ་ཇག་གཏེ་བོ་དེ་ཚོས་སྒོར་མོས་བོད་པ་བོད་ཉོ་འདོད་པ་དེ་ད་ཡིན་ན་རྨི་ལམ་དུ་གྱུར་འདུག་ག
ཧ་་་ཧཧ
ཁྱེད་ཚོས་གོ་ཨེ་མྱོང་། ཡང་ན་བསམ་ཨེ་མྱོང་། འཛམ་གླིང་གི་མཐོ་སྒང་དུ་གྲགས་པའི་རི་བོ་ཇོ་མོ་གླང་མའི་རྒྱབ་མདུན་དུ། སྟོབས་དང་ཤུགས་ཀྱིས་འཕྱོ་མྱོང་བའི་གངས་སེང་དཀར་མོ་དེའི་གད་རྒྱངས། ལོ་ཟླ་ཁྲི་སྟོང་བཞུད་པའི་དེ་རིང་ད་དུང་གངས་སེང་གི་སྡེར་ཤུལ་མངོན་འདུག་པ་མཐོང་ཨེ་བྱུང་། རང་ཅག་ནི་སུ་ཞིག་གི་རྗེས་སྐྱོང་བར་གྲག་ཅིང་། གང་ཞིག་གི་མནར་གཅོད་གླེང་བཞིན་འདི་ལྟར་བསྡད་ཡོད་པར་བསམ་ཨེ་མྱོང་། གངས་སེང་ངེས་པར་ཡོད་ངེས་ཏེ། ཡབ་མེས་སྲུང་བཙན་སྒམ་པོ་ནི། ཇོ་མོ་གླང་མའི་དབུ་རྩེར་འགྲེང་བའི་གངས་སེང་རེད་ལ། དཔའ་བོ་ཁྲི་སྲོང་ལྡེ་བཙན་ཡང་ཧི་མ་ལ་ཡའི་ཕྲག་སྟེང་ནས་གཡུ་རལ་གསིག་པའི་གངས་སེང་རེད། གངས་སེང་ངེས་པར་ཡོད་ངེས་ཏེ། མདོ་དབུས་ཁམས་གསུམ་ན་གཅེས་སྲོག་དགྲ་ལ་གཏོད་པའི་མདུན་མཆོངས་པ་འདི་དག་ནི་དོན་དངོས་ཀྱི་སེང་གེ་རེད། མིའི་རིགས་ཀྱི་སེང་གེ་རེད། གངས་རིའི་གངས་སེང་རེད།
གངས་རིའི་དཔའ་བོ་གཉིས་ལ་གུས་འདུད་དང་བཅས་མཚམས་འདྲིའི་བཀྲ་ཤིས་བདེ་ལེགས་ཞུ།
དཔའ་བོ་དེ་ཚོ་དགའ་སུའི་སྣེ་ལེན་ཡོད་
ར་ལོ་ ཁྱོད་དེའི་གྲས་ཡིན་ཟེར་ན་ ཕུ་སྐྲུག་མདའ་སྐྲུག་བྱེད་མཁན་གྱི་དཔའ་བོ་ཡིན་ནམ?
ཉལ་མཁན་དཔའ་བོ་ཡིན་ནམ?
དཔའ་བོ་སྐོར་ཞིག་ཚུར་འབྱོར་ཐལ། དཔའ་བོ་སྐོར་ཞིག་ཕྱིར་ལོག་ཐལ། དཔའ་བོ་མང་ཆེ་བ་ངྷ་ས་ན་ཉལ་བསྡད་འདུག ངའང་དེའི་གྲས་ཀྱི་གཅིག་ཡིན།
གངས་རིའི་དཔའ་བོ་གཉིས་ལ་གུས་འདུད་དང་བཅས་མཚམས་འདྲིའི་བཀྲ་ཤིས་བདེ་ལེགས་ཞུ། ཉིན་ཤས་ནང་ལ་དཔལ་བོ་བདུན་ཚར་གཅིག་འབྱོར་སོང་། ངོ་མ་བཟང་གི རྒྱལ་གཅེས་དཔའ་པོའི་རྡ་སར་ཁྱབ་པར་ཤོག ང་ཚོ་ལ་དགོ་བ་ནི་རྒྱལ་གཅེས་དཔའ་བོ་ཡིན། ང་ཚོས་བདག་རྒྱག་དགོ་བ་ནི་དཔའ་པོའི་སེམས་ཤུགས་དང་སྙིང་སྟོབས་ཡིན།
ཨ་རོ་་་་་ད་ཡིན་ན་་་རེ་བ་་་་ཅིག་་ཡོད་ཁ་རེ། ཨ་དྲིན་ཅན་ཆ་བོ་་་་་་་་་་་་
དཔའ་བོ་དེ་གཉིས་ལ་བཀྲ་ཤིས་མཚམས་འདྲི་ཞུ་རྒྱུ་ཡིན། ཁེ་ས་ངས་”རྒྱལ་ཁབ་ཀྱི་བཙོན་པ།”ཞེས་པའི་འོག་ཏུ་ཨེ་ཤི་ཡ་རང་དབང་རླུང་འཕྲིན་ཁང་གི་གསར་འགྱུར་ནས་འདིའི་བསྐོར་ཐོན་པ་ཞིག་ལུང་དྲངས་ནས་བསམ་འཆར་བཏོན་ཡོད། དེ་རིང་དུས་བབ་ནང་བཀོད་པའི་གནས་ཚུལ་དག་ཀྱང་ངས་ལུང་འདྲེན་བྱས་པ་དེ་ལ་་ཚིག་སྦྱོར་རེ་ཟུང་ཞིག་བཟོ་བཅོས་བྱས་པ་ལས་གནས་ཚུལ་ཁ་གསལ་དུ་གང་ཡང་ཕྱིན་མི་འདུག དཔེར་ན་ཁོང་གཉིས་བཙན་བྱོལ་ལ་འབྱོར་ཡོད་འདུག རྒྱ་གར་ལ་འབྱོར་ཡོད་འདུག ཟེར་བ་ཙམ་ལས་ད་ལྟ་གར་ཡོད་དང་སྣེ་ལེན་ཇི་བྱས་སོགས་གསལ་དུ་ཕྱིན་མི་འདུག ཨེ་ཤི་རང་དབང་གི་གནས་ཚུལ་དེ་འདི་ཟླའི་ཚེས་༡༨་ཉིན་སྤེལ་བ་རེད། དུས་བབ་ཀྱིས་ཚེས་༢༠་ཉིན་སྤེལ་བར་སོང་གནས་ཚུལ་ཁ་གསལ་དུ་དང་ཞིབ་ཚགས་སུ་འགྲོ་དགོས་པ་ཞིག་ཏུ་མཐོང་།
དོན་དམ་དུ་བཤད་ན། བོད་པ་ཚོ་རྒྱ་ནག་མཉམ་དུ་འདུག་མ་འདོད་པ་གཅིག་པུ་མ་རེད། མ་གཞི་ནས་བོད་ནང་ནས་འདུག་འདོད་མི་འདུག་ཟེར། ལོ་སྔོན་མ་ཞིག་ལ་དུས་བབ་གསར་འགྱུར་ནང་དུ་དེ་འདྲ་ཞིག་ཐོན་སོང་སྙམ། དེང་སྐབས་མདོ་དབུས་ཁམས་གསུམ་གྱི་བོད་རིགས་གཞོན་སྐྱེས་ཚོ་བཙན་བྱོལ་ལ་ཡོང་འདོད་ཀྱི་འདུན་པ་སྔར་ལས་ཆེ་ཞིང་། ཚང་མས་རྒྱ་གར་ངུ་འགྲོ་བར་སྒུག་ནས་བསྡད་ཡོད་པ་རེད་ཟེར།
འདི་ལྟར་དཔའ་རྒོད་དག་རྡ་སར་འདུས་ཡོང་ན་མ་འོངས་པར་རྡ་ས་འདི་ཡང་གླིང་ཧྲིན་མཚོ་གླིང་དུ་ཆགས་ནས་རང་གི་རྒྱལ་ཁབ་སླར་གསོ་བྱེད་ཐུབ་པར་ཡིད་ཆེས་ཡོད།
བོད་ཤ་ཁྲག་རུས་གསུམ་གྱི་དགོངས་འཆར་ལ་རྒྱབ་སྐྱོར་ཡོད། ཉེ་སྔོན་ཨ་མདོ་ནས་ཕེབས་པའི་ཞི་རྒོལ་བ་ལྔ་ལ་༼དཔའ་བོ་༽ཞེས་པའི་ཆེ་བརྗོད་གནང་བ་བཞིན། ཁམས་ནས་ཕེབས་པ་འདི་ཚོར་ཡང་༼དཔའ་བོ་༽ཞེས་ཆེ་བརྗོད་གནང་རོགས།
དེ་བཞིན་དཔའ་བོ་ཚོའོ་འདྲ་པར་རེ་ཡང་འགོད་རོགས། འདྲ་པར་ཕ་ཡུལ་དྲ་རྒྱའི་ཐོག་ཏུ་བཀོད་འདུག
དཔའ་བོ་རྣམ་པ་རང་དབང་ལུང་པར་བདེ་ཕེབས་གནང་བར་བཀྲ་ཤིས་བདེ་ལེགས་དང་ཁྱེད་རྣམ་པའི་མཛད་བཟང་ལ་གུས་བརྩི་ཡོད།
བོད་ཀྱི་དཔའ་བོ་འདི་གཉིས་ཀྱིས་ཚེ་སྲོལ་ལ་གོད་ཆག་མ་བྱུང་བར་རྒྱ་གར་དུ་བདེ་འབྱོར་བྱུང་བར་སེམས་ཐག་པ་ནས་འཚམ་འདྲི་ཡོད། དུས་བབ་ཚང་གིས་དབའ་བོ་འདི་གཉིས་ཀྱིས་འདྲ་དཔར་ལག་པ་རེག་ན་དྲ་ཐོག་འདིར་བཀོད་དེ་བོད་མི་དྲ་ཐོག་གི་ཀློག་མཁན་དག་ལ་མི་སྣ་དངོས་དེ་ངོ་སྤྲོད་གནང་རོགས་ཞུ།