ཚེས་ ༡༦ ཉིན་ང་རང་ཤེས་རབ་དགའ་ཚལ་སློབ་གླིང་གི་རང་དབང་གླེང་སྟེགས་སུ་བོད་ཀྱི་བུད་མེད་ཅེས་པའི་བརྗོད་གཞིའི་འོག་བགྲོ་གླེང་ལ་སོང་བ་ཡིན། ངས་བོད་ཀྱི་བུད་མེད་ཚོའི་འགན་འཁྲིའི་འདུ་ཤེས་གོང་མཐོར་གཏོང་དགོས་པའི་ཐད་སྐད་ཆ་ཉུང་ཙམ་བཤད་རྗེས། དྲི་བ་དྲིས་ལན་གྱི་ལམ་ནས་བགྲོ་གླེང་བྱས་པ་ཡིན། སྐབས་དེར་སློབ་གྲོགས་ཤིག་གིས། ད་སྐབས་ང་ཚོའི་སྤྱི་ཚོགས་ནང་དུ་ཕོ་མོ་འདྲ་མཉམ་བཤད་མཁན་མང་པོ་འབྱུང་གིན་ཡོད་ལ། དེ་བཞིན་གཞུང་གིས་ཀྱང་བུད་མེད་ཚོའི་ནུས་ཤུགས་སྤེལ་དགོས་པར་གསུང་གིན་ཡོད་པ་རེད། ངའི་ཁོར་ཡུག་གི་མི་མང་པོ་ཞིག་ལ་འབྱུང་འགྱུར་གྱི་བཀའ་བློན་ཁྲི་པ་དེ་བུད་མེད་ཅིག་འདེམས་དགོས་པའི་བསམ་ཚུལ་ཡང་འདུག ཁྱེད་རང་གི་ངོས་ནས་དེར་བསམ་ཚུལ་གང་ཡོད་དམ། ཞེས་དྲིས་བྱུང་། དྲི་བ་འདི་ནི་ཏག་ཏག་ངས་ནམ་རྒྱུན་བསམ་བློ་གཏོང་ས་ཞིག་ཡིན་ལ། དུས་རྒྱུན་དུ་རི་བོང་ཅལ་འདྲོགས་ཀྱི་སློབ་ཚན་ལྟར་འུར་དང་འདྲོགས་ལ་དགའ་བའི་སྤྱི་ཚོགས་འདིའི་ཁྲོད་དུ་སེམས་ཁྲལ་དང་བློ་འཚབ་ཆེ་ཤོས་ཞིག་ལ་ཡང་ཆགས་ཀྱིན་ཡོད། འདས་པའི་ལོ་ཤས་སྔོན་ནས་བོད་ཕྱི་ནང་གང་དུ་ཡང་བོད་ཀྱི་བུད་མེད་ཀྱི་ལས་དབང་གླེང་མཁན་མང་དུ་བྱུང་ཡོད་ལ། དེ་ཡང་ལོ་རྒྱུས་དང་བྱུང་བ་བརྗོད་པ་ནས་ཤར་དང་ནུབ་སོགས་ཀྱི་ལུང་དང་རིགས་པའི་སྒོ་ནས་དཔྱད་གླེང་གང་མང་བྱེད་ཀྱིན་ཡོད་ལ། དམིགས་བསལ་གྱིས་སྔར་ལོར་བོད་གཞུང་བཀའ་ཤག་གིས་ཀྱང་བོད་ཀྱི་བུད་མེད་ཚོའི་ནུས་ཤུགས་སྤེལ་བ་ཞེས་པའི་སྲིད་ཇུས་ཤིག་ཀྱང་གཏན་འབེབས་གནང་ཡོད། དེ་བཞིན་འདས་པའི་ལོ་ཤས་ནང་དུ་བོད་ཕྱི་ནང་གི་བུད་མེད་གང་མང་གིས་ཀྱང་བསམ་ཚུལ་འདྲ་མིན་སྤེལ་གྱིན་ཡོད་ལ། ཁག་ཅིག་གིས་བོད་ཀྱི་བུད་མེད་ཚོར་ཐོབ་ཐང་དང་འདྲ་མཉམ་མེད་པ་ནི་སྲོལ་རྒྱུན་གྱི་སྤྱི་ཚོགས་དང་སྐྱེས་པ་ཚོའི་སྒེར་གཅོད་ཀྱི་བསམ་བློ་ལན་པར་བརྩི་གིན་ཡོད་ལ། ཁག་ཅིག་གིས་བུད་མེད་རང་ཉིད་ཀྱིས་མ་འཇོན་པར་བརྩི་གིན་ཡོད། ང་ལ་མཚོན་ན་བོད་ཕྱི་ནང་གི་འཚོ་བ་རོལ་ཕྱོགས་དང་རིག་གནས་ཁོར་ཡུག་གི་ཁྱད་པར། ཡིག་རྨོངས་པ་དང་ཡིག་རྨོངས་པ་མིན་པ་སོགས་གནས་སྟངས་མ་འདྲ་བ་མང་པོ་ཞིག་གིས་བཟོས་པའི་རང་རང་གི་ཁྱད་ཆོས་དང་གོ་རིམ་གླེང་གིན་ཡོད་ལ། དེ་བས་ཀྱང་ང་རང་གི་ངོས་ནས་གལ་ཆེ་བ་ནི་བོད་མི་རིགས་ཀྱི་འགན་འཁྲིའི་འདུ་ཤེས་ཀྱི་སློབ་གསོ་ལ་རག་ལས་ཡོད་པར་བརྗོད་ཀྱིན་ཡོད། བོད་ཀྱི་བུད་མེད་ཚོའི་འགན་འཁྲིའི་འདུ་ཤེས་ཀྱི་སློབ་གསོ་ཉུང་དྲག་པ་དང་། དེ་བཞིན་འགན་འཁྲིའི་འདུ་ཤེས་ཀྱི་མིག་རྒྱང་ཐུང་དྲག་པར་ངོས་འཛིན་གྱིན་ཡོད། ང་ཚོས་ངེས་པར་ཤེས་དགོས་པ་ཞིག་ལ་བོད་ཕྱི་ནང་གི་བུད་མེད་ཀྱི་གནས་སྟངས་གཏན་ནས་མི་འདྲ་ལ། བོད་ཕྱི་ནང་གི་བུད་མེད་ཚོའི་འགན་འཁྲིའི་འདུ་ཤེས་དང་ཕུགས་བསམ་ཡང་ཕྱོགས་མཚུངས་མིན། དེ་བས་ངས་རང་དབང་གི་སྤྱི་ཚོགས་འདི་ནས་བོད་ཀྱི་བུད་མེད་ཚོས་མི་རིགས་དང་སྤྱི་ཚོགས། རང་ཉིད་བཅས་ཀྱི་ཕྱོགས་སུ་འགན་འཁྲིའི་འདུ་ཤེས་བརྟན་པོ་ཡོད་དགོས་པ་བྱ་རྒྱུ་དང་། རང་ཉིད་ཀྱི་བསམ་བློ་དང་སྤྱི་ཚོགས་ཁྲོད་ཀྱི་མིའི་བསམ་བློ་ལ་རྒོལ་རྡུང་བྱ་དགོས་པར་ངོས་འཛིན་གྱིན་ཡོད།
བཙན་བྱོལ་བོད་གཞུང་གི་སྡེ་ཚན་གང་སར་བོད་ཀྱི་བུད་མེད་ཚོར་ས་མིག་དམིགས་བསལ་བ་མང་པོ་ཡོད་པས། གཅིག་བྱས་ན་བཀའ་བློན་ཁྲི་པའི་འོས་འདེམས་སྐབས་སུ་ཡང་བུད་མེད་ལ་དམིགས་བསལ་སྤྲོད་ངེས་མོད། ཡིན་ན་ཡང་ང་ལ་མཚོན་ན་དམིགས་བསལ་ཞེས་པ་ནི་གང་ཞིག་གིས་ཅི་ཞིག་ལ་ནུས་པས་མ་འདང་དང་སྙིང་རྗེ་ཆེན་པོས་དམིགས་བསལ་སྤྲོད་ཀྱིན་པའི་སྣང་ཚུལ་ལམ་ཚོར་བ་ཞིག་འབྱུང་གིན་འདུག དེ་བས་གལ་ཏེ་བོད་ཀྱི་བུད་མེད་ཚོར་དམིགས་བསལ་ས་མིག་སྤྲོད་རྒྱུ་མང་དྲགས་ན་སྤྱི་ཚོགས་སྤྱིའི་བྱེད་སྒོ་མང་པོར་འཐུས་ཤོར་འགྲོ་ངེས་པས། བུད་མེད་ཚོའི་འཚར་ལོངས་ཀྱི་རྒྱུད་རིམ་ཁྲོད་དུ་བསམ་བློའི་སློབ་གསོ་ཡི་རྨང་གཞི་བརྟན་པོ་འཛུགས་དགོས་པ་དང་དེ་བཞིན་འགན་འཁྲིའི་འདུ་ཤེས་ལྡན་པའི་བུད་མེད་མང་པོ་གསོ་སྐྱོང་བྱ་དགོས་པ་གལ་ཆེ་བར་མཐོང་གིན་ཡོད། འདི་ལྟར་བུད་མེད་རྣམས་ལས་རིགས་ཁག་ཏུ་ཞུགས་པར་དམིགས་བསལ་སྤྲོད་དགོས་པའི་སྤྱི་ཚོགས་འདི་འདྲ་ཞིག་གི་ནང་དུ་ང་ཚོའི་མི་རིགས་ཀྱི་སྣེ་འཁྲིད་མཁན་དང་འགན་འཁུར་ཐུབ་མཁན་གྱི་བུད་མེད་སྐྱེས་སྦྱང་ཡོན་ཏན་ཅན་སུ་ཡོད་དམ།
ང་ཚོའི་བཀའ་བློན་ཁྲི་པ་ནི་ཨ་རིའི་སྲིད་འཛིན་ལས་ཀྱང་གལ་ཆེ་ལ། དེ་ལས་ཀྱང་འགན་འཁྲིའི་འདུ་ཤེས་ལྡན་ལ་སྐྱེས་སྦྱང་ཡོན་ཏན་ལྷག་བསམ་འཛོམས་པ་ཞིག་དགོས་ཀྱིན་ཡོད། རྒྱལ་ཁབ་གཞན་གྱི་སྲིད་འཛིན་ཚོས་རང་ལ་རྒྱལ་ཁབ་ཀྱི་མངའ་ཁོངས་དང་མི་རིགས། དཔལ་འབྱོར་དང་རིག་གནས་སོགས་གང་ཡོད་པ་དེ་གཞི་ལ་བཞག་ནས་དེ་ལས་ཡར་རྒྱས་དང་རྒྱ་བསྐྱེད་བྱ་ཐུབ་བྱུང་ན་རབ་དང་། མ་ཐུབ་ཀྱང་གང་ཡོད་པ་དེར་སྒྲིག་འཛུགས་དོ་དམ་ནན་མོ་བྱེད་པ་ཙམ་གྱིས་འཐུས་ཀྱིན་ཡོད་པ་རེད། ཡིན་ན་ཡང་ང་ཚོའི་ཕ་ཡུལ་གཞན་གྱི་ལག་ཏུ་ཡོད་ལ། ང་ཚོའི་བུ་རབས་ཚ་རྒྱུད་ཀྱི་བསམ་བློའི་སློབ་གསོ་ལ་ཡང་བསླུ་བྲིད་ཤོར་ཡོད་པ། ད་དུང་མི་རིགས་ཁ་འཐོར་ལ་སོང་ནས་རིག་གནས་ཉམས་རྒུད་དང་ཕ་ཡུལ་གཞན་གྱིས་བཟུང་བས་ཁོར་ཡུག་གཏོར་སྐྱོན་སོགས་ཡོད་ཚད་ཤོར་ཚར་བའི་གཞན་ཡུལ་གྱི་སྐྱབས་བཅོལ་བ་ཡིན་ལ། ང་ཚོའི་བཀའ་བློན་ཁྲི་པ་ནི་ཤོར་ཚར་བ་དེ་དག་གི་ཆེད་དུ་མི་རིགས་འདིའི་འཐབ་རྩོད་ཀྱི་སྣེ་ཁྲིད་དེ་ཕ་ཡུལ་ལ་ལོག་ཐུབ་པར་ལམ་ཁ་ཉེ་རུ་བཟོ་མཁན་ཞིག་ཡིན་དགོས། དེ་བས་ང་ཚོའི་བཀའ་བློན་ཁྲི་པ་ནི་ཨ་རིའི་སྲིད་འཛིནལས་ཀྱང་གལ་ཆེ་བ་ཡོད་པས་ཨ་རིའི་སྲིད་འཛིན་ལས་ཀྱང་སྐྱེས་སྦྱང་ཡོན་ཏན་དང་དཔའ་དང་རིག་པ་ལྡན་པ་ཞིག་ཡིན་དགོས། དེ་བས་ང་ཚོའི་བཀའ་བློན་ཁྲི་བར་བུད་མེད་ཅིག་ཡོང་ཐབས་གཏན་ནས་མེད་ལ། མ་མཐར་ཡང་ད་ལྟའི་ཆར་རེ་བ་གཏན་ནས་རྒྱག་མི་ཉན། རྒྱུ་མཚན་ནི་ང་ཚོས་བློ་གཟུ་བོའི་སྒོ་ནས་ཤེས་འཇོན་དང་འགན་འཁྲིའི་འདུ་ཤེས་ལྡན་པའི་བུད་མེད་ཅིག་འཚོལ་དགོས་ན་དམིགས་བསལ་མ་སྤྲད་ཚེ་གཏན་ནས་མེད་པས་ཡིན་ནོ། སྤྱི་ཚོགས་ཁྲོད་དུ་འུར་ལངས་ནས་འདྲོགས་བཞིན་པའི་མི་ཚོས་བསམ་བློ་གསར་བརྗེ་ཡིན་མདོག་དང་དེང་རབས་ཀྱི་བསམ་བློ་ལྡན་མདོག གུ་ཡངས་པོ་ཡིན་མདོག་གིས་བཀའ་བློན་ཁྲི་པ་བུད་མེད་ཅིག་ཡོང་དགོས་པར་བརྗོད་ཀྱང་། མི་དེའི་རིགས་ཀྱིས་མི་རིགས་དང་སྤྱི་ཚོགས། རིག་གནས་དར་སྤེལ་དང་མི་རབས་གསར་བ་སོགས་ཕར་ཞོག ཐ་ན་རང་གིས་རང་ཉིད་ལ་འགན་ལེན་རྒྱུའི་འདུ་ཤེས་ཙམ་ཡང་མེད་པར་འདོད། ང་བུད་མེད་ཅིག་ཡིན་པས་ང་ནམ་ཡང་བུད་མེད་ཀྱི་ཕྱོགས་ནས་ལངས་དགོས། ངས་བུད་མེད་རྣམས་སྐྱོར་དགོས། ཡིན་ཡང་མི་རིགས་ཤིག་གི་གནད་དོན་དང་ཁེ་ཕན་ནི་བུད་མེད་ཀྱི་ཕྱོགས་རིས་ཙམ་ལ་བརྗེ་རུང་བ་ཞིག་ག་ལ་ཡིན། མི་རིགས་ཀྱི་འགན་འཁྲིའི་འདུ་ཤེས་ནི་འཇིག་རྟེན་གྱི་ཆེས་རྩ་ཆེ་ལ་ཆེས་བཀུར་བར་འོས་པའི་མིའི་ཕུགས་བསམ་དང་བསམ་བློ་ཡིན་པར་འདོད་པས། ང་ཚོས་རང་གི་གདོང་མདོག་ངོ་མ་མཐོང་བར་གནང་དགོས་ལ། མེ་ལོང་ངོས་ཀྱི་ཐལ་རྡུལ་རྣམས་གཙང་མར་བཟོས་ནས་རང་གིས་རང་ཉིད་ལ་གསལ་བོར་ལྟ་དགོས་སོ།
ཚེ་རིང་སྐྱིད།
ཟླ་བ་ནོར་བུ་མིང་ཅན།་་སྐྱག་ལབ་སྐྱག་ཟ་རྐྱང་རྐྱང་བརྒྱབ་སྟེ་མི་ཞིག་གི་མི་གཞི་ལ་དམའ་འབེབས་བྱེད་དེ་ཅི་ཕན།དེ་ལས་མིང་དངོས་སུ་བཏོན་ཏེ་མདུན་དུ་ཤོག་དང་།ཡུན་གྱི་བལྟ་ཆོག་་་ཁྱོད་ཚོའི་ཨ་མདོ་བོད་ཡིག་ཤེས་ཟེར་མཁན་ཁྱོད་ཁྱི་འདྲ།
འཇང་རྩེ་ཟེར་བ་འདི་དུས་བབ་ཀྱི་ལས་བྱེད་ཡིན་ན་སྐད་ཆ་བཤད་སྟངས་ཤིན་ཏུ་རྩུབ་པོ་འདུག ལྷག་པར་ཟླ་བ་ནོར་བུས་བཤད་པ་ལ་གནས་ལུགས་ཤིན་ཏུ་ཆེན་པོ་འདུག དམ་ཆོས་དཔལ་བཟང་སྒེར་བའི་ལོ་རྒྱུས་བདེན་རྫུན་སྣ་ཚོགས་བགྲངས་ཀྱང་བསུམ་པའི་སྐད་ཆ་གོ་མ་མྱོང་། དུས་བབ་ལས་བྱེད་ནང་ཚགས་ཡིན་པའི་རྒྱུ་མཚན་གྱིས་བྱེད་སྟངས་མ་དྲང་བ་བྱས་ན་ཤིན་ཏུ་མི་བཟང་།
འབྲོག་རྒན་ངས་དེ་རིང་མང་པོ་བཤད་ཀྱི་མིན།
མཇང་རྩེ་ཟེར་བ་དུས་བབ་ཀྱི་ལས་བྱེད་དེ་ལ་དྲི་བ་ཞིག་དང་མཉམ་དུ་མཚམས་འཇོག་གི་ཡིན།
དམ་ཆོས་དཔལ་བཟང་གི་སྐོར་ནས་སྐད་ཆ་ཁུངས་ལུང་ཡོད་མེད་གཉིས་ཀ་བཤད་ཆོག་ན། འབྲོག་རྒན་ངས་ཚེ་རིང་སྐྱིད་ཀྱི་སྐོར་ལ་བདེན་པ་བཤད་ན་མི་འགྲིག་པ་ཅི་རེད།
དམ་ཆོས་དཔལ་བཟང་སྒེར་ལ་མཆན་བུ་བཏབས་པ་རྣམས་དུས་བབ་ཀྱིས་མི་གསུབས་ན། འབྲོག་རྒན་ངས་ཚེ་རིང་སྐྱིད་ཀྱི་བྱས་ཉེས་གླེང་ན་གསུབས་དགོས་དོན་ཅི་རེད།
དྲ་གྲོགས་དགའ་བའི་བསམ་ཤེས་ཀྱི་བྱེད་སྟངས་ལ་རྒྱབ་སྐྱོར་ཡོད།
འབྲོག་རྒན་ངས་འདི་རུ་སྙིང་ནད་རྩོད་ཀྱི་མེད། མི་སྒེར་གྱི་བྱས་ཉེས་ཀྱི་སྐོར་ནས་བདེན་པ་བཤད་ཀྱི་ཡོད། གལ་སྲིད་མི་སྒེར་བ་ཁ་ཕོ་ཅན་རྣམས་ཀྱི་བྱས་ཉེས་མ་གླེང་བར་བཞག་པ་ཡིན་ན་ཡང་མ་འོངས་པར་མི་འདི་ཚོའི་རིགས་ཀྱིས་སྤྱི་ཚོགས་ལ་ཕན་པ་བྱེད་རྒྱུའི་ཚབ་ལ་གནོད་བྱེད་རྒྱུའི་ཉེན་ཁ་ཡོད་གི་ དགའ་བ་ལགས་ཀྱིས་ཚེ་རིང་སྐྱིད་ལ་མཛངས་མའི་མིང་གནས་ཡོད་གི་ཟེར་གི
སྐད་ཆ་དེ་བདེན་པ་རེད། སྐད་ཆ་དྲང་མོ་དྲང་བཞག་གིས་བཤད་ན་ཚེ་རིང་སྐྱིད་བོད་ཀྱི་མཛངས་མ་མ་རེད་བློ་བཟང་དབང་རྒྱལ་གྱི་མཛངས་མ་རེད་། ད་རུང་འགྲན་ཡ་མེད་པའི་མཛངས་མ་རེད། ཚེ་རིང་སྐྱིད་ཀྱིས་སྙན་ངག་འབྲི་ཤེས་ཀི་ལབ་ན་འབྲོག་རྒན་ངས་རྣར་མི་འགྲོ་གི་ ཚེ་རིང་སྐྱིད་ལ་བརྡ་སྤྲོད་ཀྱི་རྨང་གཞི་ཡག་པོ་ཞིག་ཀྱང་མེད་ ཁྱོད་ཚོ་མི་བདེན་ན་། ཚེ་རིང་སྐྱིད་དྲ་ཐོག་ལ་སྐད་ཐོངས་དང་། ངས་བརྡ་སྤྲོད་ཀྱི་རྨང་གཞིའི་ཤེས་བྱ་འགའ་དྲི་བ་གཏོང་གི་ཡིན།
ཨ་ཁུ་འབྲོག་པ། ཚེ་རིང་སྐྱིད་ཀྱིས་འཁྲིག་སྤྱོད་བསྟེན་ན་དེ་ལ་ངེད་གཉིས་སྙིང་ན་དགོས་དོན་མེད། དེ་བུད་མེད་ཀྱི་འཚོ་བའི་ཆ་ཤས་ཤིག་ཡིན་པ་ལས་མི་སྲིད་པ་དང་མ་རུང་བ་གང་ཡང་མིན། ཁྱོད་ཀྱིས་ཚེ་རིང་སྐྱིད་ལག་ལེན་དང་ཁ་བཤད་མཐུན་གྱི་མི་འདུག་ཟེར། དེ་ཚེ་རིང་སྐྱིད་རྐྱང་པ་གཏན་ནས་མིན། མི་བརྒྱ་ཆ་དགུ་བཅུ་ཐམ་པ་དེ་ལྟར་རེད་ཟེར་ནས་བཤད་ཀྱང་ཧམ་པར་མི་ལོག ཚེ་རིང་སྐྱིད་ལ་སློབ་སྦྱོང་གི་བརྒྱུད་རིམ་ལས་འཁྲུག་སྤྱོད་ཀྱི་བརྒྱུད་རིམ་རིང་གི་ཟེར། གལ་སྲིད་ཁྱོད་ཀྱི་གཏམ་དེ་བདེན་པའི་དབང་དུ་བྱས་ཀྱང་དེ་མོ་སྒེར་པའི་ལོ་རྒྱུས་ཀྱི་གནད་དོན་ཡིན། ཁྱོད་ཀྱིས་མ་སྐུལ་དང་བླངས་ཀྱིས་སྤྱི་ཚོགས་ཁྲོད་གཏམ་དེ་བསྒྲགས་ན་ཁྱོད་ཀྱི་སྙིང་ནད་སངས་ན་སྤྱི་སྒེར་སུ་ལ་ཕན་ཐོགས་ཡོད། ཚེ་རིང་སྐྱིད་ཀྱིས་རང་གིས་བཤད་པའི་སྐད་ཆ་ལ་འགན་ཁུར་གྱི་མི་འདུག་ཟེར། ཁྱེད་རང་གི་ཉིན་རེའི་བྱ་གཞག་ལ་བསྐྱར་ཞིབ་བྱེད་ཨེ་མྱོང་། ཁྱོད་ཀྱིས་བཤད་ལུགས་འདི་རང་གི་སྐད་ཆ་ལ་འགན་ཁུར་བའི་སྐད་ཆ་ཡིན་ཟེར་ཨེ་ཕོད། ང་ཚོས་དུས་རྟག་ཏུ་སྐབས་བབ་ཀྱི་གླེང་གཞི་ལས་ཁ་འཆལ་ནས་གང་ཟག་སྒེར་པའི་ལོ་རྒྱུས་ཐོག་ཏུ་འབབ་པ་འདི་ནོར་འཁྲུལ་ཆེ་ཤོས་ཡིན། ཡིན་ན་ཡང་ཚེ་རིང་སྐྱིད་ཀྱང་ཕྱོགས་གཅིག་ནས་བོད་པའི་བུ་མོ་ཞིག་ཡིན་པ་དང་། ཕྱོགས་གཉིས་ནས་མཛངས་མའི་མིང་གནས་ཡོད་པ། ཕྱོགས་གསུམ་ནས་སྙན་ངག་གི་ཤེས་ཡོན་པ་ཞིག་གི་མིང་ཁུར་ནས་ཡོད་སྟབས་རང་གི་ཀུན་སྤྱོད་མི་ཆོས་དང་མཐུན་པོ་ཞིག་ཡོང་བྱེད་དགོས་ཀྱི་ཡོད་ཚོད་འདུག མོའི་གཏམ་རྙོག་གོ་རྒྱུ་ཤིན་ཏུ་མང་། འདི་ཡང་སེམས་བཟང་དང་ཤ་ཚའི་གཏམ་ཡིན་པས་སེམས་མི་ཕོགས་རྒྱུའི་རེ་བ་ཡོད།
འབྲོག་རྒན་ང་ལ་སྙིང་རྗེ་མི་དགོས། འབྲོག་རྒན་ངས་དྲང་བཤད་མ་གཏོགས་བླུན་བཤད་མི་ཤེས།
སྙིང་རྗེ་དགོས་རྒྱུ་ངོ་མ་དེ་བླུན་པོ་ཁྱོད་རེད་འདུག་ག ཁྱོ་ཚེ་རིང་སྐྱིད་ཀྱི་རྒྱུགས་ཁྱི་རེད་མ་ཚེ་རིང་སྐྱིད་ཀྱི་ཞབས་གཡོག་རེད། དྲ་ཐོག་ལ་ཡོང་ནས་སྤྲེལ་ལད་མ་འཁྲབ་བ།
ཁྱོ་བུ་ངར་བ་ཡིན་ན། ངས་བཤད་པའི་སྐད་ཆ་ཚིག་གསུམ་དེ་བདེན་པ་མ་རེད་ལབ་ནས་ཁུངས་སྐྱེལ་དང་། དེ་ནས་ལྟད་མོ་བལྟ་ཆོག
ཟླ་བ་ནོར་བུ་ཟེར་བ་ཁོ་རེ། གང་དྲན་གྱིན་ཡོད། ཁྱོད་མོ་ལ་མ་དགའ་ན་འགྲིག་པ་རེད། དེ་ཁྱེད་རང་གིས་མོ་རང་ལ་བཤད་དགོས་པའམ་ཡང་ན་ཁྱེད་ཀྱི་སེམས་ནས་རུལ་བར་འཇུག་དགོས། དེ་མ་གཏོགས་དྲ་ཐོག་འདི་རུ་ཁྱེད་ཀྱི་སྐད་ཆ་དེ་འདྲ་བཤད་པ་ཐལ་དྲག་རེད། སྙིང་རྗེ་དགོས་པའི་མི་ཡཱ
སོ་སོར་སྐྱོན་མེད་ན་སུས་སྐྱོན་བརྗོད་བྱེད་ཀྱི་རེད། སྐྱོན་ཡོད་ན་སྐྱོན་བརྗོད་བྱས་མི་ཆོག་ན་ཅི་རེད། ངས་ཚེ་རིང་སྐྱིད་ལ་སྐྱོན་བརྗོད་བྱས་ན་ཁྱོ་ལ་ཕོག་འགྲོ་དོན་ཅི་རེད།
ངས་ཚེ་རིང་སྐྱིད་ཀྱི་སྐོར་ལ་སྐད་ཆ་གསུམ་བཤད་ཡོད། སྐད་ཆ་གསུམ་དེ་ཚོ་སོ་སོར་ང་རང་ལ་ཁུངས་བསྐྱེལ་ཡོད། ཁྲིམས་ལ་འགྲོ་དགོས་ཐུག་ན་ཡང་ཁུངས་སྐྱེལ་ཡོད།
ཁྱོས་དོན་མེད་དུ་ཁ་གདང་ནས་ཅི་བྱེད་ཀྱི་ཡོད། དཀོན་མཆོག་གསུམ་འབྲོག་རྒན་ལ་ཞེ་དྲག་ཁོང་ཁྲོ་མ་སློང་ཨ།
བོད་ཀྱི་དུས་བབ་རྩོམ་སྒྲིག་པ་ལགས། ང་བོད་མི་ཞིག་དང་དུས་བབ་ཀློག་པ་པོ་ཞིག་ཡིན་པས་ངས་རང་གི་བསམ་ཚུལ་ཞིག་བཤད་འདོད་བྱུང་།
དུས་བབ་དུ་འདི་ལྟ་བུའི་མི་ལ་དམའ་འབེབས་བྱེད་མཁན་དང་དམའ་འབེབས་བྱེད་སྟངས་ཀྱང་འདི་འདྲའི་རྫོབ་ཏོ་ཡིན་ན་མཆན་དེ་ངེས་པར་བསུབ་རོགས་ཞུ་རྒྱུ་ཡིན་ལ། དམིགས་བསལ་གྱིས་བོད་མོ་རེ་བ་ཅན་ཞིག་ལ་འདི་ལྟར་ཁ་རྡུང་གཏོང་བ་ནི་མི་རྒན་ངའི་བློ་ཡུལ་ལས་འདས་པ་ཞིག་རེད། སྐྱོན་བརྗོད་བྱེད་སྟངས་འདི་འདྲའི་རིགས་རྗེས་ཕྱོགས་བོད་མི་སུ་ལ་དྲ་ལམ་ནས་སྤེལ་ཡང་མེད་པར་བཟོ་དགོས་པ་འདུག
ཚེ་རིང་སྐྱིད་ཀྱིས། ༼ང་ཚོའི་ཕ་ཡུལ་གཞན་གྱི་ལག་ཏུ་ཡོད་ལ། ང་ཚོའི་བུ་རབས་ཚ་རྒྱུད་ཀྱི་བསམ་བློའི་སློབ་གསོ་ལ་ཡང་བསླུ་བྲིད་ཤོར་ཡོད་པ། ད་དུང་མི་རིགས་ཁ་འཐོར་ལ་སོང་ནས་རིག་གནས་ཉམས་རྒུད་དང་ཕ་ཡུལ་གཞན་གྱིས་བཟུང་བས་ཁོར་ཡུག་གཏོར་སྐྱོན་སོགས་ཡོད་ཚད་ཤོར་ཚར་བའི་གཞན་ཡུལ་གྱི་སྐྱབས་བཅོལ་བ་ཡིན་ལ། ང་ཚོའི་བཀའ་བློན་ཁྲི་པ་ནི་ཤོར་ཚར་བ་དེ་དག་གི་ཆེད་དུ་མི་རིགས་འདིའི་འཐབ་རྩོད་ཀྱི་སྣེ་ཁྲིད་དེ་ཕ་ཡུལ་ལ་ལོག་ཐུབ་པར་ལམ་ཁ་ཉེ་རུ་བཟོ་མཁན་ཞིག་ཡིན་དགོས། ༽རྟ་བདུན་རྒྱལ་བོས།༼ཕོ་མོ་འདྲ་མཉམ་གྱི་མཚོན་དོན་དུ་བུད་མེད་ཞིག་འདེམས་ན་། དེ་ནི་ཧ་ཅང་གི་བླུན་པོས་བྱེད་སྟངས་ཤིག་རེད། ༽དགའ་བས། ༼བུད་མེད་བཀའ་ཁྲིར་འདེམས་རྒྱུ་མ་ཡོད་པ་རེད། བུད་མེད་བཀའ་ཁྲིར་འདེམས་རྒྱུ་མེད་པའི་རྒྱུ་མཚན། བཀའ་ཁྲི་གནོན་པའི་བུད་མེད་ཤེས་འཇོན་གཉིས་ལྡན་ཞིག་ཡོད་པ་མ་རེད། ༽
གོང་གི་སྐད་ཆ་འདིདག་ལ་ཤིན་ཏུ་ནས་འཐད་པ་ཡིན།
སྐད་ཆ་དྲང་པོ་བཤད་འདུག་གཱ མི་རིགས་ཀྱི་གནས་སྟངས་དང་བུད་མེད་ཀྱི་ནུསཔ་ལ་ལྟོས་ནས་སྐད་ཆ་བཤད་འདུག་གཱ སྐད་ཆ་བདེན་པ་བཤད་དེ་བོད་མི་རིགས་ཀྱི་མིའི་གནས་ཚད་གསལ་བོ་སྟོན་འགུག་གཱ སྐད་ཆ་བཤད་ན་འདི་འདྲ་བཤད་དགོས་པ་ལས། སྐུ་དྲག་དང་མི་དྲག་གི་ཁྱིམ་ཚང་ཁ་ཤས་ཀྱི་མིང་བཟུང་ནས་སྤྱི་འཐུས་དང་བཀའ་བློན་སོགས་ཀྱི་མིང་ཡོད་པའི་བུད་མེད་ཚོའི་ཁྲོད་དུ་བློ་རིག་ཤེས་འཇོན་ཡོད་མཁན་ཚོ་མགོ་བོ་ཀྲོག་ཀྲོག་བྱེད་ནས་མི་མང་གི་མདུན་ནས་སྟོང་ལབ་རྒྱག་ཐུབ་ན་ཚེ་རིང་སྐྱིད་ཀྱིས་གང་འདྲ་བྱེད་ནས་སྐད་ཆ་བཤད་མ་ཆོག་པ་རེད། ང་ཚོའི་སྤྱི་ཚོགས་ནང་དུ་ད་དུང་རྒྱ་ནག་གིས་བཤད་པ་བཞིན་སྨྲ་བརྗོད་རང་དབང་དང་རིགས་རུས་དབྱེ་འབྱེད་ཀྱི་ནད་ཡམས་ལྷག་འདུག
ཨ་ཁུ་འབྲོག་པ་ཟེར་བས་ཚེ་རིང་སྐྱིད་ལ་མཐོང་ཆུང་གི་སྐད་ཆ་བཤད་སྟངས་དེ་ག་རེ་རེད་དམ།
མི་སུ་འདྲ་ཡིན་ཡང་སྐད་ཆ་ག་རེ་ཡིན་ཡང་བཤད་ཆོག་ཀྱང་མི་མང་པོས་ཟིན་བྲིས་རང་རང་གི་སྙིང་ནད་སང་བར་བེད་སྤྱོད་གཏོང་ཡི་འདུག ངོ་མ་ཡིད་སྐྱོ་བ་ཞིག་རེད། ཚེ་རིང་སྐྱིད་ལ་ངན་བཤད་བྱེད་ཀྱང་སྐད་ཆ་མི་སྙན་པ་འདི་བེད་སྤྱོད་བཏང་ན་རྣམ་རྟོག་ལ་ཡང་རང་རེད་ཤག དེ་ཡིས་ཚེ་རིང་སྐྱིད་ལ་གནོད་སྐྱེལ་གྱི་ཡོད་མེད་མི་ཤེས་ན་ཡང་མཆན་འབྲི་མཁན་རང་ཉིད་གསལ་བོ་མཐོང་ཡོང་གིས
ཚེ་རིང་སྐྱིད་ཟེར་བ་ཅི་འདྲ་ཞིག་ཡིན་མིན་མི་ཤེས། ཨ་ཁུ་འབྲོག་པས་འདིའི་ནང་ནས་འདི་ལྟར་བཤད་ན་ཚོར་བ་སྐྱིད་པོ་ཞིག་ཡོང་གི་མི་འདུག མི་ཞིག་ལ་དོན་མེད་དུ་མི་ཁ་བཟོ་དོན་མི་འདུག་ལ་ཁྱེད་ཚེ་རིང་སྐྱིད་ཀྱི་རྒད་པོ་ཟུར་བ་ཡིན་པའི་དབང་དུ་བཏང་ཡང་འདི་འདྲ་བཤད་སྲོལ་མེད་ཀི
what
བཀའ་ཁྲིར་བུད་མེད་འདེམས་མ་རུང་བ་མ་རེད། བུད་མེད་བཀའ་ཁྲིར་འདེམས་རྒྱུ་མ་ཡོད་པ་རེད། བུད་མེད་བཀའ་ཁྲིར་འདེམས་རྒྱུ་མེད་པའི་རྒྱུ་མཚན། བཀའ་ཁྲི་གནོན་པའི་བུད་མེད་ཤེས་འཇོན་གཉིས་ལྡན་ཞིག་ཡོད་པ་མ་རེད། དེར་བརྟེན་རྩོམ་གྱི་ཁ་བྱང་ལ་་་བུད་མེད་བཀའ་ཁྲིར་འདེམས་རྒྱུ་མེད་ཟེར་ནས་བྲིས་ན་འཚམས།
མཛངས་མ་བཀའ་ཁྲིའི་འོས་གཞིར་ལངས་ཆོག་པའི་ཁར། ལངས་འོས་པ་ཞིག་ཀྱང་རེད། ཚེ་རིང་སྐྱིད་ལགས། བཀྲ་ཤིས་བདེ་ལེགས་ཞུ།
ཚེ་རིང་སྐྱིད་ཀྱིས་བཤད་པ་ཁ་ཤས་ཤིག་བདེན་པར་འདུག བཀའ་ཁྲི་འོས་པའི་བུད་མེད་ཅིག་མེད་བཞིན་དུ་ཕོ་མོ་འདྲ་མཉམ་གྱི་མཚོན་དོན་དུ་བུད་མེད་ཞིག་འདེམས་ན་། དེ་ནི་ཧ་ཅང་གི་བླུན་པོས་བྱེད་སྟངས་ཤིག་རེད། བཀའ་ཁྲི་འདི་ཧ་ཅང་གི་གལ་ཆེན་པོའི་གོ་གནས་ཤིག་ཡིན་ཕྱིར་དེར་འོས་མི་ཚང་མ་ཤེས་འཇོན་གཉིས་ལྡན་ཞིག་ཡིན་དགོས་རྒྱུ་རེད། བཀའ་ཁྲི་འོས་པའི་བུད་མེད་སུ་འདྲ་ཞིག་འདུག་ཐེ་ཚོམ་མེད་པར་གསུང་རོགས་ཞུ།
ཚེ་སྐྱིད། ཁྱོད་ཀྱི་ལྟ་ཚུལ་{དེ་བས་ང་ཚོའི་བཀའ་བློན་ཁྲི་པ་ནི་ཨ་རིའི་སྲིད་འཛིན་ས་ཀྱང་གལ་ཆེ་བ་ཡོད་པས་ཨ་རིའི་སྲིད་འཛིན་ལས་ཀྱང་སྐྱེས་སྦྱང་ཡོན་ཏན་དང་དཔའ་དང་རིག་པ་ལྡན་པ་ཞིག་ཡིན་དགོས། དེ་བས་ང་ཚོའི་བཀའ་བློན་ཁྲི་བར་བུད་མེད་ཅིག་ཡོང་ཐབས་གཏན་ནས་མེད་ལ། མ་མཐར་ཡང་ད་ལྟའི་ཆར་རེ་བ་གཏན་ནས་རྒྱག་མི་ཉན།} ཟེར་བར་ནམ་ཡང་མོས་མཐུན་བྱེད་མི་ཐུབ་ཀི ཁྱོད་ཀྱི་བཤད་པ་ལྟར་བྱས་ན་བཀའ་བློན་སྐྱེས་པ་ཞིག་ཀྱང་རག་དཀའ་མོ་རེད། གང་ཞེ་ན་ཁྱོད་ལྟར་ན་་བཀའ་བློན་འོས་དམིགས་་ཁོ་འམ་མོ་དེའི་སྐྱེས་པའི་ཡོནྟ་དང་། སྦྱངས་བའི་ཡོན་ཏན། དཔའ་བའི་སེམས། རིག་པའི་རྩལ་བཅས་ཨ་རིའི་སྲིད་འཛིན་ལས་ཀྱང་ལྷག་པ་ལྡན་དགོས་ཁར་ད་དུང་བཀའ་ཁྲིའི་འོས་དམིགས་དེར་ཁྱོད་ཀྱིས་མ་སྨྲོས་པའི་ཆ་རྐྱེན་བོད་ཀྱི་སྲོལ་རྒྱུན་རིག་གཞུང་དང་རྒྱལ་རབས་བཅས་ཀྱི་ཡོན་ཚད་མཐོ་བོ་ལྡན་དགོས། དྲྭ་གྲོཊ་ཚོ། ཁྱེད་ཚོས་ཀྱང་རང་རང་གི་བསམ་ཚུལ་རེ་སྤེལ་དངྲ།
གལ་ཏེ དྲི་བ་་[སློབ་གྲོགས་ཤིག་གིས། ད་སྐབས་ང་ཚོའི་སྤྱི་ཚོགས་ནང་དུ་ཕོ་མོ་འདྲ་མཉམ་བཤད་མཁན་མང་པོ་འབྱུང་གིན་ཡོད་ལ། དེ་བཞིན་གཞུང་གིས་ཀྱང་བུད་མེད་ཚོའི་ནུས་ཤུགས་སྤེལ་དགོས་པར་གསུང་གིན་ཡོད་པ་རེད། ངའི་ཁོར་ཡུག་གི་མི་མང་པོ་ཞིག་ལ་འབྱུང་འགྱུར་གྱི་བཀའ་བློན་ཁྲི་པ་དེ་བུད་མེད་ཅིག་འདེམས་དགོས་པའི་བསམ་ཚུལ་ཡང་འདུག ཁྱེད་རང་གི་ངོས་ནས་དེར་བསམ་ཚུལ་གང་ཡོད་དམ།] ཞེས་པ་དེ་ང་ལ་དྲིས་ཡོད་ན་ངས་”མཁྱེན་ཡོན་དང་ཉམས་མྱོང་། འཇོན་ཐང་། ལྷག་བསམ་ཡོད་པ་ཞིག་ཡོད་ན་ལོས་ཡིན་་། འོན་ཀྱང་དེང་སང་བོད་གཞུང་ལས་ཁུངས་མ་ལག་ནང་བུད་མེད་ལ་དམིགས་བསལ་མང་བོ་གནང་ཡོད་པ་བཞིན་བཀའ་བློན་ལ་དམིགས་བསལ་ཐོབ་ཐང་གནང་མི་དགོས་”ཞེས་ལན་རྒྱབ་ངེས་རེད།
ཁྱོད་རང་ནམ་རྒྱུན་བུད་མེད་ཀྱི་ཐོབ་ཐང་རྩོད་གླེང་བ་གཏེ་པོ་ཞིག་ཡིན་ན་ཡང་བོད་ཀྱི་བུད་མེད་ཀྱི་འཇོན་ཐང་སྟོན་པའི་དུས་གལ་ཆེར་སླེབས་དུས་ཁྱོད་ཀྱིས་ཡང་ནས་བསྐྱར་དུ་བཤད་པའི་ཚིག་”སྐྱོར་”ཟེར་བ་ལས་གཡོལ་ནས་བོད་ཀྱི་བུད་མེད་ལ”རེ་བ་གཏན་ནས་རྒྱག་མི་ཉེན”་”དམིགས་བསལ་མ་སྤྲད་ཚེ་ཤེས་ཡོན་དང་འགན་འཁྲིའི་འདུ་ཤེས་ལྡན་པ་གཏན་ནས་མེད།” སོགས་མི་འཇོན་མི་ཡོང་བ་ལུང་བ་གང་བཤད་དེ་ཁྱོད་ཀྱིས་བོད་ཀྱི་བུད་མེད་ཤེས་ཡོན་ཅན་ཚོར་དམའ་འབེབས་མཐོང་ཆུང་བློར་མི་གཤོངས་བ་བྱས་འདུག་པའི་འཚོར་སྣང་བྱུང་།
ངའི་བསམ་ཚུལ་ལྟར་ན་ང་ཚོའི་བཀའ་བློན་ཁྲི་བ་དེ་ཨ་རིའི་སྲིད་འཛིན་ལས་ཀྱང་གལ་ཆེ་བ་ཞིག་ཏུ་མཐོང་གི་མི་འདུག དེ་བས་ཀྱང་དེ་ཙམ་ཤེས་འཇོན་གྱི་མ་རྩ་ཅན་གྱི་མི་བུ་གལ་ཆེན་ཞིག་ཡོད་དགོས་མི་འདུག གལ་སྲིད་དེ་ལྟ་བུ་ཞིག་དགོས་ཀྱང་རྙེད་རྒྱུ་ཁག་པོ་རེད། ང་ཚོར་རྒྱལ་སྤྱི་རང་བཞིན་གྱི་སློབ་སྦྱོང་དང་མཐོང་རྒྱ་མེད་མཁན་(སྤྱི་ཡོངས་ཀྱི་ཆ་ནས་)ཞིག་ལ་སྐད་ཆ་འདི་ཧ་ཅང་གི་ཆེ་དྲག་པའི་ཚོད་དུ་འདུག་སྙམ། བཀའ་བློན་ཁྲི་བ་ནི་མི་བུ་སུ་ཞིག་འདེམས་ཀྱང་ཁྱད་པར་མི་འདུག གཙོ་བོ་བོད་མི་རབས་རྗེས་མ་སྐྱེད་བསྲིང་བྱ་བར་བསམ་བློ་གུ་ཡངས་ཅན་ཞིག་དགོས་ངེས་རེད། དེ་བས་བུད་མེད་ཞིག་འདེམས་ནའང་མི་ཆོག་པ་མི་འདུག སྦྱོང་བསྡུར་གྱི་གོ་རིམ་ཞིག་ཏུ་ལྟོས་ཆོག གོང་ས་མཆོག་གི་དགོངས་པ་ཡང་བུད་མེད་ལོ་གཞོན་ཞིག་བཀའ་བློན་ཁྲི་བར་འདེམས་ཐོན་ཡོང་རྒྱུར་བསྒུག་བསྡད་ཡོད་པ་ཉག་གཅིག་རེད། ལྷག་པར་བོད་རིགས་བུད་མེད་ཀྱི་བསམ་བློའི་སྣེ་ཁྲིད་པ་ཚེ་རིང་སྐྱིད་ཀྱང་འོས་གྲལ་ལ་ལངས་ན་འགྲིག་ཐལ
སྤྱིར་ཁྱེད་ཀྱིས་གསུངས་བ་ལ་རྒྱུ་མཚན་འདུག་ཐུགས་རྗེ་ཆེ། ཕྱོགས་རེས་བྱས་ནས་མ་ཡིན་པར་། གལ་སྲིད་འཇོན་ཐང་ཡོད་ན་འདེམས་་རུང་དང་མི་རུང་ཞེས་གསུངས་མི་ཉན་པ་མ་ཟད། འདེམས་དགོས་དང་དགོས་སྙམ།
བོད་ཀྱི་བཀའ་ཁྲི་ཟེར་བ་མི་འགས་བཤད་པ་ལྟར་ཇ་མངར་མོ་རེ་འཐུང་ནས་རྒྱ་ནག་གིས་རང་སྐྱོང་ནམ་སྟེར་ལ་སྒུག་ནས་འདུག་ཐུབ་མཁན་ཞིག་ཡིན་དགོས་པས། ལས་དོན་གལ་ཆེན་དེ་ཙམ་མེད་པའི་ལོ་འདི་དག་གི་རིང་ལ་བུད་མེད་རེ་བཀའ་ཁྲིར་བསྡད་དེ་བོད་ཀྱི་དམངས་གཙོའི་ངོ་སོ་རེ་ངོམ་ན་ཡང་མི་ཆོག་རྒྱུ་མི་འདུག
ངོ་མ་བཤད་པ་ཡིན། བཀའ་ཁྲི་འཇོན་དྲགས་ནས་ཀྱང་ལས་རྒྱུ་མི་འདུག་ག
འོ་རེད་ཡ། བོད་ཀྱི་བུད་མེད་ཚོ་ཚང་མས་ཚེ་རིང་སྐྱིད་ནང་བཞིན་འབད་བརྩོན་བྱེད་ན་ལེགས་པར་མངོན། ཚེ་རིང་སྐྱིད་ནི་བོད་མི་མཛངས་མ་ཞིག་ཏུ་བགྲང་རུང་བ་རེད་འདུག་ག མུ་མཐུད་དེ་བོད་ཀྱི་རིག་གནས་ལ་བྱང་ཆུབ་པར་ཤོག།
ནོར་བཅོས། ༼ སྟུན་ན ༽
བརྒྱ་བཤད་སྟོང་བཤད་ཀྱི་དགོས་པ་གང་ཡང་ཡོད་པ་མ་རེད། བཀའ་བློན་ཁྲི་བ་ནི་ཕོ་མོ་སུ་ཡིན་ཀྱང་རུང་བ་ཞིག་རེད། ཡིན་ནའང་ཆབ་སྲིད་ཀྱི་ཐད་ནས་ཤེས་འཇོན་གཉིས་ལྡན་ཞིག་ངེས་པར་དུ་ཡིན་དགོས་རྒྱུ་རེད། གནད་འགག་གཅིག་ནི་བཀའ་བློན་ཁྲི་བར་འོས་པའི་བུ་མེད་ཅིག་ཡོད་མེད་དེ་རེད། གལ་ཏེ་མེད་ན་ཨུ་ཚུགས་བྱས་ཏེ་བཀའ་ཁྲི་བུ་མེད་མེད་ཅིག་ཡོང་ཐབས་བྱེད་དགོས་དོན་གང་ཡང་ཡོད་པ་མ་རེད། སྤྱིར་དམངས་གཙོ་རྒྱལ་ཁབ་དང་བརྟུན་ན་འོས་གཞི་སོ་སོའི་ངོས་ནས་མི་དམངས་ལ་ཞབས་འདེགས་སྒྲུབ་རྒྱུ་ཆེད་དུ་བཀའ་བློན་ཁྲི་བ་ཐོབ་ཐབས་བྱེད་རྒྱུ་དེ་རེད་མ་གཏོགས། མི་དམངས་ངོས་ནས་ཕར་འཚལ་དགོས་རྒྱུ་མ་རེད་ལ། ད་མི་དམངས་ངོས་ནས་ག་རེ་བྱེད་དགོས་པ་རེད་ཅེས་ན། ང་ཚོའི་བློ་གཟུ་བོར་གནས་པའི་ངང་ནས་འོས་ཤོག་བླུག་རྒྱུ་དེ་རེད། །
བུ་མོ་འདི་རྣམ་པ་ཡག་པ་ཙམ་གྱི་ག་ལ་ཚད། ཚིག་སྦྱོར་སྙོམས་པ། བརྗོད་དོན་འབུར་བ། རྗོད་ཁ་གསལ་བ། དངོས་ནས་ཡིན། ང་བུ་མོ་འདི་ལ་ཡིད་སྨོན་འཆོར་སོང་། བྱས་ཙང་ང་མོ་རང་གི་ལྟ་བ་ལ་མོས་མཐུན་ཡོད་ལ། མ་འོངས་པ་ཡིན་ནའང་མོས་ཇི་གསུངས་བཀའ་བསྒྲུབས་དང་རྒྱབ་སྐྱོར་བྱེད་འདོད་ཡོད། སྐུ་ཚེ་རིང་བར་ཤོག འདོད་དོན་འགྲུབ་པར་ཤོག