རྔ་པ་སྨར་ཁམས་དགེ་ཐོན་སློབ་གྲྭའི་སློབ་མ་ཁམས་དཀོན་མཆོག་ལ་རྒྱ་གཞུང་གིས་ལོ་གཉིས་ཀྱི་ཁྲིམས་ཆད་བཏང་ཡོད་འདུག
ལོ་སྔོན་མའི་སྤྱི་ཟླ་གསུམ་པ་ནས་བཟུང་མདོ་སྨད་རྔ་བ་ཁུལ་ཏུ་རྒྱ་གཞུང་གིས། སེར་སྐྱ་དབྱེར་མེད་ཀྱིས་བཙོན་འཇུག་དང་ཁྲིམས་ཆད་གཏོང་བཞིན་པ་ལྟར། ཉེ་ཆར་རྔ་བ་ཁུལ་འབར་ཁམས་དགེ་ཐོན་སློབ་གྲྭའི་སློབ་མ་ཁམས་དཀོན་མཆོག་འབོད་པ་དེ་ལོ་སྔོན་མའི་སྤྱི་ཟླ་ ༣ པའི་ཚེས་ ༢༠ དགོང་མོར་ཁོང་གི་སློབ་གྲོགས་ཨ་བྱམས་དང་རིན་རྡོ། རིན་ཆེན་རྡོ་རྗེ། བུ་ཆུང་བཅས་མཉམ་དུ་རྒྱ་ནག་ཉེན་རྟོག་མི་སྣས་འཛིན་བཟུང་བྱས་ཤིང་། ལོ་སྔོན་མའི་སྤྱི་ཟླ་ ༩ པའི་ཚེས་ ༣༠ ཉིན་སློབ་གྲོགས་གཞན་རྣམས་གློད་གྲོལ་བཏང་ཡོད་ཀྱང་། ཁམས་དཀོན་མཆོག་རྒྱ་གཞུང་གིས་མུ་མཐུད་བཀག་ཉར་བྱས་ཏེ་གར་ཡོད་ཀྱི་གནས་ཚུལ་ཅི་ཡང་ཤེས་རྟོགས་བྱུང་མེད་པ་དང་། ཉེ་ཆར་རྒྱ་གཞུང་གིས་ཁོང་ལ་ལོ་གཉིས་ཀྱི་ཁྲིམས་ཆད་བཏང་སྟེ་སི་ཁྲོན་མེན་ཡང་བཙོན་ཁང་དུ་བཙོན་འཇུག་བྱས་ཡོད་འདུག རང་ལོ་ ༣༠ ཟིན་པའི་ཁམས་དཀོན་མཆོག་ནི། ཨ་མདོ་རྔ་པ་རྫོང་སྤྲོ་ཚིགས་ཞང་གི་མི་ཡིན་པ་དང་། རྔ་པ་རྫོང་འབར་ཁམས་དགེ་ཐོན་སློབ་གྲྭའི་གནམ་ལྕགས་གསར་ཤོག་ཐོག་མར་གསར་དུ་བཏོད་མཁན་ཡིན་པ་མ་ཟད། རྔ་པ་ཀིརྟི་དགོན་པའི་གངས་སྲས་མེ་ཏོག་དུས་དེབ་ཀྱི་རྩོམ་སྒྲིག་པ་གནང་མྱོང་མཁན་ཞིག་ཀྱང་རེད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དུས་བབས་གསར་འགོད་པ་ཚོར་ཞུ་རྒྱུ། ཁྱེད་ཚོས་གསར་འགྱུར་དང་གནས་ཚུལ་ག་འདྲ་ཞིག་སྤེལ་ན་འདྲ། དེ་མིན་ གནས་ཚུལ་གང་ཞིག་སྤེལ་ན་ཁུངས་ལུངས་དང་རྒྱུ་མཚན་སོགས་ཡོད་དགོས་པ་གསར་འགོད་པས་འགན་ཁུར་རེད། ང་ཚོས་གསར་འགོད་སྤེལ་ཟིན་པ་མང་བོ་ཞིག་ལ་ཁུངས་ལུངས་ངེས་གཏན་མེད་པ་དང་ཡང་ན་ཡར་བཤད་སར་མར་བཤད་ཀྱི་ཡོད་པས་དཔེར་ན། མདོ་རྨད་རྔ་བ་འབར་ཁམས་དགེ་ཐོན་སློབ་གྲྭ་ཤེས་པར་རྔ་བ་སྨར་ཁམས་དགེ་ཐོན་སློབ་གྲྭ་ཞེས་པ་ཀློག་པ་པོ་ཞིག་གིས་བལྟས་ན་གོ་དགོས་པའི་གསར་འགྱུར་ལ་གོ་རྒྱུ་མེད་པའི་གསར་འགྱུར་བཟོས་ཡོད། སྤྱིར་ཡིན་ན་གསར་འགོད་པས་གོ་གོ་རིག་རིག་གཉིས་ཀྱི་གསར་འགྱུར་མི་བཟོ་བར་རྗེས་་ཕྱོགས་དོ་སྣང་རེ་བྱེད་རྒྱུའི་འབོད་བསྐུལ་ཞུ་བཞིན་ཡོད།།
རྔ་ཕྱོགས་ན་སྨར་ཁམས་ཟེར་བ་མེད་པས་དེ་འབར་ཁམས་དགེ་འོས་སློན་གྲྭ་ཟེར་གི་ལོས་ཡོད། འདྲ་དང་གནས་ཚུལ་གྱི་ཁུངས་སོགས་མི་འཁོད་རྒྱུ་འདི་བཙན་བྱོལ་བོད་མིའི་གསར་ལམ་ཁག་གི་འགྲོ་སྟངས་ཟིག་ཡིན་པ་འདྲ།