མཛངས་མ་དང་བསྒྲགས་གཏམ། ཚེ་རིང་སྐྱིད།

ཁོ་རེ་རྟ་བདུན་དབང་པོ། ཁྱོད་ཀྱི་དབྱིན་སྐད་མ་མཁྱེན་པ་ཡིན་ནམ་ཡང་ན་རྫུན་གྱི་དབང་པོ་ཞིག་ཡིན། གལ་ཏེ་བསམ་བཞིན་དུ་ཉེས་འཛུགས་ཕྲན་བུ་རེ་བྱེད་འདོད་པ་ཡིན་ན་ཡག་པོ་མ་རེད།
གང་ལྟར་རང་གི་དམིགས་ཡུལ་འགྲུབ་ཆེད་མདུན་དུ་སྤྱོད་ལོ།

གོང་ས་མཆོག་གིས་གསུངས་པའི་མཛེས་མའི་འགྲན་སྡུར་ལ་སྐྱོན་བརྗོད་དབྱིན་སྐད་ཐོག འདི་ལ་ཉན་རོགས་ཞུས། http://www.misstibet.com/audio/dalai_lama_on_miss_tibet-2006.mp3

ཁྱེད་རང་དངོས་ནས་མིང་དོན་མཚུངས་པའི་གླེན་པ་ཞིག་རེད། མ་གཞི་དང་བོ་ཉིད་ནས་མ་ཤེས་ན་མཆན་མ་བཏབས་ལེགས་མོད། མཛེས་མའི་འགྲན་སྡུར་གྱི་ཤོག་ངོས་(Media)ལ་ཉོན་དང་གོང་ས་མཆོག་གིས་གསུངས་པའི་དབྱིན་སྐད་ཐོག་གསལ་བོ་ཡོད་པ་རེད། །

ད་ལྟ་དུས་རབས་ཉེར་གཅིག་ཏུ་སླེབས་ཟིན་ཀྱང་སྟབས་ལེགས་པ་ཞིག་ལ། བོད་མི་བརྒྱ་ཆའི་བརྒྱ་མིན་ནའང་བརྒྱ་ཆ་གོ་དགུའི་གོང་ས་མཆོག་གི་བཀའ་གསུང་ལ་གཙིས་མཐོང་ཆེན་པོ་ཡོད་སྟབས། གོང་ས་མཆོག་གི་ཐུགས་མ་མཉེས་པའི་བྱ་བ་ཅི་ཞིག་བརྩམས་ཀྱང་ལམ་ལྷོང་ཡོང་རྒྱུ་ཧ་ཅང་གི་ཁག་པོ་རེད། རྒྱུ་མཚན་དེའི་ཕྱིར་བུད་མེད་མཛེས་མའི་འགྲན་སྡུར་ལ་ཞུགས་མཁན་ཧ་ཅང་གི་དཀོན་པར་སྣང་ངོ། འོན་ཀྱང་གོང་ས་མཆོག་ནས་མཛེས་མའི་འགྲན་སྡུར་དེ་གལ་ཆེན་ཞིག་ཏུ་མ་གཟིགས་ནས་དེ་ལྟར་གསུངས་པ་རེད་མ་གཏོགས་ཐུགས་ཀྱི་གཏིང་ནས་མ་འཐད་པ་ཞིག་མིན་པར་སྙམ། །

ཨ་ལ་ལ། བདེ་འབྱུང་ཟེར་བ་འདི་ལ་མིག་ཡོད་ཀྱང་ཀླད་པ་མེད་པ་འདྲ། སླད་མར་སྐད་ཆ་སོམས་ལ་ཤོད་རྩམ་པ་སྡོད་ལ་མྱིད་ཟེར་བ་བཞིན་གཟབ་གཟབ་བྱེད་དགོས་པ་རེད། ཁྱོད་རང་གིས་གསུངས་པ་དེ་བརྒྱ་ཆ་བརྒྱ་ནོར་འཁྲུལ་རེད། བོད་ཀྱི་མཛེས་མའི་འགྲན་སྡུར་ལམ་ལྷོང་མེད་པའི་རྒྱུ་རྐྱེན་གཙོ་བོ་དེ་གོང་ས་མཆོག་དང་བཀའ་བློན་ཁྲི་བ་སོགས་ཀྱིས་དགག་བྱ་བྱས་པའི་རྐྱེན་གྱིས་རེད། གོང་ས་མཆོག་དང་བོད་གཞུང་གིས་ངོས་ལེན་མེད་ན་ཀླད་མེད་ཁྱོད་ལྟ་བུ་ཞིག་ཡིན་ན་མ་གཏོགས་ཆེ་མཐོང་ཡོད་པའི་ཚོགས་པ་སུ་ཞིག་གིས་བཀོད་སྒྲིག་བྱེད་རྒྱུ་རེད། གལ་ཏེ་གོང་ནས་དགག་བྱ་མེད་ན་བློ་བཟང་དབང་རྒྱལ་ཁེར་རྐྱང་དུ་འགྲོ་སྲིད་ཀྱི་མ་རེད། བདེ་འབྱུང་ཁྱོད་ལ་རིག་པས་སྒྲུབ་བྱེད་ཡོད་ན་བཀོད་དང་། ངས་ལན་གསལ་བོ་འདེབས་ཆོག ད་རེ་འདིས་ཆོག་པར་བྱ། །

དྲ་གྲོགས་རིགས་གཅིག་གིས་བོད་ཡིག་དག་མོ་ཞིག་འབྲི་ཤེས་པ་ལས་ཡོན་ཏན་ཟེར་བ་ཏིལ་འབྲུ་ཙམ་ཡང་མེད་གི རང་མདོག་རང་གིས་སྟོན་གྱི་འདུག དེ་རིགས་ཕལ་ཆེར་ང་ཚོ་ཨམ་གསར་ཚོ་ཡིན་པ་འདྲ།་ཇི་འདྲའི་མི་རིགས་སྤུས་ཚད་སྐྱོ་བོ་ཞིག་རེད་ཨང་།

སྟོང་ལོ་དགུ་ཡི་མཛངས་མའི་མིང་ཞིག་སྟོང་སེམས་ཁྲོད་ནས་ཐོབ་ན་འདོད།
སྟོང་ལོ་དགུ་ཡི་མཛངས་མ་འདོད་ན་ཕྱི་ནང་གཉིས་ལ་རྒྱན་ཞིག་དགོས།
སྟོང་ལོ་དགུ་ཡི་མཛངས་མའི་ཁྲོད་ན་ཕྱི་ནང་གཉིས་ཀ་སྟོང་བ་རེད།
སྟོང་ལོ་གཉིས་ཀྱི་དགུ་མིག་ཁྲོད་ན་ཁྱོད་ཚོའི་རྣམ་པ་གོར་ཐིག་ཉིད།

མཛངས་མ་མཛེས་མ་གང་ཡིན་ན་ཡང་རང་རང་གི་ཁྱད་ཆོས་ངེས་པར་དུ་ཚང་དགོས་པ་རེད།ལྷག་པར་དུ་བོད་ཀྱི་མཛངས་མ་ཡིན་ན་བོད་ཀྱི་ཐུན་མོང་མ་ཡིན་པའི་ཤེས་ཡོན་གྱི་ཆུ་ཚད་ཧ་ཅང་གི་མཐོ་བོ་མེད་ན་ཡང་དེའི་མིང་གཞི་ངེས་པར་དུ་དགོས་པ་རེད་ཡིན་ན་ཡང་ཁོ་ཚོས་རང་གི་མིང་་དག་མོ་ཞིག་ཀྱང་འབྲི་མི་ཤེས་རེད།སྒོར་མོ་རྐྱང་རྐྱང་ལ་འདོད་རྔམ་ཆེ་བའི་བོད་ཀྱི་བུད་དམན་དེ་དག་ལ་བོད་ཀྱི་རིག་གཞུང་ལ་ཤ་ཚ་མེད་པ་མ་ཟད་དོ་སྣང་ཡང་རྩ་ནས་མེད་པ་རེད་འདི་འདྲའི་བོད་ཀྱི་མཛངས་མ་ཞིག་གི་ང་ཚོ་ལ་ཅི་ཞིག་བྱེད་དཔལ་འབྱོར་ཆུ་ཟོས་སུ་བཏང་བ་ཁོ་ན་རེད་་མ་གཏོགས་ཕན་ཐོགས་ཅུང་ཙམ་ཡང་མི་འདུག་་་་བོད་ཀྱི་མཛེས་མ་ཡིན་ན་ཡང་འགྲིག་གི་འདུག་ལ་དེ་ཡང་མ་རེད་མཛེས་ཆོས་ཀྱིས་ཀྱང་སྟོང་པ་སྟོང་རྐྱང་རེད།འདོད་རྔམ་དང་ཆགས་སྲེད་ཀྱིས་བྲན་གཡོག་ཁོ་ན་ལས་བརྩམ་པའི་བྱ་བཞག་འདི་ལ་དོན་སྙིང་གཅིག་ཀྱང་མི་འདུག་་་་དེ་ལས་བོད་ཀྱི་ཐུན་མོང་མ་ཡིན་པའི་སྐད་ཡིག་གི་འགྲན་བསྡུར་ཞིག་བྱེད་ཐུབ་ན་་་དབུགས་ཀྱི་རྒྱུ་བ་ཆད་ལ་ཉེ་བའི་བོད་ཀྱི་སྐད་ཡིག་གི་ཚེ་སྲོག་གི་གསོན་ཤུགས་ལ་དངོོས་གནས་ཕན་ཐོགས་རླབས་ཆེན་ཡོད་པ་རེད་ལ་དོན་སྙིང་ཡང་ཆེན་པོ་རེད།གཞི་ལུས་ཚོའི་དཀའ་སྡུག་གི་འོག་ནས་མནར་གཅོད་མྱང་དང་མྱོང་བཞིན་པའི་སྐབས་འདི་འདྲ་ཞིག་ལ་གར་སྟེགས་སྟེང་དུ་མཛེས་ཉམས་དང་དགའ་ཉམས་ཡིན་མདོག་མདོག་བྱས་བ་ལ་དངོས་གནས་ངོ་ཚ་དགོས་པ་ཞིག་རེད།ན་ནིང་དང་ད་ལོ་ང་ཚོ་ལ་མྱ་ངན་ཆེན་པོ་ཞིག་ཡོད་པ་བརྗེད་མི་ཉན་པ་ཤེས་དགོས་པ་རེད།དེ་བས་ལོ་ངོ་འདི་གཉིས་རིང་ལ་ལོ་གསར་གྱི་མཚོན་པའི་གཞས་སྣ་འཁྲབ་སྟོན་སོགས་གཞུང་གི་བྱེད་སྒོ་ཁག་ཀྱང་གནས་སྐབས་མཚམ་འཇོག་བྱས་ཡོད་པ་རེད་དངོས་གནས་མི་ཀླེན་མེད་ཞིག་མིན་ན་དེ་དག་བློ་ཡིད་དུ་འཁོར་དགོས་པ་ཤིག་རེད་་་་ད་དུ་འདོད་སྲེད་ཀྱི་རྦ་རླབས་འཕྱར་བའི་དབྱིན་ཇིའི་རྐུབ་རྡེག་མཁན་ཁ་ཤས་ཤིག་གི་ད་དུང་རྒྱབ་སྐྱོར་གྱི་སྐད་ཆ་བཤད་ཀྱིན་འདུག་་ཁྱོད་ཚོ་ངོ་མི་ཚ་ན་ང་ངོ་ཚ་ཀི

དུས་བབ་རྩོམ་སྒྲིག་པ་ལུང་རིགས་རྒྱལ་ཟེར་བ་ཁྱོ། ཚེ་རིང་སྐྱིད་ཀྱི་དོན་ཏུ་ཀ་ལངས་ལངས་བྱེད་དོན་ཅི་རེད།
རྩོམ་འདིའི་སྤྱི་ཁོག་ལ་སྐད་ཆ་མ་བཤད་སྔོན་ལ་ཁ་སང་གི་ས་མིག་གསལ་བསྒྲགས་སྐོར་དང་འབྲེལ་བའི་ངའི་དྲི་བ་དེ་ལ་དྲི་ལན་འཁྱེར་ཤོག

རྟ་བདུན་དབང་པོས་གསུངས་བ་ལ་འཐད་པ་ཡོད། བློ་བཟང་དབང་རྒྱལ་སོགས་འབྲེལ་ཡོད་དབུ་འཛིན་པ་དག་གིས་༧གོང་ས་མཆོག་ལ་གཏན་གཏན་ཞུ་དགོས་རེད། གནས་ལུགས་རྒྱུ་མཚན་གོང་ས་མཆོག་གིས་མ་དགོངས་པ་མ་རེད་ཀྱང་། ཡར་ཞུ་དགོས་པ་འགྲོ་ལུགས་ཞིག་ཀྱང་རེད། གལ་སྲིད་བར་གྱི་རྐྱེན་དབང་ལ་མ་སོང་པར། ༧གོང་ས་མཆོག་ལ་དངོས་སུ་ཞུ་ཐུབ་སོང་ན། ༧་གོང་ས་མཆོག་གིས་རྒྱབ་སྐྱོར་གནང་བ་གཏན་འཁེལ་རེད་སྙམ། གང་ཡིན་ཟེར་ན།　མཛེས་མ་འགྲན་བསྡུར་མ་ཡིན། མཛངས་མ་འགྲན་བསྡུར་ཡིན་པས། གཞན་ཡང་རྒྱལ་ཁབ་ཞིག་ལ་མཛངས་མ་ཡང་དགོས་པས། གུས་བཅས།

དགོངས་དག ཡི་གེ་རེ་གཉིས་གཏགས་ནོར་ཤོར་འདུག

ངས་ལྟོས་ན་ཁྱོད་ལ་ལྟ་རྒྱ་དང་མཐོང་རྒྱ་གང་ཡང་མེད་པའི་མི་ཞིག་རེད་སྙམ།
འདྲ་པར་ཞིག་ལ་ལྟོས་ནས་ཕ་རོལ་བ་ཞིག་གིས་མཛེས་ཆོས་ཀྱི་ཁྱད་པར་འབྱེད་ཁག་པོ་རེད། རྒྱུ་མཚན་དེའི་ཕྱིར་ངས་དེ་ལྟར་སྨོས་པ་ཡིན། འཛམ་གླིང་མཛེས་མའི་འདྲ་པར་ལ་ལྟོས་དང་བུད་མེད་ཁ་ཤས་ཀྱི་འདྲ་པར་མཛེས་མའི་དབྱིབས་ཙམ་ཡང་མེད་པ་མང་བོ་སྣང། འོན་ཀྱང་དེ་དག་མིང་དོན་མཚུངས་པའི་མཛེས་མ་མིན་ན་དེའི་འགྲན་སྡུར་བྲལ་དུ་ཚུད་ག་ལ་ཐུབ། དེ་དང་དེ་བཞིན་བོད་ཀྱི་མཛེས་མའི་འགྲན་སྡུར་ལའང་མིང་དོན་མཚུངས་པའི་མཛེས་མ་ཞིག་མིན་ན་འགྲན་སྡུར་བྲལ་དུ་ཞུགས་རྒྱུ་མ་རེད་སྙམ་མོ། ད་དགོངས་འགལ་མེད་པར་ཞུས།

ང་ཚོས་འདི་ལྟར་གླེང་ཡོང་དུས། ཁ་ཤས་ཤིག་གིས་ སྤྱིར་བཏང་གི་མཛངས་མ་དང་། དཔའ་པོ། མཁས་པ་སོགས་ནི་ཏག་ཏག་སྔོན་ཆད་ཀྱི་རྒྱ་གར་རིག་བྱེད་པ་འགས་གཏན་ལ་ཕབས་པའི་མཚན་ཉིད་དག་དང་མཐུན་དགོས་པ་དང་དེ་དག་རྣམ་ཡང་གཏན་ཚིག་དུ་འཛིན་དགོས་པར་རློམ་གྱིན་ཡོད་པ་འདྲ། དེ་ནི་དེ་དུས་ཀྱི་རྒྱ་གར་པ་ཚོར་དཔེ་བཞགས་ནས་ཁོ་རང་ཚོའི་བུད་མེད་ཚོ་དང་སྐྱེས་པ་ཚོ་གླེང་བསྡད་པ་དེ་རེད། དཔེར་ན་དེང་སྐབས་ཡང་ཕྱི་གླིང་ཀུན་ན་{Yoga}ཡོ་གྰ་ལ་ཨ་གསར་བྱས་ནས་གུ་རུ་ཞེས་ {སྰ་ཏྰོ་པྰ་པྰ་ཚོ}བོད་སྐད་དྲང་སྲོང་ཞེས་པ་དེ་གཙིག་ཏུ་བཀུར་པ་འདིས་མཚོན། ཡང་གཅིག་བཤད་ན་དུས་རབས་འགྱུར་འགྲོས་དང་བསྟུན་ནས་མཛངས་ཆོས་དང་མཛེས་ཆོས་དེ་དག་འཚམ་མིན་ལའང་བསམ་བློ་ཞིག་གཏོང་དགོས་པ་མ་རེད་དམ།
ཨ་ལ་་་་་མཇུག་དུ་ཀུ་རེ་ཞིག་ལ་ དེང་སྐབས་ང་ཚོ་བོད་པ་ལས་ཕྱི་གླིང་པ་ཚོ་ནས་མཛངས་མ་ཞིག་ལ་རེ་བ་རྒྱག་རྒྱུ་ཟེར་ན་ཁག་པོ་རེད་འདོད། ཕྱི་གླིང་བུད་མེད་ཚོའི་གཤིས་སྤྱོད་དེ་ང་ཚོའི་ཞེས་མོ་ཚོའི་གཤིས་སྤྱོད་ལས་ལྡབ་མང་པོ་ཞིག་གིས་རྩོག་གི་ཡ་་་་་

ཨ་ཧ་ཧ་ཧ། སོག་མེ་རི་ལགས། ཁྱེད་ཀྱིས་སྙན་ངག་ལ་གཏན་ནས་གཟིགས་མྱོང་མེད་པ་འདྲ། སླད་མར་ཁོམ་པ་རེ་ཡོད་དུས་སྙན་ངག་ལ་གཟིགས་རོགས་ཞུས་དང་། དེ་ནས་རྒྱུ་མཚན་ཅི་ཕྱིར་ལ་བརྟེན་ནས་དྲ་གྲོགས་ཚོར་བུད་མེད་མཛེས་ལྡན་མར་བསམ་འཆར་མང་བ་ད་གཟོད་ཁྱོད་ཀྱིས་རྟོགས་ཐུབ། འདིར་འཛོམས་པའི་དྲ་གྲོགས་ཚང་མ་སྙན་ངག་ལ་ཐུགས་མཉེས་པོ་ཡོད་སྟབས་འདི་ཀར་བསམ་འཆར་མང་བ་རེད། དེ་མ་རེད་དམ། བརྗོད་བྱ་བུད་མེད་མཛེས་མ་ཞིག་ཡིན་པ་ནས་བཟུང་དྲ་གྲོགས་ཚོར་སྐྱོ་སྣང་གང་ཡང་མེད་པར་དུས་ཚོད་མང་དུ་སྐྱེལ་གྱིན་ཡོད་པ་ཞུས་ག་ལ་དགོས།

དྲ་གྲོག་ཚོ་ང་དྲི་བ་གཅིག་ཡོད་ཚང་མས་ལན་ཡོད་པ་ཞུ།
དུས་བབས་ནང་ལ་གསར་འགྱུར་གལ་ཆེན་ཁག་མང་པོ་བྱུང་བའི་
ནང་ལ་འཛངས་མའི་གསར་འགྱུར་ལ་
བསམ་འཆར་མང་ཤོས་ཐོབ་པ་དེ་གང་རེད་དམ།

ཨ་ལ་ལ། འདི་གར་ཕོ་གསར་ཚང་མ་ཕྲག་དོག་དུག་གིས་མྱོས་ནས་ཚེ་རིང་སྐྱིད་ལ་སྨད་གང་ཐུབ་བྱེད་བཞིན་མཆིས། འོན་ཀྱང་དྲ་ཚིགས་འདིར་ཕེབས་མཁན་ཚང་མའི་བྲལ་ནས་ཚེ་རིང་སྐྱིད་ཀྱིས་བྲིས་བའི་ཚིགས་བཅད་ལས་ལེགས་པ་ཞིག་མི་འདུག དེ་ནི་བློ་གཟུ་བོར་གནས་པའི་གཏམ་ཞིག་ཡིན་པ་ལས་མོ་རང་ལ་འབྲེལ་བ་ཕར་ཞོག་མཐོང་ལམ་དུའང་གྱུར་མྱོང་མེད། གང་ལྟར་མོ་རང་གིས་བྲིས་པ་ཡིན་ནམ་གཞན་གྱིས་བྲིས་པ་ཁ་ཚོན་གཅོད་དཀའ་ན་ཡང་། བོད་ཀྱི་མཛེས་མའི་མིང་ཐོབ་མཁན་ཞིག་གི་ངོས་ནས་རང་གི་རིག་གནས་ལ་གོམས་འདྲིས་ཡོད་པ་བསྟོད་སྔགས་གྱི་མེ་ཏོག་འཐོར་བའི་གནས་གྱུར། ཁ་ནས་བཤད་ཚད་ཐམས་ཅད་ལག་ལེན་དུ་སྟར་རྒྱུ་འཁོར་ལོ་སྒྱུར་བའི་རྒྱལ་བོ་ལྟ་བུ་ཡིན་ན་མ་གཏོགས་མི་སུ་འདྲ་ཞིག་ཡིན་རུང་འགྲུབ་མི་སྲིད་པ་ཞིག་རེད། མོ་རང་མཛེས་མ་ཞིག་ཡིན་པའི་ཆ་ནས་སློབ་སྦྱོང་ལས་འཁྲིག་སྤྱོད་མང་ན་དེ་ལ་སྐྱོན་ག་རེ་ཡོད་པ་རེད། ཚང་མས་ངེས་རྒྱུ་ཞིག་ལ་མོ་རང་བཙུན་མ་ནི་མ་རེད། མོ་རང་ན་གཞོན་ཞིག་ཡིན་པའི་ཆ་ནས་ཕོ་གསར་མང་བོར་འགྲོག་འདྲིས་བྱ་རྒྱུ་ཐོབ་ཐང་དེ་མོ་ལ་ཡོད་པ་རེད། དེ་ལ་སྨད་ར་གཏོང་རྒྱུ་ཅི་ཞིག་ཡོད། ཀྱེ་མ། ཤེས་བྱའི་གནས་ལ་རྨོངས་པའི་ཕོ་ཧྲེང་འགས། རྣམ་དཔྱོད་མཆོག་ཏུ་ཡངས་པའི་མཛེས་ལྡན་མ། ཐོབ་པའི་གོ་སྐབས་དབེན་པའི་ཡི་མུག་སྟེ། ཆགས་སྡང་ཚིག་མཚོན་འཕེན་པ་ཅིས་མི་མཚར།

ཐུགས་རྗེ་ཆེ། དོན་མེད་དུ་ངའི་མིང་ཐོག་ལ་བཙན་འཛུལ་མ་བྱེད་རོགས། དོན་ཏག་ཡོད་ཁ་གསལ་པོར་ཤོད་དང་་་

གོང་གི་མཆན་འདེབས་མཁན་ཚོ་ཁྱེད་ཚོས་འུར་མ་བརྒྱགས། སྤྱིར་བཤད་ན་འཛངས་མ་འགྲན་བསྡུར་ཟེར་བ་འདི་གླད་པ་ལྗང་ཁུའི་སྲོལ་རྒྱུན་རྙིང་ཀོག་ཅིག་རེད། སྔོན་མ་རྒྱལ་པོ་དང་སྐུ་དྲག་ཚོས་བུད་མེད་མཛེས་མ་ཚོ་རྩེད་སྐྱེད་བྱེད་པའི་ལུགས་སྲོལ་ངན་པ་ཞིག་རེད། དེ་ཕྱིར་འཛམ་གླིང་ཐོག་གིས་མི་མང་པོ་ཞིག་གིས་དེ་ལ་ངོ་རྒོལ་བྱེད་ཀི་ཡོད་ནི་རེད། ལྷག་པར་བུད་མེད་ཀྱི་ཐོབ་ཐང་རྩོད་མཁན་ཚོས་ངོ་རྒཽལ་བྱེད་ཀི་ནི་རེད།
བློ་བཟང་དབང་རྒྱལ་གྱིས་འཛངས་མ་འགྲན་ནས་སྤྱིན་བདག་བཙལ་ཀི་ཡོད་པ་རེད། བུད་མེད་ཁ་ཤས་དེ་ལ་འཛུལ་ཞུགས་བྱེད་ཀིན་ཡོད་ནི་ཕྱི་རྒྱལ་ལ་ཐར་ཆེད་རེད། དེ་ནི་འཛངས་མ་འགྲན་བསྡུར་མ་རེད། ཕྱི་རྒྱལ་ལ་འགྲོ་བའི་འགྲན་སྡུར་རེད། བློ་དབང་གིས་ཁ་གསལ་བོ་བྱས་ནས་འཛངས་མ་སུ་ལ་ཐོབ་ན་དེ་ཕྱི་རྒྱལ་ལ་འགྲོ་ཐུབ་ནི་རེད་ལབ་ན་འཛུལ་ཞུགས་བྱེད་མཁན་མང་བ་ཡོང་སྲིད་པ་རེད།བོད་ཀྱི་འཛངས་བོད་སྐད་དག་མ་བཤད་མི་ཤེས་བ་ཞིག་ཡོད་བགྱི་མ་རེད།

ནོར་བཅོས། ༼དེ་ལ༽

ཧ་ཧ་ངས་ལྟོས་ན་ཁྱེད་རང་ཚོ་མེད་མཁན་དང་མཉམ་མྱོང་མེད་མཁན་རྐྱང་རྐྱང་ཡིན་ས་
རེད་བསམ་གྱི་འདུག་ ཁྱེད་རང་ཚོས་གཟིགས་དང་ ག་འདྲེས་སྣང་བ་སྐྱིད་པོ་བཤད་འདུག་
ངེས་གནས་ཡག་པོ་རེད་ད། ང་དགའ་རོགས་མེད་མཁན་ཁུར་རྐྱང་བ་ཞིག་ཡིན་ དེ་ཕྱོགས་ནས་ཁྱེད་རང་ཚོ་བསམ་འཆར་འདོན་རྒྱུ་ཡོད་དམ། ཁྱེད་རང་ཚོས་གང་འདོད་ལྟར་གནང་རོགས། དགོངས་པ་མ་མཚུངས་རོགས།

བོད་ཀྱི་དུས་བབས་རྩོམ་སྒྲིག་པ་ལགས། དྲ་ངོས་འདི་ན་འབྲོག་པ་ཞིག་འདུག ཁོའི་མིང་ལ་ཟླ་བ་ནོར་བུ་ཟེར་གི ད་དུང་འབྲོག་པ་རྒན་པོ་ཞིག་ཡིན་ཟེར། ཁོས་རྙོག་དྲ་མེད་ས་རྐྱང་རྐྱང་ནས་རྙོག་དྲ་བཤད་གི ཁོ་དྲ་ཐོག་འདི་ནས་གནས་སྐབས་རིང་བཀག་ན་ཡོང་གི་རེད་པས། གཅིག་ཐང་ན་དུས་བབས་ཀྱི་དྲ་ངོས་ཁོར་ཡུག་འདི་ཀྱ་སུན་པོ་བཟོ་གི་ཡོད་འགྲོ མི་ཚང་མ་ཉོབ་བསྡད་བཞག ཡང་མིན་ན། ཁོ་ལ་བསླབ་བྱ་ཞིག་བརྒྱག་རོགས། སྐུ་མཁྱེན།

འབྲོག་རྒན་ངས་བལྟས་ན། ལྷ་ཆབ་ཀྱིས་གསུངས་བ་ལ་རྒྱུ་མཚན་འདུག ཡིན་ན་ཡང་། ཚེ་རིང་སྐྱིད་ལ་རྒྱུ་མཚན་བློ་འབྱེད་ཀྱི་མིག་མེད་པར་མ་ཟད་སོ་སོར་སྐྱོན་བརྗོད་མཁན་ཡོད་ན་མགྱོགས་པོར་དྲ་ཐོག་ནས་གསུབས་གང་ཐུབ་བལྟ་གི་རེད། འབྲོག་རྒན་ངས་ཁ་སང་ཚེ་རིང་སྐྱིད་ཀྱི་སྐོར་ལ་དོན་ཚན་གསུམ་བཤད་པ་དེ་ཡང་གསུབས་ཚར་འདུག
དང་པོ། ཚེ་རིང་སྐྱིད་ཀྱིས་ལག་ལེན་དང་ཁ་བཤད་གཉིས་ཀ་ཐོ་མི་ཐུག་པའི་ལས་ཀ་རྐྱང་རྐྱང་བྱེད་ཀི
གཉིས་པ། ཚེ་རིང་སྐྱིད་ལ་སློབ་སྦྱོང་གི་བརྒྱུད་རིམ་ལས་འཁྲུག་སྤྱོད་ཀྱི་བརྒྱུད་རིམ་རིང་བ་ཡོད།
གསུམ་པ། ཚེ་རིང་སྐྱིད་ཀྱིས་སོ་སོའི་སྐད་ཆར་སོ་སོས་འགན་ཁུར་གྱི་མི་འདུག
དེ་རིང་གོང་གི་དོན་ཚན་དང་པོ་དང་གསུམ་་པའི་སྐོར་ནས་ངས་ཁུངས་སྐྱེལ་གྱི་ཡིན། རྩོམ་ཡིག་འདིའི་བརྗོད་བྱ་གཙོ་བོར་བཞག་ནས་ཁུངས་སྐྱེལ་གྱི་ཡིན། ད་དུང་རྩོམ་ཡིག་འདིའི་ནང་དུ་ཚེ་རིང་སྐྱིད་ཀྱིས་རྫུན་ཁ་ཤས་ཤིག་བཤད་འདུག དེ་དག་ཀྱང་རེ་རེ་བཞིན་ཐེར་འདོན་བྱེད་ཀྱི་ཡིན། དོན་ཚན་གཉིས་པ་དེ་གནས་སྐབས་ལ་འབྲེལ་བ་མི་འདུག
གསང་གཏོར་གྱིས་ཡིག་ནོར་བསམ་གཟས་ནས་སྤེལ་བ་རེད།
ཐོབ་ཏང་། ཐོབ་ཐང་།
བརྩོད་མཁན། རྩོད་མཁན།
རིན་པོ་མི་འདུག རན་པོ་མི་འདུག
བུ་མེད། བུད་མེད།
ག་རི། ག་རེ།
རྒད་པོ་གཙུག་ལག་ཁང་ནས་ཕྱིར་སླེབས་ནས་མཆན་བུ་འདེབས་ཀྱི་ཡིན།

འདི་གར་ཚེ་རིང་སྐྱིད་ཀྱིས་བཤད་པ་མང་བོ་ཞིག་ལ་སྐྱོན་འདུག སྤྱིར་ང་རང་བོད་གྱི་མཛངས་མའི་འགྲན་བསྡུར་ལ་རྒྱབ་སྐྱོར་བྱེད་མཁན་ཞིག་ཡིན་པར་མ་ཟད་ང་རང་སྡོད་གནས་ཡང་ཨ་རི་ཡིན། ཡིན་ཡང་བོད་གཞུང་གིས་མཁས་ལེན་མེད་བཞིན་དུ་མི་རེ་ཟུང་གིས་ཨུ་ཚུགས་བྱས་ཏེ་འགོ་བཙུགས་པ་དེ་ཧ་ཅང་གི་མི་འོས་པ་ཞིག་རེད། གོང་ས་མཆོག་དང་བཀའ་ཁྲིའི་མཆོག་མཆན་ཐོབ་ཡོད་ན་མཛེས་མའི་འགྲན་སྡུར་ལ་ལམ་ལྷོང་ཡོང་རྒྱུ་ཐེ་ཚོམ་མེད་པར་མ་ཟད་མཛེས་མའི་འགྲན་སྡུར་ལའང་བུད་མེད་བརྒྱ་ཕྲག་ལས་བརྒལ་སྲིད་པ་རེད། དེའི་བྲལ་ན་མིང་དོན་མཚུངས་པའི་མཛེས་མ་འཛམ་གླིང་ཡོངས་ལ་ངོམ་རིན་ཡོད་པ་ཞིག་ཏན་ཏན་ཡོད་ཀྱི་རེད། དེ་མིན་བུད་མེད་རེ་གཉིས་བྲལ་ནས་འདེམས་ཐོན་བྱུང་བ་དང་། ཁ་ཅིག་ལ་འགྲན་ཡ་ཡང་མེད་པར་འདེམས་པ་ནི་དངོས་གནས་བྱས་ན་ཁ་སྐྱེངས་དགོས་རྒྱུ་ལྟ་བུ་རེད་དམ་མ་རེད། བློ་བཟང་དབང་རྒྱལ་མཆོག་ལ་མཛངས་མ་འདེམས་རྒྱུ་དེ་འདྲིའི་འདུན་པ་ཆེན་པོ་ཞིག་ཡོད་ན། ཅི་ཕྱིར་ཨུ་ཚུགས་བྱས་ཏེ་བོད་གཞུང་རྒྱབ་སྐྱོར་རུ་མི་འཚལ། ཐབས་ཤེས་གང་དྲག་གིས་རེ་བ་བརྒྱབ་ན་བོད་གཞུང་གི་ཅི་ཕྱིར་ངོས་ལེན་མི་བྱེད། མཛངས་མའི་འགྲན་བསྡུར་ནི་བོད་ཀྱི་རིག་གཞུང་ལ་འགལ་བ་གང་ཡང་མེད་པར་སྙམ། འོན་ཀྱང་ཆོས་ཕྱོགས་ལ་བསམ་བློ་བཏངས་ན་འགལ་བ་ཡིན་པ་སྨོས་ཅི་དགོས། ༼དམན་པའི་ས་བཟུང་། གང་བྱུང་གི་འཚོ་བ་བརྟེན་། སྤྱོད་པ་གཙང་ལ་ཞིབ་ལ་སོགས་པ་ཆོས་ནས་བཤད་པའི་སྤྱོད་ལམ་གྱི་འགྲོ་སྟངས་མང་བོ་ཞིག་ལ་འགལ་ཡོད་པ་མངོན་གྱུར་རེད། འོན་ཀྱང་ཆོས་དང་ཅུང་ཟད་ཙམ་ཡང་མི་འགལ་བའི་ཆོས་པ་ཞིག་ཀྱང་དཀའ་བར་སྣང་ངོ། སྤྱིར་མཛེས་མའི་འགྲན་བསྡུར་ནི་ང་རྒྱལ་གྱི་སྤྱོད་པའི་ཆ་ཤས་ཤིག་ཡིན་པ་ཞུ་ག་ལ་དགོས། ཚེ་སྐྱིད་ཀྱིས༼ བོད་ཀྱི་མཛངས་མའི་མིང་འདི་ཐོབ་མཁན་དང་ཡང་ན་ལས་འགུལ་འདི་ལ་འཛུལ་ཞུགས་བྱེད་མཁན་དེ་ཚོ་གར་སྟེགས་སྒང་གི་གར་པ་ལྟ་བུ་ལ་ངོས་འཛིན་གིན་འདུག ༽ཅེས་པ་ནི། དེ་ལྟར་ལོས་ཡིན། གླུ་གར་བ་དང་མཛེས་མའི་འགྲན་བསྡུར་བ་ཚོ་གར་སྟེགས་སྒང་གི་གར་བ་མིན་ན་སུ་ཞིག་རེད། མ་འོང་བར་མཛེས་མའི་འགྲན་སྡུར་ལ་བརྒྱ་ཕྲག་ཁ་ཤས་འཛོམས་རྒྱུ་རེ་བ་ཡོད། ད་རེ་འདིས་ཆོག་པར་བྱ།

བོད་ནང་ཁང་ནས་གང་ལྟར་བརྗོད་ཀྱང་། ཕྱི་ལ་བོད་དོན་དྲིལ་བསྒྲགས་བྱེད་འདོད་མཁན་ཞིག་ཡིན་ན་མཛངས་མའི་འགྲན་བསྡུར་འདིས་ཕན་མེད་ན་གནོད་མེད་ཀི། དེས་ན་བོད་སྤྱི་སྒེར་གཉིས་ཀྱིས་དེའི་ཕྱོགས་ལ་ཐུགས་བསམ་ཡང་བསྐྱར་བཞེས་ན་འདོད།

ཚེ་རིང་སྐྱིད་ཁྱེད་རང་བུ་མེ་ཐོབ་ཏང་བརྩོད་མཁན་ཞིག་གིས་འདི་ལྟར་བཤད་ན་རིན་པོ་མི་འདུག མཛེས་མའི་འགྲན་བསྡུར་དེ་གཙོ་བུ་མེད་ཀྱི་གཟུགས་པོ་སྟོན་རྒྱུ་དེ་ཡིན་ཞིང༌། ང་ཚོ་ཚང་འགྲོ་མི་གཅིག་མཚུངས་ཡིན་པའི་ཆ་ནས་བུ་མེད་གཅིག་པུར་གཟུགས་ངོམ་དགོས་དོན་དེ་ག་རི་ཡིན་ནམ། དེ་འདྲ་མཉམ་མེད་པ་ཞིག་རང་བཞིན་གྱིས་མཚོན། གལ་སྲིད་ཁྱེད་རང་ཕོ་མོ་འདྲ་མཉམ་དགོས་བསམ་ན་མཛེས་འགྲན་བསྡུར་དེ་རིགས་རྩ་བ་ནས་རྒྱབ་བྱེད་ཀྱི་ཡོད་མ་རེད། སྤྱིར་ཁྱེད་རང་ལ་ཁག་ག་ལ་ཡོད། ཁྱེད་རང་ལས་གཞི་འདིའི་ནང་ཆ་ཤས་ལེན་ཚར་བའི་བུ་མེད་ཞིག་རེད། ཡིན་ནའང་ཞིབ་པར་དཔྱད་གོང་གི་གནད་དོན་དེ་ལ་རྒྱུ་མཚན་ཚད་ལྡན་ཡོད། བུ་མེད་ཚོས་བྱ་འགུལ་འདི་ལ་རྒྱབ་སྐྱོར་དང་མཉམ་ཞུགས་སོགས་བྱེད་ན་ཕོ་མོ་ལ་ཁྱད་པར་འདྲ་མཉམ་མེད་པ་ཡིན།