རྒྱ་ནག་གི་དྲུག་བཞིའི་དོན་རྐྱེན་དང་བོད་མིའི་ཞི་རྒོལ་སྐབས་ཀྱི་དམར་གསོད་དང་དྲག་གནོན་གཉིས་གཅིག་མཚུངས་ཡིན་པས། ང་ཚོ་ཚོགས་པ་བཞིའི་ངོས་ནས་ཁོང་ཚོར་རྒྱབ་སྐྱོར་དང་གདུང་སེམས་མཉམ་སྐྱེད་བྱ་རྒྱུ་ཡིན་ཟེར།
ཕྱི་ཚེས་ ༡ ཉིན་བོད་རྒྱལ་ཡོངས་དམངས་གཙོ་ཚོགས་པ་དང་བོད་ཀྱི་བུད་མེད་ལྷན་ཚོགས། བོད་ཀྱི་དགུ་བཅུ་གསུམ་ལས་འགུལ་ཚོགས་པ། བོད་རང་དབང་སློབ་ཕྲུག་ཚོགས་པ་བཅས་མཉམ་འབྲེལ་ངྷ་སར་གསར་འགོད་གསལ་བསྒྲགས་ཤིག་བསྐྱངས་སོང་ལ། སྐབས་དེར། ཚོགས་པ་བཞིའི་ཚོགས་གཙོ་རྣམས་ཀྱིས་བཤད་དོན། རྒྱ་ནག་གི་གནམ་བདེ་སྒོ་མོ་ཆེའི་དོན་རྐྱེན་བྱུང་སྟེ་མི་ལོ་ ༢༠ འཁོར་ལ་ཉེ་བའི་དུས་འདིར་ང་ཚོ་ཚོགས་པ་བཞིའི་ངོས་ནས་དོན་རྐྱེན་དེའི་ཁྲོད་གནོད་འཚེ་ཕོག་མཁན་རྣམས་ལ་གདུང་སེམས་མཉམ་བསྐྱེད་དང་། རྒྱ་ནག་ནང་གི་དམངས་གཙོ་དང་འགྲོ་བ་མིའི་ཐོབ་ཐང་དོན་གཉེར་བ་རྣམས་ལ་རྒྱབ་སྐྱོར་བྱ་ཆེད། ཟླ་འདིའི་ཚེས་ ༣ ཉིན་བཞུགས་སྒར་ངྷ་རམ་ས་ལར་མཚན་རྟགས་བསྡུ་རུབ་དང་མར་མེ་ཁྲོམ་སྐོར། དྲུག་བཞིའི་དོན་རྐྱེན་དང་འབྲེལ་བའི་གློག་བརྙན་ཏེ། གནམ་བདེ་སྒོ་མོ་ཆེ་ The Gateway of peace ཞེས་པ་གཟིགས་འབུལ་གནང་རྒྱུ་ཡིན་ལ། ཕྱི་ཚེས་ ༤ ཉིན་རྒྱ་ནག་གི་དམངས་གཙོ་དོན་གཉེར་བ་ཝང་ཏན་གྱིས་སྐུལ་འདེད་གནང་པའི་༼རྒྱ་ནག་གི་ཉིན་དཀར༽ཞེས་པའི་དུས་དྲན་སྲུང་གཙི་གནང་སྟེ་རྒྱ་ནག་དམངས་གཙོ་དང་འགྲོ་བ་མིའི་ཐོབ་ཐང་དོན་གཉེར་བ་རྣམས་ལ་སྐྱོར་བྱ་རྒྱུ་ཡིན། ཟེར་ལ།
ང་ཚོས་རྒྱབ་སྐྱོར་བྱ་དགོས་པའི་དམིག་ཡུལ་གཙོ་བོ་ནི། ཕྱི་ལོ་ ༡༩༨༩ ལོའི་དྲུག་བཞིའི་དོན་རྐྱེན་དང་ ༢༠༠༨ ལོའི་བོད་མིའི་ཞི་བའི་སྒེེར་ལངས་སྐབས་རྒྱ་གཞུང་གིས་དམར་གསོད་དང་དྲག་པོས་བཙན་གནོན་བྱས་པ་གཉིས་གཅིག་མཚུངས་ཡིན་པ་དང་། རྒྱ་ནག་གི་དྲང་བདེན་མ་ཡིན་པའི་ཁྲིམས་གཅོད་དང་དྲག་གནོན། འཇུ་བཟུང་སོགས་གནམ་བདེ་སྒོ་མོ་ཆེའི་སྡེབ་གསོད་དོན་རྐྱེན་དང་། བོད་ནང་ཞི་བའི་སྒེར་ལངས་དེ་དག་དམངས་གཙོའི་བགྲོད་ལམ་སྟེང་གི་བདེན་པ་དག་སྐྱེལ་གྱི་ལས་འགུལ་ཤ་སྟག་ཡིན་སྟབས་ང་ཚོས་རྒྱབ་སྐྱོར་བྱེད་བཞིན་ཡོད་ལ། རྒྱ་ནག་དམངས་གཙོའི་ལས་འགུལ་གྱི་ཚོགས་སྡེ་དང་མཉམ་ལས་བྱ་རྒྱུའི་དམ་བཅའ་སྙིང་ལ་བཅངས་སྟེ། རྒྱ་ནག་ལ་འགྲོ་བ་མིའི་ཐོབ་ཐང་དང་བོད་ལ་རང་དབང་ཐོབ་རྒྱུའི་རེ་འདུན་བཅངས་ཡོད་ལ། རྒྱ་ནག་དམངས་གཙོ་ཡང་དག་པ་ཞིག་བྱུང་ཚེ་བོད་ཀྱི་གནད་དོན་ལ་འབྱུང་འགྱུར་ཐག་གཅོད་ཀྱི་གདམ་ཀ་ཞིག་སྤྲོད་པར་ཡིད་ཆེས་ཡོད། དེ་བས། རྒྱ་གཞུང་གི་ངོས་ནས་གནམ་བདེ་སྒོ་མོ་ཆེའི་དོན་རྐྱེན་ཁྲོད་གནོད་འཚེ་ཕོག་པའི་མི་སྒེར་དང་ཁོང་ཚོའི་ནང་མི་རྣམས་ལ་ལུགས་མཐུན་གྱི་ཀུན་གསབ་དང་ལོ་རྒྱུས་ཀྱི་ནག་ཉེས་ངོས་ལེན་ཞུ་དགོས་པ་མ་ཟད། ༦་༤ དོན་རྐྱེན་ཁྲོད་རང་སྲོག་ཤོར་བའི་སློབ་ཕྲུག་དག་གི་ཨ་མ་ཚོས་གནད་དོན་དེ་རྒྱ་གཞུང་གིས་ཞིབ་བཤེར་དགོས་པ་དང་། གནམ་བདེ་སྒོ་མོ་ཆེའི་དོན་རྐྱེན་དང་འབྲེལ་བའི་ཆབ་སྲིད་བཙོན་མ་དང་ས་བྱི་ཞི་རྒོལ་ཆེན་མོའི་སྐབས་འཇུ་བཟུང་བྱས་པའི་བོད་པའི་ཆབ་སྲིད་བཙོན་པ་རྣམས་གློད་གྲོལ་བྱ་དགོས། ཅེས་འབོད་སྐུལ་ཡང་གནང་སོང།
![Because of high altitudes in the Himalayas, difficult terrain and often poor weather, the Kailash Manasarovar pilgrimage if one of the most challenging in the world [File: Purnima Shrestha/Reuters]](https://tibettimes.net/wp-content/uploads/2026/05/Screen-Shot-2026-05-14-at-5.25.22-PM-360x180.png)
རེད་ཡ་ཀློག་མཁན་གྲོགས་པོ་དག་གི་བསམ་ཚུལ་ཡང་བདེན་པ་རེད།
དེང་སྐབས་རྒྱ་ནག་ནང་དུ་དུས་ཆེན་བརྩི་སྲུང་མང་དུ་འགྲོ་བཞིན་པ་དང་། དཔེར་ན། ཧྥ་ལུང་གོན་དང་དྲུག་བཞིའི་དོན་རྐྱེན། ད་དུང་ཞིན་ཅང་ཡུ་གུར་རིགས་དང་བོད་ཀྱི་གནད་དོན་སོགས་མང་དག་གཅིག་གིས་རང་ཉིད་ཀྱི་མི་རིགས་དང་རྒྱལ་ཁབ་ཀྱི་ཆེད་དུ་རང་སྲོག་བློས་བཏོང་མཁན་ཚོའི་རྗེས་ལ་ལོ་རེ་དང་ཟླ་རེར་བཞིན་དུ་རྗེས་དྲན་གྱི་མྱ་ངན་མཆོད་འབུལ་དང་དེ་དག་གི་རང་ལུགས་ལ་རྒྱབ་སྐྱོར་བྱེད་པའི་ནུས་པ་ཆེ་རུ་འགྲོ་བཞིན་པ་འདི་དག མདུན་སྐྱོད་ཀྱི་གོམ་ཁ་ཇེ་མགྱོགས་དང་ནུས་པ་ཇེ་ཆེར་འགྲོ་བཞིན་པའི་གནས་ཚུལ་རེད།
དེ་ན་ང་ཚོས་ཕྱི་ནང་གཉིས་ནས་མུ་འཐུད་དུ་སེམས་མ་ཞུམ་པར་འགྲོ་རྒྱུ་དེ་གལ་ཆེན་པོ་རེད།
ཆབ་སྲིད་ཀྱི་ལས་ཀ་བྱེད་སྟངས་ཟེར་བ་དེ་ནི་འདི་འདྲ་ཞིག་ཡིན་པར་ཤོག་ཟེར་རྒྱུ་ལས་ཚོགས་པ་བཞིའི་ལས་འགུལ་འདི་ལ་བཟང་ངན་ཡག་བཙོག་གང་ཡིན་དངོས་ནས་བཤད་དོན་མི་འདུག
དྲ་གྲོགས་ཡོན་བྷེ་ཡིས་ཡག་པོ་གསུངས་སོང་། ད་ལྟ་ང་ཚོས་གུང་ཁྲན་ཏང་ལ་སྡང་ཡང་མ་འོངས་བར་རྒྱ་ནག་དམངས་གཙོ་རུ་འགྱུར་རུང་ང་ཚོ་ལ་ཁེ་བཟང་ཨེ་ཡོད་སྙམ་པའི་དོགས་པ་འདུག་ལ། གལ་སྲིད་ད་ལྟ་རྒྱ་གཞུང་འདི་གུང་ཁྲན་ཏང་མ་ཡིན་པར་གོ་མིན་ཏང་གི་དབང་འོག་ཏུ་ཡོན་ན་གུས་པར་མཚོན་ན་གུང་ཁྲན་ཏང་གི་སྡུག་མིན་ན་ཡན་ཡིན་པའི་་ཡིད་ཆེས་མེད། སྐབས་འདིའི་ཐེ་ཝན་སྲིད་འཛིན་གསར་བའི་བྱས་སྟངས་ལ་གཞིག་ན་བློ་ཕམ་སྤྱད་ཞིག་ཏུ་འདོད།
ང་ཡང་ཞེས་པའི་ཚིག་དེ་ལྷག་མ་ཤོར་འདུག་པས་དགོངས་དག་ཞུ།
མ་གཞི་ཡག་པོ་རེད། ཡིན་ནའང་ད་དུང་བསམ་དགོས་པ་མང་པོ་ཡོེད་རེད། གང་ཡིན་ན་ཞེ་ན། རྒྱ་ནག་གི་དྲུག་བཞིའི་དོན་རྐྱེན་དང་བོད་ཀྱི་ཉིས་སྟོང་བརྒྱད་ལོའི་མི་མང་སྒེར་ལངས་གཉིས་རང་དབང་གི་ཆེད་དུ་ཡིན་པ་གཅིག་རུང་། གནས་སྟངས་འདི་གཉིས་ཕྱོགས་ཡོངས་ནས་གནས་སྟངས་གཅིག་པ་དང་གནད་དོན་གཅིག་པའི་ངོས་འཛིན་བྱེད་རྒྱུ་གཏན་ནས་མེད། འདི་གཉིས་ལ་ངོ་བོའི་ཆ་ནས་མི་འདྲ་བའི་ཁྱད་པར་ཡོད་ལ། གནས་ཚུལ་འབྱུང་ཁུངས་ཀྱི་ཆ་ནས་མི་འདྲ་བའི་ཁྱད་པར་ཡོད། དེ་བཞིན་ད་དུང་མི་རིགས་ཀྱི་ཆ་ནས་ཨ་ཅང་ཅང་བཤད་མ་དགོས་པ་རེད། གལ་སྲིད་དྲུག་བཞིའི་དོན་རྐྱེན་ནང་མང་གཙོ་དང་རང་དབང་གི་ཆེད་དུ་ཤི་ཟིན་པའི་གང་ཟག་ཅིག་གི་ལག་ཏུ་རྒྱ་ནག་གི་སྲིད་རེག་ཡོད་ན་བོད་ལ་བཀྲ་ཤིས་བདེ་ལེགས་ཤིག་བྱེད་ཀྱི་རེད་སྙམ་པའི་ཡིད་ཆེས་ཡོད་དམ། ངས་བསམ་ན་གཏན་ནས་བཀྲ་ཤིས་བདེ་ལེགས་ཤིག་བྱེད་གི་མ་རེད། རང་དབང་རྩོད་ལེན་པ་དང་མང་གཙོ་དོན་གཉེར་བ་ཡིན་ཞེས་ག་ཚོད་བཤད་རུང་རྒྱ་ནག་མི་རིགས་ཆེན་མོའི་ཞེན་ཁོག་སེམས་སུ་ཡོད་ཡོད་པ་རེད།
ཡིན་ཡང་འདི་ནས་གསལ་བཤད་བྱེད་རྒྱུ་ཞིག་ལ་ལས་འགུལ་འདི་གཉིས་ཕྱོགས་ཡོངས་ནས་གཅིག་པ་མིན་པའི་གནད་དོན་འགྲེལ་བཤད་བྱས་པ་ཙམ་ལས་ཁོ་ཚོ་ལ་རྒྱབ་སྐྱོར་བྱས་པ་ནོར་བ་རེད་ཅེས་བཤད་ཀྱི་མེད། ང་ཡང་ཕྱོགས་གཅིག་ནས་ང་ལ་ཡང་ཁོང་ཚོར་རྒྱབ་སྐྱོར་དང་གུས་བརྩི་ཡོད།