པེ་ཅིན་གནམ་བདེ་སྒོ་མོའི་ཐང་དུ་དྲུག་བཞིའི་མང་གཙོའི་ལས་འགུལ་བྱུང་ནས་ལོ་ཉི་ཤུ་འཁོར་བའི་སྐབས་འདིར། ངོས་ནས་རྒྱ་ནག་ལ་སེམས་ཁུར་བྱེད་མཁན་ཡོངས་དང་ལྷན་དུ། མང་ཚོགས་ཀྱི་བསམ་འདུན་མཚོན་པར་བྱས་ནས་རྒྱ་ནག་གཞུང་ལ་རང་གི་མི་མང་གི་ཆེད་དུ་འགན་ཁུར་ལེན་དགོས་པའི་རེ་འདུན་བཏོན་པའི་ལས་འགུལ་ནང་ལུས་སྲོག་ཤོར་བ་རྣམས་ལ་རྗེས་དྲན་བྱེད་བཞིན་ཡོད།
སྐབས་དེར་གནམ་བདེ་སྒོ་མོའི་ཐང་ཆེན་གྱི་མང་གཙོའི་ལས་འགུལ་ནང་ཞུགས་མཁན་གྱི་སློབ་ཕྲུག་རྣམས་ནི། གུང་ཁྲན་ཏང་དང་སྤྱི་ཚོགས་རིང་ལུགས་ལ་ངོ་ལོག་བྱེད་མཁན་ཞིག་མ་ཡིན་པར། དེ་ལས་ལྡོག་སྟེ་སློབ་ཕྲུག་རྣམས་ཀྱིས་རྩ་ཁྲིམས་སྲུང་སྐྱོབ་དང༌། མང་གཙོ་དར་སྤེལ། རུལ་སུངས་ལ་ངོ་རྒོལ་བཅས་ཀྱི་འབོད་ཚིག་སྒྲོགས་ཡོད་པ་དེ་ནི་ཏང་དང་སྲིད་གཞུང་གི་གཞི་རྩའི་འདོད་ཕྱོགས་དང་མཐུན་པ་སྐབས་དེའི་རྒྱ་ནག་གི་གཙོ་འཛིན་སྐུ་ཞབས་ཀྲའོ་ཙི་དབྱང་གི་ཞལ་གསུང་ལོ་རྒྱུས་ནང་གདེང་འཇོག་ཆེན་པོས་མཇུག་སྡོམ་གནང་ཡོད། རྒྱ་ནག་མི་མང་སྤྱི་མཐུན་རྒྱལ་ཁབ་དབུ་བརྙེས་ནས་མི་ལོ་དྲུག་ཅུ་འཁོར་བའི་སྐབས་འདིར། དྲུག་བཞིའི་དོན་རྐྱེན་ལ་བསྐྱར་ཞིབ་བྱ་རྒྱུ་ནི་གོ་སྐབས་བཟང་པོ་ཞིག་ཏུ་མཐོང༌།
ཕྱི་ལོ་ ༡༩༨༩ ལོ་ནས་བཟུང༌། རྒྱ་ནག་མི་མང་སྤྱི་མཐུན་རྒྱལ་ཁབ་ལ་འགྱུར་བ་ཆེན་པོ་བྱུང་ཡོད་པ་དང༌། དེང་སྐབས་རྒྱ་ནག་གི་དཔལ་འབྱོར་གྱི་སྟོབས་ཤུགས་ལ་བརྟེན་ནས་སྟོབས་ཆེན་རྒྱལ་ཁབ་བྱ་རྒྱུའི་གྲ་སྒྲིག་ཆ་ཚང་བྱས་ཡོད། དེ་ལྟར་ཐོབ་བཞིན་པའི་གྲུབ་འབྲས་ཁག་ཁས་ལེན་དང་ཆབས་ཅིག་རྒྱ་ནག་གི་དབུ་ཁྲིད་རྣམས་ལ་དངོས་ཡོད་འདྲ་མཉམ་གྱི་རྩ་དོན་ཁས་ལེན་དང༌། བསམ་ཚུལ་འདྲ་མིན་ལ་བསམ་ཤེས་བཟོད་བསྲན་བཅས་བྱ་རྒྱུའི་སྙིང་སྟོབས་ཀྱང་ལྡན་དགོས་པའི་རེ་བ་བྱེད་ཀྱིན་ཡོད།
གུ་ཡངས་དང་ཚུལ་ལྡན་གྱི་སྲིད་བྱུས་གསར་པ་ཞིག་བཟུང་ན། རྒྱ་ནག་གི་སྤྱི་ཚོགས་དེ་དངོས་ཡོད་འཆམ་མཐུན་གྱི་ལམ་དུ་འཁྲིད་ཐུབ་རྒྱུ་མ་ཟད། རྒྱལ་སྤྱིའི་ཁྱིམ་ཚང་ཆེན་པོའི་ནང་རྒྱ་ནག་གི་ཆེ་མཐོང་ཡང་མཐོ་རུ་འགྲོ་རྒྱུ་ཡིན་པར་ངས་ངོས་འཛིན་བྱེད་ཀྱིན་ཡོད། འགྲོ་ཀུན་བདེ་བའི་སྨོན་འདུན་བཅས།
ཏཱ་ལའི་བླ་མ་སྐྱེ་འཕྲེང་བཅུ་བཞི་པས་ཕྱི་ལོ་ ༢༠༠༩ ཕྱི་ཟླ་ ༦ ཚེས་ ༤ ལ།
ཡིད་ཆེས་ལས་བརྟག་དཔྱད་གལ་ཆེ་བ་ཨེ་ཤེས།
བཀུར་འོས་པའི་དྲ་གྲོགས་རྣམ་པ། རིན་བྲལ་གྱི་གསུང་འཕྲིན་འདི་ལ་སྐྱབས་སུ་མཆི་ཟེར་རྒྱུ་གལ་ཆེན་མ་རེད་་་་དགོས་འདུན་མྱུར་འགྲུབ་་་་་་བདེ་སྐྱིད་ཀྱི་ཁྱིམ་གཞི་་་་་འགན་ཁུར་མེད་ལ་སྒྱུད་ལུག་གི་སྐད་ཆ་དེ་ལྟ་བུའི་ཅི་བྱེད། ཨ་མའི་བུ་ལ་སེམས་ཤུགས་ཡོད་ན་གསུང་འཕྲིན་འདི་ཕབ་བསྒྱུར་གྱི་རྒྱ་རིགས་གཙོའི་འཛམ་གླིང་མི་རིགས་ཡོང་ལ་གསལ་སྟོན་དང་འགྲེམ་སྤེལ་བྱེད་དགོས། འདི་ན་བོད་མི་རིགས་ཀྱི་སྤྱི་དོན་ཡིན་ལ་མི་ངོས་རེའི་སྒེར་དོནའང་ཡིན།
༧སྐྱབས་གནས་བོད་མི་མང་གི་སྐྱབས་གནས། འགྲོ་བ་ཡོངས་ཀྱིས་སྤྱི་ནོར་གྱིས་བཀའ་གསུང་འདི། རྒྱ་དམར་སྲིད་གཞུང་གིས་དཔོན་པོ་དེ་དག་རྣ་བའི་བུ་གར་འབྱོར་ནས་འགྲོ་བ་མིའི་རིགས་ཀྱི་རང་དབང་དང་བདེ་སྐྱིད་ལ་ལོངས་སུ་སྤྱོད་འདོད་ཡོད་པའི་བོད་མི་གཙོ་བའི་རྒྱ་རིགས་ཡོངས་ལ་བདེ་སྐྱིད་ཀྱི་ཁྱིམ་གཞི་གསར་བ་ཞིག་རེག་པར་སྨོན་འདུན་ཞུ།
སྐྱབས་སུ་མཆི།
རིན་བྲལ་གྱི་བཀའ་སློབ་འདི་བཞིན་རྒྱ་མི་རིགས་སྤྱི་དང་། ཡང་སྒོས་རྒྱ་རིགས་མང་གཙོ་དོན་གཉེར་བ་རྣམས་ཀྱི་རྣ་བའི་བུ་གར་སིམ་སྟེ་སྙིང་གའི་བདུད་རྩིར་འགྱུར་བར་སྨོན།
དྲུག་བཞིའི་དོན་རྐྱེན་ཁྲོད་ཚེ་སྲོག་ཤོར་བའི་སློབ་མ་རྣམས་ལ་མྱ་ངན་རྗེས་དྲན་དང་།
གུས་བཏུད་ཞུ་རྒྱུ་མ་ཟད། ཁྱེད་རྣམས་ཀྱི་ཚེ་སྲོག་སྟོང་ཕྲག་མང་པོ་མེ་མདའ་དང་ལྩགས་ཁྲབ་འཁོར་ལོའི་འོག་ཤོར་བའི་མཐའ་འབྲས་སུ་ཁྱེད་རྣམས་ཀྱི་དགོས་འདུན་མཐའ་མྱུར་འགྲུབ་པའི་གསོལ་བ་སྨོན་ལམ་འདེབས།