ང་ལ་བྱམས་བརྩེའི་ཐུགས་ཁུར་དང་རྒྱབ་སྐྱོར་གནང་བའི་བོད་ཁྱིམ་སློབ་གྲྭ་དང་། དགེ་རྒན་དམ་པ་དག་ལ་དྲིན་བཟོ་ཆེད་དང༌། རི་མོ་སྒྱུ་རྩལ་ཐད་སློབ་གཉེར་གནང་མུས་དག་ལ་མུ་མཐུད་ཤུགས་སྣོན་ཡོང་བའི་རེ་སྐུལ་ཙམ་ཡིན་ཟེར།
ཟླ་འདིའི་ཚེས་ ༡ ནས་ ༢ བར་ཉིན་གྲངས་གཉིས་རིང་བོད་རིགས་གཞོན་སྐྱེས་རི་མོ་བ་བསྟན་འཛིན་གྲགས་པ་ལགས་ཀྱིས་གནའ་བོའི་བོད་ཀྱི་སྲོལ་རྒྱུན་རི་མོ་དང་དེང་རབས་རི་མོ་ཟུང་འབྲེལ་ཐོག་བྲིས་པའི་བརྩམས་ཆོས་ཁག་ཅིག་ངྷ་སྟེང་བོད་ཁྱིམ་རིག་གཞུང་བསྟི་གནས་ཁང་དུ་འགྲེམས་སྟོན་བྱས་ཡོད་ལ། ཐེངས་འདིའི་རི་མོ་འགྲེམས་སྟོན་གྱི་དམིགས་ཡུལ་ཐད་ཁོང་གིས་འདི་གའི་གསར་ཁང་ལ་ངོ་སྤྲོད་གནང་དོན། མི་ལོ་འདི་དག་རིང་ལ་ང་རང་མ་ཡུམ་སློབ་གྲྭ་འདི་དང་དགེ་རྒན་དམ་པ་དག་གི་ཐུགས་ཁུར་དང་རྒྱབ་སྐྱོར་འོག་ཤེས་བྱ་ཇི་རྙེད་ཅིག་སྦྱངས་ཐུབ་པའི་གོ་སྐབས་ཐོབ།
ད་ལོ་ང་རང་ལྡི་ལི་མཐོ་སློབ་སྒྱུ་རྩལ་སྡེ་ཚན་ནས་ཐོན་རྗེས་མུ་མཐུད་རི་མོ་སྒྱུ་རྩལ་ལས་རིགས་ཐོག་སྦྱོང་བ་བྱེད་བཞིན་ཡོད། ཐེངས་འདིར་ང་རང་སྒེར་གྱི་བརྩམས་ཆོས་དམིགས་བསལ་ཅན་ཁག་ཅིག་འགྲེམས་སྟོན་བྱས་པ་ཡིན། འདི་ཙམ་གྱིས་སྦྱང་འབྲས་ཆ་ཚང་མངོན་དཀའ་ཡང་ཐབས་ལམ་འདི་བརྒྱུད་དེ། ད་ལྟའི་བར་ང་ལ་བྱམས་བརྩེའི་ཐུགས་ཁུར་དང་རྒྱབ་སྐྱོར་གནང་བའི་བོད་ཁྱིམ་སློབ་གྲྭ་དང། དགེ་རྒན་དམ་པ་དག་ལ་དྲིན་བཟོ་ཆེད་དང༌། རི་མོ་སྒྱུ་རྩལ་ཐད་སློབ་གཉེར་བྱེད་མུས་དག་ལ་མུ་མཐུད་ཤུགས་སྣོན་ཡོང་བའི་རེ་སྐུལ་ཙམ་ཡིན།
ད་ལོ་བོད་གཞུང་མང་བཙན་བྱོལ་ཏུ་འབྱོར་ཏེ་མི་ལོ་ ༥༠ འཁོར་བའི་དམིགས་བསལ་གྱི་ལོ་ཞིག་ཡིན་ལ། ང་ནི་བོད་པ་སྐྱབས་བཅོལ་གྱི་དུས་རབས་ཕྱེད་ཀ་འདིའི་ནང་འཚར་ལོངས་བྱུང་བའི་གཞོན་སྐྱེས་ཤིག་ཡིན་སྟབས། མི་ལོ་ ༥༠ སྐྱིད་སྡུག་གི་རྣམ་པ་དེ་སྲོལ་རྒྱུན་དང་དེང་རབས་ཟུང་འབྲེལ་ཀྱི་རི་མོའི་ཐོག་ནས་མཚོན་ཐབས་བྱེད་ཀྱིན་ཡོད། ཅེས་བརྗོད་བྱུང༌།
གཞོན་སྐྱེས་རི་མོ་བ་བསྟན་འཛིན་གྲགས་པ་ལགས་ནི། རྒྱ་གར་ནས་འཚར་ལོངས་བྱུང་ཞིང་ད་ལྟ་རང་ལོ་ ༢༥ ཡིན་འདུག ༢༠༠༠ ཙམ་ནས་རི་མོ་སྒྱུ་རྩལ་ལས་རིགས་ལ་ཞུགས་ཤིང། བོད་ཀྱི་སྲོལ་རྒྱུན་ལྷ་བྲིས་ཐང་ག་སྒྱུ་རྩལ་དང་སྐུ་འདྲ། དེ་བཞིན་དེང་རབས་རི་མོ་སོགས་ལ་སྦྱངས་ཏེ། ད་ལོ་ལྡི་ལི་མཐོ་སློབ་ནས་ཐོན་ཏེ་བསྐྱར་དུ་ཞིབ་འཇུག་སློབ་མར་ཞུགས་ཡོད་འདུག
hi frd
great, we are proud of you. carry on
ཡིད་དབང་འཕྲོག་པ་ཞིག་བྲིས་འདུག གོང་དཀར་རྒྱ་མཚོ་དྲན་ཡོང་། ང་ཚོར་ཁུངས་མི་འཁྱོལ་བའི་ཆབ་སྲིད་པ་མང་བ་མ་གཏོགས་ཁུངས་དག་པའི་རི་མོ་བ་དཀོན་པའི་མུ་གེ་ཞིག་བྱུང་འདུག ཐུགས་རྗེ་ཆེ།