ལོ་འདིའི་བོད་ཀྱི་མཛངས་མའི་འགྲན་བསྡུར་དེ་ཕྱི་ཚེས་ ༥ ཉིན་མགོ་བཙུགས་ཤིང་། ཉིན་དང་པོ་དེར་བོད་ཀྱི་མཛངས་མའི་འགྲན་བསྡུར་འདིའི་རྩོད་གཞི་ཆེ་ཤོས་ཀྱི་རྣམ་གྲངས་ཏེ། རྐྱལ་གོས་འགྲན་བསྡུར་བྱས་ཡོད།
ས་གནས་དང་རྒྱལ་སྤྱིའི་གསར་འགོད་པ་དང་། གཟིགས་མོ་བ་བཅས་ཀྱིས་བསྐོར་བའི་ཁྲོད། ༢༠༠༩ ལོའི་བོད་ཀྱི་མཛངས་མའི་འགྲན་བསྡུར་ལ་ཞུགས་མཁན་བུ་མོ་བཞི་དེས་ཕྱི་ཚེས་ ༥ ཉིན་རྐྱལ་གོས་གོན་ཏེ། དངོས་སུ་འགྲན་བསྡུར་ནང་ཞུགས། བུ་མོ་བསྟན་འཛིན་ཆོས་འཛོམས་ལ་མཚོན་ན་རང་ལོ་ 
༡༦ སྟེ། འདས་པའི་ལོ་བཞིའི་རིང་ནས་དེ་རིང་གི་འགྲན་བསྡུར་འདིར་བསྒུག་པ་ཡིན་ཟེར། ཁོ་མོས་རྐྱལ་གོས་ནི་བོད་མིའི་སྲོལ་རྒྱུན་གྱི་ཆས་གོས་མིན་ནའང་། དེང་རབས་ཡོངས་ཁྱབ་དང་ལུགས་མཐུན་གྱི་གྱོན་གོས་ཡིན་སྟབས། འཚེར་སྣང་དང་ངོ་ཚ་དགོས་པ་དེ་འདྲ་མ་རེད་ཟེར། དེ་བཞིན་དུ། ཁོ་མོས་ཕྱི་ཚེས་ ༥ ཉིན་གྱི་ཐོག་མའི་འགྲན་བསྡུར་སྐབས་བོད་རིགས་གཞོན་སྐྱེས་ཚོར་བརྡ་ལན་ཞིག་བསྐུར་བ་ནི། ཚང་མས་སྲིན་འབུ་འཁྲིགས་པའི་ན་ཚའི་ཕྱོགས་གཟབ་ནན་བྱེད་དགོས་པ་དང་། མི་རིགས་དང་རང་ཉིད་སོ་སོའི་འཕྲོད་བསྟེན་གྱི་ཆེད་དུ་ན་ཚ་འདིའི་རིགས་ལ་ངེས་པར་གཟབ་གཟབ་གནང་རོགས་ཞེས་དང་། ཁོ་མོར་བོད་ཀྱི་མཛངས་མའི་འགྲན་བསྡུར་གྱི་རྒྱལ་ཁ་ཐོབ་པ་ཡིན་ན་འདིའི་ཐད་རང་ཉིད་ལ་གང་ཡོད་པའི་ནུས་པ་འབུལ་འདོད་ཡོད་ཟེར། བོད་པའི་བུ་མོ་ཚོར་ངོ་ཚ་སྨིན་པོ་ཡོད་པ་མོས་ཤེས། ཡིན་ཡང་རྗེས་ཕྱོགས་འདི་ལྟའི་འགྲན་བསྡུར་ནང་ཞུགས་པ་ལ་ངོ་ཚ་དགོས་པ་མ་རེད། ཅེས་ཀྱང་བཤད་སོང་།
བུ་མོ་སྒྲོལ་དཀར་ལགས་ཀྱིས། ང་ཚོར་རང་གི་ལུང་པར་རང་བཙན་མེད་པའི་དུས་སྐབས་ཐབས་རྡུགས་འདི་འདྲ་ཞིག་ལ། བོད་པའི་བུ་མོ་ཚོས་བོད་ཀྱི་མཛངས་མའི་འགྲན་བསྡུར་ལྟ་བུའི་ལས་འགུལ་ནང་ཞུགས་ཏེ། སོ་སོའི་བསམ་ཚུལ་དང་ནུས་པ་ཅི་ཡོད་འདོན་ཐུབ་དགོས་པ་རེད། འདི་ལྟ་བུ་ཞིག་གི་ནང་དུ་ཞུགས་རྒྱུའི་བློ་སྟོབས་ཀྱང་མེད་དུས་ཚར་བ་རེད། ཅེས་ཟེར།
དེ་བཞིན། བུ་མོ་ཡེ་ཤེས་ལྷ་མོ་ལགས་ཀྱིས། ཁོང་ལ་བོད་ཀྱི་མཛངས་མའི་འགྲན་བའགྲན་གྱི་རྒྱལ་ཁ་ཐོབ་པ་ཡིན་ན་རྗེས་ཕྱོགས་བཙན་བྱོལ་བོད་གཞུང་ལ་རོགས་རམ་གང་ཐུབ་ཅིག་བྱ་གི་ཡིན་ཟེར། ཡིན་ཡང་། བུ་མོ་ངག་དབང་
ཆོས་དབྱངས་ཀྱིས། བོད་ཀྱི་མཛངས་མའི་འགྲན་བསྡུར་གྱི་རྒྱལ་ཁ་དེ་ཁོ་མོར་འཐོབ་པའི་ཡིད་ཆེས་དང་གདེང་ཚོད་ཡོད་ལ། འདི་ནི་ཕྱོགས་གཅིག་ནས་ཁོ་མོ་འགྲན་བསྡུར་འདིའི་ཞུགས་མཁན་གྱི་ཁྲོད་ནས་ལོ་ན་ཆུང་ཤོས་དེ་ཡིན་སྟབས་བོད་ཀྱི་མཛངས་མར་འཆམ་ཤོས་ཡིན་ཟེར་ལ། ཁོ་མོར་མཚོན་ན་ད་དུང་རང་གི་མི་ཚེའི་མདུན་ལམ་ཐག་གཅོད་བྱས་མེད་སྟབས་བོད་ཀྱི་མཛངས་མའི་དབུ་རྒྱན་དེ་ཁོ་མོར་འཐོབ་པ་ཡིན་ནའང་ཐོག་མར་རང་གི་མི་ཚེ་ལ་བསམ་བློ་ཞིག་གཏོང་དགོས་ཀྱི་འདུག་ཟེར།
བུ་མོ་འདི་ཚོས་བོད་དོན་ཟེར་ནས་མང་དུ་བཤད་བཤད་ནས།ད་གང་ལ་བུད་སོང་བ་རེད་
བོད་པའི་བུ་མོ་འདི་ཚོ་མཛངས་མ་རེད་ལ་མཛེས་མའང་རེད་འདུག། ཕྱིས་སུ་རྒྱལ་ཡོངས་མཛངས་མའི་འགྲན་བསྡུར་ཆེན་མོའི་ནང་དུ་ཚུད་པའི་རེ་བ་ཡོད།
ང་ཚོ་བོད་པ་ཟེར་བ་དེ་ཕ་སྤྲེལ་བུ་བྱང་ཆུབ་སེམས་པ་ལས་རྒྱུད་པའི་ཡ་རབས་བཟང་སྤྱོད་རང་ཆས་སུ་ལྡན་ཞིང་རིགས་རུས་བཟང་ལ་ངོ་ཚ་ཁྲེལ་ཡོད་ལ་རྒྱུན་ཏུ་གཅེས་སྤྲས་སུ་བྱེད་མཁན་གྱི་རིགས་བཟང་ལྷ་ཡི་རྒྱུད་ཞིག་ཡིན་ཀྱང་ད་ཆ་སྙིགས་མ་ལྔའི་དུས་འདིར་དེ་ལས་ལྡོག་ཏེ་མཐའ་ན་བུ་མེད་རྣམས་ཀྱང་མི་ཚོགས་འདུས་ཁྲོད་དུ་གཅེར་བུར་འགྲོ་བའི་དུས་ངན་ཞིག་རེད་འདུག་པས་ངོ་ཚ་ཤེས་མཁན་གྱི་སྨྲ་ཤེས་དོན་གོ་ཞིག་ཡིན་ན་དེ་ལ་བསམ་ཤེས་ཤིག་བྱེད་ན་གང་ལེགས་སྙམས།
མངས་ཚོགས་ཀྱི་ཁྲོད་དུ་གཅེར་བུར་རྒྱུ་བའི་ནག་མོ་འདི་རྣམས་ལ་ཟེར་རྒྱུ། ཁྱེད་རྣམས་ཀྱི་པར་རེས་དེ་ཁྱེད་རང་ཚོའི་ཕ་མ་སྤུན་ཆད་རྣམས་ཀྱི་མིག་ལམ་དུ་ཤར་ཚེ་ཁྱེད་རྣམས་ལ་ཚོར་བ་གང་ཞིག་བྱུང་ངམ།
དེ་རིང་ཁོ་ཚོའི་ས྄ྤོབས་པ་ར྄ྒྱས་པ་མ་རེད། ཉིད་ཀྱི་འདོད་ཆགས་ར྄ྒྱས་པ་རེད། ཧཧཧཧ། ཀུ་རེ་ཡིན་དོ།
འོ། དེ་རིང་ང་ཚོའི་བུ་མོ་ཚོ་གེ་སར་འདུག ཁར་ཉིན་སྔོན་མའི་དེ་ཚོ་མིན་ནི་འདྲ་ཟིག་རེད། བུ་མོ་ཟེར་བ་དེ་གཅེར་བུར་བུད་བཏང་ན་ཇེ་ཡག་ལ་འགྲོ་གི་ཡོད་ནི་མིན་ནམ། དེ་རིང་ཁོང་ཚོའི་སྤོབས་པ་རྒྱས་འདུག