ང་ཚོས་ཀྱང་གོ་ལའི་ཚ་དྲོད་དང་ཁོར་ཡུག་སྲུང་། རང་ཉིད་ཀྱི་འཕྲོད་བསྟེན་བཅས་ལ་ཤུགས་རྒྱག་དགོས་ཀྱི་འདུག་ཟེར།
ཕྱི་ཚེས་ ༥ ཉིན་ནི་འཛམ་གླིང་ཁོར་ཡུག་སྲུང་སྐྱོབ་ཉིན་མོ་ཡིན་ལ། ཉིན་དེར་སྦེལ་ཀོབ་ས་གནས་བུད་མེད་ཚོགས་པས་གོ་སྒྲིག་འོག་བུད་མེད་ཀྱི་ཚོགས་མི་ཚོས་ཤིང་ནགས་འདེབས་འཛུགས་ཀྱི་ལས་འགུལ་ཞིག་སྤེལ་ཡོད། དེ་ནི་ད་བར་ཁོར་ཡུག་སྲུང་སྐྱོབ་ཆེད་སྤེལ་བའི་ལས་འགུལ་ཐེངས་ ༢༥ བ་དེ་ཡིན་འདུག ས་གནས་བུད་མེད་ཚོགས་གཙོ་སྒྲོལ་མ་དབྱངས་ཅན་ལགས་ཀྱིས་ལས་འགུལ་འདི་ནི་གསར་བ་གང་ཡང་མིན་པར་ས་གནས་འདིར་ད་བར་མི་ལོ་ ༢༥ ལྷག་རིང་མུ་མཐུད་ནས་སྤེལ་བའི་ལས་འགུལ་ཞིག་ཡིན་ལ། ༸གོང་ས་མཆོག་གིས་རྒྱུན་ལྡན་ནས་ང་ཚོ་ལ་འཛམ་གླིང་ཁོར་ཡུག་ལ་སྲུང་སྐྱོབ་དང་ཤིང་ནགས་འདེབས་འཛུགས་བྱེད་པར་བཀའ་སློབ་གནང་གི་ཡོད་ལ། ཤིང་ནགས་འདེབས་འཛུགས་བྱས་པ་དེས་ཁོར་ཡུག་ལ་མཛེས་རྒྱན་སྤྲོས་པ་མ་ཟད། མཁའ་དབུགས་གཙང་བཟོ་དང་བྱ་དང་བྱེའུས་གནས་བཅའ་གི་རེད་ལ། དེ་དག་ནི་ང་ཚོའི་ཁོར་ཡུག་ཏུ་དུས་དང་རྣམ་པ་ཀུན་ཏུ་དགོས་ངེས་ཤིག་རེད་ཅེས་དང་། འདས་པའི་ལོ་འགར་གྲོང་སྡེ་ཁག་ཏུ་ཤིང་ནགས་འདེབས་འཛུགས་བྱས་པར་གྲུབ་འབྲས་ཡག་པོ་བྱུང་འདུག་པ་མ་ཟད། འདེབས་འཛུགས་བྱས་པའི་ཤིང་ནགས་ཀྱང་རིམ་གྱིས་སྐྱེས་ཡོང་གི་འདུག 
སྤྱིར་ཤིང་ནགས་འདེབས་པ་ནི་ཕྲུ་གུ་སྐྱེས་པ་དང་གཅིག་མཚུངས་རེད། ཕྲུ་གུ་སྐྱེས་རྗེས་བདག་པོ་མ་བརྒྱབ་པར་གཡུག་བཞག་ན་འཆི་གི་རེད། དེ་བཞིན་ཤིང་ནགས་ཀྱང་བཏབས་བཞག་པ་ཙམ་མིན་པར་ནང་གི་ཨ་མ་ཚོས་བདག་པོ་རྒྱག་དགོས་ཀྱི་རེད་ཅེས་དང་། ཡང་ཁོ་མོས་མུ་མཐུད་གསུངས་དོན། ཤིང་ནགས་མེད་ཚེ་རི་ཉིལ་བྲག་ཉིལ་དང་ཆར་ཆུ་དུས་སུ་མི་འབབ་པ་སོགས་ཀྱི་ཉེན་ཁ་ཡོད་པ་རེད། དེ་བཞིན་དེང་སྐབས་འཛམ་གླིང་གི་ཚན་རིག་པ་ཡོངས་ཀྱིས་གོ་ལའི་ཚ་དྲོད་ལ་འགྱུར་ལྡོག་འགྲོ་གི་འདུག རྒྱབ་ཁབ་ཚང་མས་ཁོར་ཡུག་སྲུང་སྐྱོབ་བྱ་དགོས་ཀྱི་འདུག རྫས་སྦྱོར་འདྲ་མིན་དང་བཟོ་གྲྭ་འདྲ་མིན་ཡོད་པ་དེ་ཚོ་མཚམས་འཇོག་དགོས་ཀྱི་འདུག་གསུང་གི་ཡོད་པ་རེད། ང་ཚོས་ཀྱང་གོ་ལའི་ཚ་དྲོད་དང་ཁོར་ཡུག་སྲུང་། རང་ཉིད་ཀྱི་འཕྲོད་བསྟེན་བཅས་ལ་ཤུགས་རྒྱག་དགོས་པ་རེད་ལ། ལྷག་པར་དུ་འགྱིག་ཤོག་དང་རྫས་སྦྱོར་གྱི་བཅའ་དངོས་རྣམས་ཁོར་ཡུག་གང་སར་མ་གཡུག་རོགས་ཞེས་ཉིན་དེའི་ཚོགས་ཞུགས་པ་ཡོངས་ལ་འབོད་སྐུལ་ཞུས་ཡོད། 
ཚང་མ་ལོ་རྒན་བ་རྐྱང་རེད་འདུག་ གཞོན་པ་མང་པོ་མེད་པ་ཅི་རེད།
ཁ་སེང་གངས་ས྄ྐྱིད་ས྄ྤྱི་ཐབ་ཚོགས་ཁང་དུའང་ཁོར་ཡུག་སྲུང་གཙིའི་ཚོགས་འདུ་ཞིག་འཚོགས་སོང༌། གཙོ་ཆེ་བ་ཆུའི་དཀའ་ངལ་གྱི་ས྄ྐོར་འདྲ་ཞིག་རེད། ས྄ྐབས་དེར་ངས་ཏག་ཏག་འབྲོང་བུ་ཚེ་རིང་ར྄ྡོ་ར྄ྗེས་ལགས་ཀྱི་བར྄ྩམས་ཆོས་ཤིག་དྲན་སོང༌། ཁོང་གིས། གལ་སྲིད་འཛམ་ག྄ླིང་འཁྲུུག་ཆེན་གསུམ་པ་ལངས་པ་ཡིན་ན། ཆུའི་ཐོག་ནས་ལངས་ཀི་རེད་ཟེར། དངོས་ཁ་སེང་གི་གཏམ་དེ་ཚོ་གོ་ཡོང་དུས། འབྲོང་བུས་ར྄ྩོམ་ཡིག་དེ་ནི་རིན་ཐང་ཅན་གྱི་ས྄ྔོན་བར྄ྡ་ཞིག་རེད་ཨང་བསམ་བྱུང༌།