སྨྱོ་ནད་ཀྱི་ནད་རིགས་དེའི་གྲངས་འབོར་འཕར་ཡུལ་གཙོ་བོ་རྒྱ་ནག་གི་གྲོང་གསེབ་དང་གྲོང་བརྡལ་ས་ཁུལ་དུ་ཡོང་གི་འདུག་ཟེར།
ཕྱི་ཚེས་ ༡༢ ཉིན་བྷི་བྷི་སེ་རླུང་འཕྲིན་གྱིས་གནས་ཚུལ་བཀོད་པ་ལྟར་ན། ལོ་འདི་དག་ཏུ་རྒྱ་ནག་ནང་ནད་ཡམས་འདྲ་མིན་བྱུང་སྟེ་མི་མང་པོ་རྐྱེན་ལམ་དུ་ཕྱིན་ཡོད་པ་དང་། སྤྱི་ལོ་ ༢༠༠༡ ལོ་ནས་ ༢༠༠༥ ལོའི་བར་རྒྱ་ནག་ནང་སྨྱོ་ནད་ཅན་གྱི་རིགས་འཕར་སྣོན་བྱུང་སྟེ། མཚོ་སྔོན་དང་ཀན་སུའུ་། ཧྲན་ཏུང་། ཀྲེ་ཅང་བཅས་ཞིང་ཆེན་བཞིའི་ནང་སྨྱོད་ནད་ཀྱི་ནད་གཞི་ཡོད་པའི་མི་ཁྲི་ ༦ དང་ ༣ སྟོང་ལྷག་བྱུང་ཡོད་ཡོད་པ་རེད། རྒྱ་ནག་སེམས་ཁམས་བརྟག་དཔྱད་ཚན་ཁག་གིས་ལོ་འདི་དག་ཏུ་བརྟག་དཔྱད་བྱས་པའི་བསྡོམ་རྩིས་ལྟར་ན། སྔོན་མ་ལས་འཕར་སྣོན་བྱུང་སྟེ་རྒྱ་ནག་ནང་དར་མའི་རིགས་ཀྱི་མི་གྲངས་དུང་ཕྱུར་ ༡ དང་ཁྲི་ ༧༣༠༠ ལྷག་ལ་ནད་འདི་ཕོག་ཡོད་ཚུལ་བརྗོད་ཡོད་པ་དང་། ནད་འདི་ཕོག་པའི་མི་གྲངས་ཀྱི་བརྒྱ་ཆ་ ༩༡ དང་མི་གྲངས་དུང་ཕྱུར་ ༡ ཁྲི་ ༥༨༠༠ ལྷག་ལ་ཆེད་ལས་རང་བཞིན་གྱི་སྨན་བཅོས་ཐོབ་མེད་སྟབས། ནད་ཡམས་མུ་མཐུད་གནས་ཡོད་ཚུལ་བརྗོད་ཡོད་པ་རེད། གནས་ཚུལ་འདིའི་ཐད་རྒྱ་ནག་གི་སེམས་ཁམས་རིག་པའི་ཆེད་མཁས་པ་ལིས་ཞོན་ཡོན་གྱིས། རྒྱ་ནག་ནང་ནད་ཡམས་འདི་ཁྱབ་བརྡལ་དུ་འགྲོ་དོན་གཙོ་བོ། ཆེད་ལས་རང་བཞིན་གྱི་སྨན་བཅོས་བྱེད་པའི་ཚན་ཁག་མེད་པ་མ་ཟད། མི་མང་ལ་སྨྱོ་ནད་རིགས་ཀྱི་རྒྱུས་ལོན་དང་། དེའི་སྐོར་གྱི་ཤེས་ཡོན་མ་སྤྲད་པའི་དཀའ་ངལ་ལ་བརྟེན་ནས་བྱུང་བ་ཡིན་ཚུལ་བརྗོད་ཡོད་པ་མ་ཟད། རྒྱ་ནག་ནང་གི་ནད་ཡམས་འདི་ཕོག་པའི་མི་གྲངས་ཀྱི་བརྒྱ་ཆ་ ༦༠ གྲོང་གསེབ་དང་རི་གྲོང་དུ་འཚོ་བའི་ཡུལ་མི་ཡིན་སྟབས་སྨྱོ་ནད་རིགས་ཀྱི་གྲངས་ཀ་འཕར་སྣོན་འབྱུང་གི་ཡོད། མོའི་རིགས་ཀྱི་སྨྱོ་ནད་ཀྱི་འབྱུང་རྐྱེན་མང་ཆེ་བ་སེམས་ཁྲལ་ལས་འབྱུང་གིན་ཡོད་པ་དང་། ཕོའི་རིགས་ཀྱི་འབྱུང་རྐྱེན་གཙོ་བོ་ཆང་རག་ལ་བརྟེན་ནས་འབྱུང་གིན་ཡོད་ཚུལ་བརྗོད་ཡོད་པ་རེད། སྤྱི་ལོ་ ༢༠༠༡ ལོ་ནས་ད་ལྟའི་བར་རྒྱ་ནག་ནི་སྨྱོད་ནད་ཀྱི་རིགས་འདི་ལ་བརྟེན་ནས་བུད་མེད་རང་ཤི་རྒྱག་མཁན་ཆེས་མང་བོའི་རྒྱལ་ཁབ་ཆགས་ཡོད་ཚུལ་བརྗོད་ཡོད་པ་རེད།
ཁྱོད་ཀྱི་མིང་དེ་དངོས་གནས་བོད་མི་རིགས་དང་འབྲེད་མེད་དོན་གཞན་ཞིག་རེད།
གཡུག་འཇོག་ན་འཇོག་རན་རེད
བབ་ཅོལ་སྨྲ་བ་ཁྱེད་ནི་ངེས་པར་དུ་སྨྱོ་ནད་ཀྱི་ཟིན་པ་འདྲ། གོང་དུ་ང་ཡིས་ ༼ང་ཚོ་བོད་མི་རྣམས་༽ ཅེས་བརྗོད་ཟིན་ན་ད་དུང་ཡང་ཁྱེད་བོད་མི་ཞིག་ཡིན་ན་ཅི་ལ་ཟེར། གཞན་ཡང་གོང་དུ་གཟིགས་དང་། ང་ཡིས་བོད་མི་ཚོ་སྙིང་སྟོབས་མེད་པའི་སྡར་མ་ཁྱུ་གཅིག་རེད་ཅེས་གཏད་ནས་ལབ་ཡང་མ་མྱོང་ན་ཁྱེད་རང་གིས་འབེན་མེད་པའི་ལོང་མདའ་དེ་སུ་ལ་འཕེན། ཁྱེད་ནི་གྲོགས་པོ་བབ་ཅོལ་སྨྲ་མཁན་ཞིག་ཡིན་པ་གསལ་བོར་རྟོགས་སོང་། དེས་ན་ཅི་དགར་སྨྲ་འདོད་ན་སྨྲོས་དང་། འབྲེལ་མེད་དོན་གཞན་གྱི་ཉོག་གཏམ་ལ་ལན་མི་འདེབས་ལགས།
གྲོགས་པོ་གཞན་མིང་ཅན་ཁྱེད་རང་བོད་མི་ཞིག་ཡིན་ན་ངའི་དགོངས་དག་ཞུ་ཆོག གལ་ཏེ་གཞན་རིགས་ཤིག་ཡིན་ན་སྐུ་མཁྱེན་ང་ཚོར་མཚང་ཕྲུ་མི་དགོས། ང་ཚོའི་རྒྱལ་ཁབ་གཞན་ལག་དུ་ཤོར་ཏེ་ལུས་ངལ་དང་སེམས་འཁྲལ་ཡོད་ཀྱང་ཤེས་པ་གནད་དུ་མ་གནས་པའི་ཚོད་ལ་ལྷུང་མེད་ལ་ཁྱེད་ཀྱིས་བཤད་པ་ལྟར་རེ་བ་དང་སྙིང་སྟོབས་མེད་པའི་སྡར་མ་ཁྱུ་གཅིག་མིན།
ཨ་རིག་གླེན་རྒན། གོང་དུ་ང་རང་གིས་བྲིས་པ་དེ་ནི་ང་ཚོ་བོད་མི་རྣམས་ཀྱིས་དོར་སྣང་སྤྲད་དགོས་པའི་ཆ་ནས་བྲིས་པ་ཞིག་ཡིན་མ་གཏོགས་ཕྱི་རྒྱལ་བ་དང་བོད་མིའི་བར་གྱི་སྨྱོ་ནད་སུ་མང་བདུར་བའི་ཆེད་དུ་བྲིས་པ་ཞིག་མ་ཡིན་ལ། གཞན་ཡང་ཕྱི་རྒྱལ་བ་ལ་སྨྱོ་ནད་ཡོད་མེད་སྐོར་ང་ཚོ་ལ་འགན་ཁུར་ཆེར་མེད། ཁྱེད་ཀྱི་སྔ་རྒོལ་གྱི་འདོད་པ་མ་གོ་བཞིན་དུ་བབ་ཅོལ་སྨྲ་ལུགས་ལ་པལྟས་ན་ཁྱེད་ཀྱི་མཚན་དེ་དོན་གནས་འདུག
Galaxy དྲ་གྲོགས་གཞན་མིང་ཅན་ལགས་ལམ་སེང་ཨ་གསར་གྱི་སྐད་ཆ་མ་གསུང་རོགས་ཕྱི་རྒྱལ་བའི་བརྒྱ་ཆའི་བདུན་ཅུ་ལྷག་ལ་སྨྱོ་ནད་འདི་ཡོད་པ་བཞག་ནས་བཙན་བྱོལ་བོད་པའི་ནང་ཞིབ་འཇུག་བྱེད་དགོས་དོན་མེད།
པདེན་པ་རེད། སྤྱིར་སྨྱོ་ནད་འདི་ནི་སེམས་ཁམས་མ་སྙོམས་པ་ལས་འབྱུང་བ་ཞིག་ཡིན་ལ། དེ་ཡང་ཕྱི་རྒྱལ་གྱི་སེམས་ཁམས་རིགས་པ་པ་དང་ཞིབ་འཇུག་པ་མང་པོས་བརྗོད་དོན། སྨྱོ་ནད་འདིའི་རིགས་དེང་དུས་སུ་བོད་མི་ཡུལ་གྱར་བའི་ཁྲོད་ནའང་མི་མང་པོ་ལ་འདུག་ཅེས་བརྗོད་ཡོད། དེའི་རྒྱུ་མཚན་ཡང་ནང་མི་དང་ཕ་ཡུལ་བྲལ་བ་སོགས་ཀྱིས་རེད་ཟེར། གང་ལྟར་ཡང་དེ་ནི་ང་ཚོའི་དོར་སྣང་སྤྲད་དགོས་པའི་གནས་ཞིག་རེད་མ་གཏོགས་རང་ཉིད་ལ་སྨྱོ་ནད་ཡོད་པ་རང་གིས་ངོས་མི་ཟིན་པ་འབྱུང་སྲིད་
ཡ་ང་བའི་ནད་རིགས་འདི་དག་དཔལ་འབྱོར་དང་འཚོ་བ་ཞན་པའི་རི་གྲོང་དུ་འཁྱམ་བཞིན་ཡོད་པ་བསམ་དུས། ནད་བདག་དེ་ཡང་མི་ཉམ་ཆུང་ལས་གང་ཡང་མི་ཐུབ་མཁན་ཞིག་རེད་འདུག དངོས་ནས་སྙིང་མ་རྗེ།