གླ་གཏོང་རླངས་འཁོར་གཞུང་བཞེས་བཏང་ཚེ་མི་དམངས་སུམ་ཁྲི་ལྷག་གི་འཚོ་བར་དཀའ་ངལ་འཕྲད་ཀྱི་རེད་ཟེར།
འདི་གའི་གསར་འགོད་པའི་དྲ་ལམ་ནས་གནས་ཚུལ་ཤེས་རྟོགས་བྱུང་བ་ལྟར་ན། ཕྱི་ཚེས་ ༡༢ ཉིན་མཚོ་སྔོན་ཞིང་ཆེན་ཟི་ལིང་གྲོང་ཁྱེར་འགྲིམ་འགྲུལ་ལས་ཁུངས་གིས། གྲོང་ཁྱེར་གྱི་གླ་གཏོང་རླངས་འཁོར་གཏོང་ཕྱོགས་ཐད་སྒྲིག་ཁྲིམས་གསར་བ་ཞིག་གཏན་འབེབས་བྱས་ཏེ། སྲིད་གཞུང་རང་ངོས་ནས་མི་དམངས་ལ་གླ་གཏོང་བྱེད་བཞིན་པའི་རླངས་འཁོར་ ༥༡༡༦ ལས་གཞན་མི་སྒེར་ངོས་ནས་ཉོས་པའི་གླ་གཏོང་རླངས་འཁོར་བཀག་འགོག་དང་གླ་གཏོང་རླངས་འཁོར་གྱི་དུས་ཡུན་ཐུང་དུ་གཏོང་རྒྱུའི་སྒྲིག་ཁྲིམས་ལག་བསྟར་བྱ་རྒྱུ་ཡིན་ཚུལ་བརྗོད་ཡོད་སྟབས། ཕྱི་ཚེས་ ༡༣ ཉིན་ཁ་ལོ་བ་ལྔ་སྟོང་ལྷག་གིས་ལས་མཚམས་བཞག་སྟེ་ངོ་རྒོལ་བྱས་ཡོད་འདུག ཐེངས་འདིར་ཁ་ལོ་བ་དེ་དག་གིས་ངོ་རྒོལ་བྱེད་དོན་གཙོ་བོ་ནི། གྲོང་ཁྱེར་སྲིད་གཞུང་གིས། གླ་གཏོང་རླངས་འཁོར་ལ་དམིགས་བསལ་གྱི་སྒྲིག་ཁྲིམས་ཤིག་བཟོས་ཡོད་པ་དང་། དེའི་ནང་། ཟི་ལིང་གྲོང་ཁྱེར་དུ་ཡོད་པའི་མི་སྒེར་གྱི་གླ་གཏོང་རླངས་འཁོར་གྱི་དུས་ཡུན་ལོ་ ༨ ཡན་བརྒལ་མི་ཆོག་པ་དང་། གལ་ཏེ་ལོ་ ༨ བརྒལ་ཚེ་གླ་གཏོང་རླངས་འཁོར་གཞུང་བཞེས་བྱ་རྒྱུ་ཡིན་ཚུལ་བརྗོད་པ་མ་ཟད། གླ་གཏོང་རླངས་འཁོར་ཡོངས་གཞུང་གི་སྟངས་འཛིན་འོག་གཅིག་གྱུར་གྱིས་མཁོ་གཏོང་བྱེད་པ་ལས་མི་སྒེར་གང་རུང་གིས་ས་གནས་འདྲ་མིན་དུ་བོགས་གཏོང་བྱ་མི་ཆོག ཅེས་འཁོད་ཡོད་པ་དང་། ཁ་ལོ་བ་ཚོས་ཡིག་ངག་གཉིས་ཀྱི་ལམ་ནས་གྲོང་ཁྱེར་སྲིད་གཞུང་ལ། རེ་སྐུལ་ཞུས་ཡོད་ཀྱང་ཕྱིར་བརྡ་ལན་ཅི་ཡང་འབྱོར་མི་འདུག
ལོ་རབས་ ༨༠ པའི་དུས་སུ་ཟི་ལིང་གྲོང་ཁྱེར་དུ་འགྲིམ་འགྲུལ་སྟབས་བདེ་མིན་ནའང་། ཉེ་བའི་ལོ་འདི་འགའི་རིང་ལ་ཞིང་པ་ཚོས་རང་ཉིད་ཀྱི་དངུལ་ཁྲག་ལ་ཐོན་པའི་མ་དངུལ་གྱིས་གླ་གཏོང་རླངས་འཁོར་ཉོས་ཏེ། གྲོང་ཁྱེར་གྱི་འགྲིམ་འགྲུལ་སྟབས་བདེ་ཐད་བྱས་རྗེས་མི་དམན་པ་ཞིག་བཞག་པ་མ་ཟད། རང་ཉིད་ཀྱི་འཚོ་བའི་རྟེེན་གཞི་རུ་གྱུར་ཡོད་འདུག་ལ། གལ་སྲིད། སྒེར་བདག་གླ་གཏོང་རླངས་འཁོར་ལྔ་སྟོང་ལྷག་ལ་བར་ཆད་བྱུང་ཚེ་མི་དམངས་ཁྲི་ ༣ ལྷག་གི་འཚོ་རྟེན་ལ་དཀའ་ངལ་འབྱུང་རྒྱུ་ཡིན་ཚུལ་བརྗོད་ཡོད་པ་རེད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དུས་བབ་རྩོམ་སྒྲིག་པ་ལགས། གསར་འགྱུར་འདིའི་རིགས་དྲ་རྒྱའི་ནང་བཀོད་པ་ལས་རང་རེའི་ལས་དབང་དང་འབྲེལ་བ་ཡོད་པའི་གནས་ཚུལ་རིགས་བཀོད་ཐུབ་ན་ཡག་པོ་མི་འདུག་གམ། ལྷག་པར་དུ་གནས་ཚུལ་རིགས་གསོག་སྒར་དང་ས་ར། འབྲས་སྤུངས།་དགའ་ལྡན་ཙམ་ལས་བཙན་བྱོལ་བོད་མིའི་དོ་སྣང་བྱ་ཡུལ་གྱི་གསར་འགྱུར་རིགས་སླེབས་ཐུབ་ཀྱི་མེད་པ་ནི་ཞན་ཆ་ཆེ་ཤོས་དེ་མཐོང་སོང་ལ། དེས་ཚགས་པར་ཀྱི་ཁྱབ་ཁོངས་ཀྱང་རང་བཞིན་གྱི་ཆུང་རུ་འགྲོ་རྒྱུ་ཡིན་པ་ནི་སྨོས་མ་དགོས། འདི་ནི་ངས་སེམས་ཀྱི་བསམ་ཚུལ་ཡིན།
ཨ་ཁ་་་་་་་མངས་ཚོགས་ཀྱི་ཚོར་བ་ལ་དཀའ་སྔལ་འཕྲད་ན་ད་མ་འགྲིག་པ་རེད་ཡ།
དེ་ཐད་གཙོ་བོར་མགོ་གཙོ་ཚོས་གཟབ་དགོས།
དེ་ཀྲུང་གོ་གཞུང་གི་དོག་གནོན་བྱ་ཡུལ་ཞིག་དུ་འགྱུར་འདུག་
ཨ་རིའི་རྒྱལ་ཚོགས་ནས་ཀྲུང་སྡོད་ཨ་རིའི་གཞུང་ཚབ་ཁང་དུ་བོད་དོན་ཁྲུའུ་ཞིག་འཛུགས་རྒྱུར་ཆོག་མཆན་བྱུང་བ།
སྤེལ་དུས། 2009-06-15 ཡོང་ཁུངས། རྒྱལ་ཁམས་བསྐོར་བའི་དུས་ཚགས། རྩོམ་པ་པོ། ལྷག་ཚེས་བསྒྱུར།ཟླ་གཞོན་ནས་ཞུས།
ཨ་རིའི་གསུང་སྒྲ”ཞེས་པས་ཚེས་༡༡ཉིན་གནས་ཚུལ་སྤེལ་བར་གཞིགས་ན།ཨ་རིའི་རྒྱལ་ཚོགས་ཀྱི་གྲོས་ཁང་གིས་ཚེས༡༠ཉིན་ཀྲུང་གོར་བཅའ་སྡོད་བྱས་པའི་ཨ་རིའི་གཞུང་ཚབ་ཁང་དུ་བོད་དོན་ཁྲུའུ་ཞིག་འཛུགས་རྒྱུའི་གྲོས་གཞིར་ཆོག་མཆན་བྱུང་བ་རེད།
གསར་འགྱུར་ཐོག་བསྟན་པར།གྲོས་གཞི་དེར་ཨ་རིའི་རྒྱལ་སྲིད་ཀྱི་འགོ་འཛིན་ནས་དབང་ཆ་གནང་བ་དང་།ཀྲུང་གོར་བཅའ་སྡོད་བྱས་པའི་ཨ་རིའི་གཞུང་ཚབ་ཁང་དུ་བོད་དོན་ཁྲུའུ་ཞིག་བཙུགས་ཏེ།བོད་རང་སྐྱོང་ལྗོངས་དང་བོད་ཀྱི་ས་ཁུལ་གཞན་དག་གི་ཆབ་སྲིད་དང་དཔལ་འབྱོར།སྤྱི་ཚོགས་འཕེལ་རྒྱས་སོགས་ལ་དོ་ཁུར་བྱ་རྒྱུ་ཡིན་པ་རེད།ཐེངས་འདིའི་གྲོས་གཞིའི་ནང་དུ་།ཨ་རིས་ལྷ་སར་གཞུང་ཚབ་དོན་གཅོད་ཁང་མ་བཙུགས་གོང་དུ།ཀྲུང་གོར་བཅའ་སྡོད་བྱས་པའི་ཨ་རིའི་གཞུང་ཚབ་ཁང་དུ་བོད་དོན་ཁྲུའུ་ཞིག་བཙུགས་ཏེ་པེ་ཅིང་ནས་བོད་དོན་སྐོར་ལ་དོ་ཁུར་བྱ་རྒྱུ་ཡིན་ཚུལ་བསྟན་ཡོད་པ་རེད།
གཞན་ཡང་།གྲོས་གཞི་དེས་ཨ་རིའི་སྡེ་ཚན་ཁག་གིས་བོད་དོན་ཐད་ལ་གཞོགས་འདེགས་བྱེད་རྒྱུར་ཤུགས་སྣོན་རྒྱག་དགོས་པའི་བླང་བྱ་བཏོན་ཡོད་པ་མ་ཟད།བོད་ཀྱི་གནད་དོན་འདུམ་འགྲིག་མཁན་གྱི་མི་སྣ་ཞིག་བསྐོ་བཞག་བྱ་དགོས་པའི་བླང་བྱ་ཡང་བཏོན་ཡོད་པ་རེད།
པེ་ཅིང་སློབ་ཆེན་རྒྱལ་སྤྱིའི་འཐབ་ཇུས་ཞིབ་འཇུག་ལྟེ་གནས་ཀྱི་ཀྲུའུ་རེན་གཞོན་པ་ཀྲུའུ་ཧྥིང་གིས་ཚེས༡༡ཉིན་《རྒྱལ་ཁམས་བསྐོར་བའི་དུས་ཚགས》ཀྱི་གསར་འགོད་པའི་བཅར་འདྲི་དང་ལེན་གནང་སྐབས་བསྟན་པར།ཨ་རིའི་ཐེངས་འདིའི་བྱ་སྤྱོད་ཀྱི་ཐོག་ནས་ཨ་རིའི་རྒྱལ་ཚོགས་ཀྱིས་བོད་ལྗོངས་ཀྱི་ཆབ་སྲིད་དང་ཕྱི་འབྲེལ་ཐད་དོ་ཁུར་བྱེད་པའི་འཕེལ་རིམ་མཐོ་རུ་ཕྱིན་ཡོད་པ་གསལ་བཤད་བྱས་ཡོད་པས། དེ་ནི་ཨ་རིས་ཀྲུང་གོའི་ནང་སྲིད་ལ་ཇུས་གཏོགས་བྱས་པའི་དཔེ་མཚོན་ཞིག་རེད་ཅེས་གསུངས་པ་རེད།
ཀྲུང་གོའི་དེང་རབས་ཀྱི་རྒྱལ་སྤྱིའི་འབྲེལ་བའི་ཞིབ་འཇུག་ཁང་གི་ཞིབ་འཇུག་པ་མ་ཅ་ལིས་བསྟན་པར།ཨ་རིས་བྱ་སྤྱོད་འདི་ལྟར་སྤེལ་བའི་དམིགས་ཡུལ་གསལ་པོ་ཡིན་པ་སྟེ།ཁོང་ཚོས་མི་ཤུགས་དང་ནོར་སྲིད་ཐད་ཀྱི་གཏོང་ཤུགས་ཆེ་རུ་བཏང་ནས་བོད་ཀྱི་གནད་དོན་ལ་ཁ་གཡར་ཏེ་མུ་མཐུད་དུ་ཀྲུང་གོའི་ནང་སྲིད་ལ་ཐེ་ཇུས་བྱེད་ཤུགས་ཆེ་རུ་གཏོང་རྒྱུ་རེད་ཅེས་གསུངས་པ་རེད།