ཁ་སང་ཕྱི་ཚེས་༢༡ ཉིན་གྱི་དགོང་མོ་རྒྱ་ནག་གི་གྲོང་ཁྱེར་ཧྲང་ཧེ་རི་བོད་ཀྱི་གློག་བརྙན་འཁྲབ་ཁྲིད་པ་གྲགས་ཆེན་པད་མ་ཚེ་བརྟན་ལགས་ཀྱིས་འཁྲབ་ཁྲིད་བྱས་པའི་གློག་བརྙན་༼འཚོལ་༽ཞེས་པར་སྐབས་ ༡༢ པའི་རྒྱལ་སྤྱིའི་གློག་བརྙན་དུས་ཆེན་གྱི་འདེམས་བསྡུར་འཐུས་ཚབ་ཟེར་བའི་བྱ་དགའ་དེ་ཐོབ་ཡོད་འདུག་ལ། ཐེངས་དེའི་ཧྲང་ཧེའི་རྒྱལ་སྤྱིའི་གློག་བརྙན་དུས་ཆེན་འགྲན་བཞུགས་ཁྲོད། རྒྱལ་ཁབ་འདྲ་མིན་གྱི་ཁྱོན་བསྡོམས་གློག་བརྙན་གཅིག་སྟོང་ ༡༠༠༠ ལྷག་ཞུགས་ཡོད་པ་ལས་གློག་བརྙན་ ༡༦ ལ་གོང་གི་བྱ་དགའ་དེ་ཐོབ་ཡོད་པ་དང་། དེའི་ཁྲོད་རྒྱ་ནག་གི་གློག་བརྙན་གཞན་ཞིག་ལའང་བྱ་དགའ་དེ་ཐོབ་ཡོད་འདུག
བོད་རིགས་ན་གཞོན་པད་མ་ཚེ་བརྟན་ལགས་ཀྱི་སྐད་གྲགས་ཆེ་བའི་གློག་བརྙན་ ༼ ཁུ་སིམ་སིམ་གྱི་མ་ནི་རྡོ་འབུམ༽ སོགས་སྒྱུ་རྩལ་གྱི་ཚད་གཞི་ཧ་ཅང་མཐོ་བའི་གློག་བརྙན་ཁ་ཤས་བཟོ་སྐྲུན་བྱས་ཡོད་པ་མ་ཟད། དེ་མིན་གྱི་བརྩམས་སྒྲུང་དང་འཁྲབ་གཞུང་མང་དག་ཅིག་བརྩམས་ཡོད་པ་དང་། སྔར་ཡང་གློག་བརྙན་དེ་དག་ལ་རྒྱལ་ཁབ་རིམ་པ་དང་རྒྱལ་སྤྱི་བཅས་ཀྱི་བྱ་དགའ་ཐེངས་མང་ཐོབ་མྱོང་ཡོད་འདུག
གངས་རིའི་གླིང་བུ་ལགས། བདྨ་འབུམ་མ་རེད། བད་པ་ཚེ་བརྟན་ཟེར་བ་རེད་འདིའི་བསྐོར་གྱི་གནས་ཚུལ་གསལ་ཤོས་ཧི་གཟུགས་ནང་དུ་ཉུལ་དང་ཁོང་ཚོ་བྱ་དགའ་སྤྲོད་བཞིན་པས་སྐབས་ཀྱི་བརྙན་འཕྲིན་ཐུང་ཐུང་ཞིག་ཀྱང་འདུག བརྙན་འཕྲིན་དེའི་ནང་གི་བཤད་བཞིན་པའི་དབྱིན་སྐད་དང་རྒྱ་སྐད་གཉིས་ལ་ཡང་མ་འདྲ་སའི་ཚིག་ཁ་ཤས་ཤིག་བྱུང་ངེས་ཡིན། སྙམ་པོར་བཞག་ནས་གཟིགས་ཐུབ་པ་ཡིན་ན། སྤུན་གྲོགས་སུ་ཞིག་ཡིན་ཡང་འགྲིག ཁོམ་པ་ཡོད་ན་ཧི་གཟུགས་ཟིན་བྲིས་ནང་དུ་ཕེབས་ནས་གཟིགས་པར་འཚལ།
པདྨ་འབུམ་ལ་བཀྲ་ཤིས་བདེ་ལེགས་ཞུ
ཧྲང་ཧེའི་ནས་ཐོབ་རྒྱུའི་བྱ་དགའ་དེ་རྒྱལ་སྤྱིའི་བྱ་དགའ་འམ་རྒྱ་མིའི་བྱ་དགའ་གང་ཞིག་ཡིན་ཡང་བོད་མི་ཞིག་ལ་བྱ་དགའ་གཟེངས་བཏོད་ཞིག་ཐོབ་ཡོད་ན་དེ་ལ་བཀྲ་ཤིས་བདེ་ལེགས་ཞུ།
དགའ་འོས་པའི་གཏམ་བཟང་ཐོས་པ་ལ་།
མཚམ་འདྲི་བཀྲ་ཤིས་བདེ་ལེགས་ཞུ།
ང་ཚོའི་ཆེད་ལས་མཁས་དབང་རེ་དོན་ན་།
སེམས་ནང་ལ་དགའ་སྤོབ་དང་བཅས་ང་ཚོའི་
མི་རབ་བསར་པ་ཚོ་ལ་རེ་བ་ཇེ་ཆེར་སོང།
འདི་ལྟར་བོད་མི་གཅིག་ལ་སྒྱུ་རྩལ་གྱི་ལམ་བུའི་སྟེང་ནས་གྲུབ་འབྲས་ཐོབ་པའི་བྱ་དགའ་ཐོབ་པར་དགའ་འོས་པ་ཞིག་དང་། སྒྱུ་རྩལ་མི་སྣ་གཞན་ཚོས་ཀྱང་རང་ཉིད་ཀྱི་སྒྱ་རྩལ་གྱི་བྱ་གཞག་ཁག་ལ་གྲུབ་འབྲས་གཟེངས་སུ་ཐོན་པ་བྱ་རྒྱུར་དེ་བས་ཀྱང་བརྩོན་དགོས་པ་ཞིག་རེད་སྙམ།
ལྷག་པར་བཙན་བྱོལ་གྱི་ནང་དུ་བྱིས་སྒྲུང་དང་བྱིས་པར་མཁོ་བའི་གློག་བརྙན་གསར་གཏོད་བྱེད་མཁན་མེད་པ་ནི་ཇི་འདྲའི་དགོས་མཁོ་ཅན་ཞིག་མ་ཡིན་ནམ།
པདྨ་ཚེ་བརྟན་ལགས་སུ་འཚམས་འདྲི་ཞུ།