རྒྱ་ནག་གཞུང་དང་ཆབ་སྲིད་ཀྱི་ལྟ་བ་མི་མཐུན་མཁན་སྐུ་ཞབས་ལོའུ་ཞོ་པོ་ཡིས་ལོ་སྔོན་པར་རྩ་ཁྲིམས་ ༠༨ ལ་མཚན་རྟགས་བཀོད་རྗེས་བཀག་ཉར་འོག་བསྡད་ཡོད་ལ། ད་ཆ་ཁོང་དངོས་སུ་འཇུས་ཡོད་འདུག
ཕྱི་ཚེས་ ༢༤ ཉིན་ཞིན་ཧྭ་གསར་ཁང་གིས་བརྗོད་དོན། པེ་ཅིན་གྱི་ཉེན་རྟོག་པ་ཚོས་ཁྲིམས་རྩོད་པ་དག་ལ། ལོའུ་ཞོ་པོ་ཡིས་སྲིད་གཞུང་ལ་ངོ་ལོག་དང་སྤྱི་ཚོགས་རིང་ལུགས་ཀྱི་ལམ་ལུགས་འདི་རྩད་རྫོགས་བྱེད་འདོད་ཀྱི་ལས་འགུལ་སྤེལ་བའི་ནག་ཉེས་འོག་འཛིན་བཟུང་བྱས་པ་ཡིན་ཞེས་བཤད་ཡོད་འདུག
ལོའུ་ཞོ་པོ་ནི་རྒྱ་ནག་ནང་སྲིད་གཞུང་དང་ཆབ་སྲིད་ཀྱི་ལྟ་བ་ལོག་ཀར་འཛིན་མཁན་གྲགས་ཆེ་ཤོས་དེ་ཡིན་ལ། ཁོང་ད་ཆ་དངོས་སུ་འཛིན་བཟུང་བྱས་པ་དེས་པེ་ཅིན་གཞུང་གིས་རང་གི་ལྟ་བར་རྒྱབ་འགལ་བྱེད་མཁན་དེ་ཁྲིམས་ལ་སྦྱོར་རྒྱུར་ཐག་ཉེ་རུ་བཏང་ཡོད་ཀྱང་། ཕྱོགས་གཞན་ནས་བཤད་ན་འགྲོ་བ་མིའི་ཐོབ་ཐང་རྩོད་མཁན་དང་སྐུ་ཞབས་ལོའུ་ལ་རྒྱབ་སྐྱོར་བྱེད་མཁན་ཚོར་སླར་ཡང་འགྲན་བསླངས་པ་ཡིན་འདུག
ཁྲིམས་རྩོད་པ་ མའོ་ཞོ་ཕིན་ཞུ་བ་ཞིག་གིས་བཤད་པ་ལྟར་ན། གལ་སྲིད་ཁྲིམས་ཐོག་ནས་རྒྱ་ནག་གཞུང་གི་ཉེས་འཛུགས་འདི་བདེན་པར་གྲུབ་ཚེ་སྐུ་ཞབས་ལོའུ་ལ་ཉུང་མཐར་ལོ་ ༡༥ རིང་གི་བཙོན་འཇུག་ཁྲིམས་ཐག་གཅོད་གི་རེད། ཡིན་ཡང་ད་ལྟའི་ཆར་མུ་མཐུད་ཞིབ་གཅོད་ཀྱི་རིམ་པ་ན་ཡོད་པ་རེད་ཅེས་བཤད་འདུག
རྒྱ་ནག་གཞུང་དང་ལྟ་བ་མི་མཐུན་པའི་རྩོམ་པ་པོ་སྐུ་ཞབས་ལོའུ་ཞའོ་པའོ་རྒྱ་ནག་གི་ཤེས་ཡོན་པ་དང་སློབ་དཔོན་ཆེན་མོ། མཁས་པ། རྩོམ་པ་པོ། རྩོམ་སྒྲིག་པ། གསར་འགྱུར་སྨྱན་བྱེད་བཅས་ཀྱི་གློད་གྲོལ་གཏོང་དགོས་པའི་སྙན་ཞུ་ཡི་གེ་སྟེང་མཚན་རྟགས་འཁོད་དེ་དབུས་གཞུང་ལ་ཕུལ་བས་རྒྱལ་ཡོངས་འཐུས་ཚོགས་ཆེན་དང་སྲིད་གྲོས་ཀྱི་བཀའ་རྒྱ་འོག་གློད་གྲོལ་བཏང་འདུག ཁོང་དེང་སྐབས་རྒྱ་ནག་ནང་གི་བསམ་བློ་བ་དང་རྩོམ་པ་པོ་ཡིན་པ་དང། ཁོང་སྤྱི་དམངས་འགན་འཁུར་དང་ལྷག་བསམ་དང་དུ་བླངས་ཏེ། དྲང་བདེན་མ་ཡིན་བྱ་སྤྱོད་ལ་མདུང་རྩེ་གཏད་པ་ཞིག་རེད་ཅེས་བཤད་འདུག
མི་ཤེས་ལུའུ་རྒྱ་ནག་གསལ་བར་བྱེད་པའི་ཞིག་དང་ཝིང་ལིས་གཉིས་ཀྱི་འདོད་ཕྱོགས་དེ་བོདས་ཀྱི་གཞོན་ནུའི་ལྟ་བ་དང་མི་མཐུན་ན་ཡང་༧གོང་ས་མཆོག་གི་སྲིད་བྱུས་དང་མཐུན་ངེས་ཆེ།
རྒྱལ་བ་རིན་པོ་ཆེ་རྒྱབ་ཏུ་བཞག་འདོད་ཡོད་ན་དེ་ལྟར་བཤད་ནའང་མི་འགྲིག་པ་མེད།
དེང་སྐབས་བཙན་བྱོལ་ནང་མི་ཁག་ཅིག་འདོད་པ་འདི་ལྟར་རེད།
ངོ་མ་ཡ་མཚན་ཆེ་གི །
སྐུ་ཞབས་ལོའི་ལྟ་བུའི་དཔའ་བོ་འདི་དང་྄ཝང་ལི་ཞུང་གཉིས་བསྡུར་ན་ཧ་ཞིག་གོ་ཡོང༌། འདི་ནི་དགྱ་ནག་གསལ་བར་བྱེད་པའི་སྒྲོན་མེ་གསལ་བོ་ཞིག་མ་རེད་དམ།