སང་ཉིན་འཛམ་གླིང་བོད་ཀྱི་ཉིན་མོར། ༧གོང་ས་མཆོག་གི་འཁྲུངས་སྐར་ཐེངས་ ༧༤ པའི་མཛད་སྒོ་ཞིག་ལྡི་ལི་གསར་བར་འཚོགས་གཏན་འཁེལ་བ་ལྟར། ༧གོང་ས་མཆོག་དེ་རིང་ཉིན་རྒྱབ་ཆུ་ཚོད་དང་པོ་ཙམ་ལ་བཞུགས་སྒར་ནས་ཆིབས་ཐོན་གནང་སོང་།
སང་ཉིན་ནི་༧གོང་ས་མཆོག་གི་འཁྲུངས་སྐར་ཐེངས་ ༧༤ པ་དང་། ཁོང་ཉིད་བཙན་བྱོལ་དུ་ཕེབས་པ་ནས་འཁྲུངས་སྐར་ཐེངས་ ༥༠ དེ་ཡིན། དེ་བཞིན་སང་ཉིན་ནི་འཛམ་གླིང་བོད་ཀྱི་ཉིན་མོའང་ཡིན་སྟབས། འཛམ་གླིང་གང་སར་ཉིན་མོ་འདི་གཅིག་གྱུར་གྱིས་སྲུང་གཙི་གནང་གིན་ཡོད། ཧི་མ་ལ་ཡའི་རི་བརྒྱུད་ཀྱི་མི་རིགས་ཁག་གིས་ཀྱང་ཉིན་མོ་འདི་སྲུང་གཙི་ཞུ་ཆེད་མཛད་སྒོ་ཞིག་ལྡི་ལི་གསར་བར་འཚུགས་གཏན་འཁེལ་བ་དང་། དེའི་སྐུ་མགྲོན་དུ་མགོན་པོ་གང་ཉིད་དང་། དེ་བཞིན་རྒྱ་གར་གྱི་སྲིད་འཛིན་ཟུར་པ་དང་རྒྱ་གར་གྱི་མེ་ཤུགས་འཕུར་མདེལ་གྱི་ཡབ་ཆེན་དུ་གྲགས་མཁན་མཁས་དབང་ཨབ་ཌུལ་ཁ་ལམ་མཆོག་མཆོག་ཀྱང་སྐུ་མགྲོན་གཙོ་བོར་ཕེབས་རྒྱུ་ཡིན་འདུག ཧི་མ་ལ་ཡའི་རི་བརྒྱུད་ལ་གཏོགས་པའི་རྒྱ་གར་གྱི་མངའ་སྡེ་སོ་སོའི་བློན་ཆེན་རྣམ་པ་གཙོས་མི་སྣ་གལ་ཆེན་དག་མཛད་སྒོའི་དམིགས་བསལ་སྐུ་མགྲོན་ལ་གདན་དུ་འཁོད་རྒྱུ་ཡིན་འདུག
འཛམ་གླིང་བོད་ཀྱི་ཉིན་མོ་ནི་ ༡༩༩༨ ལོར་ལོ་རྒྱུས་མཁས་དབང་སྐུ་ཞབས་ རི་ཆར་ཌི་ རོ་སེན་ཁུ་རན་ཛུ་ མཆོག་གིས་མགོ་འཛུགས་གནང་ཡོད་ལ། འཛམ་གླིང་བོད་ཀྱི་ཉིན་མོ་སྲུང་གཙི་འདི་ལ་དམིགས་ཡུལ་གསུམ་ཡོད་པའི་གྲས་ཀྱི་དང་པོ་ནི། ཉིན་མོ་འདི་ནི་འཛམ་གླིང་ཡོངས་ཁྱབ་ཀྱི་བྱ་འགུལ་ཞིག་ལ་བསྒྱུར་ཏེ་རྒྱ་ནག་གི་དབང་སྒྱུར་འོག་ཡོད་པའི་བོད་མི་རྣམས་ལ་གཞི་རྩའི་རང་དབང་ཁག་བསྐྱར་གསོ་ཡོང་ཐབས་སུ་རོགས་འདེགས་བྱ་རྒྱུ་དང་། གཉིས་པ་ནི། བོད་མི་རིགས་ཀྱི་མགོར་ལྷུང་བའི་རིག་གཞུང་རྩ་གཏོར་གྱི་འཇིགས་ཉེན་འདི་ལ་འཛམ་གླིང་རང་བཞིན་གྱི་གོ་རྟོགས་སྤེལ་རྒྱུ། གསུམ་པ། བོད་མི་རིགས་ཀྱི་ཐུན་མོང་མ་ཡིན་པའི་རིག་གཞུང་དང་བསམ་བློའི་མཛེས་སྡུག་དང་རིན་ཐང་ལ་གུས་བརྩི་དང་སྲུང་གཙི་བྱ་རྒྱུ་བཅས་ཡིན། ཉིན་མོ་འདི་ནི་བོད་མིའི་ཟླ་དུས་ཚེས་གྲངས་གལ་ཆེ་ཤོས་ཏེ་༧གོང་ས་རྒྱལ་བ་རིན་པོ་ཆེ་སྐུ་ཕྲེང་བཅུ་བཞི་བ་མཆོག་གི་འཁྲུངས་སྐར་ཉིན་འཁེལ་ཡོད།
བོད་ནང་དུ་གནས་ཚུལ་ཛ་དྲག་བྱུང་བའི་སྐབས་སུ་ང་ཚོའི་ངོས་ནས་མ་འཇོན་པ་དང་མགྲིགས་པའི་གནས་ཚུལ་མང་པོ་ཞིག་བཤད་ཀྱི་འདུགདེ་བན་པཡིན་ནམད
༧གོང་ས་༧སྐྱབས་མགོན་ཆོན་པོ་མཆོག་སྐུ་ཚེ་ཁྲི་ལོར་བརྟན་པར་ཤོག ཉེ་ཆར་མགོན་པོ་གང་ཉིད་ནས་དམའ་མཐར་ཡང་རྒྱ་ནག་གུང་ཁྲན་ཏང་གི་སྐུ་ཚེ་ལས་ངའི་སྐུ་ཚེ་རིང་བ་ཡོད་པས་ཚང་མ་དེ་དོན་བློ་བདེ་ངང་བཞུགས་རོགས་གསུངས་ཡོད།
གོང་༧་ས་མཆོག་སྐུ་ཚེ་ཁྲི་ལོ་བསྟན་པར ་ཤོག།
གོང་༧་ས་སྐུ་ཚེ་ཁྲི་ལོ་བསྟན་པར་ཤོག་བོད་རྒྱལ་ལོ།
ངོ་མ་ཡག་པོ་འདུག ད་ལྟ་ང་ཚོ་ལ་རྒྱལ་ཁབ་མེད་ན་ཡང་རྒྱལ་བོ་ཟླ་དང་བྲལ་བ་ཞིག་ཡོད་པ་རེད། ལྷག་པར་དུ་ང་ཚོའི་༸ཁོང་དང་མཉམ་དུ་འཁྲུང་སྐར་གཏོང་བཞིན་ཡོད་པ་བསམ་ན་དགའ་འོས་པ་རེད། ཞར་ལ་༸གོང་ས་མཆོག་དགུང་གྲངས་དོན་བཞི་ལ་ཕེབས་ཡོད་པ་དང་། མིའི་མི་ཚེ་ལ་ཚད་ཡོད་པ་སོགས་བསམ་གཞིག་མང་པོ་ཞིག་བཏང་དུས་སེམས་ཁོང་འདི་གྲང་བསིལ་བསིལ་ཆགས་ཀྱིན་འདུག འོན་ཀྱང་བསམ་ཚུལ་དེ་འདྲ་ཞིག་གཞི་ལ་བཞག་ནས་འུ་ཚོའི་མ་འོངས་པའི་ཁ་ཕྱོགས་འཚོལ་རྒྱུ་ཤིན་ཏུ་གལ་ཆེན་རེད་སྙམ།
ང་ཚོ་བོད་མི་ཚོ་བསོད་ནམས་དབང་ཐང་ཆེ་ས་ཞིག་ལ་བསམ་ན་ཇི་འདྲའི་སྟབས་འཁེལ་བ་ ཞིག་མི་འདུག་གམ། རྒྱལ་སྤྱིའི་ཉིན་མོ་དེ་ཚོའང་ད་ལྟ་བོད་མི་རྩ་ཆེ་ཤོས་བརྩི་བའི་་ཉིན་མོ་ཞིག་དང་སྐབས་་འཁེལ་བ་འདི་ནི་ང་ཚོའི་ཆོས་སྲིད་གཉིས་ཀྱི་དབུ་ཁྲིད་མགོན་པོ་གང་གི་མཛད་་འཕྲིན་མཐའ་དག་འཛམ་་གླིང་ཀུན་ན་སྤྱི་ཁྱབ་ཉིན་མ་ལྟར་ཁྱབ་བཞིན་ཡོད་སྟབས་འཛམ་གླིང་ཁག་གི་སྲུང་བརྩི་ཞུ་བའི་དུས་ཚོད་དེ་དག་ཀྱང་རང་བཞིན་མ་འགྲིག་་ལྷུན་གྱི་གྲུབ་པའི་ཉིན་མོ་སྟེ་༸གོང་ས་་མཆོག་གི་འཁྲུངས་སྐར་དང་སྟབས་་འཁེལ་བ་ཞིག་རེད། དེ་མ་རེད་ཅེས་སུ་གཅིག་གིས་ཀྱང་ཚིག་ཐག་གཅོད་ཐུབ་མཁན་མི་འདུག