ལོ་གཅིག་གི་ནང་དུ་གསར་འགྱུར་དྲ་རྒྱ་ཚང་མས་དྲ་ཐོག་གི་རྒྱུ་ཆ་ཚང་མར་རིན་འབབ་ལེན་རྒྱུ་རེད་ཟེར།
མདང་དགོང་དཔལ་འབྱོར་དུས་བབ་ཀྱི་རྩོམ་སྒྲིག་པ་སྐུ་ཞབས་ལིའོ་ནེལ་ བྷར་བྷེར་ ལགས་ཀྱིས་དབྱིན་ཡུལ་གྱི་གསར་འགྱུར་གླེང་སྟེགས་ཤིག་ཏུ་གཏམ་བཤད་གནད་སྐབས་སྔོན་དཔག་བྱས་དོན། འབྱུང་འགྱུར་གྱི་ཟླ་བ་བཅུ་གཉིས་ཀྱི་ནང་དུ་གསར་འགྱུར་དྲ་རྒྱ་ཐམས་ཅད་ཀྱིས་དྲ་ཐོག་གི་གསར་འགྱུར་དང་རྩོམ་ཡིག་གང་ཡིན་ཡང་རིན་འབབ་ལེན་རྒྱུ་རེད་ཟེར་ལ། ཁོང་གིས་བཤད་དོན། རིན་འབབ་དེའང་གསར་འགྱུར་གྱི་རྩོམ་ཡིག་རེ་རེ་ལ་རིན་གོང་རྒྱག་པའམ། ཡང་ན། དྲ་ཐོག་ལ་དེབ་སྐྱེལ་བྱེད་སྐབས་མངགས་ཉོའི་རིན་གོང་ལེན་པ་གང་རུང་བྱ་སྲིད་པ་རེད། འདི་ལ་ཕན་ནུས་ག་ཚོད་ཅིག་ཡོད་མེད་དང་། ཡོང་འབབ་ག་ཚོད་ཅིག་གསོག་ཐུབ་མིན་ནི་ད་དུང་བཤད་ཁག་པོ་རེད། ཡིན་ཡང་། ངས་གདེང་ཚོད་དང་བཅས་བཤད་ཐུབ་པ་ཞིག་ནི། འབྱུང་འགྱུར་གྱི་ཟླ་བ་ ༡༢ ཀྱི་རིང་འདིར་གསར་འགྱུར་ལས་ཁུངས་དག་གིས་དྲ་ཐོག་གི་རྒྱུ་ཆ་ལ་རིན་འབབ་ལེན་རྒྱུ་ཡིན་པ་ནི་སྔོན་དཔག་བྱེད་ཐུབ་པ་ཞིག་རེད་ཟེར།
ལོ་འདིའི་ཕྱི་ཟླ་ ༥ པའི་ནང་དུ། གསར་ཤོག་གི་གསར་འགྱུར་མཉམ་ལས་ཞེས་པའི་དྲ་རྒྱའི་བདག་པོ་སྐུ་ཞབས་ རུ་བྷེར་ཊི་ མུར་རྡོ་ཆུ་ ཡིས་བཤད་དོན། ཁོང་གི་དྲ་རྒྱས་ལོ་གཅིག་གི་རྗེས་ནས་དྲ་ཐོག་གི་རྒྱུ་ཆར་རིན་འབབ་ལེན་རྒྱུ་ཡིན་ཟེར།
མུར་རྡོ་ཆུ་ཁ་གཏད་དུ་གྱུར་ཡོད་པ་ནེའུ་ཡོག་དུས་བབ་ཀྱིས་འབྱུང་འགྱུར་གྱི་བདུན་ཕྲག་ ༣ ནས་ ༤ ནང་དུ་དྲ་ཐོག་གི་རྒྱུ་ཆ་ལ་རིན་འབབ་ལེན་རྒྱུ་ཡིན་ཚུལ་འདུག
བྷར་བྷེར་གྱིས་བཤད་དོན། ཁོང་གི་དཔལ་འབྱོར་དུས་བབ་ཀྱིས་དྲ་བ་རྣམས་ཀྱིས་མངགས་ཉོ་མ་བྱས་པའི་སྔོན་ལ་རྩོམ་ཡིག་གང་འཚམ་རེ་ཚད་བཀག་ཡོད་པའི་ཐོག་ནས་ལྟ་ཀློག་ཐུབ་པ་བཟོ་གི་ཡིན་ཟེར།
ཁོང་གིས་བཤད་དོན། དེང་གི་ཌེ་ཇེ་ཊལ་གྱི་དུས་སྐབས་འདིས་གསར་འགྱུར་ལས་ཁུངས་ཁག་ལ་ཇི་འདྲའི་ཉེན་ཁ་ཡོད་པ་བཞིན། གོ་སྐབས་ཀྱང་ཚད་མེད་པ་ཞིག་སྤྲད་ཡོད་པ་རེད་ཟེར།
ཁོང་གིས་ད་དུང་བཤད་དོན། གསར་འགོད་རིག་པ་དང་ཟིན་བྲིས་ཀྱི་དབྱེ་བ་ཕྱེ་ཡོད་ལ། ཚད་ལྡན་གྱི་གསར་འགོད་རིག་པ་ནི་བདེན་པ་དང་དོ་མཉམ་གྱི་གསར་འགྱུར་རམ་གནས་ཚུལ་གྱི་རྨང་གཞིའི་སྟེང་ནས་ཡོང་དགོས་ལ། ཟིན་བྲིས་ནི་གཙོ་ཆེ་བར་བསམ་ཚུལ་གྱི་ཕྱོགས་ནས་ཡོང་གི་རེད། ཟིན་བྲིས་ཀྱིས་སྐབས་རེར་གསར་འགྱུར་གྱི་སྒྲུང་གལ་ཆེན་དེ་འདྲ་སྒྲོག་གི་རེད་ལ། དེ་ནི་མུ་མཐུད་ནས་ཡོང་བར་འདོད།
གོང་ས་མཆོག་གི་ཨམ་སྐད་ཞེས་པ་དེ་དུས་ཚོད་ག་དུས་ཡིན་མེད་དང་གསར་འགོད་པས་ཕབ་འགྱུར་ཞེས་པ་མ་ཡིན་ནམ་་་་་་དེ་སྔོན་གོང་ས་མཆོག་གི་གསུང་ཕྲིང་ཞིག་གི་ནང་ང་ཨ་དོ་རེད་དེ་ངས་ཨམ་སྐ་གཅིག་མ་ཏོག་ཤེས་རྒྱུ་མ་རེད་ཞེས་གསུང་འདུག་
དྲ་བའི་རིིན་གོང་ལེན་རྒྱུ་འདི་གསར་འགོད་པ་དང་རྩོམ་པ་པོ་རྣམས་ལ་མཚོན་ན་བཀྲ་ཤིས་པའིི་གཏམ་བཟང་ཞིག་རེེད་། གང་ཡིན་ཞེ་ན་དྲ་རྒྱ་དེ་དག་གི་ཐོག་འདོན་སྤེལ་བྱས་པའི་གསར་འགྱུར་དང་རྩོམ་ཡིག་དུམ་བུ་རེ་རེེའི་རིན་གོང་འཕར་རྒྱུ་ཡིན་པ་རེད་
འོོན་ཀྱང་འདི་བརྒྱུད་ནས་ཀློག་པ་པོའི་གྲངས་ཚད་ཉུང་དུ་འགྲོ་ངེེས་ཡིན་པ་སྨོས་མེད་རེད། དེར་བརྟེེན་སྐབས་རེ་རྩོམ་པ་པོ་དང་གསར་འགོད་པའི་འཚོ་བ་ལའང་བལྟ་རྒྱུ་མ་མཉེས་པ་བྱོས།
འོ་ཡ་ད་ཁྱེད་ཚོས་སེམས་འཕྲལ་བྱོས།
ང་བློ་བདེ་བོ་འདུག
ཅིའི་ཕྱིར་ང་སེམས་བདེ་བ་རེད་དམ།
བདེ་བ་ཅན་གྱིས་རྨི་ལམ་སྐྱིད་པོ་ཞིག་གཏོང་གི་འདུག གསར་ལམ་གལ་ཆེན་ཁག་གིས་གནས་ཚུལ་བཀག་པ་ཡིན་ན་གྱོང་ཆེན་པོ་ཞིག་རག་གི་རེད། འཇིག་རྟེན་ཡོངས་རྫོགས་དངུལ་གྱི་བྲན་དུ་འགྱུར་བཞིན་པའི་སྐབས་འདིར་ཚང་མས་ཚོང་ལས་གཉེར་གི་རེད། བརྐུ་ཀློག་བྱ་རྒྱུ་དཀའ་ལས་ཁག་སེ་ཡོད་པ་རེད།
ང་ནི་སེམས་ཁྲལ་རྩ་བ་ནས་མི་འདུག རྒྱ་གར་ནི་རིག་་མཛོད་་འཕྲུལ་འཁོར་གྱི་ཀླད་པའི་འགུལ་སྤྱོད་ཨང་རྟགས་ཀྱི་ཐོག་འཛམ་གླིང་ཐོག་མཁས་པའི་གདན་གྲལ་དུ་ཚུད་དེ་སྐད་གྲགས་ཡོད་པར་བརྟེན། རྒྱ་གར་གྱི་མང་ཚོགས་དུང་ཕྱུར་མང་པོའི་བདེ་རྩའི་ཆེད་དུ་ཁོང་ཚོས་མང་གཙོའི་ལུང་པའི་ནང་གསར་འགྱུར་་ལྟ་དོད་ཚེ་རིན་འབབ་བསྡུ་ལེན་བྱེད་པའི་རྣམ་དཔྱོད་དེ་དག་ལས་རྣམ་པར་རྒྱལ་བའི་ཐབས་ལམ་ཞིག་བཏོན་སྲིད་པས་ང་ཚོ་ནམ་ཡང་འཇིགས་སྣང་བྱ་དགོས་ཀྱི་མེད། དེ་བས་ང་ཚོར་འཛམ་གླིང་སྟེང་རྒྱུན་རིང་ཤོས་སྦྱང་ཤིང་ཐོག་བྲིས་པ་དང་ཤིང་བརྐོས་བྱས་ཏེ་དྲ་གནས་དང་ཤོག་ཐོག་ལས་རྣམ་པར་རྒྱལ་བ་དང་། རིན་གོང་ཆུང་ལ་རྫོགས་མཐའ་མེད་པའི་དཔར་བསྐྲུན་གྱི་ལག་ཆ་ཡོད་ཅིང། རྒྱལ་སྤྱིའི་སྤྱི་ཚོགས་ཀྱི་འགྱུར་འགྲོས་ལ་དེ་ཙམ་མཉམ་བསྐྱོད་མ་ཐུབ་པར་སེམས་ ཁྲལ་མེད་པའི་ལུས་སེམས་དལ་ཤོས་ཀྱི་གཤིས་ཀ་ཡོད་པས་ང་ནི་སེམས་ཁྲལ་ཅི་ཡང་མི་འདུག
ངས་ནེའུ་ཡོག་དུས་བབ་ཕལ་ཆེར་ཉིན་གཅིག་ཀྱང་མ་ཆད་པར་ཀློག་གིན་ཡོད། ད་ནི་འདིའི་སྐལ་བ་ཤོར་རྒྱུ་ཡིན་པ་འདྲ། ཚགས་པར་མངགས་པ་ལྟར་དྲ་རྒྱའང་མངགས་ཉོ་བྱ་དགོས་ཚེ་སྐྱབས་བཅོལ་བ་ཚོར་མཚོན་ན་རིན་གོང་ཏོག་ཙམ་མཐོ་རྒྱུ་རེད། ཡིན་ཡང་། མི་མངགས་ཐབས་མེད་འདྲ་ཞིག་ཀྱང་རེད།