གཟའ་འཛིན་རིང་ཤོས།

དེ་རིང་གི་ཉི་འཛིན་གཟིགས་འདོད་ན་ཁོ་བོའི་ཟིན་ངན་ཕེབས་ཤོག་

དེ་རིང་གི་ཉི་འཛིན་གཟིགས་འདོད་ན་ཁོ་བོའི་ཟིན་ངན་ཕེབས་ཤོག་

སང་ཉིན་གྱི་ཉི་འཛིན་དེ་ཆུ་ཚོད་ག་ཚོད་ནས་འགོ་འཛུགས་ཀྱི་རེད།

དྲ་གྲོགས་ར྄ྣམ་པར་དྲི་བ་ཞིག་ལ་ཉི་འཛིན་དང་ཟ྄ླ་འཛིན་ད་དུང་ནམ་ར྄ྒྱུན་ཚེས་བཅོ་ལ྄ྔ་དང་གནམ་གང་ལ་དགེ་བ་བས྄ྒྲུབ་ན་འགྱུར་ཆེ་ཞེས་ཡོངས་སུ་གྲགས་ཀྱང་དེ་ལ྄ྟར་ཡིན་པའི་ར྄ྒྱུ་མཚན་གང་ཡིན་ནམ།འདིའི་ས྄ྐོར་འབྲུག་ཡུལ་དུ་ད་ལ྄ྟ་བགྲོ་ག྄ླེང་གནང་བཞིན་ཡོད་ས྄ྐད་ཐོས།

དྲ་གྲོགས་ཚོ།    ཁྱེད་ཚོས་ཅི་ཞིག་གསུང་གིན་ཡོད་དམ།   ཉི་འཛིན་ཟླ་འཛིན་གྱི་སྐོར་དུས་སྐོར་སྐར་རྩིས་ན་གསལ་བོར་ཡོད་པ་མ་ཟད།   འཛམ་གླིང་འདིར་ཚན་རིག་མ་དར་བའི་ཡར་སྔོན་མི་ལོ་སྟོང་ཕྲག་ལྷག་གི་གོང་ནས་ཉི་ཟླར་སྒྲ་གཅན་འཇུག་ཚུལ་ཆུ་ཚོད་སྐར་ཆ་ཙམ་ཡང་མི་བཟུར་བར་ཐག་གཅོད་ཐུབ་ཀྱི་ཡོད།   དེང་དུས་ཚན་རིག་གིས་དེའི་ཚུལ་ཤེས་ཀྱིན་ཡོད་པ་དེ་ཡང་དུས་འཁོར་སྐར་རྩིས་ལས་བསྟན་པ་དེ་ལས་ལྷག་པ་ཅི་ཡང་མེད།   
དེའི་ཚུལ་ནི།   ཕྱི་རུ་སྒྲ་གཅན་མཇུག་རིང་ལོངས་སྤྱོད་ཉིད།།
ནང་དུ་དཀར་དམར་ཁམས་ཀྱི་འདུ་འཕྲོད་ལས།།
གཞན་དུ་རིམ་གཉིས་མན་ངག་དང་འཕྲད་ན།།
རྣལ་འབྱོར་བ་ལ་མཆོག་གི་བདེ་བ་སྟེ།།   ཞེས་གསུངས་པ་ལྟར་རོ།།
བོད་མི་རྣམས་ཀྱིས་ཟླ་འཛིན་ནམ་ཉི་འཛིན་སྐབས་རྔ་རོལ་སོགས་བརྡུང་ནས་འུར་ཟེང་བྱེད་པ་ནི།   ཟླ་ཉི་སྒྲ་གཅན་ལ་ཞུགས་དུས་རྣལ་འབྱོར་བའི་ལས་རླུང་དབུ་བའི་དབྱངས་སུ་ཞུགས་ཀྱིན་ཡོད་པས།    དེ་དུས་སྒོམ་སྒྲུབ་དང་དགེ་སྦྱོར་བྱས་ན་སྤྱིར་བཏང་ལས་ཕན་ཡོན་ཆེ་བ་ཡོད་པས།    སྔོན་ཆད་ཟླ་ཉི་སྒྲ་གཅན་ལ་ཞུགས་སྐབས་ཆོ་ག་ཆོས་སྤྱོད་སོགས་འདོན་སྲོལ་ཡོད་པ་དེའི་ལྷག་མ་ཙམ་ལས་གཞན་གང་ཡང་མ་རེད།   
ད་དུང་བདག་ཅག་གི་སྟོན་པ་ཐུབ་པའི་དབང་པོ་སངས་རྒྱས་པའི་སྐབས་ཟླ་བ་སྒྲ་གཅན་ལ་ཞུགས་ཚུལ་ད་ལྟའི་ཆར་ཡང་དྷྲུ་བ་ཡར་ལྡོག་གི་ལམ་ནས་བརྩིས་ན་དེའི་རི་མོ་ཤིན་ཏུ་གསལ་བོར་མངོན་པ་དེས་ཀྱང་མཚོན་ནོ།།
མདོར་ན་ཉི་འཛིན་དང་ཟླ་འཛིན་ཟེར་དགོས།    འོན་ཀྱང་སྐབས་རེར་ཉི་ཟླ་གཟའ་འཛིན་ཞེས་ཀྱང་གསུང་སྲོལ་ཡོད།   

རེད་རེད་དེ་ནི་རྒྱ་ནག་གི་དགེ་རྒན་སློབ་དཔོན་ཆེན་མོ་བ་དང༌། ཚན་རིག་པ་གྲགས་ཅན་སློབ་དཔོན་ཡེག་ཊི་བའ་ཝོ་ཡིས་སངས་རྒྱས་ཆོས་ལུགས་ལ་གནང་བའི་ཞིབ་འཇུག་གི་གྲུབ་དོན། དེབ་ཆུང་ཞིག་བྲིས་ཡོད་པ་དེར་བོད་ཀྱི་ཡུལ་སྲོལ་དེ་དག་རྒྱུ་མཚན་ཅི་ཞིག་ནས་བྱུང་ཡོད་པ། དེའི་དགོས་པ་སོགས་ཚན་རིག་དང་མཐུན་པར་གསལ་པོར་བཀོད་ཡོད།,
d

གནའ་ནས་ད་བར་ང་ཚོས་ཉིན་འཛིན་དང་གཟའ་འཛིན་ཟེར་དུས་ནམ་མཁའི་ངོས་སུ་ཡོད་པའི་གཟའ་ཨོག་རལ་ཞེས་པ་གཅིག་གི་ལོ་རེར་ཉིན་ཟླགཉིས་བཟའ་བཞིན་ཡོད་ཚུལ་བརྗོད་དེ་སྐབས་དེར་རྔ་དང་། སླངས་ང་། དབྱུག་པ། ཁྱི་སོགས་ཚད་མེད་བརྡུངས་ཏེ་ད་དུང་གཟའ་ཡིས་དེ་མ་ཐག་ཏུ་གློད་དགོས་པའིམི་སྐད་ལུང་པ་གང་རྒྱག་གི་ཡོད།
སྐབས་དེ་དུས་དེ་འདྲ་བྱེད་པ་དེར་དགོས་དོན་ཅི་ཡང་མེད་པ་ཞིག་གཏན་ནས་མིན་ན་ཡང་ད་གཟོད་ང་ཚོས་ཞིབ་ཏུ་བསམ་དུས་དངོས་གནས་ཡ་མཚན་པོ་དང་། ཇི་འདྲའི་དགོད་བྲོ་པོ་ཞིག་རེད་ཨང་།

ནུབ་ཕྱོགས་པའི་ཚན་རྩལ་དར་བ་བརྟེན་ད་ཆ་ང་ཚོས་ཀྱང་དེ་ནི་དེ་འདྲ་ཞིག་གཏན་ནས་མིན་ཞིང་། ཉི་མའི་ཁྱིམ་རྒྱུད་དུ་ས་ཡི་གོ་ལས་བསྐོར་བསྐྱོད་བྱེད་པ་མ་ཟད་ཟླ་བས་ང་ཚོའི་གོ་ལར་ཡང་བསྐོར་བ་བྱེད་པའི་ཆ་ནས་ཉི་མའི་འོད་དེ།

ཐད་ཀར་ཟླ་བར་ཕོག་དུས་ཟླ་བའི་གྲིབ་གཟུགས་དེ་ཐད་ཀར་ང་ཚོའི་ས་ཡི་གོ་ལར་ཕོག་པར་བརྟེན་ཉི་འཛིན་ཞེས་དེང་དུས་ཕྱི་རྒྱལ་ཚོས་དེ་ལ་ ” Solar eclipse ”དང་། ཡང་ཉི་མའི་འོད་དེ་སའི་གོ་ལར་ཕོག་དུས་གོ་ལའི་གྲིབ་གཟུགས་དེ་ཐད་ཀར་ཟླ་བར་ཕོག་པར་སོང་དེ་ལ་ ” Lunar eclipse ” ཟེར་བ་རེད།

ཉི་འཛིན་རེད་དམ་གཟའ་འཛིན་རེད།
གཟས་ཉི་མ་འཛིན་རྒྱུ་རེད་དམ།
ཡང་ན་ཉི་མས་གཟའ་འཛིན་རྒྱུ་རེད།
ཉི་མས་གཟའ་བཟུང་ན་གཟའ་འཛིན་རེད།
གཟས་ཉི་མ་བཟུང་ན་ཉི་འཛིན་མ་རེད་དམ།

མ་གཞི་ངས་འདིའི་སྐོརགྱི་ཤེས་བྱ་རགས་ཙམ་ཨ་ཕའི་ངག་རྒྱུན་ལས་གོ་བ་མ་གཏོགས་ཚན་རིག་གི་ལམ་ནས་སྦྱངས་མྱོང་མེད།
གཅིག་བྱས་ན་ངས་ནོར་ཡོད་ཀྱི་རེད།
གལ་སྲིད་བཤད་སྟངས་ནོར་ཡོད་ན་དགོངས་དག་ཞུ་རྒྱུ་ལས་གཞན་ཅི་ཡང་མེད།