དོན་གྲུབ་དབང་ཆེན་ལ་ཁྲིམས་བཤེར་བྱེད་པའི་དུས་ཚོད་ལ་ཉེ་སྐབས་འདིར། རྒྱལ་སྤྱིའི་ཉེས་ཡངས་ཚོགས་པས་ཁོང་ལ་དྲང་བདེན་གྱི་ཁྲིམས་བཤེར་ཡོང་ཐབས་སུ་ཞུ་ཡིག་གི་ལས་འགུལ་ཞིག་སྤེལ་མགོ་བཙུགས་ཡོད་པ་རེད།
ཕྱི་ཚེས་ ༡༩ ཉིན་རྒྱལ་སྤྱིའི་ཉེས་ཡངས་ཚོགས་པས་དོན་གྲུབ་དབང་ཆེན་ལ་དྲང་བདེན་གྱི་ཁྲིམས་བཤེར་ཡོང་ཐབས་སུ་ཞུ་ཡིག་གི་ལས་འགུལ་ཞིག་སྤེལ་ཡོད་མགོ་བཙུགས་ཤིང་། དྲང་བདེན་ལ་དགའ་བའི་འགྲོ་བ་མི་རྣམས་ཀྱིས་ཁོང་ལ་རྒྱབ་སྐྱོར་བྱ་ཆེད་དུ་ཞུ་ཡིག་གི་ལས་འགུལ་འདིའི་ནང་མཉམ་ཞུགས་བྱ་རྒྱུའི་འབོད་སྐུལ་ཞུས་ཡོད་པ་དང་། ཞུ་ཡིག་དེ་དག་རྒྱ་ནག་གི་འབྲེལ་ཡོད་མགོ་ཁྲིད་རྣམས་ལ་འཕྲོད་ཐབས་བྱ་རྒྱུ་ཡིན་ཟེར།
ད་ལྟའི་བར་དུ་དོན་གྲུབ་དབང་ཆེན་གྱིས་བཟོས་པའི་འཇིགས་བྲལ་གློག་བརྙན་དེ་རྒྱལ་ཁབ་ ༣༠ ལྷག་གི་ནང་དུ་བསྟན་ཡོད་པ་དང་། སྐད་ཡིག་མང་པོའི་ནང་དུ་བསྒྱུར་ཡོད་འདུག
ད་ལྟ་ཁོང་གི་འཕྲོད་བསྟེན་ནི་ཛ་དྲག་གི་གནས་སུ་གྱུར་ཡོད། རྒྱ་ནག་གི་བཙོན་ཁང་ཁག་གི་ནང་དུ་མནར་གཅོད་དང་བརྙས་བཅོས་བྱེད་པ་ནི་ཡོངས་གྲགས་ཀྱི་གནས་ཚུལ་ཡིན་ལ། ཁོང་ལ་སྨན་བཅོས་ཚད་ལྡན་བྱ་བཅུག་མེད་པ་རེད། དེ་བས་ཀྱང་། ཉེ་ཆར་པེ་ཅིན་ནས་ཁོང་གི་ཁྲིམས་རྩོད་པ་ཞིག་ཞུས་པ་དེ་རྒྱ་ནག་གཞུང་གིས་ངོས་ལེན་མ་བྱས་པར་ཕྱིར་པེ་ཅིན་དུ་མངགས་ཡོད་སྟབས། ང་ཚོའི་སེམས་ཁྲལ་དང་དངངས་སྐྲག་ཆེ་ཤོས་ནི་ཁོང་ལ་བསམ་ཡུལ་ལས་འདས་པའི་ཁྲིམས་ཐག་ལྗིད་མོ་གཅོད་རྒྱུའི་ཉེན་ཁ་འདུག་ཅེས་བརྗོད་ཡོད་པ་རེད།
བོད་དོན་ལས་འགུལ་བ་དབང་པོ་བཀྲས་མཐོང་ལགས་ཀྱིས། རྒྱལ་སྤྱིའི་བོད་དོན་རྒྱབ་སྐྱོར་བ་ཡོངས་ལ། ཐེངས་འདིར་དོན་གྲུབ་དབང་ཆེན་ལ་རྒྱབ་སྐྱོར་གནང་ཆེད་དུ་ཅི་དགའ་གང་དྲག་གི་དགོངས་ཚུལ་མང་དུ་འདོན་རྒྱུ་དང་། ཁོང་ལ་དེང་སྐབས་ང་ཚོའི་རྒྱབ་སྐྱོར་ཧ་ཅང་དགོས་གལ་ཆགས་ཡོད་པ་རེད་ཅེས་འབོད་སྐུལ་ཞུས་ཡོད་པ་རེད།
མང་པོ་མང་པོ་ཞིག་ཁ་སྟོང་ནང་གི་ཚིག་སྟོང་མ་རེད་དམ། ལབ་ལབ་མང་པོ་ཡོད་རེད། ལག་ལེན་ཉིན་མོའི་སྐར་མ་རེད། ཁྱེད་ཀྱི་སྙིང་སྟོབས་འགྲན་ཟླ་བྲལ། བོད་དང་བོད་རིགས་ལ་ཞེན་པ་དཀར་པོ་ཟེར་པ་དེ་འདི་རེད། དེ་པཞིན་མི་རིགས་ཀྱི་དཔའ་བོ་ཡོད་དོ་ཅོག ཅེ་རེ་རྒྱབ་ཏུ་ལངས་ཏེ་ཡོད།
ཁ་སང་ཨ་རིར་ཡོད་པའི་རྒྱལ་སྤྱིའི་བོད་དོན་ཁང་གིས་ཨ་རིའི་ཕྱི་སྲིད་ལྷན་ཁང་དང་ཨ་རིར་ཡོད་པའི་རྒྱ་ནག་གཞུང་ཚབ་ཁང་ལ་དོན་གྲུབ་དབང་ཆེན་གྱི་གནད་དོན་སྐོར་ལ་སེམས་ཁྲལ་ཡོད་པ་དང་ ཁྲིམས་བཤེར་དྲང་པོ་དགོས་སྐོར་ཞུ་སྐུལ་བྱས་འདུག
ཡུ་རོབ་དུ་ཡོད་པའི་རྒྱལ་སྤྱིའི་བོད་དོན་ལས་འགུལ་ཁང་གིས་ཀྱང་དེ་མཚུངས་ཀྱི་ལས་འགུལ་སྤེལ་གྱིན་འདུག ཡུ་རོབ་རྒྱལ་ཁབ་ཁག་གིས་ཀྱང་འདིའི་ཐད་ཁ་གྲག་དགོས་ཀྱི་འདུག
བོད་ཀྱི་བདེན་དོན་ཆེད་དུ་ཞི་བའི་སྒོ་ནས་དཔའ་ངར་ཞུམ་མེད་ཀྱིས་རྒྱ་ནག་པོའི་སྲིད་གཞུང་ལ་ངོ་རྒོལ་བྱས་ན་འཛིན་བཞིན་ཡོད་པ་ནི་བཤད་མ་དགོས་པ་ཞིག་ཡིན་ཡང་། རྒྱལ་གཅེས་དབའ་བོ་དོན་འགྲུབ་དབང་ཆེན་མཆོག་གིས་ངོ་རྒོལ་གང་ཡང་བྱས་མེད་པར་བོད་མི་དག་ལ་གནས་ཚུལ་ཞིག་བཅའ་འདྲི་བྱས་པ་དེ་ནི་རྒྱ་ནག་གི་རྩ་ཁྲིམས་དང་གཏན་ནས་འགལ་མེད་པ་ཁྲིམས་ལུགས་ཤེས་མཁན་དག་གིས་ཤེས་གསལ་ཡིན་ན་ཡང་། ད་ལྟའི་འཆར་ཁྲིམས་ལུགས་དངོས་སུ་བཤད་ས་མེད་པའི་རྒྱ་ནག་སྲིད་གཞུང་གིས་བོད་མི་ཅི་ཙམ་ཞིག་འདི་ལྟར་མེད་བརླག་ལ་གཏོང་བ་དེར་བསམ་བློ་བཏང་དུས། དོན་འགྲུབ་དབང་ཆེན་ཡང་ང་ཚོའི་ལག་ཏུ་ཕྱིར་བདེ་ཐང་ངང་ཡོང་རྒྱུ་ཁག་པོ་རེད། དེའི་རྒྱུ་མཚན་ནི་བོད་མི་དག་གིས་གཅིག་རྗེས་གཉིས་མཐུད་བྱེད་ཐུབ་ཀྱི་མེད་སྟབས་ཡིན་པ་རེད་སྙམ།
ཉིན་འདི་དག་གི་རིང་ལ་འདི་ཕྱོགས་ནས་ཀྱང་རྒྱལ་གཅེས་པ་ཁོང་ལ་རྒྱབ་སྐྱོར་གྱི་མིང་རྟགས་རེ་བསྡུ་བཞིན་འདུག་ཀྱང་ང་ཚོའི་མིང་གྲགས་ཅན་གྱི་གཞོན་ནུ་སོགས་ཚོགས་པ་ལྔའམ་བཞི་ལ་གྲགས་འགུལ་ཅི་ཡང་མེད་དོན་ཅི་རེད། ངོ་མ་ང་ཚོས་ཀྱང་འཆར་ཅན་གྱི་མར་མེ་ཁྲོམ་སྐོར་ཙམ་མ་ཡིན་པར་དོན་སྙིང་ཅན་གྱི་ལས་འགུལ་ཞིག་སྤེལ་ན་རེད། ངས་མ་གོ་མ་ཐོས་པ་ཡིན་ན་དགོངས་སེལ་ཞུ། །
ང་ཚོས་རྒྱ་ལག་ནས་བོད་པ་རྐང་གཅིག་ཀྱང་ཕྱིར་ལོན་མྱོང་མེད། ཁྲིམས་རྩོད་པ་ ༥༣ གྱི་ལག་འཁྱེར་ཕྱིར་བསྡུ་བྱས་པ་འདི་ལ་ཡག་རྟགས་ཤིག་མི་འདུག