ཚེས་ ༢༠ 
ཉིན་སན་ཕྷྲན་སིས་ཀོ་ནས་བཀྲ་ཤིས་དོན་གྲུབ་ལགས་ཀྱིས་གནས་ཚུལ་སྤེལ་གསལ་ལྟར་ན། ཕྱི་རྒྱལ་དུ་གནས་སྡོད་གཞས་པ་བཀྲས་ཆུང་ལགས་ཀྱི་བོད་ཀྱི་དུས་སྟོན་ཞེས་པ་བོད་ཀྱི་གཞས་པ་ཚོའི་རོལ་དབྱངས་སྤྲོ་སྟོན་གྱི་ཉིན་མོར་བཏང་གནང་བའི་འཁོར་ཐག་དེ་དང་། གཞས་པ་སྐལ་བཟང་རྒྱ་མཚོའི་”གནས་མཇལ་བ་”ཞེས་པའི་འཁོར་ཐག་ནང་གི་དྲན་གླུ་ཞེས་པ་གཉིས་ལ་སྤྱིར་བཏང་གི་མི་ ཞེས་པའི་རང་དབང་གི་སྒྱུ་རྩལ་ལྟེ་གནས་ཁང་གིས་ལོ་འདིའི་ཨེ་ཤ་ཡའི་གཞས་སྣ་གྲགས་ཤོས་ཀྱི་འོས་གཞིར་བདམས་ཡོད་པ་དང་། གཟེངས་རྟགས་འབུལ་བཞེས་ཀྱི་ལྟད་མོ་དེ་ཕྱི་ཟླ་ ༨ པའི་ཚེས་ ༢༩ ཉིན་ཨ་རི་ནས་འཚོགས་གཏན་འཁེལ་འདུག བཀྲས་ཆུང་ལགས་ལ་འདི་ལོར་རང་གི་འཁོར་ཐག་གི་གཞས་སྣ་”ཞབས་གཞས་” དང་ “ཆོས་ཀྱི་དབྱངས་རྟ་”ཞེས་པ་གཉིས་ལ་གཟེངས་རྟགས་ཐོབ་འདུག་ཅིང། སྐལ་བཟང་རྒྱ་མཚོ་ལགས་ནི་ཡུན་ནན་ཞིང་ཆེན་དུ་སྐྱེས་ཤིང། ད་ལྟའི་ཆར་ཨ་རིར་བཞུགས་མུས་ཐོག ཁོང་གི་འཁོར་ཐག་གནས་མཇལ་བ་ཞེས་པ་བཟོ་སྐྲུན་བྱེད་མཁན་ནི་ལེ་ནེ་ཊ་དང། མེའེ་ཁལ། སུ་ཊེ་ཧྥུ་ཧེལ་ལེར་སོགས་ཡིན་འདུག
སྤྱིར་བཏང་གི་མི་ཞེས་པའི་ཚོགས་པ་འདིའི་ནང་དུ་གཞས་རྩོམ་མཁན་ ༥༡།༥༠༠ དང་། རོལ་དབྱངས་འདེབས་འཇུག་པ་སོགས་ཡོད་ཅིང་། དེའི་དམིགས་ཡུལ་གཙོ་བོའང་རྒྱལ་སྤྱིའི་གཞས་པ་ཚོའི་དབར་མཉམ་འབྲེལ་ཡོང་རྒྱུ་སོགས་ཡིན་འདུག
བཀྲས་ཆུང་ལགས་ནི་དེང་སྐབས་ཨ་རིའི་ཁ་ལི་ཧྥོ་ནི་ཡ་རུ་གནས་སྡོད་བྱས་ཡོད་ཅིང་། ཁོང་གིས་བཏང་ཞིང་ཨ་མྱེས་ཆབ་བྲག་པས་གཞས་ཚིག་བརྩམས་པའི་ཞི་བའི་གངས་སེང་ཞེས་པའི་གཞས་དེ་སྙན་པ་ལ་དཔེ་མེད་པ་ཞིག་འདུག འདི་ལོར་ཁོང་གིས་ཡང་སྐྱར་”སེམས་གཞས་”ཞེས་པའི་སྒྲ་འཁོར་གསར་བ་ཞིག་འདོན་བཞིན་ཡོད་ལ། “སེམས་གཞས་”ཞེས་པ་ནི་ཁོ་བོས་ཕྱི་སྡོད་བོད་རིགས་བྱིས་པ་སྤྱི་དང་ཁྱད་པར་དུ་ནུབ་ཕྱོགས་སྤྱི་ཚོགས་སུ་སྐྱེས་ནས་འཚར་ལོངས་འབྱུང་བཞིན་པའི་བྱིས་པ་ཚོའི་ཆེད་དུ་བརྩམས་པའི་གཞས་ཚིག་ཅིག་གི་མིང་ཡིན།
གཞས་ཚིག་འདི་ལྟར།
ཨ་མ། ང་ལ་བརྩེ་བ་ཡོད་ན། ཨ་མས་ང་ལ་བོད་སྐད་གསུང་རོགས་གནངས།
ཨ་ཕ། ང་ལ་བརྩེ་བ་ཡོད་ན། ཨ་ཕས་ང་ལ་བོད་ཡིག་སློབ་རོགས་གནངས།
སྤོ་སྤོ། ང་ལ་བརྩེ་བ་ཡོད་ན། སྤོ་སྤོས་ང་ལ་བོད་སྒྲུང་བཤད་རོགས་གནངས།
རྨོ་མོ། ང་ལ་བརྩེ་བ་ཡོད་ན། རྨོ་མོས་ང་ལ་བོད་གཞས་སློབས་རོགས་གནངས།
ནང་མི། ང་ལ་བརྩེ་བ་ཡོད་ན། ནང་མིས་ང་རང་བོད་དུ་འཁྲིད་རོགས་གནངས།
དེ་ནི་མིང་ཙམ་གྱི་བོད་པ་རེད་ལ། མིང་ཙམ་གྱི་བོད་གཞས་རེད། ཐ་ན་བོད་ཡིག་ཚིག་གཅིག་ཀྱང་མཐོང་རྒྱུ་མེད་པ་དེ་རེད། དྲང་མོར་ཞུ་ན་དེ་ཚོས་མ་ཡུམ་གངས་ལྗོངས་ཀྱི་རིག་གཞུང་སེང་གེ་
དཀར་མོའི་གཡུ་རལ་ལ་སྤྲེའུས་ལག་རྩེད་མཛད་མཁན་དག་རེད་ལ་
དོན་མཐུན་གྱི་མིང་འབོད་ན་སྐད་ཡིག་རྩ་བརླག་གཏོང་མཁན་གླུ་བ་རེད།
བོད་གཞས་གཏོང་མཁན་མེད་སོང་བ་རེད་དམ། བོད་གཞས་ལ་དགའ་མཁན་མེད་སོང་བ་རེད་དམ། དོན་དངོས་ཐོག་བྱེས་པ་དག་གིས་རང་གི་རིག་གཞུང་ཞེས་ནམ་རྒྱུན་གླེང་གཞིར་བཟུང་ཡོད་པ་རེད། ད་ནི་གླུ་གཞས་ཀྱི་བསྐོར་ལ་ཡང་མི་མི་ཉུང་བ་ཞིག་བསྐྱེད་སྲུང་ཐུབ་ཡོད་ཅེས་བོད་གཞུང་ཟློས་གར་ཁང་དུ་ག་དུས་དགོང་ཚོགས་རེ་ཚོགས་ན་དེ་ལྟར་བཤད་ཀྱི་ཡོད་པ་མ་རེད་དམ།
སྒྱུ་རྩལ་ནི་སྔ་ས་ནས་ཤི་ཚར་བ་རེད། བོད་གཞུང་ཟློས་གར་ཁང་འདི་ངོ་མ་དགོས་དོན་མི་འདུག ཟམ་གདོང་རིན་པོ་ཆེ་ཡི་ལས་འཁྱུར་མ་རྫོགས་གོང་འདི་ཡང་སྒེར་བདག་ཅན་ལ་བསྒྱུར་དགོས་པ་རེད།
འདི་ཡང་དགའ་འོས་པ་ཞིག་ལོས་ཡིན།འོན་ཀྱང་བཙན་བྱོལ་ནང་འཚར་ལོངས་བྱུང་བའི་གཞིས་པ་ཚོར།རི་ཆུ་བྲག་གསུམ་གྱི་ཁོར་ཡུག་སྐྱིད་པོ།ཞོ་འོ་རྩམ་གསུམ་གྱི་བྲོ་བ་ཞིམ་པོ།མཛེས་སྙན་ཡིད་འཇེབས་ཀྱི་ཚིག་སྦྱོར་བདེ་མོ།དག་གསལ་གཙང་གསུམ་གྱི་དབྱངས་རྟ་སྙན་མོ་སོགས་མི་རིགས་རང་རྐང་བའི་སྒྱུ་རྩལ་རང་ངོས་ནས་བལྟས་ན་ད་དུང་ནར་མ་སོན་པའི་སྣང་བ་ཞིག་རྟག་པར་བདག་གི་ཡིད་ངོས་ན་ཤར་གྱིན་འདུག