བོད་ཀྱི་དུས་བབ་གསར་ཤོག་སྤྱིའི་འདོན་ཐེངས་ ༡༥༦ པའི་སྟེང་གི་རྩོམ་སྒྲིག་པའི་གཏམ།
བདུན་ཕྲག་འདིའི་ནང་དུ་བགྲོ་གླེང་གལ་ཆེན་གཉིས་བྱུང་ལ། གཉིས་ཀ་སྟོབས་ཤུགས་གལ་ཆེན་གཉིས་ཀྱི་སྐོར་ཡིན་པ་མ་ཟད། ཐད་ཀར་དུ་བོད་དོན་འཐབ་རྩོད་ཀྱི་སྲུང་སྐྱོབ་གལ་ཆེན་གཉིས་ཀྱང་ཆགས་འདུག
བགྲོ་གླེང་དེ་གཉིས་ཀྱི་གཅིག་ནི་མཉམ་འབྲེལ་རྒྱལ་ཚོགས་ཀྱི་འཐུས་མི་རྒྱལ་ཁབ་ ༤༠ ལྷག་གི་ནང་བྱུང་ཞིང་། བགྲོ་གླེང་གི་བརྗོད་གཞི་ནི་སྲུང་སྐྱོབ་ཀྱི་འོས་འགན་ཞེས་པ་དེ་རེད། རྩ་འཛིན་འདི་ནི་དོན་ཚན་བཞི་སྟེ། མི་རིགས་རྩ་གཏོར་དང་མི་རིགས་གཙང་ཕྱག དམག་འཁྲུག་སྐབས་ཀྱི་ཉེས་གསོག འགྲོ་བ་མིའི་བདེ་རྩའི་ཉེས་གསོག་བཅས་རེད། འདི་དག་ནི་རྒྱལ་ཁབ་ཅིག་གི་གཞི་རྩའི་འོས་འགན་ཡིན་ལ། འོས་འགན་འདི་དག་མི་ཐེག་པའི་སྐབས་སུ་ཕྱི་ཕྱོགས་ཀྱི་རྒྱལ་ཁབ་ཀྱིས་རྒྱལ་ཁབ་དེའི་ནང་བྱུས་གཏོགས་བྱས་ཆོག་རྒྱུ་དེ་ཡིན།
ད་ལྟའི་རྒྱ་ནག་དང་འབར་མ། སུ་ཌན་ལྟ་བུ་ཡིན་ན་ཐད་ཀར་དུ་འགན་འདི་དག་མི་ཐེག་མཁན་ཡིན་ལ། གོང་གསལ་གྱི་རྩ་འཛིན་བཞིའི་ནང་གི་ཚང་མ་མིན་ནའང་རེ་ཟུང་ལ་འགལ་བསྡད་མཁན་གྱི་གྲས་ཡིན། བོད་མི་རིགས་ལ་མཚོན་ན་མི་རིགས་རྩ་གཏོར་དང་མི་རིགས་གཙང་ཕྱག་གི་འོག་ཚུད་ཡོད་སྟབས། ཅི་སྟེ་རྒྱ་ནག་གི་སྲིད་བྱུས་ལ་འགྱུར་བ་མེད་ཚེ་ངེས་པར་དུ་རྒྱལ་སྤྱིའི་སྟོབས་ཤུགས་ཤིག་གི་སྲུང་སྐྱོབ་དགོས་ཀྱིན་ཡོད། ད་བར་དུ་རྒྱ་ནག་གིས་མཉམ་འབྲེལ་རྒྱལ་ཚོགས་དང་རང་དབང་དང་དམངས་གཙོ་ལ་དགའ་བའི་རྒྱལ་ཁབ་སུ་ཞིག་གིས་བོད་དང་ཞིན་ཅང་གི་ཆབ་སྲིད་གནས་བབ་གླེང་སྐབས་ནང་སྲིད་ལ་ཐེ་བྱུས་བྱས་མི་ཆོག་ཅེས་འགོག་གིན་ཡོད། ད་ནི་ནང་སྲིད་ལའང་ཚོད་ཡོད་པ་དང་བྱུས་གཏོགས་ལའང་ལམ་རེ་བཏོད་དགོས་པའི་དུས་ཡིན།
བགྲོ་གླེང་གཉིས་པ་ནི། དེང་རབས་ཚན་རྩལ་དང་དྲ་བའི་རིག་གནས་ཀྱི་ཕ་ཡུལ་སྟེ། ཁ་ལེ་ཧྥོར་ནེ་ཡ་མངའ་སྡེ་ཡི་སི་ལི་ཁོན་ལུང་གཞུང་དུ་བྱུང་། བརྗོད་གཞི་ནི་དྲ་རྒྱའི་ཁ་བྱང་དེ་འཆར་ལོ་ནས་བཟུང་དབྱིན་ཡིག་མིན་པའི་སྐད་ཡིག་གཞན་གྱི་ནང་དུའང་འབྲི་ཐུབ་ལ། དེ་ལྟར་འབྲི་ཐུབ་སོང་ན་དྲ་རྒྱ་འགོག་སྡོམ་དང་དྲ་ཐོག་གི་གནས་ཚུལ་ལ་སྟངས་འཛིན་བྱ་དཀའ་བའི་རྐྱེན་གྱིས་ཡིན། འདིའང་གཙོ་བོ་སྲིད་དབང་སྒེར་འཛིན་གྱི་སྲིད་གཞུང་རྒྱ་ནག་ལྟ་བུར་དམིགས་ཡོད། རྒྱ་ནག་ནང་དུ་དྲ་རྒྱ་སྤྱོད་མཁན་མི་གྲངས་ས་ཡ་ ༣༣༨ ཡོད་ལ། ཉི་ཧོང་ལ་ས་ཡ་ ༩༤ དང་། རྒྱ་གར་ལ་ས་ཡ་ ༨༡ ཡོད། འཛམ་གླིང་གི་དྲ་རྒྱ་སྔོག་མཁན་མང་ཤོས་ནི་རྒྱ་ནག་ཆགས་ཡོད། འོན་ཀྱང་། རྒྱ་ནག་གིས་གཞུང་གི་ཁྱབ་བསྒྲགས་གཙོ་བོར་འདོན་པ་དང་། འགྲོ་བ་མིའི་ཐོབ་ཐང་དང་རང་དབང་། མི་རིགས་ཀྱི་གནད་དོན་སྐོར་གྱི་གནས་ཚུལ་དང་བསམ་ཚུལ་རིགས་རྩ་ནས་བཀག་ཡོད་ལ། ཆབ་སྲིད་ལ་འབྲེལ་བ་ཡོད་པའི་ཕྱི་ཕྱོགས་ཀྱི་དྲ་རྒྱ་མཐའ་དག་ཀྱང་བཀག་ཡོད། དེ་བས། ད་ནི་ཚན་རིག་ལག་རྩལ་བ་དག་གིས་ཀྱང་རྒྱ་ནག་གི་དྲ་རྒྱ་སྟངས་འཛིན་གྱི་ལྕགས་རི་འདི་གཏོར་ཏེ། མི་འབོར་དུང་ཕྱུར་བཅུ་གྲངས་དེ་རང་དབང་གི་ཡུལ་དུ་འཁྲིད་དགོས་པའི་དུས་ལ་བསླེབས་ཡོད་དོ།།
![Because of high altitudes in the Himalayas, difficult terrain and often poor weather, the Kailash Manasarovar pilgrimage if one of the most challenging in the world [File: Purnima Shrestha/Reuters]](https://tibettimes.net/wp-content/uploads/2026/05/Screen-Shot-2026-05-14-at-5.25.22-PM-360x180.png)
ཁྱེད་རང་དོགས་པ་དགོས་མ་རེད།
ཤ་ཁྲག་གཅིག་པའི་བྱས་རྗེས།
ད་ལམ་ཉེར་བའི་ཆར་ཡུལ་ཤུལ་བོད་རིགས་རང་སྐྱོང་ཁུལ་དུ་ས་ཡོམ་གྱི་ཡ་ང་བའི་གོད་ཆག་བྱུང་བ་བརྟེན། རང་རིགས་སྤུན་ཟླ་ཁྲི་ཕྲག་ལས་བརྒལ་བ་རྐྱེན་ལམ་དུ་འདས་གྲོངས་སུ་གྱུར། འོན་ཀྱང་ཁོང་འདས་པོ་རྣམས་ཀྱི་ཆེད་དུ་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་གཅོ༹ས་རིས་མིན་བླ་ཆེན་རྣམ་པ་དང་ཆོས་རྒྱུད་སོ་སོ་གདན་ས་ཁག་གི་དགེ་འདུན་འདུས་མོང་ཡོངས་ནས་བསྔོ་སྨོན་རྒྱ་ཆེར་གནང་གི་ཡོད་པ་མ་ཆ༹ད། བོད་མི་ཅ༹མ་ཟས་བ་ཡོངས་རྗོ༹གས་ཀྱི་གདུང་སེམས་མཉམ་བསྐྱེད་ཐོག་སོ་སོར་གང་ཐུབ་རོགས་རིམ་རྒྱ་ཆེར་གནང་གི་ཡོད་པར་སྨོས་ཅི་དགོས། ཡིན་ན་ཡང་ཐུགས་སྐྱོ་བའི་གནས་ཚུལ་ལྟར་ན། ས་གནས་Belgiumགནས་སྡོད་རྒྱ་གར་སྡེ་ར་རྡུན་ནས་ཡིན་པ་བོད་པའི་བུ་མོ་ཆེ༹་དབང་སྒྲོལ་མ་དང་སྐྱིད་འཇོ༹མས་གཉིས་ནས་རང་སྣང་གང་ཤར་གྱི་ཤུལ་ལུས་རྒྱ་ཆེན་མི་དམངས་ཡོངས་ལ་རྩིས་མེད་རྡོག་རིལ་བཏང་སྟེ། ཁོ་མོས་བོད་མི་རིགས་ཀྱི་ལ་རྒྱ་དོར་ནས་གླུ་གར་དགོང་ཆོ༹གས་ཅིག་གོ་བསྒྲིགས་བྱས་སྟབས། ས་གནས་སྐུ་ཆ༹བ་སྐུ་ངོ་བདེ་དོན་ལགས་ཀྱི་གཅོ༹ས་ཆོ༹གས་པ་ཁག་གི་འགན་འཇི༹ན་རྣམ་པས་ཁོ་མོ་གཉིས་ལ་གླུ་གར་དགོང་ཆོ༹གས་ཕྱིར་འཐེན་ཡོང་བའི་འབོད་བསྐུལ་བྱས་ཀྱང་ཉན་མི་འདུག།
དེ་བརྟེན་ཤུལ་ལུས་རྒྱ་ཆེན་འབྲེལ་ཡོད་མི་མོང་ནས་གདུང་སེམས་མཉམ་བསྐྱེད་ཐོག་ཁོ་མོ་གཉིས་ལ་བསྐྱར་དུ་འབོད་བསྐུལ་བྱས་རྗེས། ཆོ༹གས་འདུ་ཐོག་ཆོ༹གས་པ་ཁག་གི་འགན་འཇི༹ན་རྣམ་པ་དང་མི་མོང་ཁ་ཤས་ངུ་འབོད་བྱེད་དགོས་པ་བྱུང་འདུག། མཐའ་མ་ཁོ་མོ་གཉིས་འུ་ཐུག་ནས་དགོང་ཆོ༹གས་ཕྱིར་འཐེན་བྱས་འདུག་པས་ཤིན་ཏུ་ངོ་མཆ༹ར་ཆེ།།
ཆོལ་གསུམ་ཆིག་སྒྲིལ་ཡོང་བའི་རེ་བ་ཡོད།
ངས་གོ་ཐོས་ལ་ཁྱེད་རྣམ་པ་ཕྱོགས་ཞེན་ཆེན་པོ་འདུག ཨ་མདོ་ལས་གཞན་ལ་རེ་བ་མེད་གི་ཟེར། ཨེ་ཡིན་ན། དཀོན་མཆོག་མཁྱེན།
༼ཤ་དང་རུས་པ་གཅིག ཆོས་ལུགས་དང་ལུང་པ་གཅིག༽
ཧ་ཧ་ཧ་ཧཧ་ཧ་ཧ་ཧ་ཧཧ་ཧ་ཧ་ཧཧ་ཧ་ཧ་ཧ་ཧ་
གནས་ཚུལ་ཡག་པོ་ཞིག་བྲིས་འདུག ཐུགས་རྗེ་ཆེ།།
ང
ཡར་རྒྱས་ཀྱི་གཏམ་བཟང་གཉིས་སྤེལ་པར་ཐུགས་རྗེ་ཆེ།
(བགྲོ་གླེང་གཉིས་པའི་ལན་དུ་) དེ་འདྲ་ལག་བལྟར་བྱས་པའི་དུས་ལ་
རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་མི་མང་ཚང་མ་དྲ་རྒྱ་འགོག་སྡོམ་གྱི་
ལས་ཀར་ཞུགས་ན་འགྲིག་གི་རེད།
གང་ལྟར་བརྒྱ་བོའི་བརྒྱ་བཤད་སྟོང་གི་སྟོང་བཤད་ཀྱང་། གོ་ལ་འདིའི་སྟེང་གི་ཉམ་ཆུང་ཚོར་བདག་མེད་ཡིན་པ་དངོས་ཡོད་རེད། ང་ཚོ་ལ་ཚིག་དགའ་སྤྱད་རེའི་ཡིད་ཚིམ་པའི་བཟོ་ཆགས་འདུག་ག རྒྱལ་ཁབ་གཅིག་གིས་སྲིད་འཛིན་གྱིས་བོད་དོན་ལ་ཅིག་བཤད་སོང་། ལྟ་བུ་ཏག་ཏག་ལ་ཡིད་ཚིམ་པའམ་མགོ་འཁོར་ནས་སྡོད་ཡོད་རེད། མི་ཁ་ཤས་ཀྱི་ངག་སྒོ་ན་མ་བཤད་པ་ལས་བཤད་པ་དགའ་མ་གླེང་པ་ལས་གླེང་བ་དགའ་ཞེས་མཁན་མང་པོ་ཡོད་རེད། ད་ཡིན་ན་འབྲས་བུ་མེད་པར་བཤད་པ་རྐྱང་རྐྱང་ལ་ཉན་ནས་འདུག་དང་གང་ལྟར་བཙན་བྱོལ་སྤྱི་ཚོགས་ཀྱི་རོགས་དངུལ་ནི་ཆད་ཀྱི་མ་རེད། བོད་དོན་ཟེར་ན་ཕྱི་གླིངབའི་གོ་སྐབས་ལ་འཚམས་པའི་དོན་དག་ཅིག་ཏུ་འདོད།
བོད་ཤ་ཁྲག་རུས་གསུམ་ལགས། ཡོངས་ཁྱབ་འགྲོ་བ་མིའི་ཐོབ་ཐང་ཅེས་པ་འདི་ནི་འགྲོ་བ་མི་ཚང་མར་ཡོངས་ཁྱབ་ཀྱིས་ཐོབ་དགོས་པ་ཞིག་ཡིན་སྟབས། རྒྱ་མི་རིགས་ཀྱི་ཐོབ་ཐང་དང་། དབྱིན་ཇི་མི་རིགས་ཀྱི་ཐོབ་ཐང་ཟེར་བ་དེ་འདྲ་ཡོད་པ་མ་རེད། འདིའི་ནང་དུ་གཞི་རྩའི་ཐོབ་ཐང་ངམ་ལྷན་སྐྱེས་ཀྱི་ཐོབ་ཐང་མང་པོ་ཡོད་པ་རེད། དེ་བས་འགྲོ་བ་མི་ཞིག་ཡིན་ཕྱིན་འདི་དག་ཁྱབ་མཉམ་དུ་ཡོད་པ་རེད། འདི་ཁྱེད་ཀྱིས་ཀྱང་ཤེས་གསལ་ལྟར་རེད།
ཁྱེད་ཀྱི་དྲི་བ་ནི་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱིས་བོད་མི་རིགས་ལ་གཞི་རྩའི་ཐོབ་ཐང་འདི་དག་འཐོབ་པར་རོགས་རམ་དང་གཞན་གྱིས་ང་ཚོའི་ཐོབ་ཐང་རྡོག་རོལ་གཏོང་སྐབས་སྲུང་སྐྱོབ་བྱེད་ཀྱིན་མི་འདུག་པས་འདིའི་ཐད་ཤུགས་སྣོན་གང་འདྲ་ཞིག་རྒྱག་དགོས་མིན་དེ་རེད།
སྤྱིར་བཏང་རྒྱལ་ཁབ་ཕན་ཚུན་གྱི་བར་དུ་ནང་སྲིད་ལ་ཐེ་གཏོགས་བྱས་མི་ཆོག་པའི་ཁྲིམས་ཤིག་ཡོད་འདུག ཡིན་ཡང་། མཉམ་འབྲེལ་རྒྱལ་ཚོགས་ཀྱི་ཁོངས་གཏོགས་འཐུས་མིའི་རྒྱལ་ཁབ་ཅིག་ཡིན་ཕྱིན། རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཆེས་མཐོའི་དབུ་ཁྲིད་དེ་རྒྱལ་ཁབ་དེ་དག་གི་ནང་དུ་འགྲོ་བ་མིའི་ཐོབ་ཐང་གི་གནས་བབ་ལ་གཟིགས་རྟོག་གནང་བར་རང་དབང་གིས་ཕེབས་ཆོག་པ་མ་ཟད། རང་དབང་གིས་རྟོག་ཞིག་བྱེད་ཆོག་གི་ཡོད་པ་རེད། ཡིན་ཡང་། ལོ་སྔོན་མར་བོད་ནང་ཞི་རྒོལ་བྱུང་སྐབས་རྒྱ་ནག་གིས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་འགན་འཛིན་ཡང་རྒྱ་ནག་ནང་དུ་ཡོང་བཅུག་ཡོད་པ་མ་རེད། འདི་ལྟར་དབང་ཤུགས་སྤྱད་པ་ཡིན་ན་རྒྱལ་ཚོགས་ལའང་ནུས་པ་ཡོད་པ་མ་རེད།
མ་གཞི་ནས་རྒྱལ་ཚོགས་ཀྱི་ཁྲིམས་ཀྱི་ནང་དུའང་ནང་འགལ་མང་བོ་ཞིག་ཡོད་པ་འདྲ།
ད་སྐབས་རྒྱལ་ཚོགས་ཀྱི་ནང་དུ་མཐར་ཐུག་གི་དབང་ཤུགས་ཚད་ཐུབ་མཁན་རྒྱལ་ཁབ་ལྔ་ཡོད་པ་ནི། ཨ་རི་དང་རྒྱ་ནག དབྱིན་ཇི། ཧྥ་རན་སི། ར་ཤི་ཡ་བཅས་རེད། རྒྱལ་ཁབ་འདི་ལྔ་བོས་མཚམས་རེར་རང་རང་གི་འདོད་པ་ལྟར་ཕྱི་ལ་བཙན་འཛུལ་ཡང་བྱེད་ཀྱིན་ཡོད། དཔེར་ན། ད་སྐབས་ཀྱི་ཨ་རིའི་དམག་འཁྲུག་ཆེན་པོ་གཉིས་ལྟ་བུ་རེད། འདི་ལ་རྒྱལ་ཚོགས་ཀྱི་ཆོག་མཆན་ཡོད་པ་མ་རེད།
དེ་བས་མ་འོངས་པར་སྒྲིག་གཞི་ལ་འགྱུར་བ་ཞིག་ཕྱིན་ན་ཉུང་མཐར་ཡང་རྒྱལ་ཚོགས་ཀྱི་ནུས་པ་འདི་ལའང་སྙོམ་སྒྲིག་དང་། འགྲོ་བ་མི་སྤྱི་དང་། ལྷག་པར་དུ་མི་རིགས་བར་གྱི་འགལ་བ་འདི་དག་ལའང་ཚོད་འཛིན་བྱེད་མཁན་ཞིག་ཡོད་སྲིད་པ་རེད། ཁ་ཉིན་གྱི་བགྲོ་གླེང་དེའང་འདི་འདྲ་ཞིག་ལ་ཁ་ཕྱོགས་འདུག་སྙམ་པའི་རེ་བ་ཞིག་བྱུང་།
དྲ་ཚིགས་འགོག་སྡོམ་ལ་རྒོལ་བའི་ལམ་ལུགས་འདིས་ཕན་ནུས་ཅི་འདྲ་ཞིག་ཡོང་མིན་དེ་དྲ་ཚིགས་ཀྱི་མཐུན་རྐྱེན་མ་ལག་གསར་པ་དེའི་བྱེད་ལས་ཀྱི་ནུས་པ་གང་འདྲ་ཞིག་ཡོང་མིན་དང་ཐད་ཀར་འབྲེལ་བ་ཞིག་རེད།
དེང་སྐབས་ང་ཚོས་གསལ་པོ་ཤེས་བཞིན་ཡོད་པ་ནི་འཛམ་གླིང་ཁྲོམ་རའི་དབང་བསྒྱུར་འོག་འགྲོ་བཞིན་ཡོད་པ་ཡིན་ལ། ཉེ་བའི་ལོ་ཕྱེད་རིང་ཨ་རི་གཙོ་བོ་བྱས་པའི་འཛམ་གླིང་ཧྲིལ་པོའི་དཔལ་འབྱོར་ལ་ཉམས་རྒུད་ཚབས་ཆེན་བྱུང་ཡོད་སྟབས། གོང་གི་ཤིན་ཏུ་གལ་ཆེ་བའི་བརྗོད་གཞི་དང་པོ་དེ་ད་ནས་བརྩིས་པའི་ལོ་ངོ་ལྔ་ཙམ་གྱི་རིང་གླེང་དོན་ནུས་མེད་དམ་ཚོང་དང་བརྗེ་བསྒྱུར་བྱ་རྒྱུ་ཡིན་པའི་ལྟ་ཚུལ་འཛིན་ཆོག་པ་ཞིག་རེད་སེམས། ཡིན་ནའང་ང་ཚོས་ནང་སྲིད་ཀྱི་གནད་དོན་ལ་ཕྱི་ཕྱོགས་ནས་ཐེ་བྱུས་བྱེད་ཆོག་པའི་ལམ་སྲོལ་འདི་རྒྱལ་སྤྱིའི་སྤྱི་ཚོགས་སུ་མུ་མཐུད་དྲན་སྐུལ་བྱེད་དགོས་པ་ཞིག་རེད། འདི་ལྟར་བརྗོད་དོན་ནི་ང་ཚོས་གླེང་སློང་བྱེད་པ་རྩ་བ་ནས་ཕན་ནུས་མེད་པ་ཞིག་མིན་པའི་གནས་སྟངས་ཤིག་ཡོད་པ་དེ་ངོས་འཛིན་དགོས་པ་ཞིག་རེད་ཅེས་བརྗོད་ཀྱི་ཡོད།
གཏམ་བཟང་སྤེལ་བར་ྡགའ་བསུ་ཡོད
ང་ལ་དོགས་པ་ཞིག་ཡོང་གི་འདུག་པ་ནི། ངེད་ཅག་བོད་པ་ཚང་འགྲོ་བ་མིའི་ཐོབ་ཐང་ནང་དུ་འཚུད་ཡོད་མེད་གསལ་བོ་ཞིག་ཤེས་ཀྱི་མི་འདུག འདི་ནི་དྲི་བ་ཞིག་རེད། དེང་ཐོག་ངེད་ཅག་རྒྱལ་སྤྱིའི་འགྲོ་བ་མིའི་ཐོབ་ཐང་ལྷན་ཚོགས་ཀྱིས་འགྲོ་བ་མིའི་ཁུངས་སུ་འཚུད་ཡོད་པ་ཁས་ལེན་རྒྱལ་སྤྱིའི་སྟེང་ནས་བྱས་པ་ཡིན་ན་ད་གཟོད་ངེད་ཅག་གིས་འགྲོ་བ་མིའི་ཐོབ་ཐང་ལྷན་ཚོགས་ལ་སྙན་ཞུ་རྒྱག་པ་དང་བདེ་སྡུག་ཞུ་ས་ཉན་རྒྱུ་རེད། དེ་མ་གཏོགས་འགྲོ་བ་མིའི་ཐོབ་ཐང་ལྷན་ཚོགས་ཀྱིས་ཡ་མེད་དུ་ལོ་ངོ་མང་བོ་ཞིག་ལ་བཏང་ཡོད་ལ་ད་དུང་ཡང་གཏོང་རྐྱང་རེད་ཟེར་ཆོག