ཁོ་བོ་ནས་ཀྱང་སྨྲ་བ་གྲོལ་ཏེ་སུ་ཞིག་བཅད་པ་ཡིན་ན་རིན་དོད་ཆེ་བར་འདོད་པའི་གདམ་ག་ཞིག་ལ་འཕྲེང་ཏེ། ད་གཟོད་རང་གི་ན་ཚོད་ལས་ཀྱང་གཉོམ་ལག་མ་རྒྱས་པའི་དེབ་ཆུང་འདི་ཆེད་དུ་སྟོང་ལོ་ བརྒྱད་དགུ་གཉིས་ཀྱི་སོ་མཚམས་སུ་ཁྲག་གི་ཐིགས་པ་བཞིན་གཏར་བ་ལགས་སོ།
བོད་རིགས་ན་གཞོན་རྩོམ་པ་པོ་བཀྲ་ཤིས་རབ་བརྟན་ནམ། སྨྱུག་མིང་ལ་ཐེའུ་རང་ཞེས་པ། རྒྱ་གཞང་གིས་ཟླ་སྔོན་མའི་ཕྱི་ཚེས་ ༢༦ ཉིན་འཛིན་བཟུང་བཙན་ཁྲིད་བྱས་ཡོད་པ་དང༌། དེ་ནི་ཁོང་གིས་ ༢༠༠༨ ལོའི་ཤར་དུང་རིའི་དུས་དེབ་ཀྱི་རྩོམ་སྒྲིག་པ་གནང་ཞིང༌། ད་ལོ་ ༼ ཁྲག་ཡིག་ ༽ཅེས་པའི་སྒེར་གྱི་ཆེད་དེབ་བཏོན་པ་གཉིས་ནང༌། ཆབ་སྲིད་ཀྱི་གནད་དོན་ཆེན་པོ་ཡོད་པར་ཉེས་འཛུགས་འོག་འཛིན་བཟུང་བྱས་པ་ཞིག་ཡིན་འདུག རྩོམ་པ་པོ་བཀྲ་ཤིས་རབ་བརྟན་ལགས་ཀྱི་ཕ་ཡུལ་སི་ཁྲོན་རྔ་བ་རྫོང་ཐང་གོར་དང༌། ད་ལྟ་ནུབ་བྱང་མི་རིགས་སློབ་གྲྭ་ཆེན་མོའི་སློབ་མ་ཡིན་ཞིང༌། ཟླ་སྔོན་མའི་དབྱར་གནང་གི་གུང་གསེང་དང་བསྟུན་ཏེ། ཕ་ཡུལ་ཐང་གོར་ནས་རྒྱ་གཞུང་གིས་འཛིན་བཟུང་གིས་ཁྲིན་ཏུའུ་རུ་ཁྲིད་ཡོད་པའི་གནས་ཚུལ་ཐོན་ཡོད།
༼ ཁྲག་ཡིག ༽དཔེ་དེབ་ནང་བསྡོམས་པའི་ཚན་པ་ལྔ་དང་རྩོམ་ཡིག་སོ་གཉིས་ཡོད་པ་དག་ནི། ཚན་པ་དང་པོ། དམྱལ་ཁམས་ཀྱི་ཟིན་ཐོ་ཞེས་པའི་ནང༌། མྱལ་ཁམས་ཀྱི་ཆིག་ལབ། དམྱལ་ཁམས་ཀྱི་བཙོན་མ། དམྱལ་ཁམས་ཀྱི་གསར་འགྱུར། དམྱལ་ཁམས་ཀྱི་ཡར་ལངས། དམྱལ་ཁམས་ཀྱི་ཚོགས་འདུ། བཅས་རྩོམ་ཡིག་ ༥ ཡོད་པ་དང༌།
ཚན་པ་གཉིས་པ། རྣམ་ཤེས་ཀྱི་དབྱངས་ཞེས་པའི་ནང༌། གློ་བུར་དུ་ལྷ་ས་དྲན་པ། སྤྱི་ཟླ་བཅུ་གཅིག་པའི་སྙན་ངག་འདིའང༌། གློ་བུར་བའི་སྙན་ངག་ཚན་པ་གསུམ། ང་རང་རྨང་ནས་སྒུལ་བྱུང༌། རྣམ་ཤེས་ཀྱི་དབྱངས། མིག་ཆུའི་ཚབ་དུ་ཐོལ་བའི་སྙན་ངག རྣམ་ཤེས་ཁྲི་ཕྲག་གི་དོད་དུ། བཅས་རྩོམ་ཡིག་ ༧ ཡོད།
ཚན་པ་གསུམ་པ། ང་ཡི་བོད་ཅེས་པའི་ནང༌། ཀྭ་ཡེ་བོད། ང་ཡིས་ཁྱོད་ལ་འདྲི། གཙོས་གྲོང་དུ་སླེབས་པའི་སེམས་ཚོར་ཞིག མདོ་དབུས་ལྕགས་ལམ། ང་ཡི་བོད། བཙན་པོའི་རལ་གྲི་ཐོགས་དང༌། འགྲུལ་བཞུད་ཐེངས་གཅིག་གི་སྐྱོ་ངལ། དམར་ནག་གི་ཟླ་གསུམ་པ། བཅས་རྩོམ་ཡིག་ ༨ བཀོད་ཡོད།
ཚན་པ་བཞི་བ། སེམས་ཀྱི་དམར་མཆོད་ཅེས་པའི་ནང༌། སེམས་པ་འཁྱག་པས་བསྡམས་པའི་དུས་ཚིགས་སུ། གློག་ཀླད་མདུན་དུ་སྲིད་གཞུང་ལ་ཕུལ་བའི་གཏམ་ལྐོག་གྱུར་མ། གྲོགས་པོའི་སྐྱེ་སྐར་ལས་སྤུན་ཟླའི་འཆི་སྐར་དྲན་པ། གྲོགས་ཁ་ཤས་ལ་ཕུལ་བ། གློག་ཀླད་དྲ་བར་སྡིགས་དམོད་གཏོང་བ། ཐེའུ་རང༌། ཁྱོད་ཀྱི་ལོ་གསར་གང་ན་ཡོད་བཅས། རྩོམ་ཡིག་ ༦ བཀོད་ཡོད།
ཚན་པ་ལྔ་བ། བདེན་པའི་གཏུག་བཤེར་ཞེས་པའི་ནང༌། ཁྲག་དྲི་བྲོ་བའི་དོན་རྐྱེན་དང་དེའི་ལྟག་རྒྱབ་ཀྱི་གསང་བ། འུ་ཚོས་ཀྱང་རང་ས་ནས་བསྒྲགས་གཏམ་སྤེལ་ཆོག ཟིན་ཐོ་ཁར་སྒུམ་ཁེར་སྒུམ། མྱ་ངན་དང་འགྱོད་གཤགས། ད་དུང་རྒོལ་གཏམ་ཁག་གཉིས། སྙིང་རླུང་ལྡང་བའི་གསར་འགྱུར། སེམས་ཀྱི་དམར་དམར་པོ་བཤད་ན། བཅས་འབོལ་རྩོམ་ཁག་ ༦ བཅས་བསྡོམས་པའི་རྩོམ་ཡིག་ ༣༢ བཀོད་ཡོད་འདུག
དཔེ་དེབ་དེའི་ནང་རྩོམ་པ་པོ་ཁོང་རང་ཉིད་ཀྱིས་གསལ་བཤད་ཅིག་བྱས་པའི་ནང་བཀོད་དོན། དེབ་ཆུང་འདི་ནི་ཁོ་བོ་རང་ཉིད་ཀྱི་ན་ཚོད་དང༌། ཡོན་ཚད་ཀྱི་ངོས་ནས་བཤད་ན་འཕུད་རྒྱུ་སྔ་དྲགས་པའི་ལས་ཀ་ཞིག་ཡིན་སྲིད་མོད། ནམ་རྒྱུན་བླ་སྲོག་གི་ཕྱི་ནང་ཡོད་ཚད་ལ་ལྕག་ཚན་གྱིས་བྲབ་པའི་དམིགས་བསལ་བའི་ལོ་ཟླ་ཞིག་ གི་ངོས་ནས་བཤད་ན། ཅིས་ཀྱང་མི་བཤད་ཐུ་མེད་དུ་གྱུར་བའི་སྐད་ཆ་འབའ་ཞིག་ཏུ་ངེས་པས་ན། ཁོ་བོ་ནས་ཀྱང་སྨྲ་སྒོ་རང་ས་ནས་བསྡམས་ཏེ་འདུག་པ་ལས་སྨྲ་བ་གྲོལ་ཏེ་སུ་ཞིག་བཅད་པ་ཡིན་ན་རིན་དོད་ཆེ་བར་འདོད་པའི་གདམ་ག་ཞིག་ལ་འཕྲེང་ཏེ། ད་གཟོད་རང་གི་ན་ཚོད་ལས་ཀྱང་གཉོམ་ལག་མ་རྒྱས་པའི་དེབ་ཆུང་འདི་ཆེད་དུ་སྟོང་ལོ་ བརྒྱད་དགུ་གཉིས་ཀྱི་སོ་མཚམས་སུ་ཁྲག་གི་ཐིགས་པ་བཞིན་གཏར་བ་ལགས་སོ། ཞེས་བཀོད་འདུག
དཔའ་བོ་ཐུབ་བསྟན་དངོས་གྲུབ་གཅིག་པོའི་རང་ལུས་དམར་པོ་མེ་ཡིས་ཚིག།
དེ་མིན་བཙན་བྱོལ་སྤྱི་ཚོགས་ནང་ན་སྐད་འགོ་ང་མཐོ་ཁྱོད་མཐོ་ལས།།
དོན་ལ་སྡར་མ་ཁྲི་ཚོ་བཅུ་བོས་མི་མཐུན་ལྟ་བ་གླེང་ལ་བྲེལ།།
དཔའ་བོ་ཡོད་ན་ད་ལྟ་ཐོན་དང་གངས་ཕྲུག་རྨས་མས་གྲ་སྒྲིག་ཡོད།།
ཐོག་བརྩེགས་མཐོན་པོའིཆ་རྐྱེན་ལྡན་པས་རང་བློ་ཁེངས་པའི་ཁྲེལ་མེད་ཚོ།།
ཕྱི་གླིང་ཨ་མ་རེག་པ་ཙམ་གྱིས་རང་མགོ་ཐོན་པའི་བླུན་ཕྲུག་ཚོ།།
ལྷབ་ལྷབ་སྐྱི་མོ་མགོ་ལ་ཡོད་ན་གངས་ཕྲུག་རྨས་མར་ཉོན་ཅིག་དང་།།
དཔའ་བོ་ཡོད་ན་ད་ལྟ་ཐོན་དང་གངས་ཕྲུག་རྨས་མའི་གྲ་སྒྲིག་ཡོད།།
སྡར་མའི་གསང་བའི་སྡར་རྟགས་སྟོན་དུས་བྱང་ཆུབ་སེམས་དཔའི་དགོངས་དང་མཐུན།།
དཔའ་བོས་མངོན་ནས་དཔའ་རྟགས་ངོམ་སྐབས་རྒྱལ་སྟག་ཕྲ་བོའི་རྗེས་སུ་འགྲོ།།
མི་བོ་གཅིག་གིས་རྒྱལ་ཁབ་ལོན་ན་སུ་ཞིག་གྲོགས་ལ་བརྟེན་དོན་མེད།།
མི་རྐྱང་རྟ་རྐྱང་གངས་ཕྲུག་རྨས་མས་བོད་དགྲ་རྒྱ་དམར་མཐའ་རུ་སྤྲོད།།
ལྟོས་དང་ཨ་མའི་བུ་ཟེར་ན་འདི་ལ་ཟེར་ནི་རེད།སྙིང་སྟོབས་ཟེར་ན་འདི་ལ་ཟེར་ནི་རེད།
འགན་འཁྲི་ཟེར་ན་འདི་ལ་ཟེར་ནི་རེད།ཤེས་ཡོན་པ་ཟེར་ན་འདི་ལ་ཟེར་ནི་རེད།
བཙན་པོའི་གདུང་རྒྱུད་ཟེར་ན་འདི་ལྟར་དགོས་ནི་རེད།རུས་རྐང་ཟེར་ན་འདི་ལྟར་དགོས་ནི་རེད།ཤུ་རེ་ཁོ།
ངོ་མ་བུ་རེད།
ངོ་མ་བུ་རེད།
དྲ་གྲོགས་གངས་རིའི་གླིང་བུ་ལགས། ཐེའུ་རང་གི་༼ ཁྲག་ཡིག ༽ དཔེ་དེབ་ད་སྔ་འདི་གའི་རྩོམ་སྒྲིག་ཁང་གི་ལག་སོན་མ་བྱུང་།
རྩོམ་སྒྲིག་པ་ལགས།་་་ཐེའུ་རང་གི་ཁྲག་ཡིག་ཞེས་བའི་དཔེ་དེབ་འདི་་་་་དེའི་རྩོམ་སྒྲིག་ཁང་ལ་ལག་སོན་བྱུང་ཡོད་དམ།