སྤྱི་ནོར་༧གོང་ས་མཆོག་གིས་ཉིན་འགའི་སྔོན་ནས་འཇར་མན་ནང༌། ཆོས་ཕྱོགས་ཀྱི་མཛད་འཆར་ཁག་ཅིག་སྐྱོང་གིན་ཡོད་པ་དང༌། ཁོང་འཇར་མན་ཧྥ་རན་ཧྥུ་ཊི་གྲོང་ཁྱེར་ནང་ཞབས་སོར་བཀོད་ཅིང་། ཡུལ་དེའི་མངའ་སྡེ་བློན་ཆེན་གྱིས་བོད་མིའི་དབུ་ཁྲིད་༧ཏཱ་ལའི་བླ་མ་མཆོག་གྲོང་ཁྱེར་འདིར་ཕེབས་པར། ང་ཚོའི་མི་དམངས་རྣམས་དགའ་སྤྲོ་ཆེན་པོ་སྐྱེས་ཡོད་ཞེས་བརྗོད་ཡོད།
འཇར་མན་ནང་པའི་ཆོས་ཚོགས་པ་དང་འཇར་མན་བོད་ཁང༌། ཝེ་ཏ་ནཱམ་ནང་པའི་ཆོས་ཚོགས་བཅས་གྱིས་གདན་ཞུ་ལྟར། ཟླ་སྔོན་མའི་ཕྱི་ཚེས་ ༢༩ ཉིན་ནས་སྤྱི་ནོར་༧གོང་ས་མཆོག་གིས་འཇར་མན་ནང་མཛད་འཆར་སྐྱོང་གིན་ཡོད་པ་དང༌། ཚེས་ ༢༩ ཉིན་འཇར་མན་གྱི་གྲོང་ཁྱེར་ཧྥ་རན་ཧྥུ་ཊིའི་ནང་ཞབས་སོར་བཀོད་ཅིང༌། ཡུལ་དེའི་མངའ་སྡེ་བློན་ཆེན་ མངའ་
དེའི་རྗེས་འཇར་མན་བོད་ཁང་དང་གི་ལས་སྣེ་རྣམས་པར་བཀའ་སློབ་ལམ་སྟོན་གནང་ཡོད་ལ། འཇར་མན་དབུས་གཞུང་གི་དཔལ་འབྱོར་མཉམ་འབྲེལ་དང་འཛུགས་སྐྲུན་བློན་ཆེན་ལྕམ་སྐུ་ཧའེ་ཌི་མཱ་རེ་ཝེརྫོར་ཁུ་རྫོལ་ Heidemarie Wieczorek Zeul ལགས་སུ་མཇལ་འཕྲད་དང༌། ཡུ་རོབ་གྲོས་ཚོགས་ཀྱི་འཇར་མན་འཐུས་ཚབ་ཁྲ་མཱ་སི་མན་བཅས་ཀྱིས་ཀྱང་གོ་སྐབས་འདི་བརྒྱུད་དེ་༧གོང་ས་མཆོག་ལ་མཇལ་བཅར་ཞུས་ཡོད། ཕྱི་ཚེས་ ༣༠ ཉིན་གྱི་སྔ་དྲོ་གྲོང་ཁྱེར་ཧྥ་རན་ཧྥུ་ཊི་གྲོང་ཁྱེར་སྤྱི་ཁྱབ་སྐུ་ལྕམ་ཕེ་ཁྲིར་རའོ་ཐི་ Dr PetraRoth མཆོག་༧གོང་ས་མཆོག་གི་བཞུགས་ཡུལ་མགྲོན་ཁང་ལ་ཆེད་དུ་བཅར་ཏེ། ༧གོང་ས་མཆོག་ གྲོང་ཁྱེར་དེའི་ནང་གི་མི་དགུ་སྟོང་ཙམ་ ༨༠༠༠ ཙམ་འདུ་འཛོམ་གནང་སའི་ ཀོ་མར་ཛ་བྷེང་ Commerzbank ཞེས་པའི་རྩེད་ཐང་ཆེན་མོར་ཕེབས་བསུ་གནང་སྟེ། ཁོས་མོས་གསུང་དོན། བོད་མིའི་དབུ་ཁྲིད་༧ཏཱ་ལའི་བླ་མ་མཆོག་སྔར་སྤྱི་ལོ་ ༡༩༩༦ ལོར་གྲོང་ཁྱེར་འདིའི་ཚོམ་ཁང་དུ་ཕེབས་ཏེ་གྲོང་ཁྱེར་འདིར་གཟི་བརྗིད་ཆེན་པོ་བསྩལ་ཡོད་ལ། ཐེངས་འདིར་ཁོང་བསྐྱར་དུ་ཕེབས་ཏེ། ང་ཚོའི་ཧྥ་རན་ཧྥུ་ཊིའི་མི་དམངས་རྣམས་ལ་དགའ་སྤྲོ་ཆེན་པོ་སྐྱེས་ཡོད། ༧ཏཱ་ལའི་བླ་མ་མཆོག་ནི་བོད་རྒྱའི་རྩོད་རྙོག་འགྲིག་འཇགས་དང༌། འཛམ་གླིང་ཞི་བདེ་ཐད༌། རླབས་ཆེན་གྱི་ཕྱག་ལས་གནང་མཁན་གྱི་སྐྱེས་མཆོག་དམ་པ་ཞིག་རེད། ཅེས་བསྔགས་བརྗོད་ཆེན་པོ་གནང་ཡོད། ཉིན་དེའི་སྔ་དྲོའི་ཆུ་ཚོད་དགུ་བ་ཙམ་ནས་མགོ་འཛུགས་བྱས་ཏེ། ༧གོང་ས་མཆོག་གིས་འཇར་མན་མི་དམངས་གཙོས་པའི་འཛམ་གླིང་གི་དད་ལྡན་ཆོས་ཞུ་བ་སྟོང་ཕྲག་མང་པོར་སྒོམ་རིམ་བར་མ་དང་རྗེས་གནང་གི་གསུང་ཆོས་བསྩལ་ཡོད།
ཕྱི་ཚེས་ ༡ ཉིན་སྤྱི་ནོར་༧གོང་ས་མཆོ་འཛམ་གླིང་གཅིག་དམིགས་ཡུལ་གཅིག བསམ་བློ་གཅིག་ཅེས་པའི་བརྗོད་གཞིའི་བགྲོ་གླེང་ཚོགས་འདུ་ཁག་གཉིས་ཀྱི་ཚོགས་མགོན་དུ་བཞུགས་ཡོད་པ་དང༌། བགྲོ་གླེང་ཚོགས་འདུ་དེའི་སྟེང་ཚན་རིག་པ་དང་དཔལ་འབྱོར་ཆེད་མཁས་པ། དེ་བཞིན་སྲིད་དོན་ཉམས་ཞིབ་པ། ལྷག་པར་དུ་འཛམ་གླིང་ནང་སྙན་གྲགས་ཡོད་པའི་གནམ་གཤིས་འགྱུར་ལྡོག་རྟོག་ཞིབ་ཆེད་མཁས་པ་བཅས་མཉམ་ཞུགས་གནང་པའི་ཐོག དེང་གི་དཔལ་འབྱོར་དང་ཆོས་ལུགས་སྲིད་དོན་བཅས་ཐད་ཀྱི་འཛམ་གླིང་གི་དཀའ་ངལ་རིགས་སེལ་ཐབས་སྐོར་ལ་བགྲོ་གླེང་གནང་ཡོད་ལ། ཉིན་རྒྱབ་ནང་ཆོས་ལས་འགྲོ་བ་མིའི་རིགས་ལ་ནང་སེམས་ཀྱི་ཞི་བདེ་བསྐྲུན་ཐབས། སྒོམ་རྒྱག་སྟངས་དང་ཞི་གནས་སྒོམ་སྟངས་སོགས་སྨན་དང་ཚན་རིག་གིས་བཅོས་དཀའ་པའི་ལུས་སེམས་ཀྱི་ནད་རིགས་སེལ་བའི་གདམ་པ་ཟམ་མོ་གནང་ཡོད་འདུག
![AfD party members celebrate victory in Saxony-Anhalt on Sunday [Matthias Schrader/AP]](https://tibettimes.net/wp-content/uploads/2026/09/WhatsApp-Image-2026-09-11-at-4.20.04-PM-360x180.jpeg)
གངས་རི་ར་བས་བསྐོར་བའི་ཞིང་ཁམས་སུ། །ཕན་དང་བདེ་བ་མ་ལུས་འབྱུང་བའི་གནས། །སྤྱན་རས་གཟིགས་དབང་བསྟན་འཛིན་རྒྱ་མཚོ་ཡི། །ཞབས་པད་སྲིད་མཐའི་བར་དུ་བརྟན་གྱུར་ཅིག །
བོད་མིའི་བླ་ན་མ་མཆིས་པའི་དབུ་ཁྲིད་༸ གོང་ས་རྒྱལ་བ་རིན་པོ་ཆེ་མཆོག་ནི་བོད་གངས་ཅན་ལྗོངས་ཀྱི་སྤྱི་ནོར་ཞིག་ཡིན་པས་སྔར་ནས་ད་བར་ང་ཚོས་སྤྱི་ནོར་༸གོང་ས་སྐྱབས་མགོན་ཆེན་པོ་ཞེས་འབོད་པ་རེད།
ད་ཆ་མགོན་པོ་གང་ཉིད་ནི་གོ་ལ་ཧྲིལ་པོའི་བླ་ན་མེད་པའི་སྤྱིནོར་ཞིག་ཏུ་འགྱུར་སྟབས་ང་ཚོས་བོད་མིའི་བླ་ན་མེད་པའི་དབུ་ཁྲིད་༸སྤྱིནོར་༸གོང་ས་སྐྱབས་མགོན་ཆེན་པོ་མཆོག་ཅེས་པའི་ཚབ་ཏུ་འཛམ་གླིང་གི་བླ་ན་མེད་པའི་དབུ་ཁྲིད་༸ སྤྱི་ནོར་༸གོང་ས་སྐྱབས་མགོན་ཆེན་པོ་ཞེས་འབོད་ན་ཆེས་དོན་སྙིང་ལྡན་པ་ཞིག་རེད།
འཛམ་གླིང་གི་བླ་ན་མེད་པའི་དབུ་ཁྲིད་༸ སྤྱི་ནོར་༸ གོང་ས་ཡིད་བཞིན་ནོར་བུ་མཆོག་སྐུ་ཁམས་བཟང་ཞིང་རླབས་ཆེན་ཐུགས་ཀྱི་བཞེད་དོན་ཐ་དག་འབད་མེད་ལྷུན་གྱིས་འགྲུབ་པའི་སྨོན་ལམ་འདེབས།།