ཉེ་སྔོན་མཚོ་སྔོན་ཞིང་ཆེན་མཚོ་ལྷོ་ཁུལ། རྩི་ཀོར་ཐང་རྫོང་། རྔ་རྒྱ་སྡེ་བའི་མི་བཅུ་གཉིས་ ༡༢ ལ་ཕྱི་བའི་དུག་ནད་འགོས་ཏེ། ཀུན་བཟང་དང་བསྟན་འཛིན་ཞུ་བ་གཉིས་འདས་གྲོངས་སུ་སོང་ཡོད་པ་དང་། དེ་རིང་སྔ་དྲོ་སླར་ཡང་བསྟན་གྲགས་ཞུ་བ་ཞིག་རྐྱེན་ལམ་དུ་ཕྱིན་ཏེ། ད་ལྟ་མི་ ༣ ཙམ་ཕྱི་དུག་དེའི་རྐྱེན་པས་འདས་གྲོངས་སུ་སོང་ཡོད་འདུག་ལ། ཀུན་བཟང་སོགས་ལ་ཐོག་མར་སྨན་བཅོས་བྱེད་མཁན་གྱི་སྨན་པར་ཡང་ཕྱི་དུག་ཕོག་སྟེ་ད་ལྟ་སྐྱོབ་དཀའ་བའི་ཚོད་དུ་སླེབས་ཡོད་འདུག གཞན་མི་དགུ་ལ་སྨན་བཅོས་བྱེད་བཞིན་ཡོད་འདུག ཕྱི་བའི་དུག་ནད་དེ་ཐེངས་འདིར་ཐོག་མར་འགོས་སྟངས་ཐད། བཤད་ཚུལ་མི་མཐུན་པ་ཁག་ཅིག་བྱུང་ཡོད་པ་དང་། འགའ་རེ་ཡིས་ཕྱི་དུག་གིས་ཤི་བའི་ཁྱི་རོ་ཞིག་བརྒྱུད་དེ་རིམས་ནད་དེ་ཁྱབ་གདལ་དུ་ཕྱིན་ཚུལ་བརྗོད་ལ། ཡང་ལ་ལས་གནམ་བརྡ་སྟོན་ཁ་སླེབས་པ་དང་བསྟུན་ཏེ། རྒྱ་མི་མང་པོ་བོད་ཁུལ་དུ་ཡོང་སྟེ། དུག་རྫས་བེད་སྤྱོད་བཏང་སྟེ་ཕྱི་བ་མང་པོ་གསོད་ཀྱིན་ཡོད་པ་དེའི་དུག་རྫས་ཕོག་པའི་ཕྱི་བ་བརྒྱུད་ནས་མི་ལ་འགོས་རབས་ཡང་བཤད།
ཕྱི་ཚེས་ ༣༠ ཉིན་མཚོ་སྔོན་ཞིང་ཆེན་འཕྲོད་བསྟེན་ལས་ཁུངས་ནས་གོང་གི་གནས་ཚུལ་དེའི་སྐོར་ཕྱིར་བསྒྲགས་བྱས་པའི་ནང་མི་གཅིག་གྲོངས་ཡོད་ཚུལ་བརྗོད་འདུག གཞན་རྒྱ་ནག་གི་གསར་ལམ་ཁག་ཅིག་ཏུ་ཐོན་པའི་གནས་ཚུལ་ལྟར་ན། སྤྱི་ལོ་ ༡༩༡༠ ལོར་ཀྲུང་གོའི་ཤར་བྱང་ས་ཁུལ་གྱི་ཞིང་ཆེན་གསུམ་ནང་། ཐེངས་གཅིག་ནད་རིགས་དེ་ཁྱབ་གདལ་དུ་ཕྱིན་ཏེ། མི་གྲངས་ཁྲི་དྲུག་ ༦༠༠༠༠ ལྷག་གི་ཚེ་སྲོག་འཕྲོགས་ཡོད་པ་དང་། སྐབས་དེར་ཨ་རི་དང་དབྱིན་ཇུ། ཨུ་རུ་སུ། འཇར་མན་སོགས་རྒྱལ་ཁབ་ ༡༡ གི་སྨན་པ་ཆེད་མཁས་པ་ ༣༦ ཙམ་གདན་དྲངས་ཏེ། ཕྱི་ནད་རྟོགས་ཞིབ་ལྷན་ཚོགས་ཟེར་བ་ཞིག་ཆེད་འཛུགས་བྱས་ཏེ། ཛ་དྲག་གི་ཐོག་ནས་ཕྱི་བའི་རིམས་ནད་དེ་སྔོན་འགོག་དང་མྱུར་སྐྱོབ་ཀྱི་ལས་དོན་བསྒྲུབས་ཡོད་འདུག
ཕྱི་དུག་རིམས་ནད་འདིའི་ཁྱབ་གདལ་གྱི་འགྲོས་ཧ་ཅང་མགྱོགས་ཤིང་། ནད་རྟགས་གསལ་བོ་མེད་པར་གློ་བུར་དུ་ཚེ་སྲོག་འཕྲོགས་པའི་ནད་རིགས་ཉེན་ཁ་ཅན་ཞིག་ཡིན་ཞིང་། གལ་སྲིད་མི་ཞིག་ལ་ཕྱི་དུག་དེ་ཕོག་པ་ཡིན་ན། ཤི་ཚད་བརྒྱ་ཆ་ ༩༥ ཡིན་པ་དང་། འགོར་ན་ཉིན་ ༣ དང་མགྱོགས་ན་ཆུ་ཚོད་ ༢༤ ནང་རྐྱེན་ལམ་དུ་འགྲོ་བཞིན་ཡོད་ཚུལ་བཀོད་འདུག བོད་པའི་དག་ཡིག་སོགས་སུ་ཕྱི་དུག་གི་སྐོར་བཀོད་ཡོད་པའི་ནང་། ཕྱི་དུག་ནི་ཕྱི་བའི་ལུས་ལ་བྱུང་བའི་འགོ་ནད་ཧ་ཅང་གི་མཆེད་པ་མགྱོགས་ཤིང་། མྱུར་དུ་སྲོག་ལ་རྒོལ་བའི་འགོ་ནད་དྲག་པོ་ཞིག་ཡིན། ཞེས་བཀོད་འདུག
གནས་ཚུལ་མཁོ་སྤྲོད་གནང་མཁན་ཡོངས་ལ་ཐུགས་རྗེ་ཆེ་ཞུ།
ད་ལྟའི་ནད་པ་རྣམས་ལ་རིན་ཆེན་གྲང་སྦྱོར་ཆེན་མོ་གཏོང་གལ་ཆེ་པ་དང། འཕྲོད་ལས་སྡེ་ཚན་ཁག་གིས་ལས་དོན་དེའི་ཐད་ཧུར་ཐུག་བྱེད་བཞིན་པའི་གནས་ཚུལ་གོ་ཐོས་བྱུང་བས་ཐུགས་རྗེ་ཆེ་ཞུ། རྒྱ་ཆེའི་མང་ཚོགས་ནས་མ་ཎི་རིལ་བུ་འཐུང་བ་དང་། ཡང་ན་ཆུར་སྦང་ནས་ཞོག་པ་སྔ་བོར་ཁ་སྣ་མིག་རྣ་སོགས་སུ་བསྐུ་རྒྱུ་གལ་ཆེ་བར་མ་ཟད། རིམས་སྲུང་རིལ་བུ་ལུས་ལ་འདོགས་རྒྱུ་བཅས་དགོངས་འཇགས་འཚལ། ནད་པ་དེ་དག་ནད་ལས་མྱུར་དུ་གྲོལ་ཏེ་ཚེ་བསོད་སྔར་ལྷག་རྒྱས་པའི་སྨོན་འདུན་དང་བཅས།
དོན་འགྲུབ་བཀྲ་ཤིས་ལགས་ལ་ཐུགས་རྗེ་ཆེ་ཞུ་ཞོར་དུ་ངའི་སྡེ་མིང་འགྱུར་ཞིག་གཏོང་བར་རེ་བ་ཞུ་རྒྱུ་ཡིན།
ངའི་སྡེ་མིང་ལྔ་རྒྱལ་ཡིན་པ་ལས་ལྔ་བརྒྱད་མ་རེད།
འདི་ལ་འགྱུར་བ་གཏོང་དགོས་དོན་ཅི་ཡིན་ན
འབྲེལ་ཡོད་ལྔ་བརྒྱད་སྡེ་བའི་ཡུལ་མི་པངྤ་མ་ཚེ་རིང་ལགས་ཀྱིས་དུས་ཐོག་ལ་གསལ་བཤད་དང་། གནས་ཚུལ་འཐུས་ཚང་ངོ་སྤྲོད་གནང་བར་ཐུགས་རྗེ་ཆེ་ཞུ། གོང་བཀོད་འདས་པོ་གསུམ་གྱི་སྔ་རྗེས་འཁྲུག་པ་ནོར་བཅོས་བཏང་ཟིན། གཞན་དག་རྒྱས་བསྡུས་ཙམ་ལས་གཅིག་མཚུངས་ཡིན་སྟབས་རང་སོར་བཞག
བོད་ཀྱི་དུས་བབས་རྩོམ་སྒྲིག་པ་ལགས།
གནས་ཚུལ་འདིའི་ཐལ་ལ་གསལ་ཁ་བྱུང་མེད་ས་ཁ་ཤིས་མཐོང་ནས་ལན་འདི་སྤྲོད་འདོད་བྱུང་།
ཆེས་ཐོག་མར་བྱི་ནད་ཕོག་ས་དེ་ཀུན་བཟང་ཟེར་བ་དེ་རེད་ལ་དང་པོ་འདས་གྲོངས་སུ་སོང་བའང་ཁོ་རེད། དེ་རྗེས་བསྟན་འཛིན་དང་དེ་རིང་རྐྱེན་ལམ་དུ་སོང་བ་དེ་བསྟན་གྲགས་རེད། བསྟན་གྲགས་ཀྱི་བུ་མོ་སྙིང་ཡག་མཚོའམ་གཅེས་མིང་ལ་ཨ་ལོ་ཟེར་འདི་དང་ཐོག་འདས་གྲོངས་སུ་ཕྱིན་པ་ཀུན་བཟང་གི་གཟའ་ཟླ་རེད་ལ་ད་དུང་ཁོང་གཉིས་ལ་བུ་གསུམ་ཡོད་པ་ཆ་ཚང་ད་ལྟ་རྫོང་སྨན་ཁང་དུ་ཡོད་འདུག
པ་མ་སྲིད་གནས་ཚུལ་ཧ་ཅིང་ཛ་དྲག་རེད་ཟེར། གཞན་ད་ལྟ་སྨན་ཁང་དུ་ཡོད་པ་ཚེ་འབུམ་རྒྱལ་དང་པདྨ་རྒྱལ། སྟགས་འབུལ་རྒྱལ། ཆོས་རྒྱལ་བཅས་མི་བཞི་བོ་འདི་ཚང་མ་འདས་གྲོངས་སུ་སོང་བ་ཀུན་བཟང་གི་ཕ་མ་གཅིག་པའི་གཅེན་གཅུང་རྐྱང་རྐྱང་རེད། དང་ཐོག་ཀུན་བཟང་ལ་སྨན་བཅོས་བྱེད་མཁན་སྨན་པ་བཙན་ཐར་རྒྱལ་ཟེར་ཡང་ད་ལྟ་བྱི་ནད་ཕོག་ནས་ཆབ་ཆར་སྨན་བཅོས་བྱེད་བཞིན་འདུག་ནའང་རེ་བ་ཆེན་པོ་མེད་པར་བཤད་ཀྱིན་འདུག
དང་ཐོག་བྱི་ནད་ཕོག་སྟངས་ལའང་ཀུན་བཟང་ཚང་གི་ཁྱིས་བྱི་བ་ཞིག་བསལ་ནས་བཟོས་རྗེས་ཁྱི་དེ་ཤི་འདུག་ལ་ཀུན་བཟང་གིས་ཁྱིའི་རོར་ལག་པ་འཆིང་རྗེས་ཁོ་ལ་བྱི་ནད་ཕོགས་དེ་གནས་ཚུལ་དེ་དག་ཚང་མ་བྱུང་ཡོད་འདུག
ལྔ་རྒྱལ་སྡེ་བའི་ཡུལ་མི་པདྨ་ཚེ་རིང་གིས
འདིའི་སྔོན་ལ་རྩོམ་སྒྲིག་པར་བསམ་ཚུལ་ཐུང་ཐུང་ཞིག་བསྐུར་བ་ཡིན་འོན་ཀྱང་སླེབས་མ་སོང་།
དཀོན་མཆོག་མཁྱེན། མགྱོགས་པོར་བཅོས་ཐབས་རྙེད་པར་ཤོག
གནས་ཚུལ་ཚབས་ཆེན་རེད།།
མྱུར་ཏུ་འགོག་རྒོལ་བྱོས།།
ཚེ་སྲོག་རླབས་ཆེན་རེད།།
མགྱོགས་པོར་སྐྱོབ་ཐབས་བྱོས།།