དཔལ་༸ས་སྐྱ་གོང་མ་རིན་པོ་ཆེ་མཆོག་བདུན་ཕྲག་གཉིས་ལྷག་རིང་སྦེལ་ཀོབ་གཞིས་ཆགས་སུ་ཆིབས་བསྒྱུར་བསྐྱངས་ཏེ། ཆོས་ཕྱོགས་ཀྱི་མཛད་འཕྲིན་ཁག་ཅིག་བསྐྱང་གཏན་འཁེལ་ཡོད།
ཕྱི་ཚེས་ ༣ ཉིན་ནམ་དེ་རིང་ཕྱི་དྲོའི་ཆུ་ཚོད་ ༤ ཙམ་ལ་ཆར་བ་ཟམ་ཟིམ་ཞིག་དང་མི་མང་གིས་ཆིབས་བསུའི་ཁྲོད་ནས་དཔལ་༸ས་སྐྱ་གོང་མ་བདག་ཁྲི་རིན་པོ་ཆེ་མཆོག་སྦེལ་ཀོབ་ལུགས་ཟུང་བསམ་འགྲུབ་གླིང་། ས་དགོན་བརྩེ་ཆེན་ཆོས་འཁོར་གླིང་དུ་ཆིབས་བསྒྱུར་བསྐྱངས་ཡོད་ལ། ཐེངས་འདིར་རིན་པོ་ཆེ་ཁོང་དབུ་བཞུགས་ཐོག་ ༸སྐྱབས་མགོན་༸གོང་མ་ཁྲི་ཆེན་རྡོ་རྗེ་འཆང་གིས་ས་དགོན་བརྩེ་ཆེན་ཆོས་འཁོར་གླིང་གི་དབུ་བླ། ༸སྐྱབས་བརྗེ་ཁྲི་འདུ་རིན་པོ་ཆེ་སྐུ་ཕྲེང་བཞི་བ་གསེར་ཀླུ་ལྡིང་སྤྲུལ་འཇམ་དབྱངས་ལུང་རྟོགས་རྒྱལ་མཚན་མཆོག་གི་ཡང་སྲིད་དུ་ངོས་འཛིན་མཛད་ཅིང་། སྐུ་ཕྲེང་ལྔ་བ་མཚན་ལ་ངག་དབང་ཀུན་དགའ་ཆོས་ཀྱི་རྒྱལ་མཚན་གསོལ་བ་ཁོང་ཡང་སྲིད་ཁྲི་སྟོན་མཛད་སྒོ་གནང་རྒྱུ་ཡིན་འདུག་ལ། ད་ལྟ་དགུང་ལོ་བདུན་ལ་ཕེབས་པའི་ཡང་སྲིད་ངག་དབང་ཀུན་དགའ་ཆོས་ཀྱི་རྒྱལ་མཚན་ཁོང་རྡེ་ར་ལྡུན་བདེ་སྐྱིད་གླིང་གཞིས་ཆགས་སུ་ཡབ་ཀརྨ་བརྟན་པ་དང་ཡུམ་ལྷག་པ་ཆོས་འཛོམས་རྣམ་གཉིས་ཀྱི་སྲས་སུ་སྐུ་འཁྲུངས་ཡོད་འདུག
དཔལ་༸ས་སྐྱ་གོང་མ་རིན་པོ་ཆེ་མཆོག་གིས་ཚེས་ ༦ ཉིན་ཀྱེ་རྡོར་བཀའ་དབང་སྟ་གོན་དང་ཚེས་ ༧ ཉིན་ཀྱེ་རྡོར་བཀའ་དབང་དངོས་གཞི་སྩོལ་རྒྱུ། ཚེས་ ༨ ཉིན་ཀུན་རིག་བཀའ་དབང་སྩོལ་རྒྱུ། ཚེས་ ༩ ཉིན་མི་མང་ལ་ཚེ་དབང་དང་དྲག་པོ་གསུམ་འདྲིལ་རྗེས་གནང་སྩོལ་རྒྱུ་བཅས་ཕྱི་ཚེས་ ༡༤ བར་ཆོས་ཕྱོགས་དང་འབྲེལ་བའི་མཛད་པ་འཕྲིན་ལས་ཁག་ཅིག་བསྐྱང་གཏན་འཁེལ་ཡོད་པ་དང་། ཕྱི་ཚེས་ ༡༥ ཉིན་སྦེལ་ཀོབ་ནས་བྷེང་ལོར་དུ་ཆིབས་ཐོན་གནང་རྒྱུ་ཡིན་འདུག 
སངས་རྒྱས་ཆོས་འཕེལ་ལགས། ཉིད་ཀྱིས་ལན་གོང་དུ་བཏབས་ནས་བཀའ་འདྲི་འོག་ཏུ་གནང་བ་འདི་རྒྱུ་མཚན་ངེས་ཅན་ཞིག་མེད་ན་ཁྱེད་ཉིད་མི་ལྐུག་པ་ཞིག་མ་ཡིན་པའི་ངེས་པར་མི་འདུག ༧ས་སྐྱ་གོང་མ་ཁོང་རང་གི་མི་སེར་སྤེལ་བར་ཐབས་མཁས་པོ་ཞི་དྲག་མེད་མཁན་ཡིན་ཚེ་དེའི་སྙན་གྲགས་དང་མངའ་ཐང་མི་རྒྱས་པ་ནི་ཆོས་ཉིད་རེད། སྙན་གྲགས་མངའ་ཐང་རྒྱས་དགོས་ཚེ་འཁོར་དང་གདུལ་བྱ་མང་དུ་སྤེལ་དགོས་རེད།
ས་སྐྱ་༧གོང་མ་རིན་པོ་ཆེ་རྒྱ་གར་ལྷོ་ཕྱོགས་སྦེལ་ཀོབ་གཞིས་ཆགས་ནང་ཕེབས་པ་ང་ཚོ་སྦེལ་ཀོབ་བོད་མི་གཞིས་ཆགས་ཡོངས་ནས་མཚམས་འབྲེལ་བཀྲ་ཤིས་བདེ་ལེགས་དང་མགོན་པོ་གང་ཉིད་སྐུ་ཚེ་ཞབས་པད་བརྟན་པར་ཤོག་བཅས་
དིང་རི་མཚོ་སྒོ་བ་འཇམ་དཔལ་ནས་
ས་སྐྱ་༸གོང་མ་མཁྱེན་ནོ། སྐུ་ཚེ་བརྟན་པར་ཤོག།
དྲ་གྲོགས་ཆོསའཕེལ་ལགས། དཔལ་ས་སྐྱ་བའི་༸ ཁྲི་འཛིན་རྡོ་རྗེ་འཆང་ཆེན་པོ་འདི་ཉིད་ནི་དངོས་གནས་མཁས་བཙུན་བཟང་གསུམ་ལྡན་པའི་སྐྱེས་བུ་དམ་པ་ཞིག་ཡིན།
ཁོང་ཉིད་ཀྱི་དུས་དང་རྣམ་པ་ཀུན་ཏུ་༸ གོང་ས་༸ སྐྱབས་མགོན་ཆེན་པོའི་བཀའ་དགོངས་ལྟར་བོད་ཀྱི་ཆོས་སྲིད་གཉིས་ཀར་ཐུགས་འགན་ཕྲག་ཏུ་བཞེས་ནས་མཛད་འཕྲིན་སྐྱོང་བཞིན་ཡོད།
སྐུ་ཆེ་ཞབས་པད་བརྟན་པའི་སྨོན་ལམ་སདེབས།།
ས་སྐྱ་པ་དེས་
ས་སྐྱ་བའི་གདུང་བརྒྱུད་ནང་དུ་སྔགས་འཆང་ཞིག་ལ་སྐྱབས་མགོན་གོང་མ་རིན་པོ་ཆེ་འདི་ནང་བཞིན། རིས་སུ་མ་ཆད་པའི་བསྟན་འཛིན་ཡོངས་ཀྱི་གཙུག་ནོར་དུ་ཆགས་པ་ཞིག་སྲིད་ཡོད་དམ། གོ་ཐོས་ལ། སྐྱབས་མགོན་གོང་མ་རིན་པོ་འདི་ལ། འཇིག་རྟེན་ཆོས་བརྒྱད་ཀྱིས་མ་གོས་པའི་ཐོག་དུས་དང་རྣམ་པ་ཀུན་ཏུ་ཐུགས་དམ་ཉམས་ལེན་དང་། དབང་ལུང་ཁྲིད་གསུམ་གྱིས་དུས་འདའ་ཞིང་། ས་སྐྱ་པའི་མི་སེར་སྤེལ་བ་ལ་ཐབས་མཁས་པོ་ཞི་དྲག་མེད་མཁན་ཞིག་ཡོད་རབས་རེད། ལོ་རྒྱུས་ཀྱི་ཐོག་ནས་བལྟས་ན་ས་སྐྱ་བ་དེ་བོད་སྤྱི་ཡོངས་ལ་གང་སྤྱིས་ཐོག་ནས་ཞབས་འདེགས་ཆེན་པོ་ཞུས་ཡོད་པ་གསལ་པོ་རེད། ཡིན་ནའང་ད་ལྟའི་ཆར་བོད་ཀྱི་སྤྱི་ཚོགས་ནང་དུ་ཡིན་ནའང་རེད་ཕྱི་རྒྱལ་གྱི་ཡུལ་གྲུ་ཁག་ཡིན་ནའང་རེད་ས་སྐྱ་པ་དེ་ལ་སྙན་གྲགས་ཆོས་ལུགས་གཞན་རྙིང་མ་དང་བཀའ་བརྒྱུད་དགེ་ལུགས་ནང་བཞིན་ཞིག་ཡོད་ཟོ་མི་འདུག་པས་རྒྱུ་མཚན་གང་ཡིན་ནམ།