ལོ་འདི་འགར་རྒྱ་གཞུང་གིས་བོད་ལྗོངས་མངའ་རིས་ས་ཁུལ་དུ་འཛུགས་སྐྲུན་དང་ལས་གཞི་སྣ་ཚོགས་རྒྱ་སྐྱེད་གཏོང་གིན་ཡོད་འདུག་ལ། ཟླ་འདིའི་ཕྱི་ཚེས་ ༢ ཉིན་སྐབས་གསུམ་པའི་མངའ་རིས་ཞང་ཞུང་རིག་གནས་ཡུལ་སྐོར་དུས་ཆེན་ཟེར་བའི་མཛད་སྒོ་གཞི་རྒྱ་ཆེན་པོ་ཞིག་མངའ་རིས་ཁུལ་ཐོག་ཏུ་བསྡུས་ཡོད་འདུག ཡུལ་སྐོར་དུས་སྟོན་དེའི་སྟེང་མངའ་རིས་ཁུལ་གྱི་དྲུང་ཆེ་གཞོན་པ་ཟླ་བ་བཀྲ་ཤིས་དང་། ལྷ་ས་གྲོང་ཁྱེར་གྱི་མགོ་གཙོ་རྡོ་རྗེ་ཚེ་རིང་། ལྷ་ས་གྲོང་ཁྱེར་གྱི་རྒྱུན་ལས་དྲུང་ཆེ་གཞོན་པ་ཝང་ཞང་མེན་སོགས་ཞུགས་ཏེ། རྒྱལ་ཁབ་ཀྱི་རྒྱབ་སྐྱོར་དང་ཐུགས་འཁུར་འོག མངའ་རིས་ས་ཁུལ་གྱི་འཛུགས་སྐྲུན་འཕེལ་རྒྱས་སུ་བཏང་སྟེ། རྒྱལ་ཁབ་ཕྱི་ནང་གི་ཡུལ་སྐོར་སྤྲོ་འཆམ་པ་མང་པོར་སྣེ་ལེན་བྱས་ཏེ། ས་གནས་འབྲོག་དམངས་ཀྱི་འཚོ་བའི་ཆུ་ཚད་གོང་འཕེལ་དུ་གཏོང་རྒྱུ་ཡིན་ཚུལ་བརྗོད་ཡོད་འདུག
རྒྱ་གཞུང་གིས་སྤྱི་ལོ་ ༢༠༠༦ ལོ་ནས་བཟུང་བོད་ལྗོངས་མངའ་རིས་སྒེར་རྩེ་རྫོང་དུ་གནམ་ཐང་ཆེན་པོ་ཞིག་རྒྱག་གིན་ཡོད་པ་དང་། ད་ཆར་གནམ་ཐང་དེའི་རྒྱ་ཆ་༩༠ ཙམ་གྲུབ་ཡོད་འདུག འབྱུང་འགྱུར་ ༢༠༡༠ ལོར་ལས་གཞི་ཡོངས་སུ་འགྲུབ་པར་བྱ་འཆར་ཡོད་འདུག གཞན་མངའ་རིས་གངས་ཏེ་སེ་ཉེ་འཁོར་ལ་འཛམ་གླིང་གི་ས་བབ་ཆེས་མཐོ་བའི་གནམ་ཐང་དེ་བརྒྱག་འཆར་ཡོད་པ་དང་། སྤུ་ཧྲེང་རྫོང་འཁོར་ཆག་གྲོང་ཚོའི་འཁོར་ཆག་ཇོ་བོའི་ལྷ་ཁང་རྒྱ་ནག་གི་རྩ་ཆེའི་རིག་དངོས་སྲུང་སྐྱོབ་ཀྱི་གྲས་སུ་བདམས་ཏེ། ས་དེར་ལམ་དང་གློག་སོགས་རྨང་གཞིའི་འཛུགས་སྐྲུན་རྒྱ་སྐྱེད་བཏང་སྟེ། གངས་རིན་པོ་ཆེ་དང་མ་ཕམ་གཡུ་མཚོ། གུ་གེ་ཕོ་བྲང་། འཁོར་ཆག་ཇོ་བོ་སོགས་གཙོ་བོར་བྱས་ཏེ་མངའ་རིས་ས་ཁུལ་དུ་ཡུལ་སྐོར་སྤྲོ་འཆམ་གྱི་ལྟེ་གནས་གལ་ཆེན་པོ་ཞིག་བཟོ་འཆར་ཡོད་འདུག་ལ། དེ་དང་བསྟུན་ཏེ་ས་གནས་ཐོན་རྫས་སྐྱེལ་འདྲེན་དང་རྒྱ་རིགས་སྣེ་སྤོ་སོགས་ཀྱི་ལས་གཞི་ཡང་ཆེ་རུ་གཏོང་འཆར་ཡོད་འདུག
ཡུལ་ཤུལ་དཔལ་ཐང་གནམ་ཐང་ལ་སྔ་ཕྱི་བར་གསུམ་དུ་ས་གནས་བོད་མི་དང་ས་གནས་རྒྱ་ནག་གི་འབྲེལ་ཡོད་ཚན་པའི་བར་མི་མཐུན་པའི་འགལ་ཟླ་དང་རྩོད་རྙོག་མང་པོ་བྱུང་དང་བྱུང་བཞིན་པ་འདྲ། ལྷག་པར་ད་ཆ་གནམ་གྲུ་གཏོང་འགོ་ཚུགས་ཀྱང་ཁུལ་དེའི་བོད་མི་ཚོའི་དུར་ཁྲོད་སྟེང་གི་བྱ་རྒོད་ཚོས་གནམ་གྲུ་འཕུར་བསྐྱོད་ལ་ཉེན་ཁ་ཡོད་ཚུལ་གྱི་འགལ་ཟླ་མུ་མཐུད་ཡོད་འདུག།
གྲོགས་པོ་ཚོ་ཁམས་བཟང་། འཛམ་གླིང་གི་ཡངས་རྩེར་གནས་ཤིང་ས་གཙང་ལ་སྤྲིན་དཀར་གྱི་འདབ་མ་མིག་ལ་མངོན་པར་བཀྲ་པའི་གངས་ལྗོངས་ཀྱི་མཁའ་དབྱིངས་སུ་ད་ཆ་གནམ་གྲུ་འཕུར་བསྐྱོད་བྱེད་བཞིན་ཡོད་པ་དེ་ཡག་པོ་རེད།
རྒྱ་ནག་ཡར་རྒྱས་སུ་འགྲོ་བཞིན་པ་ལྟར་བོད་ལའང་འཛུགས་སྐྲུན་དང་། དེང་རབས་ཀྱི་དཔལ་ཡོན་ཕུན་སུམ་ལེགས་ཚོགས་སུ་འགྲོ་དགོས་པ་ནི་འཛམ་གླིང་གི་ཤུགས་རྐྱེན་དང་འགྲོ་བ་མིའི་དུས་རབས་ཀྱི་དགོས་མཁོ་ཉག་གཅིག་ཡིན།
གནམ་ལ་མཁའ་གྲུ་དང་། ཆུ་ལ་གྲུ་གཟིངས། ས་ལ་རླངས་འཁོར། ཁང་པར་གློག་ཆུ་སོགས་ཀྱི་མཐུན་རྐྱེན་ཕུན་སུམ་ཚོགས་པོ་དང་ཡར་རྒྱས་ཇི་ཙམ་བཏང་ཐུབ་ན་དངོས་གནས་མི་མང་ལ་ཕན་པའི་བྱ་བ་བཤང་པོ་ཞིག་ཡིན་པས་རྗེས་སུ་ཡིད་རངས་ཞུ།
བོད་ཀྱི་དུས་བབ་རྩོམ་སྒྲིག་ཁང་ལ་ཐུགས་རྗེ་ཆེ་ཞུ། རྒྱལ་མཚམས་ལས་བརྒལ་ཏེ། བོད་ཕྱི་ནང་གཉིས་ཀྱི་གནས་ཚུལ་འདོན་སྤེལ་བྱས་པ་དང་། ལྷག་པར་དུ་ཆབ་སྲིད་ཁོ་ན་མ་ཡིན་པར། རིག་གནས་སློབ་གསོ་དང་སྤྱི་ཚོགས་བྱ་འགུལ། དུས་སྟོན་མཛད་སྒོའི་བྱ་འགུལ་ལས་རིགས་བཅས་ལ་ཁ་ཕྱོགས་པ་འདི་ནི། བོད་ཀྱི་དུས་བབ་དྲ་བའི་མདུན་སྐྱོད་ཀྱི་གོམ་སྟབས་ཆེན་པོ་ཞིག་རེད། ད་དུང་མུ་མཐུད་དུ། ལས་དོན་བཟང་པོའི་རིགས་ལ་ངོས་ལེན་དང་བསྔགས་བརྗོད་བྱས་ན། གཞིས་བཞུགས་པ་ཚོའི་སེམས་ཤུགས་དང་སྤོབས་པ་ཡིན་ལ། ངན་པར་ཐེར་འདོན་དང་སྐྱོན་བརྗོད་བྱས་ན། གཞིས་བཞུགས་པ་ཚོས་དོ་སྣང་དང་ཡིད་གཟབ་བྱ་ངེས་ཡིན།
འགད་རྫས་མང་ཙམ་གྲ་སྒྲིག་དགོས་ས་རེད།
རྒྱ་གླང་དེ་དག་ལ་དམིགས་བསལ་མཐུན་སྦྱོར་མ་བྱས་ན་བོད་ལ་གནས་སྤོར་བྱེད་མཁན་ཉུང་བའི་རྒྱུ་མཚན་གཙོ་བོ་བོད་ལ་དེང་རབས་མཐུན་རྐྱེན་ཆ་ཚང་བ་ཞིག་མེད་པས་རེད་ལ། རྒྱ་གླང་གཞུང་གིས་ཐོག་མར་མཐུན་རྐྱེན་ཡོངས་སུ་ཚང་བའི་འཛུགས་སྐྲུན་ཞིག་བཟོས་ནས་ད་བཟོད་བོད་ས་ཧམ་བཟུང་གིས་རྒྱ་གླང་དེ་དག་སྐད་གཏོང་འཆར་རེད།