ད་ལྟའི་ཆབ་སྲིད་དབང་འཛིན་པའི་ལྟ་གྲུབ་དང༌སྲིད་བྱུས། ལས་དོན་བྱེད་ཕྱོགས་བཅས་ལ་འདོད་བློ་མ་ཁེངས་པ་དང་། མོས་མཐུན་མེད་པ། ངོ་རྒོལ་གདོང་ལེན་བྱ་དགོས་སྣ་ཚོགས་ཤིག་སྔར་ཡང་བྱུང་ཡོད་ལ། ཕྱིས་ཀྱང་ཡོང་སྲིད་མོད། དེ་ལ་བརྟེན་ནས་བོད་རྒྱ་མི་རིགས་གཉིས་བར་མཐུན་འབྲེལ་ཉམས་ཆག་མི་འགྲོ་བ་བྱ་རྒྱུ་ནི་གནད་ཀྱི་དོན་པོ་ཡིན། ཞེས་བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་གིས་སུད་སིའི་གྲོང་ཁྱེར་ཇི་ནེ་ཝའི་རྒྱལ་སྤྱིའི་བོད་རྒྱ་ལྷན་ཚོགས་སྟེང་གསུངས་ཡོད།
དེ་སྔོན་རྒྱ་གཞུང་དབང་འཛིན་པ་ཚོས་བོད་རིགས་ཡོངས་རྫོགས་ཞིང་བྲན་རིང་ལུགས་ནས་བཅིངས་བཀྲོལ་ཐོབ་སྟེ། རང་དབང་བདེ་སྐྱིད་ཀྱི་ངང་རྒྱ་གཞུང་ལ་ཡིད་ཆེས་བློ་གཏད་བྱེད་མཁན་ཤ་སྟག་ཡིན་པ་དང༌། རྙོག་དྲ་བཟོ་མཁན་ཏཱ་ལའི་རུ་ཚོགས་ཁ་བྲལ་བ་ཆེས་ཉུང་ཤས་ཤིག་ཡིན་པའི་འགྲེལ་བརྗོད་བྱེད་སྲོལ་ཡོད་ཀྱང༌། སྔ་ལོའི་གསུམ་བཅུའི་དོན་རྐྱེན་ནས་བཟུང་བོད་དུ་བྱུང་བའི་ཞི་བའི་ལས་འགུལ་ཡོངས་རྫོགས་རྒྱ་མི་རིགས་ལ་རྒོལ་རྡུང་ཡིན་ཚུལ་གྱི་མི་རིགས་ཁ་བྲལ་གཏོང་རྒྱུའི་འཆར་གཞི་ལྡན་པའི་ལས་འགུལ་དང༌། དྲིལ་བསྒྲགས་ཤུགས་ཆེན་སྤེལ་དང་སྤེལ་བཞིན་པ་དེའི་དབང་གིས་རྒྱ་རིགས་མང་ཚོགས་ནང་རྒྱ་གཞུང་གི་ལོག་པའི་དྲིལ་བསྒྲགས་ལ་རྨོངས་ཏེ། མི་རིགས་འཁོན་འཛིན་གྱི་བསམ་ཚུལ་ཡོད་མཁན་ཇི་སྙེད་ཅིག་བྱུང་ཡོད་ཚོད་འདུག་ཀྱང༌། ད་ཆ་རིམ་པས་བདེན་པ་མཐའ་གསལ་གྱིས་དངོས་དོན་ར་འཕྲོད་ཡོང་གི་ཡོད་པ་ནི་ཉེ་ཆར་པེ་ཅིང་ནས་ཐོན་པའི་སྔ་ལོའི་བོད་ཀྱི་བྱུང་རྐྱེན་ཐོག་ཉམས་ཞིབ་བྱས་པའི་སྙན་ཐོ་ལྟ་བུས་རྒྱ་རིགས་ནང་རྒྱུན་དུ་རྒྱ་གཞུང་གི་རྫུན་པའི་དྲིལ་བསྒྲགས་ལ་མགོ་འཁོར་ནས་མི་བཞུགས་པའི་དན་རྟགས་གསལ་སྟོན་བྱས་ཡོད་ཅིང༌། ྋགོང་ས་མཆོག་གིས་ཀྱང༌། ད་ལྟའི་རྒྱ་གཞུང་གི་དབུ་ཁྲིད་ཚོར་ངའི་ཡིད་ཆེས་སྲབ་ཏུ་སྲབ་ཏུ་འགྲོ་ཡོད་ཀྱང་། རྒྱ་ནག་མི་དམངས་ལ་ངའི་ཡིད་ཆེས་འགྱུར་བ་མེད་ཅེས་ཡང་ཡང་བཀའ་གནང་གིན་ཡོད།
མི་རིགས་ཆིག་སྒྲིལ་ནི་རྒྱལ་ཁབ་བརྟན་ལྷིང་གི་གཞི་རྩ་ཡིན་པ་དང༌། རྒྱ་ནག་བརྟན་ལྷིང་ནི་འཇིག་རྟེན་ཞི་བདེའི་གཞི་རྩ་ཡིན་སྟབས། གནད་དོན་འདི་སུས་ཀྱང་སྣང་ཆུང་བྱེད་ཐབས་མེད། ྋགོང་ས་མཆོག་གིས་དབུ་ཁྲིད་པའི་བཙན་བྱོལ་བོད་མིའི་སྒྲིག་འཛུགས་ནི་བོད་མི་ས་ཡ་དྲུག་གི་རང་དབང་ཅན་གྱི་མགྲིན་ཚབ་པ་ཡིན་པ་དང༌། དེའི་ངོས་ནས་འབྱུང་འགྱུར་བོད་མིའི་དཀའ་རྙོག་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ད་ལྟའི་རྩ་ཁྲིམས་ཀྱི་དགོངས་དོན་འོག སེལ་ཐབས་བྱེད་རྒྱུའི་གཉིས་སྨན་དབུ་མའི་ལམ་གྱི་སྲིད་བྱུས་བརྟན་བཟུང་བྱེད་ཀྱིན་ཡོད་པ་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་འབྲེལ་ཡོད་རྣམས་ལ་ཡང་ཡང་གསལ་བརྗོད་ཟིན་པ་མ་ཟད། ལྷག་པར་ཕྱི་ལོ་ ༢༠༠༢ ནས་བཟུང་ྋགོང་ས་སྐྱབས་མགོན་ཆེན་པོའི་སྐུ་ཚབ་རྣམ་པས་དབུས་འཐབ་ཕྱོགས་གཅིག་གྱུར་གྱི་མཛད་གཙོ་རྣམ་པ་དང་འབྲེལ་མོལ་ཐེངས་བརྒྱད་དང༌། ནང་ལུགས་ཀྱི་གོ་བསྡུར་ཐེངས་གཅིག་བཅས་ཞུས་པའི་བརྒྱུད་རིམ་ནང་ཡིག་ངག་གཉིས་ཐོག་ནས་གསལ་པོ་བཟོས་ཟིན། ལྷག་པར་སྔ་ལོ་འབྲེལ་མོལ་བརྒྱད་པའི་སྐབས་ཕུལ་བའི་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་ད་ལྟ་རྒྱ་ཁྱབ་ཡོངས་གྲགས་བྱས་ཟིན་པ་དེའི་ནང་གསལ་འཁོད་ཡོད་པ་དེ་ནས་ཚང་མས་མཁྱེན་རྟོགས་ཐུབ་རྒྱུ། ང་ཚོའི་ངོས་ནས་བོད་རྒྱ་མི་རིགས་ཁ་བྲལ་མི་འགྲོ་བའི་ཐབས་ཚུལ་ལ་འབད་བརྩོན་རྒྱུན་འཁྱོངས་བྱ་རྒྱུའི་ཆོད་སེམས་བརྟན་པོ་ཡོད་སྟབས། འབྱུང་འགྱུར་ཡང་རྒྱ་ནག་དབང་འཛིན་པ་རྣམས་དང་ལྷན་དུ་སྔ་ལོ་ཕུལ་ཟིན་པའི་བསམ་འཆར་གྱི་ཐོག་མུ་མཐུད་འབྲེལ་མོལ་ཞུ་རྒྱུའི་བསམ་ཚུལ་ལ་འགྱུར་བ་གང་ཡང་མེད།
རྒྱ་ནག་མི་དམངས་སྤྱི་མཐུན་རྒྱལ་ཁབ་ནི་མི་རིགས་མང་པོ་འདུས་པའི་རྒྱལ་ཁབ་ཅིག་ཡིན་སྟབས། དེའི་གཞུང་སྲིད་དབང་འཛིན་པས་ཁྱབ་ཁོངས་མི་རིགས་ཚང་མའི་མངོན་འདོད་བསྒྲུབ་དགོས་ཤིང༌། དེ་ལྟར་བསྒྲུབ་ན་རྩ་ཁྲིམས་ཀྱི་དགོངས་དོན་མི་རིགས་འདྲ་མཉམ་དང༌མི་རིགས་མཐུན་འབྲེལ་ཡང་ཡོང་ཐུབ། ད་ལྟའི་ཆབ་སྲིད་དབང་འཛིན་པའི་ལྟ་གྲུབ་དང༌སྲིད་བྱུས། ལས་དོན་བྱེད་ཕྱོགས་བཅས་ལ་འདོད་བློ་མ་ཁེངས་པ་དང་། མོས་མཐུན་མེད་པ། ངོ་རྒོལ་གདོང་ལེན་བྱ་དགོས་སྣ་ཚོགས་ཤིག་སྔར་ཡང་བྱུང་ཞིང༌། ཕྱིས་ཀྱང་ཡོང་སྲིད་མོད། དེ་ལ་བརྟེན་ནས་བོད་རྒྱ་མི་རིགས་གཉིས་བར་མཐུན་འབྲེལ་ཉམས་ཆག་མི་འགྲོ་བ་བྱ་རྒྱུ་ནི་གནད་ཀྱི་དོན་པོ་ཡིན་པས། ད་རེས་ཚོགས་ཆེན་འདིར་ཕེབས་པའི་ཚོགས་མི་རྣམ་པས་རྒྱ་ནག་མང་ཚོགས་ལ་བོད་མི་རིགས་དང༌། ལྷག་པར་དུ་བཙན་བྱོལ་བོད་མི །ྋགོང་ས་སྐྱབས་མགོན་ཆེན་པོས་དབུ་ཁྲིད་པའི་བཙན་བྱོལ་བོད་མིའི་སྒྲིག་འཛུགས་བཅས་ཀྱི་བསམ་ཚུལ་དང་ལང་ཕྱོགས་ཅི་ཡིན་དངོས་དོན་གྱི་གནས་ཚུལ་རྒྱ་རིགས་མང་ཚོགས་ལ་ར་སྤྲོད་དང༌། དེ་ལ་བརྟེན་ནས་མི་རིགས་མཐུན་འབྲེལ་སྲ་བརྟན་ཡོང་ཐབས་གནང་སྐྱོང་ཞུ་རྒྱུ་དང༌། དེ་བཞིན། ང་ཚོར་འབྱུང་འགྱུར་བྱེད་ཕྱོགས་ཐོག་དགོངས་འཆར་སློབ་སྟོན་གནང་རོགས་གནང་ཞེས་རེ་སྐུལ་ནན་པོ་ཞུ་རྒྱུ་ཡིན།
གཞན་ཡང་གོ་སྐབས་འདི་བཟུང་སྟེ་ཉེ་ཆར་ཤར་ཏུར་ཀི་སི་ཐན་ཤིན་ཅང་དུ་བྱུང་བའི་ཡིད་སྐྱོའི་གནས་ཚུལ་ལ་བློ་ཕམ་ཚད་མེད་དང་། སྐབས་དེར་ཚེ་སྲོག་ཤོར་བ་དང༌རྨས་སྐྱོན་ཕོག་པ། དེ་མིན་གོད་ཆགས་བྱུང་མཁན་ཚང་མར་གདུང་སེམས་མཉམ་སྐྱེད་ཀྱིས་ཐུགས་གསོ་དང་གསོལ་འདེབས་སྨོན་ལམ་ཞུ་རྒྱུ་ཡིན། ཞེས་གསུངས་ཡོད།
རྩོམ་སྒྲིག་པ་མཆོག་ལ་དགོངས་སེལ་བཅས་ཞུ་རྒྱུར། གོང་གི་༧གོང་ས་མཆོག་གི་གསུང་བཤད་དང་། བཀའ་ཁྲིའི་གསུང་བཤད་འདི་གཉིས་བདག་གི་ཟིན་བྲིས་སུ་འདྲེན་བཀོལ་བྱེད་ཐལ་ཤོར་བས་ཆོག་མཆན་བརྩེ་གནང་ཡོད་པར་ཞུ།
ཟམ་གདོང་བླ་མས་ལོ་རྒྱུས་ལ་ནག་ཐིག་བཟོས་འདུག རྒྱལ་རིན་པོ་ཆེ་ནས་ལོ་རྒྱུས་ཐོག་བོད་རྒྱ་ནག་གི་ཆ་ཤས་ཡིན་པ་ངོས་ལེན་བྱེད་མ་ཐུབ་པའི་དབང་གིས་རྒྱ་བོད་ཞི་འགྲིག་བྱུང་མ་ཐུབ་པ་རེད། ཟམ་གདོང་བླ་མས་ ཕྱི་ལོ་བརྒྱ་ཕྲག་བཅུ་གསུམ་པའི་མཇུག་ཙམ་ནས་རྒྱ་ནག་ཡོན་གོང་མའི་དབང་སྒྱུར་སྐབས་རྒྱ་བོད་མཆོད་ཡོན་ཞེས་པའི་འབྲེལ་བ་དམིགས་བསལ་བ་དེ་བྱུང་རེད་ཟེར། གུང་ཁྲན་ཏང་གིས་བཤད་པ་ལྟར་ཡོན་གོང་མ་རྒྱ་ནག་ཡོན་གོང་མ་ཡིན་པ་ངོས་ལེན་བྱས་འདུག་པ་དེ་ནི་བོད་རྒྱ་ནག་གི་ཆ་ཤས་རེད་ཟེར་བ་དང་གཅིག་མཚུངས་རེད། ཟམ་གདོང་ནི་ལོ་རྒྱུས་ཀྱི་ཉེས་ཅན་པ་ཆགས་ཚར་བ་རེད། ཡོན་གོང་མ་ནི་སོག་པོ་ཡིན་པ་དང་། སོག་པོས་བོད་རྒྱ་གཉིས་ལ་དབང་བསྒྱུར་བ་ནི་ཡོང་གྲགས་རེད། བོད་རྒྱ་ཁོངས་ཡིན་མིན་གྱི་རྩོད་པ་ནི་ཡོན་གོང་མ་རྒྱ་ནག་གི་ཡོན་གོང་མ་ཡིན་ིམན་ལ་ཐུག་ཡོད་པ་རེད། ནམ་རྒྱུན་རྒྱ་ནག་གིས་བོད་ནི་ཡོན་གོང་མ་ནས་བཟུང་རྒྱ་ནག་གི་ཆ་ཤས་ཆགས་པ་རེད་ཟེར་གི་ཡོད་པ་རེད། བོད་ཀྱིས་ཡོན་གོང་མ་ནི་སོག་པོ་རེད། བོད་སོག་པོས་ཆ་ཤས་ཆགས་ནས་ཕྱིས་སུ་རང་བཙན་ཆགས་པ་རེད་ཟེར་གི་ཡོད་པ་མ་རེད་དམ།
ད་ནི་རྒྱ་ནག་མེད་ན་འཇིག་རྟེན་མེད་པ་འདྲ་ཞིག་དང་། འཇིག་རྟེན་འདིའི་སྐྱེ་བོ་ཡོད་དོ་ཅོག་རྒྱ་ནག་ལ་བརྟེན་དགོས་ཀྱི་ཡོད་པ་འདྲ་ཞིག་འདུག་ག ཧ་ཅང་ཐལ་དྲགས་པའི་གཏམ་བརྗོད་རང་རེད། རྒྱ་ནག་གི་དཔོན་རིགས་ཚོའི་བཤད་སྟངས་ལེབ་བཤུས་བྱས་ཡོད་པ་ལས། ཆབ་སྲིད་སྐྱབས་བཅོལ་བ་ཞིག་གམ། ཡང་ན་རྒྱ་ནག་དམར་གཞུང་དང་ཁ་གཏད་ཡིན་པའི་སྲིད་གཞུང་ཞིག་གི་བཤད་སྟངས་ནི་ནམ་ཡང་མ་རེད། བོད་བཙན་པོའི་སྐབས་ཀྱི་སྡོམ་ཚིག་༼ རྒྱ་རྒྱ་ཡུལ་ན་སྐྱིད། བོད་བོད་ཡུལ་ན་སྐྱིད།༽ཅེས་པ་འདི་ནི་ཡུལ་དུས་གནས་གསུམ་གང་དུ་ཡང་ཉམས་མྱོང་ཚད་མ་དང་། སྡོམ་ཚིག་བསླུ་མེད་ཅིག་ཡིན།
སེམས་དཔའ་ཆེན་པོ།
སྐུ་ཉིད་ཀྱིས་སྣེ་མང་རང་བཞིན་ལྡན་པའི་གསར་གཏོད་དང་། རྙོག་འཛིངས་རང་བཞིན་གྱི་ཆབ་སྲིད་ལ་ཁ་གཏད།
ཡང་སྒོས་༧གོང་ས་མཆོག་གི་དགོངས་གཞིར་བློ་གཏད་འགྱུར་མེད་ཀྱིས། བློ་གྲོས་དང་རྣམ་དཔྱོད་ལྡན་པའི་སྒོ་ནས་ལུགས་གཉིས་ཐབས་བརྒྱས་བསྐྱང་བའི་དར་ཆ་སྲིད་རྩེར་བསྒྲེངས།
རྒྱ་ཆེ་ཞིང་། གཏིང་ཟབ་པ། སྡོམ་ཚིག་རང་བཞིན་གྱི་ཞལ་ཆེམས་མན་ངག་བརྗེད་དུ་ཕངས་པ་རྣམས་ངེད་ཅག་མི་རབས་གསར་བྱུང་རྣམས་ཀྱི་ཕྲག་ཏུ་ལྕི། སྐུ་ཉིད་མ་འོངས་པར་སླར་ཡང་བཀའ་བློན་ཁྲི་པའམ། ཡང་ན་དེ་ལས་གཞན་ད་དུང་་་་་་་་་་་་