གཟའ་ཉི་མའི་ཉིན་༧གོང་ས་མཆོག་ལ་དྭགས་ཀྱི་སླེ་རྒྱལ་སར་ཕེབས་འབྱོར་གནང་བ་དང་། དེར་ཇམ་མུ་ཀཤཱི་སྨིར་མངའ་སྡེ་བློན་ཆེན་ ཨོ་མར་ཨབ་ཌུལ་ལ་མཆོག་ནས་ཕེབས་བསུ་གནང་བ་དང་། ཁོང་གིས་སྣུམ་འཁོར་ཆུང་བ་དེའི་ནང་ནས་༧གོང་ས་མཆོག་ལྕོགས་ལམ་སར་ཕེབས་བསུ་གནང་བ་རེད།
ས་གནས་དེའི་ནང་བ་དང་ཁ་ཆེ། ཧིན་རྡུ་བཅས་ཀྱི་མང་ཚོགས་ཀྱིས་རང་རང་གི་སྲོལ་རྒྱུན་གྱི་ཆོས་གོས་སྤྲས་ཤིང་ལམ་གྱི་གཡས་གཡོན་གཉིས་སུ་ལག་ཏུ་ཁ་བཏགས་དང་མེ་ཏོག་གི་ཕྲེང་བ་སོགས་བཟུང་སྟེ་བང་སྒྲིག་ནས་༧གོང་ས་མཆོག་ལ་ཕེབས་བསུ་ཞུས་ཡོད་པ་རེད།
༧གོང་ས་མཆོག་ཕོ་བྲང་དུ་འབྱོར་རྗེས་ཁོང་གིས་མངའ་སྡེ་བློན་ཆེན་ཨབ་ཌུལ་ལ་མཆོག་དང་འབྲེལ་ཡོད་མི་སྣ་གཞན་རྣམས་ཀྱིས་ཁོང་ལ་ཕེབས་བསུ་གནང་བར་ཐུགས་རྗེ་ཆེ་ཞུས་ཡོད་པ་རེད།
༧གོང་ས་མཆོག་གིས་མངའ་སྡེ་བློན་ཆེན་མཆོག་མཉམ་དུ་བཀའ་མོལ་གནང་ཡུན་རིང་ཁོང་གིས། ངོས་རང་ཁྱེད་ཀྱི་སྤོ་བོ་ Sheikh Mohammad Abdullah ལགས་ལ་གྲོགས་པོའི་འབྲེལ་འདྲིས་ཟབ་མོ་ཡོད་ལ། ཁྱེད་ཀྱི་པ་ལགས་Farooq Abdullah ལའང་འབྲེལ་བ་ཟབ་མོ་ཡོད་ཅེས་གསུངས་ཡོད་པ་རེད།
༧གོང་ས་མཆོག་ལ་དྭགས་སུ་ཟླ་འདིའི་ཚེས་ ༢༩ ཉིན་བར་དུ་བཞུགས་ཏེ་གསུང་ཆོས་སོགས་གནང་རྒྱུ་རེད།
གངས་ཅན་བོད་ཀྱི་ཆོས་བདེ་ཞིང་གནས་འགྲོ་བའི་མགོན་པོ་༧སྐྱབས་མགོན་རྒྱལ་བའི་དབང་པོ་ལ་ཕྱག་འཚལ་ལོ།།
མཛད་རྒྱུ་གཞན་དོན་དང་། བསམ་རྒྱུ་སེམས་ཅན་ལས་མེད་པའི་༧གོང་ས་ཡིད་བཞིན་ནོར་བུ་མཆོག་གིས་ད་རེབ་ཉིན་ཤས་རིང་ལ་དྭགས་ལྕོག་ལམ་ཤར་གྱི་ཕོ་བྲང་ཁ་ཁུ་སིམ་པོ་དེ་རུ་སྐུ་ངལ་མང་ཙམ་གསོ་ཐུབ་ན་ཇི་འདྲའི་དགའ་བ་ལ་ཨང་། སྐབས་འཚོལ་རིང་ལུགས་པ་ཚོས་ས་ཕྱོགས་གང་དུ་ཡང་ཁོང་ལ་མཛད་བྲེལ་རྐྱང་རྐྱང་བཟོས་ནས་སྐུ་གཟུགས་ལྷོད་དལ་ཞིག་ནམ་ཡང་ཡོང་འཇུག་གི་མེད། ཁོང་གི་སྐུ་གཟུགས་སོས་དལ་བག་ཕེབས་ཤིག་བྱུང་ན་སྐུའི་འཕྲོད་དགེ་དང་བདེ་ཐང་བཅས་ལ་ཕན་པར་འགྱུར་ཞིང་། དེ་བྱུང་ན་སྐུ་ཚེའི་ཞབས་པད་བརྟན་པ་ལ་རང་བཞིན་གྱིས་ཕན་ཐོགས་ཤིག་ཡོང་ངེས་ཡིན།
འགྲོ་བའི་མགོན་པོ་ཁྱེད་སྐུ་ཅི་འདྲ་དང་།
འཁོར་དང་སྐུ་ཚེའི་འཁོར་དང་ཞིང་ཁམས་དང་།
ཁྱེད་ཀྱི་མཚན་མཆོག་བཟང་པོ་ཅི་འདྲ་བ།
དེ་འདྲ་ཁོ་ནར་བདག་སོགས་འགྱུར་བར་ཤོག
སྟོང་ཉིད་སྙིང་རྗེ་ཟུང་དུ་འཇུག་པའི་ལམ།།
ཆེས་ཆེར་གསལ་མཛད་གངས་ཅན་བསྟན་འགྲོའི་མགོན།།
ཕྱག་ན་པདྨོ་བསྟན་འཛིན་རྒྱ་མཚོ་ལ།།
གསོལ་བ་འདེབས་སོ་བཞེད་དོན་ལྷུན་འགྲུབ་ཤོག།
སྐྱབས་སུ་མཆིས།
ཁོང་ནི་ཉིན་གཅིག་ལ་སྐུ་དལ་པོ་བྱེད་ནི་གཞུགས་ཡག་མི་འདུག་བོད་པ་དེ་ཚོ་
བཀའ་དྲིན་དྲན་དགོས།།
སྤྱིར་༸རྒྱལ་བ་རིན་པོ་རྒྱ་གར་གྱི་མངའ་སྡེ་གང་ཞིག་གི་ནང་དུ་ཆིབས་བསྒྱུར་གྱི་སྐབས་མངའ་སྡེའི་བློན་ཆེན་གྱིས་ཕེབས་བསུ་དང་མཇལ་འཕྲད་སོགས་ཉུང་ཤས་ཤིག་ཡིན་པ་ལས། ད་རེས་ཇ་མུ་དང་ཀཤི་མིར་མངའ་སྡེའི་བློན་ཆེན་གྱིས་ཕེབས་བསུ་ཟབ་རྒྱས་ཞུས་པ་དེ་རླབས་ཆེན་ཞིག་ཏུ་རྩིས་བཞིན་ཡོད།
དེང་གི་ཆར་མངའ་སྡེ་དེ་རྩོད་གཞི་ཅན་ཞིག་ཡིན་པ་དང་ལྷག་པར་རྒྱ་ནག་གི་དེའི་སྟེང་བྱུས་མེད་བྱུས་ཏོག་གི་པ་ཀིསི་ཏན་གྱི་རྒྱབ་ཏུ་ལངས་ཀྱི་ཡོད་ལ། དེས་རྒྱ་གར་ལ་སྤྱིའི་ཆ་ནས་རང་བཞིན་གྱི་དངངས་ཚབ་སྐྱེས་གཞི་ཞིག་ཏུ་འགྱུར་ཡོད། ངས་མཐའ་དོན་མངའ་སྡེ་འདིའི་རྙོག་དྲ་དེ་མྱུར་ནས་མྱུར་དུ་ཐག་གཅོད་ཐུབ་པ་དང་དེ་སྔར་རྒྱ་གར་གྱི་ཁོངས་ཡིན་པས་ད་དུང་ཡང་རྒྱ་གར་གྱི་ཁོངས་སུ་གནས་ན་དགེ་ཚན་ཆེ་བར་མཐོང།
ཐུགས་རྗེ་ཆེ་ཨོ་མར་ལགས།