ད་སྔ་བཞུགས་སྒར་ངྷ་རམ་ས་ལའི་བོད་མི་གཅིག་ལའང་ཕག་པའི་ཆམ་ནད་བྱུང་མི་འདུག་མོད། འོན་ཀྱང་། ནད་ཡམས་འདི་འཛམ་གླིང་རྒྱལ་ཁབ་མང་པོར་ཁྱབ་གདལ་དུ་ཕྱིན་ཏེ། ད་ལྟ་རྒྱ་གར་ནང་སླེབས་ཡོད་སྟབས་རིམ་གྱིས་བོད་མི་ཚོར་འགོས་རྒྱུའི་ཉེན་ཁ་ཡོད། གལ་སྲིད་ནད་ཡམས་དེ་འགོས་མ་ཐག་སྨན་བཅོས་བྱས་པ་ཡིན་ན་བཅོས་ཐབས་ཡོད་མོད། ནད་ཡམས་འདིའི་ཐོག་མའི་བྱུང་སྟངས་ཐད་དོ་སྣང་བྱ་རྒྱུ་གལ་ཆེན་པོ་རེད།
ཉེ་ཆར་རྒྱ་གར་ནང་ཕག་པའི་ཆམ་ནད་རིམ་གྱིས་ཁྱབ་སྟེ་མི་གཉིས་རྐྱེན་འདས་སུ་ཕྱིན་ཡོད་པ་དང་། གསར་ལམ་ཁག་ཅིག་ཏུ་བོད་མིའི་སྡོད་སྒར་ངྷ་རམ་ས་ལའི་བོད་མི་ ༧ ལ་ཕག་པའི་ཆམ་ནད་འགོས་ཡོད་ཚུལ་བཀོད་ཡོད་སྟབས། དེ་རིང་ཕྱི་དྲོའི་ཚུ་ཚོད་ ༤ པའི་སྟེང་བོད་གཞུང་འཕྲོད་བསྟེན་བཀའ་བློན་དཔལ་འབྱོར་ཚེ་རིང་ལགས་ཀྱིས་གནས་ཚུལ་དེ་དང་འབྲེལ་བའི་སྐོར་ལ་གསར་འགོད་པ་ཚོར་གསལ་བཤད་གནང་དོན། ཉེ་ཆར་རྒྱ་གར་གྱི་གསར་ཤོག་ཁག་ཅིག་ནང་། ངྷ་རམ་ས་ལའི་བོད་མི་ ༧ ལ་ཕག་པའི་ཆམ་ནད་ཡོད་པའི་གནས་ཚུལ་ཁྱབ་བསྒྲགས་བྱས་ཡོད་པ་དེ་ཐོས་མ་ཐག ང་ཚོ་འཕྲོད་བསྟེན་ལས་ཁུངས་ནས་གནས་ཚུལ་འདིར་ཞིབ་འཇུག་མཐིལ་ཕྱིན་བྱས་པ་ཡིན། མཐར་གནས་ཚུལ་དེ་ནི་བདེན་པ་མིན་པའི་ར་འཕྲོད་གསལ་བོ་བྱུང་ཡོད་ལ། དེ་ནི་རྒྱ་གར་གྲོང་གསེབ་ཁག་གི་བུ་ཕྲུག་ལ་ལྟ་སྐྱོང་བྱེད་བཞིན་པའི་བོད་པའི་ཚོགས་སྡེ་ཞིག་ཡོད་པ་དེའི་ཕྲུག་གུ་ ༧ ལ་ཆམ་པ་ཕོག་ཅིང་། ཁོང་ཚོ་བརྟག་དཔྱད་བྱེད་པར་ཀང་རྫོང་གི་སྨན་ཁང་དུ་ཕྱིན་ཡོད་པ་དང་། སྤྱིར་དེ་དག་ལ་ཕོག་པ་ནི་ཕག་ཆམ་མིན་པར་སྤྱིར་བཏང་གི་ཆམ་པ་ཡིན་ཡང་། སྔོན་ལ་ཕག་ཆམ་ཡིན་མིན་གྱི་དོགས་པ་ཞིག་བྱུང་ཡོད་སྟབས་གནས་ཚུལ་དེ་བྱུང་བ་རེད། ད་སྔ་བཞུགས་སྒར་ངྷ་རམ་ས་ལའི་བོད་མི་གཅིག་ལའང་ཕག་པའི་ཆམ་ནད་འདི་བྱུང་མི་འདུག་མོད། འོན་ཀྱང་། ནད་ཡམས་འདི་འཛམ་གླིང་རྒྱལ་ཁབ་མང་པོར་ཁྱབ་གདལ་དུ་ཕྱིན་ཏེ། ད་ལྟ་རྒྱ་གར་ནང་སླེབས་ཡོད་སྟབས་རིམ་གྱིས་བོད་མི་ཚོར་འགོས་རྒྱུའི་ཉེན་ཁ་ཡོད། གལ་སྲིད་ནད་ཡམས་དེ་འགོས་མ་ཐག་སྨན་བཅོས་བྱས་པ་ཡིན་ན་བཅོས་ཐབས་ཡོད་མོད། ནད་ཡམས་འདིའི་ཐོག་མའི་བྱུང་སྟངས་ཐད་དོ་སྣང་བྱ་རྒྱུ་གལ་ཆེན་པོ་རེད།
ནད་ཡམས་འདིའི་ཐོག་མའི་བྱུང་སྟངས་དང་ནད་རྟགས་ནི། གློ་བ་རྒྱག་པ་དང་མིད་པ་ཚ་བ། གྲང་བཤུད་བྱས་པ། རུས་ཚིག་ན་བ། མགོ་ན་བ། ངལ་སྣང་ཤར་བ་བཅས་ཀྱི་ནད་རྟགས་ཡོད་པ་དང་། རྩ་བའི་འདི་ལ་སྔོན་འགོག་གི་ཐབས་ལམ་གཉིས་ཡོད། དང་པོ། མང་ཚོགས་འདུ་འཛོམས་ཀྱི་སར་ཁ་རས་གྱོན་པ། གཉིས་པ། ཁྱིམ་ནས་ཕྱིར་སྐྱོད་སྐབས་རང་གི་ལག་པ་ཡང་དང་ཡང་དུ་འཁྲུད་དགོས་པ་བཅས་ནི་ནད་ཡམས་འདིའི་སྔོན་འགོག་གི་ཐབས་ལམ་རེད། དེ་བཞིན་བོད་སྨན་གྱིས་ནད་ཡམས་འདི་འགོག་སྲུང་གི་ཐབས་ལམ་དག་ས་གནས་སོ་སོའི་ཡན་ལག་སྨན་རྩིས་ཁང་སོ་སོར་འབྲེལ་གཏུགས་བྱས་ཏེ། འགོག་ཐབས་བྱ་དགོས་པ་རེད། གལ་སྲིད། ནད་ཡམས་འདི་འགོས་ཚེ་སྨན་ཁང་དུ་བརྟག་དཔྱད་བྱ་རྒྱུ་དང་མགྱོགས་མྱུར་གྱིས་དྲག་སྐྱེད་ཡོང་ཆེད། བདུན་ཕྲག་གཅིག་རིང་ཁྱིམ་དུ་ངལ་གསོ་བྱས་ཏེ་སྨན་བཅོས་བྱ་དགོས། དེ་ནི་མི་གཞན་ལ་མི་འགོས་པར་བྱ་ཆེད་དང་རང་ཉིད་ཀྱི་ནད་ཡམས་སྨན་བཅོས་གཙང་མ་ཞིག་ཡོང་རྒྱུ་བཅས་ལ་ཕན། ང་ཚོ་བོད་གཞུང་འཕྲོད་བསྟེན་ལས་ཁུངས་ཀྱི་ངོས་ནས་ནད་ཡམས་འདིའི་ཐད་དོ་སྣང་ཆེན་པོ་བྱེད་ཀྱིན་ཡོད་ལ། མི་མང་ལ་ཕག་ཤ་འདུས་པའི་ཤའི་རིགས་ཡོངས་གང་ཐུབ་ཀྱིས་སྤང་རྒྱུའི་ཐད་འབོད་སྐུལ་ཞུ་ཀྱིན་ཡོད་ལ། ནད་ཡམས་འདི་དང་འབྲེལ་བའི་དྲ་ཚིགས་སོགས་ཀྱི་བརྒྱུད་ལམ་རིགས་ལ་དོ་སྣང་བྱས་ཏེ། རང་གི་ནང་མི་སྤུན་ཟླ་དང་གྲོང་པ་ཁྱིམ་མཚེས་སོགས་རང་དང་། འབྲེལ་ཡོད་ཀྱི་མི་རྣམས་ལ་ནད་ཡམས་འདིའི་ཉེན་སྲུང་གི་བསླབ་བྱ་གནང་རྒྱུ་གལ་ཆེན་རེད། ཅེས་འབོད་སྐུལ་ཡང་ཞུས་སོང་།
བོད་ཀྱི་གསོ་བ་རིག་པའི་གཞུང་དུ་བསྟན་པའི་གཉན་རིམས་ཀྱི་རྒྱུ་རྐྱེན་དབྱེ་བ་བཅོས་ཐབས་ཀྱི་སྐོར་འདི་ད་ལྟ་དངོས་སུ་ལག་ལེན་བྱེད་ཀི་མེད་པ་འདྲ། དཔེར་ན་མིང་འདོགས་ཚུལ་ཡང་བོད་ལུགས་གསོ་རིག་གི་དགོངས་པ་དོར་ནས་གཞན་གྱི་རྗེས་སུ་འདེད་ཅི་ཐུབ་བྱེད་པ་འདི་ལས་རྟོགས་ཐུབ།རྗེས་ཕྱོགས་རང་ལུགས་ལྟར་ནད་གཞི་གསར་བ་ཅི་ཡིན་ཡང་ངོས་འཛིན་བྱེད་ཅི་ཐུབ་ཀྱིས་མིང་འོས་ཤིང་འཚམས་པ་རེ་འདོགས་རྒྱུ་རེ་བ་དང་བཅས་གུས་ཕུལ།
སྐད་ཆ་སྙན་པོ་རེད། སྤྱིར་ནད་རིགས་འདི་ཚོ་འགོག་བྱེད་ཨོ་རྒྱན་ཆེན་པོས་རིག་སྔགས་
མང་པོ་གསུང་ཡོད་རེད་ཁྱེད་ཚོ་ལ་ཡིད་ཆེས་ཡོད་ན་སྐྱོབས་ཐུབ་མིན་ལ་ཐེ་ཚོམ་ཡོད་མ་རེད། ཡིད་ཆེས་ཕན་སྔགས་སྤྱིའི་ལུགས་རེད།
ཕག་པའི་ཆམ་ནད་རྡ་སར་བསླེབས་མེད་པ་ཡག་པོ་བྱུང།
ཡིན་ནའང་།
ལྷོ་ཕྱོགས་ཀྱི་གྲོང་ཁྱེར་བྷེན་ལོར་ནང་ཕག་ནད་བྱུང་དེ་བུད་མེད་གཅིག་གྲོང་ཡོད་པ་དང་མི་འགའ་ལ་ཕག་ནད་དེ་བྱུང་ཡོད་པ་རྒྱ་གར་གྱི་ཚགས་པར་ནང་བཀོད་འདུག་ལ།
དེ་བཞིན་མེ་སོར་གྲོང་ཁྱེར་ནང་ལའང་བསླེབས་ཚར་བ་རེད་ཟེར་གྱི་འདུག ད་སྔོན་འགོག་གི་རིལ་བུ་ཞིག་ཡོད་ན་གདན་ས་ཁག་གསུམ་དང་ལྷོ་ཕྱོགས་ཀྱི་གཞི་ཆགས་ཁག་ལ་མྱུར་དུ་སྤེལ་དགོས་ཚོད་རེད་འདུག ཁ་སང་སེར་བྱེས་གྲྭ་ཚང་དུ་དགེ་བསྐོས་ལགས་ཀྱིས་གསུངས་བ་བཞིན་ཆམ་ནད་སྔོན་འགོག་ཏུ་སྒྲོལ་མ་གསོག་པ་དང་ཤེར་སྙིང་བཏོན་སོང་།
རིམས་ནས་་་་་རིམས་ནད་ལ་བཅོས་རོགས།
སྨན་རྩིས་ཁང་ནས་་བཟོས་པའི་རིལ་བུ་འདི་ལ་རིམས་སྲུང་རིལ་བུ་ཞེས་འབོད་ཀྱིན་ཡོད། དེ་ནི་སྨན་གཞུང་ནང་རིམས་ནས་སྤྱིར་སྲུང་ཐབས་ལ་སྔགས་དང་རྫས་གཉིས་ལས་རྫས་ཀྱིས་སྲུང་ཐབས་མང་པོ་ཞིག་གསུངས་པ་ལས་གཅིག་རེད། དེ་ཡང་རྒྱུད་བཞིའི་མཇུག་དོན་ལེའུ་ལས། བཙན་དུག་གླ་རྩི་མུ་ཟི་ཤུ་དག་དང་། ། གུ་གུལ་དཀར་ནག་གཉིས་དང་སྒོག་སྐྱ་ཡི།། ཁྲོལ་བུའི་ཐུམ་བུ་སྐེར་བཏགས་སྣ་སྒོར་བདུག ། དེ་ཡིས་རིམས་ནད་བསྐལ་པའི་མེ་འབར་ཡང་། །རང་ལུས་རྡོ་རྗེ་འདྲ་སྟེ་ཅིས་མི་ཚུགས། །གསུངས་པའི་དགོངས་དོན་དང་མཐུན་པར་བཟོས་པ་རེད། རིལ་བུ་འདི་བཙན་དུག་དུག་འདོན་གྱི་ལས་སྦྱོར་མ་བྱས་པ་ཡིན་པས་བྱིས་པའི་སྐེར་འདོགས་སྐབས་ཡིད་གཟབ་བྱེད་དགོས།
སྨན་རྩིས་ཁང་གིས་བཟོས་པའི་རིལ་བུ་འདི་ལ་ཁོང་ཚོས་རིལ་སྲུང་ཞེས་འབོད་བཞིན་འདུག རིལ་བུ་འདི་ཆམ་ནད་ཀྱི་རིགས་སྤྱི་ལ་ཕན་པར་བཤད་ཀྱི་འདུག འདིའི་རིག་པ་ནི་སླ་བོ་ཞིག་འདུག ཆམ་པའི་འགོ་ནད་དབུགས་ཀྱི་རྒྱུ་བ་ལ་བརྟེན་ནས་འགོས་པ་ཞིག་ཡིན་སྟབས། རིལ་སྲུང་འདིའི་དྲི་མ་བརྔུབ་དགོས་པ་ཡིན། འདི་ལས་འགྲེལ་བཤད་ཡག་པ་ཞིག་སྨན་པ་དེ་ཚོར་ཡང་མི་འདུག
གནས་ཚུལ་བདེན་པ་མ་ཡིན་པ་ཡག་པོ་རེད། འོན་ཀྱང་ང་ཚོ་ཚང་མས་གཟབ་གཟབ་བྱེད་རྒྱུ་གལ་ཆེ།
གོ་ཐོས་ལ་ན་ཚ་དེའི་ཆེད་དུ་བོད་གཞུང་སྨན་རྩིས་ཁང་གི་རིལ་བུ་ནག་པོ་ཞིག་བཟོ་བསྐྲུན་བྱས་ཡོད་སྐད། དེའི་ཕན་ཐོག་ཇི་ཡོད་མཁྱེན་རྟོགས་ཡོད་མཁན་ཚོས་འགྲེལ་བཤད་ཅིག་སྐྱོན་རོགས།
དྲྭ་གྲོགས་རྣམ་པ་སྐུ་ཁམས་བཟང་། དེ་རིང་བསམ་འཆར་ཞིག་ཤོད་འདོད་བྱུང་། བཞུགས་སྒར་རྡ་ས་་ནི་འཛམ་གླིང་རྒྱལ་ཁབ་གང་ས་ནས་མི་ཚོགས་འཛོམས་གནས་ཤིག་ཡིན་སྟབས་རིམས་ཆམ་དེ་རིགས་ཁྱབ་སླ་བ་ཡིན། དེ་བས་སྨན་བཅོས་ལས་སྔོན་འགོག་གལ་ཆེ་ཟེར་བ་ལྟར་ནད་ཡམས་དེ་རིགས་ལུས་ལ་ཞུགས་ཕྱིན་རྐང་པ་ཡ་གཅིག་འཆི་བདག་ཁ་རུ་ཚུད་ཟིན་པ་ལྟར་ཡིན་པས་འགོག་བཅོས་ཐད་དོ་སྣང་དགོས་པ་གལ་ཆེ་ཡིན། བོད་ཀྱི་གསོ་རིག་གཞུང་རྒྱུད་བཞི་ལས་་་་དྲི་དང་རེག་པས་འགོས་ཕྱིར་བསྲུང་བ་གཅེས། ། ཞེས་གསལ་བ་ལྟར་རིམས་ནད་ཕལ་ཆེར་ནི་སྣ་སྒོ་དང་ཕན་ཚུན་རེག་པ་ལས་འགོས་ཁྱབ་འགྲོ་བ་ཡིན་པས་ཁ་རས་གྱོན་པ་དང་ལག་པ་ཡང་སེ་འཁྲུ་དགོས་པ་དེ་གལ་ཆེ་ཡིན། དེ་མིན་སྔ་དྲོ་ལྟོ་སྟོང་སྐབས་བདུད་རྩི་ཆོས་སྨན་སྦངས་ཏེ་འཐུང་ན་ཡང་རིམས་ནད་ཐུབ་པ་མྱོང་གྲུབ་ཡིན། ད་ལབ་མྱོག་མང་སོང་། གཟབ་གཟབ་བྱོས།།
ཨོ་་་་བློ་བདེ་སོང་། ནད་ཡམས་འདི་རྡ་སར་སླེབས་འདུག་ཅེས་གོ་མ་ཐག་དུས་བབ་ཟིན་བྲིས་སུ་འབྲི་མཁན་ང་ཡིན། དགོངས་དག