ཟླ་འདིའི་ཚེས་ ༡༥ ཉིན་གྱི་དགོང་མོ་ལྷ་ས་སྙེ་མོ་རྫོང་དུ་ཆར་ཆེན་བབས་པའི་དབང་གིས་རི་ཉིལ་འདམ་ཟེགས་ཀྱི་དོན་རྐྱེན་བྱུང་སྟེ། ས་གནས་མང་ཚོགས་ ༡༥༡ ཙམ་ལ་གནོད་སྐྱོན་ཐེབས་ཡོད་པ་མ་ཟད། ལམ་དང་ཞིང་ཁ། ཁང་པ་སོགས་ལ་གཏོར་སྐྱོན་ཚབས་ཆེན་ཐེབས་ཤིང་། གློག་དང་ཆུ་ཆད་པ། ལམ་ཁ་འགག་པ། བཅའ་དངོས་མང་པོ་བོར་རླག་བཅས་ཀྱི་གནས་ཚུལ་བྱུང་ཡོད་འདུག ད་ལྟ་རྫོང་དང་འབྲེལ་ཡོད་ཚན་པས་གོ་སྒྲིག་འོག གནོད་འཚེ་ཐེབས་ཡུལ་དུ་རས་གུར་ ༤༠ ལྷག་ཕུབ་སྟེ། རྒུད་སྐྱོབ་ཀྱི་ལས་དོན་སྒྲུབ་ཀྱིན་ཡོད་ནའང་། འགྲིམ་འགྲུལ་སྐྱེལ་འདྲེན་དང་མཁོ་དངོས་ཆ་རྐྱེན་ཐད་མུ་མཐུད་དཀའ་ངལ་འཕྲད་ཀྱིན་ཡོད་འདུག གོང་གི་གནད་དོན་དེའི་སྐོར་རྒྱ་ནག་གི་གསར་ལམ་ཁག་ཏུ་ཐོན་པའི་གནས་ཚུལ་ནང་། ཐེངས་འདིའི་གོད་ཆགས་ཁྲོད་སྙེ་མོ་རྫོང་ལ་རྒྱ་སྒོར་ས་ཡ་ལྔ་དང་འབུམ་ལྔ་ཁྲི་དྲུག་ ༥༥༦༠༠༠༠༠ གི་གྱོང་གུད་བཟོས་ཡོད་སྐོར་ཙམ་ལས། མི་ཤི་རྨས་དང་རང་བྱུང་གནོད་འཚེ་ཐེབས་པའི་ཞིབ་ཕྲའི་གནས་ཚུལ་གང་ཡང་བཀོད་མི་འདུག
དེ་རིང་བོད་ལྗོངས་གནམ་གཤིས་བརྟག་དཔྱད་ཁང་གིས་བསྒྲགས་དོན་ལྟར་ན། ད་དུང་མུ་མཐུད་དུ་བོད་ལྗོངས་ཀྱི་ས་ཁུལ་མང་ཆེ་བར་ཆར་བ་ཤུགས་ཆེན་འབབ་རྒྱུ་ཡིན་པ་མ་ཟད། དྲོད་ཚད་ཀྱང་མར་ཆགས་ཏེ། རིམ་པ་ ༡ ལ་སླེབས་རྒྱུ་ཡིན་སྟབས་མི་ཚང་མས་ལ་བ་དྲོན་པོ་གྱོན་ཏེ་ཆམ་ནད་འཕོག་རྒྱུར་སྔོན་འགོག་བྱ་དགོས་པའི་སྐུལ་མ་བཏང་འདུག་ལ། གཞིས་རྩེ་དང་ནག་ཆུའི་ཤར་རྒྱུད་དུ་ཆར་བ་ཆུང་ཙམ་འབབ་རྒྱུ་ཡིན་པ་དང་། ཆབ་མདོ་དང་ཉིང་ཁྲི། ལྷོ་ཁ་གསུམ་ལ་ཆར་བ་འབྲིང་ཙམ་འབབ་རྒྱུ་ཡིན་པ། གཞན། གཞིས་ཀ་རྩེའི་ལྷོ་རྒྱུད་དང་ལྷོ་ཁའི་ལྷོ་རྒྱུད། མལ་གྲོ་གུང་དཀར་རྫོང་། སྙེ་མོ་རྫོང་བཅས་ལ་དྲག་ཆར་བསྟུད་མར་འབབ་རྒྱུ་ཡིན་པ་དང་། དྲོད་ཚད་ཀྱང་མུ་མཐུད་མར་ཆགས་རྒྱུ་ཡིན་པའི་ཉེན་བརྡ་བཏང་འདུག
སྙིང་རྗེ་ཁོང་རྣམས་གང་མགྱོགས་དཀའ་ངལ་ལས་ཐར་བ་ཤོག
བོད་རིགས་སྤུན་ཟླ་ཚོར་ངེད་གངས་ཅན་པའི་ཡུལ་ལ་འདི་འདྲ་བའི་གནོད་ཚབ་བྱུང་རྒྱུ་མང་བ་ལ་ལས་དབང་ཞིག་རེད་ཡ། ཡང་ན་གོ་ལའི་ཟླུམ་པོའི་འབྱུང་བཞིས་འཕེལ་ཟད་འཁྲུགས་གསུམ་དབང་གིས་གངས་ཅན་པ་ལ་གནོད་ཚབ་བྱུང་བ་རེད་བས།
དཔེར་ན། མེའི་དྲོད་ཚད་ལྡན་པའི་འབྱུང་བཞི་ཟད་ནས་རླན་གཤེར་ལྡན་པས་ཆུའི་འབྱུང་བཞི་འཕེལ་ནས་འདི་འདྲ་བྱུང་རེད་བས།
དེ་འདྲ་དངོས་གནས་དཀའ་རེད་
ནོར་བཅོས།
ཁོར་ཡུག་གི་ལ། ཞེས་པ། ཁོར་ཡུག་ལ་ཞེས་པར་བཅོས་རོགས།
གི་སྒྲ་བཏགས་ནོར་ཤོར་འདུག
རང་བྱུང་ཁོར་ཡུག་གི་ལ་བདག་གཅེས་མ་བྱས་ན་ནམ་ཞིག་འཇིག་རེྟེན་འདིའི་ཡོད་ཚད་གོད་ཆག་གི་ཀློང་ནས་འཇའ་ལྟར་ཡལ་ངེས་པ་ཡིན་ནམ།