ངའི་འོས་གཞི་བཀའ་ཟུར་བློ་བཟང་སྙན་གྲཌ་ཡིན།

བསྟན་འཛིན་འདི་ངོ་མ་དགོད་བྲོ་བའི་མི་ཞིག་རེད། བློ་བཟང་སྙན་གྲགས་ཀྱིས་དཔྲ་ཕྲུག་ངག་དབང་གི་བུ་མོར་ཆགས་པ་སྤྱད་པ་དེ་དོན་དངོས་ཐོག་ནོར་འཁྲུལ་ཡིན་མིན་གང་ལྟར་ཡང་ངས་བལྟས་ན་ཁག་མེད་སྙམ། གང་ཞེ་ན་ཨ་ཅག་དེ་ཁྱེད་ཀྱིས་མཐོང་མེད་པ་འདྲ་གལ་སྲིད་མཐོང་ཡོད་ན་ཁོང་ལ་ཐུགས་ཁག་མེད་པ་བདེ་བླག་ཏུ་རྟོགས་ཐུབ། ད་དུང་བཀའ་ཤག་ཏུ་ལས་ཀ་བྱེད་བཞིན་པའི་བུ་མོ་མཛེས་མ་དེ་དག་ནི་གཙོ་བོ་གཟུགས་བྱད་དང་རྣམ་པར་བལྟས་ནས་བདམས་པ་ཤ་སྟག་ཡིན་པས། ང་བཀའ་བློན་ཞིག་ལ་ཁེལ་བ་ཡིན་ནའང་ཐེངས་དང་པོར་ལག་པ་འཆང་ས་དེ་ཁོ་མོ་ཚོ་ཡིན་པ་ལས་བོད་དོན་མིན་ཁོ་ཐག་ཡིན།
འོན་ཀྱང་ཀ་ལི་ཀ་ཏའི་བོད་གཞུང་མགྲོན་ཁང་སོགས་ཀྱི་རྙོག་དྲ་དེ་དོན་དངོས་ཡིན་ཚེ་ངོ་མ་ཚབས་ཆེན་རེད། ཁྱེད་ཀྱིས་དེ་དག་དྲ་ཐོག་ཏུ་བཀོད་པ་ནི་བོད་མི་རིགས་ལ་ཤ་ཞེན་གྱི་སྐད་ཆ་ཞིག་ལས་མི་སྒེར་ལ་སྐྱོན་བརྗོད་བྱས་པ་ཞིག་ཏུ་ནམ་ཡང་ངོས་འཛིན་བྱེད་ཀྱིན་མེད། ཁྱེད་ལ་གསལ་འདེབས་ཞུ་རྒྱུ་ཞིག་ནི། བློ་བཟང་སྙན་གྲགས་བཀའ་ཁྲིར་འོས་མིན་ནི་ངག་དབང་རབ་རྒྱས་ཟེར་བ་འདི་དང་ཁྱེད་གཉིས་གདོང་གཏུག་ནས་ཐག་ཆོད་རྒྱུ་ཞིག་མིན་པས། ཁྱེད་ཀྱིས་ཁོང་འཚོལ་དགོས་དོན་གཏན་ནས་མེད་པས་གཟབ་གཟབ་གནང་རོགས། ངག་དབང་རབ་རྒྱས་དྲ་ཐོག་ནས་རྙེད་ཡོད་པ་དེ་གས་འགྲིག་སྙམ།

ངག་དབང་རབ་རྒྱས་ཟེར་པ་འདི་མི་ཁྱད་མཚར་ཞིག་འདུག གལ་སྲིད་འཆལ་པོ་བློ་བཟང་སྙན་གྲགས་བཀའ་ཁྲི་ལ་བསྐོ་རྒྱུ་ཁྱོད་རང་གིས་ཐག་བཅད་ཆོག་ཆོག་ཡོད་ན་དྲ་ཐོག་ཏུ་སྤྲེལ་ལད་འཁྲབ་རྒྱུ་མཚམས་བཞག་རོགས། ཁ་ས་ད་རིང་སངས་རྒྱས་ཀྱི་བཀའ་དང་ཀུན་སྤྱོད་ལ་བརྟག་དཔྱད་དང་བགྲོ་གླེང་བྱེད་ཆོག་ན་ཆགས་སྤྱོད་ཀྱི་དབང་དུ་སོང་ནས་བློན་ཆེན་གྱི་རྐུབ་སྟེགས་ཤོར་པའི་བློ་སྙན་སྐོར་བགྲོ་གླེང་བྱེད་མི་ཆོག་པ་གང་ཡིན་ནམ། ཁྱོད་ཀྱིས་ལན་འདེབས་ཁུལ་བྱས་པའི་ནང་ལྡི་ལི་དོན་གཅོད་དྲུང་ཆེ་ལྷག་པ་མཚོ་སྒོ་ལགས་ནས། སྐུ་ངོ་བཀའ་བློན་མཆོག་ནས་དོན་གཅོད་ལས་ཁང་ནང་གནང་བབ་དེ་འདྲ་ཡིས་གཤམ་འོག་ལས་བྱེད་ལ་སྟངས་འཛིན་ཞུ་རྒྱུ་ཁག་པོ་འདུག་ཞེས་བཀའ་ཤག་ལ་ཚ་སྙན་ཞུས་པ་སོགས་ལ་ཁྱོད་ཀྱིས་ཚིག་གཅིག་བཤད་རྒྱུ་མ་རྙེད་པ་གང་ཡིན་ནམ། ཁྱོད་རང་ནས་རི་ལུགས་པ་ཐག་པས་སྡོམ་རྒྱུ་དེ་རྨི་ལམ་སྟོང་པ་རེད། མ་གཞི་ནས་ཁྱོད་རང་གིས་སྡིགས་ར་བསྐུལ་ནས་སུ་ཞེད་ཀི་རེད་བསམ་གྱི་འདུག རྒྱལ་ཁམས་མ་མཐོང་པའི་སྦལ་པ་ནི་སྦལ་པ་རང་རེད།

བསྟན་འཛིན་ཟེར་བའི་མིང་དངོས་ཆ་ཚང་སྟོན་མི་ཕོད་པའི་མི་ཞིག་གིས་ངའི་བཀའ་ཁྲི་འོས་གཞི་བཀའ་ཟུར་བློ་བཟང་སྙན་གྲགས་མཆོག་ལ་གཞི་མེད་དང་ཁུངས་ལུང་མེད་པའི་སྐྱོན་བརྗོད་ཁ་ཤས་བྱས་འདུག་པས། སྤྱིར་ཁོའི་བཤད་སྟངས་ལ་བལྟ་དུས་བྱིས་པ་ལོ་བརྒྱད་ཅན་གྱི་གཏམ་ཞིག་ལས་རིན་ཐང་ལྡན་པའི་སྐྱོན་བརྗོད་ཅིག་ལ་ངོས་འཛིན་བྱེད་ཀྱི་མེད། ཁོ་རང་གི་སྐྱོན་བརྗོད་བྱེད་ཡོང་དུས་ནས་མི་སྒེར་གྱི་ཁོན་འཛིན་ཡིན་པ་གང་ཞིག་ལ་ཅོལ་ཆུང་གི་བྱེད་ལུགས་ཡིན་པ་མངོན་གྱི་འདུག དེང་གི་ང་ཚོའི་བོད་པའི་སྤྱི་ཚོགས་ནང་བོད་སྤྱི་པའི་འགན་ཁུར་བྱེད་རྒྱུ་ལྟ་ཞོག། དེ་ལས་ལྡོག་སྟེ་རིགས་གཅིག་གིས་སྒེར་གྱི་དགའ་མིན་དགའ་སྡུག་གིས་འགྲན་སེམས་དང་ཕྲག་དོག་ཀྱིས་མ་བཟོད་པར་ལྷག་བསམ་དང་ཤེས་འཇོན་ཅན་གྱི་མི་སྣ་གང་མང་ལ་གཞི་རྩ་མེད་པའི་སྐྱོན་བརྗོད་ཀྱིས་བཙན་བྱོལ་སྤྱི་ཚོགས་ཀྱི་རྭ་བ་ནས་རྒྱང་ཕུད་གཏོང་བའི་ཐབས་ལམ་ངན་པ་ཞིག་འཚོལ་བཞིན་ཡོད། བསྟན་འཛིན་ཟེར་བ་ཁོ་ཡང་དེ་དག་གི་ཕྱོགས་གཏོགས་དང་ཡང་ན་རྒྱུགས་ཁྱི་ཞིག་ཡིན་པར་འདོད། ཁྱོད་ཀྱིས་སྐྱོན་འདོན་བྱས་པ་ཁག་རྒྱུ་མཚན་ངེས་རྐྱེན་ཞིག་ཡོད་པ་གང་ཡང་མཐོང་མ་སོང་ལ། བཙན་བྱོལ་བོད་གཞུང་གི་ལྷན་ཁང་རེ་རེར་ལས་བྱེད་བུ་མེད་གང་མང་ཡོད་ངེས་དང༌། བློ་བཟང་སྙན་གྲགས་མཆོག་བཀའ་བློན་བྱས་པའི་རིང་ལས་བྱེད་བུ་མེད་དང་འབྲེལ་ལམ་རྩ་བ་མེད་པའི་ལས་དོན་བྱེད་ཐབས་མེད། ང་ཚོའི་རྗེས་ལུས་དང་རྨོངས་དད་ཀྱི་སྤྱི་ཚོགས་ནང་གང་ཞིག་བུ་ཞིག་དང་བུད་མཉམ་འགྲོ་མཉམ་འདུག་བྱེད་ཡོད་ན་ཁོ་གཉིས་ཕལ་ཆེར་ཕོ་མོ་འབྲེལ་བ་ཡོད་པ་ངོས་འཛིན་བྱེད་ཀྱི་ཡོད་པ་དེ་ནོར་འཁྲུལ་ཡིན་པ་ཤེས་དགོས། གྲྭ་བཙུན་གྱི་སྡོམ་ཁྲིམས་བླངས་མེད་པའི་གང་ཟག་ཞིག་ལ་མཚོན་ན་བུད་མེད་དང་འབྲེལ་བ་བྱེད་མི་ཆོག་རྒྱུ་ཅི་ཡང་མེད། གནད་ཡོད་མི་སྣ་ཞིག་ལ་སྐྱོན་བརྗོད་བྱེད་འདོད་ན་ཁོང་གི་བྱས་རྗེས་དང་ནོར་ཕྲུལ་གཉིས་ཡང་ལྗིད་ལྟ་དགོས་པ་ཤིན་ཏུ་ནས་གལ་ཆེན་མཐོང། གལ་སྲིད་བསྟན་འཛིན་ཟེར་བ་ཁྱོད་ལ་བདེན་དཔང་ར་སྤྲོད་བྱེད་ཐུབ་པའི་བློ་སྤོབས་དང་སྡུག་ཁུར་ཐུབ་ཀྱི་མེད་ན་ངའི་ཁ་བྱང་དུས་བབ་གསར་ཁང་ལ་ཡོད་པས་འབྲེལ་གཏུགས་བྱོལ་དང་ངེད་གཉིས་སྐད་ཆ་ཞིབ་ཕྲ་བཤད་ཆོག དེ་མིན་ཁྱོད་རང་སྤྱི་ཚོགས་ནང་དཀྲོག་གཏམ་བྱེད་རྒྱུ་འཚམས་འཇོག་བྱེད་ཏེ་ན་བཟང༌།

ཁམས་བཟང་། ངག་དབང་རབ་རྒྱས་ལགས་ཀྱིས་སོ་སོའི་བཀའ་ཁྲིའི་འོས་གཞི་དམིགས་འཛུགས་གནང་བ་དང་སྦྲགས་བཀའ་ཟུར་བློ་བཟང་སྙན་གྲགས་ཀྱི་ལོ་རྒྱུས་མདོར་བསྡུས་དང་ཁོང་གི་ཤེས་ཡོན་དང་འཇོན་ཐང་ལྷག་བསམ་བཅས་དྲ་ཐོག་ཏུ་གསལ་བཤད་གནང་བ་དེ་དངོས་གནས་ཡག་པོ་འདུག

དེ་དང་འབྲེལ་ནས་དྲ་གྲོགས་བསྟན་འཛིན་ལགས་ཀྱིས་འོས་དམིགས་དེར་མི་འོས་པའི་རྒྱུ་མཚན་དྲུག་ཅན་གསལ་བཤད་གནང་ཡོད་པ་དེ་ཡང་དངོས་འབྲེལ་ཡག་པོ་འདུག

ལྷན་རྒྱས་ཚོས་སོ་སོའི་འོས་གཞིར་ཡོད་པའི་བཀའ་ཁྲི་རྣམས་ཀྱི་མཚན་དང་། ལོ་རྒྱུས། ཤེས་ཚད། ལས་ཀའི་ཉམས་མྱོང་། འཇོན་ཐང་བཅས་འདི་བཞིན་བཀོད་ཐུབ་ཐུབ་ན་དཔེ་ཡག་པོ་འདུག

བློ་གྲོས་རྒྱལ་བོ་ལགས། ངས་བལྟས་ན་དྲ་བ་རྣམས་ཀྱིས་མི་འདི་དག་ནག་པོར་བཟོས་པ་མ་རེད། མ་གཞི་ནས་བློ་སྙན་དང་བློ་སེང་གཉིས་ནག་པོ་ཡིན་པ་རྒྱུ་མཚན་དུ་བཞག་ནས། ཁོ་གཉིས་ཀྱི་ཁ་དོག་ངོ་མ་དེ་ཕྱིར་སྟོན་བྱེད་ཀྱིན་ཡོད་པ་རེད་འདོད།

རྒྱལ་ལོ་དོན་གྲུབ་མཆོག་གིས་ཡབ་གཞིས་ཀྱི་བུད་མེད་ཚོར་བཀའ་ཁྲིའི་འོས་གཞིར་འཁྲིད་ཡོང་གི་འདུག་ཅེས་པ་འདི་བདེན་པ་ཡིན་མིན་མ་ཤེས།

འོ་གཅིག་བརྗེད་ཤག བོད་སོག་ལས་ཁུངས་ལ་འབྲེལ་བ་འཛིན་མཁན་བསྟན་འཛིན་མཁས་གྲུབ་མ་ཡིན་པར་དེང་གི་བཀའ་ཤག་རེད་ཟེར། ནེའུ་ཡོག་གི་བོད་པ་ཚོས་ལབ་ན་བོད་སོག་ལས་ཁུངས་དང་ཕྱི་སྡོད་རྒྱ་རིགས་མང་གཙོ་དོན་གཉེར་ཅན་ཁག་ཅིག་གིས་ལོ་གཅིག་ཙམ་གྱི་གོང་ལ་ཚོགས་འདུ་ཞིག་བསྐངས་ཡོད་པ་དང་། དེའི་སྒང་ལ་བཀའ་ཤག་གིས་གཞུང་འབྲེལ་མི་སྣ་མང་པོ་བཏང་ཤག

ཕྱོགས་ཞེན་གྱི་ལྟ་བ་དོར་ནས་སྐད་ཆ་དྲང་བོར་ཤོད་ཡ

བཀའ་ཟུར་བློ་བཟང་སྙན་གྲགས་ལ་ཤེས་ཚད་འ་འུ་ཙི་རེད་ལ། ལོ་ཚད་ཀྱང་མ་རྒས་མ་གཞོན་པ་རེད། འོན་ཀྱང་ཁོང་གི་སྐྱོན་ཆེ་ཤོས་ཁག་ནི། ༡། ཀལ་ཀ་ཏར་ཡོད་པའི་བོད་གཞུང་གི་མགྲོན་ཁང་ཧིན་སྒོར་འབུམ་༥༠ ལ་ཕམ་བཙོང་བྱས་པ་་སྐབས་དེའི་ཚོང་རའི་མ་རྩ་ལས་ཕྱེད་བཅག་ལ་བཙོང་བ་དང། རིན་དངུལ་ཕྱེད་ཀ་ལྷག་ད་ལྟའང་བོད་གཞུང་ལ་འཕྲོད་འབྱོར་བྱུང་མེད་པ། ༢། བལ་ཡུལ་རྒྱལ་སའི་བོད་ཀྱི་གསོལ་མགྲོན་ཁང་དེ་ཁོང་གི་ཕ་ཡུལ་ནང་ཚགས་ལ་ཕམ་འཚོང་གནང་ནས་བོད་གཞུང་ལ་སྡུག་གྱོང་ཚད་མེད་རག་པ། ད་དུང་འདི་ལ་ལྐོག་དངུལ་འབོར་ཆེན་ཧམ་ཟོས་བྱས་པའི་གླེང་རྙོག་མང་པོ་བྱུང་བ་ཟམ་གདོང་བླ་མའི་གཟི་བརྗིད་ཀྱིས་གནོན་ཐུབ་ཙམ་བྱུང་བ་མ་གཏོགས། མཇུག་འབྲས་ཇི་ཡོང་ཤེས་གསལ་རེད། ༣། འགྲོ་བ་མིའི་ཐོབ་ཐང་ལྟེ་གནས་ཟེར་པའི་འགན་འཛིན་སྐབས་གཤམ་འོག་ལས་བྱེད་བུ་ཚོར་ཆགས་སྤྱོད་ཁོ་ན་གཉེར་བའི་ཞབས་འདྲེན་ག་ཚད་བཞག་སོང། ༤། བཀའ་བློན་སྐབས་ཉི་མ་ཁ་དཀར་ལ་ལྡི་ལི་དོན་གཅོད་ཁང་གི་ལས་ཁུང་ཐོག་ཀར་ར་ཕྲུག་ངག་དབང་གི་བུ་མོར་ཆགས་པ་སྤྱོད་བཞིན་པ་དོན་གཅོད་དྲུང་ཆེ་ལྷག་པ་མཚོ་ལགས་ཀྱིས་དངོས་མཐོང་ཞུ་ཡིག་བཀའ་ཁྲི་ཟམ་གདོང་ལ་ཕུལ་པ་དངོས་ཡོད་གནས་ཚུལ་ཡིན་པ། ༥། དཔལ་འབྱོར་དང་འཕྲོད་བསྟེན་བཀའ་བློན་སྐབས་ལས་བྱེད་བུ་མོ་ཚོར་ལྡེ་མིག་ལས་ཤག་ཏུ་སྐྱེལ་དུ་བཏང་པའི་རྗེས་ལ་ཁོང་རང་ཡང་ཕེབས་ནས་ཚུལ་མིན་ཆགས་སྤྱོད་ག་ཚད་བྱས་སོང་། ༦། དགོང་དྲོ་ལས་ཁུང་གྲོལ་རྗེས་ལས་ཀ་མ་ཚར་པར་ཁ་གཡར་ནས་ལས་ཁུང་ནང་བུ་མོ་མང་པོ་ཆགས་སྤྱོད་བྱས་པ་ཡིག་སྐྱེལ་གྱིས་ཐེངས་མ་ག་ཚད་འཇུས་སོང་། ཁོ་པ་རང་གི་ངན་སྤྱོད་ལ་བརྟེན་ནས་བཀའ་བློན་ཤོར་པ་རེད། མི་ངན་འདི་འདྲ་བཀའ་བློན་ཁྲི་པར་བསྐོས་ན་ང་རང་ཚོར་ཡོང་རྒྱུ་ཅི་ཡོད་འབྲེལ་བཤད་ཨེ་དགོས་རང་རང་སོ་སོས་བརྟག་དཔྱད་གནང་རོགས། ངའི་སྐད་ཆ་ལ་ཁུངས་ལུང་ཡོད་མེད་སོ་སོས་བརྟག་གནང་ན་མཁྱེན་གྱི་རེད།
འདི་མི་ཞིག་ལ་དགའ་མི་དགའི་སྐད་ཆ་མ་རེད། བོད་མི་ས་ཡ་དྲུག་གི་བདེ་སྡུག་ལ་འགན་དགོས་ཙང། ཁོང་གིས་བོང་གུའི་རླིག་པའི་བདེ་སྐྱིད་ཙམ་ལས་གཞན་འཇོན་ཐང་འདི་ཞེས་བསྟན་རྒྱུ་གང་ཡང་བྱུང་མེད།

གནས་ཚང་ལགས། བསྟན་འཛིན་མཁས་གྲུབ་བཀའ་ཁྲིར་བདམས་ཚེ། བཀའ་ཤག་གི་ལས་ཁུངས་སྟོང་བར་ལྷག་འགྲོ་གི་རེད། བསྟན་འཛིན་མཁས་གྲུབ་ད་ལྟ་མདོ་སྨད་སྤྱི་འཐུས་རེད། ཡིན་ཡང་། གྲོས་ཚོགས་འཚོགས་དུས་ནམ་ཡིན་ཡང་ཁོང་ཡོད་པ་མ་རེད། དངོས་གནས་བཤད་ན། མདོ་སྨད་ལ་སྤྱི་འཐུས་ ༩ དང་སྤྱི་འཐུས་ཀྱི་མིང་འཁུར་མཁན་ ༡ བཅས་ཁྱོན་མི་ ༡༠ ཡོད་པ་ཤེས་དགོས་པ་རེད།

གནས་ཚང་ཟེར་བ་ལགས་་་ཁྱེད་ཀྱི་ང་ལ་སྐུ་འོས་མདོ་སྨད་སྤྱི་མཐུས་བསྟན་འཛིན་མཁས་གྲུབ་་ཐེངས་རྗེས་མའི་བཀའ་བློན་ཁྲིར་འོས་སམ་དྲིས་ན་་་་་དྲང་པོ་བཤད་ན་་་ངས་ཁོང་གི་ཕ་བོད་པ་དང་ཨ་མ་རྒྱ་མི་ཞིག་ཡིན་པ་ད་ལྟ་གོང་ཏུ་གསང་གཏོང་ཁྱོད་གཉིས་ཀྱི་ཟིན་བྲིས་ལས་ཤེས་པ་དེ་ཙམ་མ་རྟོགས་ཁོང་ལ་རྒྱུས་ཡོད་མིན་་་་་དེ་ཡང་ཁྱོད་ཀྱི་གསུང་པ་བཞིན་ཨ་མ་རྒྱ་མི་ཡིན་མིན་གྱི་གནས་དོན་འདི་ཡང་ཐེངས་རྗེས་མའི་བཀའ་ཁྲིར་འོས་མིན་ལ་གནས་ལུགས་གང་ཡང་མེད་པ་བདེན་པ་མཐོང་་་་ཡིན་ཡང་ངའི་རེ་བར་དངོས་གནས་ཁྱོད་ཀྱི་འདོད་པར་མདོ་སྨད་སྤྱི་མཐུས་བསྟན་འཛིན་མཁས་གྲུབ་ཐེངས་རྗེས་མའི་བཀའ་ཁྲིར་འོས་པ་མཐོང་ན་འོས་ཆོས་ཚང་བའི་ལོ་རྒྱུས་མདོ་བསྡུས་ཞིག་གསུང་རོགས་

གསང་གཏོར་ལགས།

གལ་སྲིད་ཁྱོད་ཀྱིས་བསྟན་འཛིན་མཁས་གྲུབ་ཀྱི་ཨ་མ་ལགས་རྒྱ་རིགས་ཡིན་པར་འཁང་ར་བྱེད་ཀྱི་ཡོད་ན། སྔར་རྒྱལ་བོ་ཁྲི་སྲོང་ལྡེ་བཙན་ཡང་རྒྱ་ཚ་ཡིན་པའི་ཁར། ཁོང་ལས་བོད་འདི་བཞིན་དར་རྒྱས་གཏོང་མཁན་དེང་གི་བར་བྱུང་མྱོང་མེད། དེ་བས། ཁོང་རྒྱ་ཚ་ཡིན་པ་དེའང་བོད་དོན་འགྲུབ་བྱེད་ཀྱི་རྒྱུ་རྐྱེན་གཙོ་བོ་གཅིག་ཡིན། བོད་སོག་ལས་ཁུངས་དང་འཐབ་ཕྱོགས་གཅིག་གྱུར་ཁང་གཉིས་གཅིག་པ་རེད་ལ། ཁ་དོག་བརྗེ་ཡོད་པ་ཙམ་ལས་བྱེད་ནུས་གཅིག་པ་རེད།

གལ་སྲིད་ཁོང་གི་བོད་སོག་ལས་ཁུངས་ལ་འབྲེལ་ལམ་འཛུགས་ཀྱི་ཡོད་ན། དེའང་ཏཱ་ལའི་བླ་མའི་དགོངས་གཞི་མ་རེད་ཅེས་སུས་ལབ་ཐུབ་བམ། ང་རང་གི་གོ་ཐོས་ལྟར་ན། ཁོང་མང་གཙོ་ཡར་ཐོན་ཚོགས་པར་འབྲེལ་འདྲིས་ཟབ་མོ་འདུག་པ་ལས་བོད་སོག་ལས་ཁུངས་སོགས་ཐོས་མྱོང་མེད།

སྤྱི་འཐུས་བཞུགས་དུས་གསུང་མ་འབྱོན་པ་དེ་བཀའ་ཁྲིར་བཞུགས་ན་གསུང་འབྱོན་མི་སྲིད་པའི་སྔོན་འགྲོར་མི་འགྲོ་བས། ཏཱ་ལའི་བླ་མའི་ཐུགས་ལ་རན་ཤས་ཀྱི་མི་སྣ་ཞིག་མ་རེད་ཅེས་སུས་ལབ་ཐུབ་བམ།

དད་ལྡན་མང་ཚོགས་ཀྱིས་ལྟོས་ན་དེ་འདྲ་ཞིག་རེད་དམ།

ལི་ཐང་བཤད་སྒྲུབ་ལགས། ང་རང་གང་ཡིན་མིན་དེ་གཙོ་བོ་མ་རེད་ལ། ཁྱོད་རང་གིས་བཀའ་ཁྲིའི་འོས་ཤོག་མདོ་སྨད་སྤྱི་འཐུས་བསྟན་འཛིན་མཁས་གྲུབ་ལགས་ལ་ལྡུག་གི་ཡིན་ནམ་མིན།

ད་ངས་ལྷན་རྒྱས་བཀའ་ཁྲིའི་འོས་གཞིར་མདོ་སྨད་སྤྱི་འཐུས་བསྟན་འཛིན་མཁས་གྲུབ་ལེགས་འདེམས་བྱེད་རྒྱུ་ཡིན།

ཁོང་གི་ཁྱད་ཆོས།

༡ ཏཱ་ལའི་བླ་མའི་དགོངས་གཞི་མཐུད་སྐྱོང་གནང་ཐུབ་པ།
༢ བོད་དབྱིན་རྒྱ་གསུམ་གྱི་སྐད་ལ་བྱང་ཆ་ཐོན་པ།
༣ ཉམས་མྱོང་ཕུན་སུམ་ཚོགས་པ་ཡོད་པ།

དོན་ལ་འདི་ནི་ཏཱ་ལའི་བླ་མར་བཙན་བྱོལ་ནང་དུ་དད་པ་དངོས་གནས་ཡོད་མཁན་ག་ཚོད་ཡོད་མེད་ཀྱི་ཡིག་རྩལ་ཞིག་ཏུའང་གྱུར་ཡོད་ན། ཚང་མས་ཐུགས་བསམ་ལྷོད་ལྷོད་བཞེས་གནང་ཡོང་བའི་རེ་བ་ཡོད། (ང་རང་ལ་མཚོན་ན། ཏཱ་ལའི་བླ་མ་བོད་ཀྱི་དབུ་ཁྲིད་ཡིན་པར་ངོས་ལེན་ཡོད་པ་ལས་རང་ཉིད་ཀྱི་བླ་མ་ནི་མིན། )

how you can choice him for next Kalon Tripa.
don’t you remember that what he had done when he was Kalon?
why he didn’t choice for the second term cabinet Minister?
please don’t follow others if you don’t know about him well.

དངོས་གནས་ཡག་པ་འདུག་ ཁོང་ཤེས་འཇོན་ལྡན་པའི་གཞོན་སྐྱེས་ཤིག་རེད། འ་འོངས་པའི་བཀའ་ཁྲི་འོས་ཤོས་གྲས་ཤིག་ཡིན་པ་མི་མང་པོ་ཡིད་ཆེས་བྱེད་ཀྱི་འདུག

ཁོང་མ་འོངས་པའི་བཀའ་ཁྲི་འོས་མིན་སྐོར་ཉི་ཧོང་དོན་གཅོད་མཚོ་སྒོ་ལྷག་པ་དང་། དབུས་གཙང་སྤྱི་འཐུས་ཟླ་བ་ཕུན་སྐྱིད་སོགས་ཀྱི་ལྷན་བརྡར་ཤ་གཅོད་གནང་རོགས།