༧གོང་ས་ཏཱ་ལའི་བླ་མ་ནི་ཆོས་ཕྱོགས་ཀྱི་མཛད་འཕྲིན་སྐྱོང་བར་ཕེབས་ཀྱིན་ཡོད་སྟབས། ཆབ་སྲིད་གྱི་མཛད་འཕྲིན་ལས་འཕྲོས་པའི་མཇལ་འཕྲད་གོ་སྒྲིག་བྱས་མེད་ཟེར།
ཕྱི་ཚེས་ ༢༨ ཉིན་ཐའེ་ཝན་སྲིད་འཛིན་གྱི་ལས་ཁུངས་ནང་གོ་བརྡ་སྤྲད་པ་ལྟར་ན། ཐེངས་འདིར་༧གོང་ས་མཆོག་གླིང་ཕྲན་དེའི་ནང་ཕེབས་སྐབས་སྲིད་འཛིན་མ་ཡོན་ཇིག་མཇལ་འཕྲད་གནང་རྒྱུ་མིན་ཟེར། སྲིད་འཛིན་གྱི་མགྲིན་ཚབ་པ་ ཝང་ཡུ་ཁྲི་ ཡིས་བརྗོད་དོན། སྲིད་འཛིན་མ་ཡོན་ཇིག་ཐའེ་ཧྥུན་དྲག་རླུང་གི་གནོད་འཚེ་ཕོག་མཁན་ཚོའི་མྱ་ངན་དྲན་གསོའི་མཛད་སྒོར་ཕེབས་པའི་ཉིན་མོ་ནི་ཕྱི་ཚེས་ ༧ ཉིན་ཡིན་ལ། ཉིན་དེ་ནི་ཏཱ་ལའི་བླ་མ་ཐའེ་ཝན་ནས་ཕྱིར་ཕེབས་ཚར་བའི་རྗེས་སུ་རེད། ང་ཚོའི་དྲན་ཚུལ་ལ། ཏཱ་ལའི་བླ་མ་འདིར་ཕེབས་པ་ནི་ཆོས་ཕྱོགས་ཀྱི་མཛད་འཕྲིན་སྐྱོང་བར་ཕེབས་པ་ཡིན་སྟབས། ང་ཚོས་སྲིད་འཛིན་མཆོག་དང་༧གོང་ས་ཏཱ་ལའི་བླ་མ་གཉིས་ཀྱི་བར་མཇལ་འཕྲད་ཀྱི་མཛད་རིམ་གོ་སྒྲིག་བྱ་གི་མིན་ཅེས་བརྗོད་ཡོད་པ་རེད།
ཡིན་ཡང་། ཐའི་ཝན་གྱི་སྲིད་འཛིན་ཟུར་པ་ལིས་ཏིན་ཧུའེ་ནི་ཐེངས་འདིར་ཏཱ་ལའི་བླ་མར་མཇལ་སྲིད་པ་རེད་ཅེས་ཐའེ་ཝན་གྱི་གདུང་སེམས་མཉམ་སྐྱེད་མཐུན་ཚོགས་ཀྱི་འགན་འཛིན་ཧང་ཁུན་ཧུའེ་ཡིས་བརྗོད་ཡོད་པ་རེད། ད་ལྟའི་ཆར་ཁོང་གཉིས་ཀྱི་བར་མཇལ་འཕྲད་ཀྱི་མཛད་རིམ་གོ་སྒྲིག་བྱས་མེད་ནའང་། ཏཱ་ལའི་བླ་མ་མཆོག་ཐེངས་དང་པོར་ཐའེ་ཝན་ལ་ཕེབས་པ་ནས་བཟུང་ཁོང་རྣམ་གཉིས་ཀྱི་བར་གྲོགས་འབྲེལ་དམ་པོ་ཞིག་ཡོད་པ་རེད། དེ་བས་སྲིད་འཛིན་ཟུར་པ་ཁོང་གིས་རང་གི་གྲོགས་པོ་རྙིང་བར་མཛལ་འདོད་ཡོད་པ་རེད། ཡིན་ཡང་མཇལ་ཐུབ་མིན་ནི་ཏཱ་ལའི་བླ་མ་མཆོག་འདིར་ཕེབས་རྗེས་ཀྱི་མཛད་འཕྲིན་ལ་རག་ལས་པ་རེད་ཅེས་བརྗོད་འདུག
ཕྱི་ཚེས་ ༢༧ ཉིན་རྒྱ་ནག་གཞུང་གི་ཐའེ་ཝན་གཞུང་ལས་ཁང་གི་མགྲིན་ཚབ་པས་བརྗོད་དོན། ཏཱ་ལའི་ནི་ཆོས་ཕྱོགས་ཀྱི་མི་སྣ་ཁོ་ན་ཞིག་མིན་པར། ཁོས་ཆོས་ཀྱི་དར་ཆ་ཕྱར་ནས་སྔོན་ནས་ད་བར་རྒྱལ་ཁབ་ཁ་བྲལ་གཏོང་བའི་བྱ་འགུལ་སྤེལ་བཞིན་ཡོད་ལ། ཏཱ་ལའི་ཡིས་མིང་དང་རྣམ་པ་གང་འདྲ་ཞིག་སྤྱད་ནས་ཐའེ་ཝན་ལ་འཚམས་འདྲི་བྱས་ཀྱང་། དེར་ཀྲུང་གོས་མཐའ་གཅིག་ཏུ་ངོ་རྒོལ་བྱ་རྒྱུ་ཡིན་ཞེས་བརྗོད་པ་རེད།
བཙན་བྱོལ་བོད་གཞུང་གི་མགྲིན་ཚབ་པ་ཐུབ་བསྟན་བསམ་འཕེལ་ལགས་ཀྱིས་འདི་ག་གསར་ཁང་ལ་བརྗོད་དོན། ཐེངས་འདིར་ཐའེ་ཝན་གྱི་གནད་ཡོད་མི་སྣ་དང་ཚོགས་མི་མང་པོས་༧གོང་ས་མཆོག་གདན་ཞུ་གནང་སྟེ་ཉེ་ཆར་ཐའེ་ཝན་དུ་དྲག་རླུང་གི་གནོད་འཚེའི་འོག་འདས་གྲོངས་སུ་ཕྱིན་པ་དེ་དག་གི་ནང་མི་ལ་ཐུག་འཕྲད་ཀྱིས་སེམས་གསོ་དང་གསོལ་འདེབས་སྨོན་ལམ་བྱ་ཆེད་ཡིན་སྟབས། ༧གོང་ས་མཆོག་གིས་ཀྱང་ཐའེ་ཝན་ནང་ཆིབས་བསྒྱུར་གནང་རྒྱུ་གཏན་འཁེལ་ཡོད་པ་དང་ཉིན་གྲངས་བཞིའི་རིང་གནོད་འཚེ་ཐེབས་ཡུལ་གྱི་ས་ཁུལ་ཁག་ཏུ་ཆིབས་བསྒྱུར་གནང་རྒྱུ་རེད། ཡིན་ཡང། རྒྱ་ནག་གཞུང་གིས་༧གོང་ས་མཆོག་གི་ཐེངས་འདིའི་ཆིབས་བསྒྱུར་ཁོ་ན་མ་ཡིན་པར་ཁོང་གི་ཆིབས་བསྒྱུར་ཐད་ནམ་རྒྱུན་སྐྱོན་བརྗོད་བྱེད་ཀྱིན་ཡོད་པ་རེད། རྒྱ་གཞུང་གིས་དེ་ལྟར་བྱེད་དགོས་དོན་གཙོ་བོ། ༧གོང་ས་མཆོག་གིས་རྒྱལ་ཁབ་གང་དུ་ཆོས་དང་རིག་གཞུང་གང་གི་ཕྱོགས་ནས་མཛད་འཕྲིིན་བསྐྱང་ཡང་བོད་ཀྱི་གནད་དོན་དེ་རང་ཤུགས་ཀྱི་གླེང་སློང་བྱ་ཡུལ་ཞིག་དང་འཛམ་གླིང་མི་མང་གི་དོ་སྣང་བྱ་ཡུལ་དུ་གྱུར་ཡོད་སྟབས། རྒྱ་ནག་གཞུང་ལ་ངོ་ཚ་ཞིག་རང་བཞིན་གྱིས་ཡོང་གི་ཡོད་སྟབས། ཁོང་ཁྲོ་དང་ངོ་རྒོལ་བྱེད་ཀྱིན་ཡོད་པ་རེད། ཐའེ་ཝན་དེ་དམངས་གཙོའི་རྒྱལ་ཁབ་ཅིག་རེད། ཐའེ་ཝན་གྱི་གཞུང་འཛིན་པ་གང་འདྲ་ཞིག་ཡིན་ནའང་མི་མང་གིས་འདེམས་ཐོན་བྱེད་ཀྱིན་ཡོད་པ་ཡིན་སྟབས། ཐེངས་འདིའི་ཐའེ་ཝན་མི་མང་གི་འདོད་པ་དང་༧གོང་ས་མཆོག་ལ་དད་པ་ཡིད་ཆེས་ཡོད་པ་དེར། སྲིད་འཛིན་མཱ་ཡོན་ཇིག་གིས་་མི་མང་གི་རེེ་འདོད་དང་མི་མང་གིས་༧གོང་ས་མཆོག་ལ་བཅངས་བའི་རེ་བ་དང་ཡིད་ཆེས་ལ་རྒྱབ་སྐྱོར་དང་གུས་བརྩི་བྱས་ཏེ་གདན་ཞུ་གནང་བ་རེད། ཅེས་བརྗོད་བྱུང།
ཨ་རིའི་ཕྱི་སྲིད་ལྷན་ཁང་གི་མགྲིན་ཚབ་པ་སྐུ་ཞབས་ པེ་ཇེ་ཁུ་རོ་ལི་ ཡིས་བརྗོད་དོན། ཏཱ་ལའི་བླ་མ་མཆོག་གི་གཟིགས་སྐོར་དེ་ལ་རྐྱེན་བྱས་ནས་མངའ་ཁུལ་དེའི་འབྲེལ་བའི་གནས་སྟངས་ཛ་དྲག་གི་ཕྱོགས་སུ་འཕེནལ་དུ་མ་འཇུག ཏཱ་ལའི་བླ་མ་མཆོག་ནི་རྒྱལ་སྤྱིའི་སྟེང་ནམ་རྒྱུན་འགྲུལ་བསྐྱོད་གནང་མཁན་གྱི་ཆོས་ཕྱོགས་ཀྱི་དབུ་ཁྲིད་རྣམ་དག་ཅིག་ཡིན་ཅེས་བརྗོད་ཡོད།
ཐའེ་ཝན་ཕྱི་སྲིད་ལས་ཁུངས་ཀྱིས་ཕྱི་ཚེས་ ༢༨ ཉིན་བརྗོད་དོན། ཏཱ་ལའི་བླ་མ་མཆོག་ཐེངས་འདིར་ཐོངས་མཆན་ཡིག་ཆ་དང་འགྲུལ་སྐྱོད་ཕྱག་འཁྱེར་སོགས་ཅི་ཡང་མི་དགོས་པར། དམིགས་བསལ་གྱི་གོ་སྒྲིག་འོག་ནས་ཚུར་ཕེབས་ཀྱིན་ཡོད་ལ། དེ་ལ་བརྟེན་ནས་ཁོང་ཐའེ་ཝན་ནང་དུ་འཛུལ་སྐབས་ཁོང་གི་གནས་བབ་ལས་འཕྲོས་པའི་དཀའ་རྙོག་གི་གླེང་གཞི་རིགས་མེད་པ་བཟོས་ཡོད་ཟེར།
ཐེངས་འདིར་༧གོང་ས་མཆོག་དང་ལྷན་དུ་བཙན་བྱོལ་བོད་གཞུང་གི་མི་སྣ་ ༨ ཕེབས་ཀྱིན་ཡོད་ལ། དེ་དག་གི་ཁྲོད་ནས་མི་སྣ་ ༦ ནི་གོང་གསལ་དམིགས་བསལ་གྱི་གོ་སྒྲིག་འོག་ནས་ཕེབས་ཀྱིན་ཡོད་ལ། གཞན་པ་གཉིས་ནི་ཀྲུང་ཧྭ་སྤྱི་མཐུན་རྒྱལ་ཁབ་དང་ཨ་རིའི་ཐོངས་མཆན་ལག་འཁྱེར་གྱི་ཐོག་ནས་ཕེབས་ཀྱིན་ཡོད་འདུག
ཕྱི་ཚེས་ ༢༨ ཉིན་སྐུ་སྒེར་ཡིག་ཚང་གི་རྒྱ་ཡིག་སྡེ་ཚན་གྱི་འགན་འཛིན་རྔ་བ་ཚེ་རྒྱམ་ལགས་ཀྱིས་ཐའེ་ཝན་གྱི་གསར་འགྱུར་བརྒྱུད་ལམ་ལ་བཤད་དོན། ༧གོང་ས་མཆོག་གིས་ཐའེ་ཝན་ལྷོ་ཁུལ་གྱི་དྲག་རླུང་གནོད་འཚེ་ཕོག་མཁན་ཚོར་ཐུགས་གསོ་རེ་བྱེད་ཐུབ་པའི་ཐུགས་རེ་གནང་གི་འདུག་ལ། ཁོང་ད་ཐེངས་ཕེབས་པ་དེ་ནི་ནང་བའི་ཆོས་ལུགས་ཀྱི་དབུ་ཁྲིད་ཅིག་གི་ཐུགས་འགན་གྱི་སྟེང་ནས་ཕེབས་ཀྱིན་ཡོད་ཅེས་བཤད་འདུག
སྲིད་དོན་དབྱེ་ཞིབ་པ་ལྟར་ན། ཏཱ་ལའི་བླ་མ་ཐའེ་ཝན་དུ་ཕེབས་པ་དེས་པེ་ཅིན་གྱི་སྙིང་རླུང་འཕར་ཏུ་བཅུག་ཡོད་པ་རེད། ཡིན་ཡང་། པེ་ཅིན་གྱིས་ཀྱང་ད་ཆར་གླིང་ཕྲན་འདི་མཉམ་དུ་འབྲེལ་བ་ལྷོད་པོ་ཞིག་བྱུང་ཡོད་པ་དེར་གཏན་འཇགས་ཀྱི་གཏོར་སྐྱོན་མི་ཐེབས་པ་ཞིག་གི་ཐོག་འབད་གི་རེད་ཟེར།
ཕྱོགས་གཞན་ནས་བཤད་ན། ཐེངས་འདིར་ཏཱ་ལའི་བླ་མ་མགྲོན་འབོད་གནང་མཁན་ནི་དམངས་གཙོ་ཡར་རྒྱས་ཚོགས་པ་ཡིན་པ་ལས། ད་ལྟའི་གཞུང་འཛིན་གོ་མིན་ཏང་ཚོགས་པ་མིན་ལ། འདིའི་ཐད་ནས་ཀྱང་པེ་ཅིན་གྱིས་ད་སྐབས་སྐྱོན་བརྗོད་ཀྱི་ཀློང་ན་འུ་ཐུག་བསྡད་པའི་མ་ཡོན་ཇིག་གི་སྒང་ལ་ཞེ་དྲག་ངར་གི་མ་རེད་ཟེར།
ཁྱོད་བདེན་པ་རེད་
ཡིན་ན་ཡང་ཐེ་ཝཎ་གྱི་གོང་ས་མཆོག་གདན་འདྲེན་ཞུ་དོན་ནི་སྲིད་དོན་པའི་རྐུབ་སྟེགས་ལ་ཐུག་ཡོད་པ་ནི་ང་ཚོ་འདོད་རུང་མ་འདོད་རུང་ཁས་ལེན་མི་བྱེད་ཐབས་མེད་རེད་དྲན་གྱི་འདུག
གང་ལྟར་གེགས་མེད་དུ་ཁོང་ཕེབས་ཐུབ་ཙམ་གྱིས་འགྲིག་སོང་།
fºï-¶m-¤P-G®ô-hôm-GZï¼-zºÛ-zŤ-hôm-ºIâz-
q-ÁôG
བློ་བདེ་བོ་བྱོས་གུས་པས་མཚམས་རེར་མ་གཟབ་པའི་སྐྱོན་ལས་ཡིག་སྐྱོན་མི་ཤོར་བའི་གདེང་ཚོད་ཡོད།
གཡོ་དང་སྒྱུ་མས་གོས ད་ལྟའི་བོད་མིའི
ཅང་ཅེ་ཧྲིས་སུང་ཀྲུང་ཧྲན་གྱི་དགོངས་པ་རྩ་རྫོགས་བྱས། མ་ཡིན་ཅོའུ་ཡིས་ཅང་ཅེ་ཧྲི་ཡི་ལྟ་བ་རྩ་བརྗེད་ཁུར། ཅིག་བྱས་ན་དུས་རབས་ཀྱི་དགོས་མཁོ་ཡིན་སྲིད་རྒྱུ་རེད་མོད། གུས་པས་གཞིག་ན་མྭ་རྒྱ་རྒན་ཁོ་ཆབ་སྲིད་ཀྱི་གཡོ་ཇུས་ལ་བྱང་བ་ཞིག་ཏུ་འདོད། ཁོའི་རྩ་བའི་དམིགས་ཡུལ་དེ་རྒྱང་ཐག་ཤིན་དུ་རིང་པའི་ཐེ་བན་མི་དམངས་ཀྱི་མ་འོངས་བའི་ཆེད་དུ་ཡིན་ན་ངོ་སོ་སྟོད། ང་ཚོ་བོད་པ་ལ་འདི་འདྲ་ཞིག་དགོས་ངེས་ཅན་རེད། གཡོ་དང་སྒྱུ་བའི་གོས་པའི་ས་ཆེན་འདིར་བདེན་པ་བཤད་ས་ཕར་ལྟས་ན་ཡོད་པ་འདྲ་མོད། དོན་ངོ་མ་གསལ་བོ་རེད་ད། ངས་རེ་སྒུག་ནི་ནམ་ཞིག་ང་ཚོས་མཚོན་ཆ་འཛིན་པའི་ཉི་མ་དེ་ཡིན། ཡིན་ནའང་ད་ལྟའི་བོད་མའི་ལྟ་བ་དང་བསམ་བློ་བཞིན་ཉི་ནག་དེ་མི་འཆར་བའི་སྨོན་ལམ་ཡང་འདེབས་ཀྱིན་ཡོད་ད།
སྲིད་འཛིན་མ་ཡིང་ཅའུ་ད་རེས་འུ་ཐུག་ཐབས་ཟད་ཀྱི་སྒོ་ནས་ཁས་མ་ལེན་ཀ་མེད་ཆགས་པ་རེད། ཡིན་ནའང་ངའི་བསམ་པར་གནད་དོན་དེ་རྒྱ་ནག་པེ་ཅིན་དང་ལྷན་དུ་ནང་མོལ་ཟུར་དུ་ཞུས་མིན་འགྲོ་བསམ་ཡོད།
བོད་པའི་གཏམ་དཔེ་ཞིག་ལ་འདི་ལྟར་རྟ་ལ་ཡང་བ་དང་སྒ་ལ་བཟོ་བ་ཞེས་པའི་ཐབས་ཤེས་ཤིག་བེད་སྤྱད་དགོས་བྱུང་བ་ནི་ཤུགས་ལས་རྟོགས་ཐུབ།
འོན་བཏང་༡༩༥༩ ནས་བཤུང་ད་བརང་ཚོ་བོད་པ་ཚང་རྟག་པར་ག་དུས་ཡིན་ནའང་རྐྱེན་ངན་ཞིག་མི་འདོད་བཞིན་དུ་བྱུང་བཞིན་ཡོད་ཀྱང་རྐྱེན་ངན་དེ་དག་གྲོགས་སུ་ཤར་ནས་ལམ་ལྷོང་དུ་བྱུང་བཞིན་ཡོད་པ་འདི་ཡང་ངེད་ཅག་བོད་པ་ཚང་གི་གཏམ་བཤང་ཞིག་ཡིན
༼ཐའེ་ཝན་ཕྱི་སྲིད་ལས་ཁུངས་ཀྱིས་ཕྱི་ཚེས་ ༢༨ ཉིན་བརྗོད་དོན། ཏཱ་ལའི་བླ་མ་མཆོག་ཐེངས་འདིར་ཐོངས་མཆན་ཡིག་ཆ་དང་འགྲུལ་སྐྱོད་ཕྱག་འཁྱེར་སོགས་ཅི་ཡང་མི་དགོས་པར། དམིགས་བསལ་གྱི་གོ་སྒྲིག་འོག་ནས་ཚུར་ཕེབས་ཀྱིན་ཡོད་ལ། དེ་ལ་བརྟེན་ནས་ཁོང་ཐའེ་ཝན་ནང་དུ་འུལ་སྐབས་ཁོང་གི་གནས་བབ་ལས་འཕྲོས་པའི་དཀའ་རྙོག་གི་གླེང་གཞི་རིགས་མེད་པ་བཟོས་ཡོད་ཟེར།༽ འདིའི་དོན་ག་རེ་སྟོན་གྱི་ཡོད་པ་རེད་དམ།
ནོར་འགའ་ཐེབས་འདུག་པས་དགོངས་དག་ཞུ།
པེ་ཅིན་སྲིད་གཞུང་གི་མི་སྣ་འདི་ཚོས་ནམ་རྒྱུན་༸གོང་ས་མཆོག་གར་འགྲོ་དང་ཅི་གནང་ལ་མིག་བཅར་ནས་བསྡད་ཡོད་པ་རེད། དངོས་ནས་ཚོགས་མ་བསགས་པ་རང་རེད། རྒྱ་མི་འདི་གོང་ཁྲན་ཏང་ལ་འདྲའི་དགའ་ཞེན་དང་ཡིད་བྱེད་དོན་ཅི་ཞིག་ཡིན་ནམ། དེང་སང་ཏེ་ཝན་འནང་ཕྱོགས་གཉིས་ཆགས་ཡོད་པ་འདྲ།