གཞུང་ཞབས་ཚོས་རང་མགོ་གང་ཐོན་མ་གནང་རོཊ།

གསང་གཏོར་ལགས། ཁྱེད་ལ་ག་རེ་གནང་སོང་། མ་བདེ་བ་འདྲ་མི་འདུག་གམ།

གོང་གི་མཆན་ཚང་མ་ཀློག་པ་ཡིན། དྲ་གྲོགས་ཕལ་ཆེ་བའི་བཀའ་མོལ་ལ་བལྟས་ན་མི་སྒེར་གྱི་བསམ་ཚུལ་དང་ཚོར་ཤུགས་ཙམ་ཞིག་ལས། གཞུང་ཞབས་རྣམས་ཅི་ཕྱིར་སེམས་ཤུགས་ཆག་ནས་ཐོན་པ་དང་བཙན་བྱོལ་གཞུང་གི་དཀྱིལ་འཁོར་དེ་འབབ་ཚུགས་བཟོ་དགོས་པའི་རྒྱུ་མཚན་སོགས་རྟོགས་ཀྱི་མེད་པ་འདྲ།
གཅིག གཞུང་ཞབས་རྣམས་སེམས་ཤུགས་ཆག་པའམ་ཉམས་དགོས་པའི་རྒྱུ་མཚན་ནི་ཟམ་གདོང་རིན་པོ་ཆེས་འཛིན་སྐྱོང་རྩིས་ལེན་བྱས་པ་ནས་བཟུང་། བཙན་བྱོལ་གཞུང་གི་སྲི་ཞུ་ལས་བྱེད་པ་རྣམས་ཨ་སྒོར་བརྒྱ་ཡས་མས་ཀྱི་ཕོགས་ཐོབ་ལ་བརྟེན་ནས་རྒྱལ་ཁབ་དང་མི་རིགས་ཀྱི་དོན་ལ་ཡོད་ཚད་བློས་གཏོང་བྱེད་པའི་སེམས་ཤུགས་མ་ཚོར་བའམ་དེ་ལ་ཇི་མི་སྙམ་པར། གནས་ཡུལ་རྒྱ་གར་དཔོན་རིགས་སམ་སྲིད་དོན་པའི་ལྟ་གྲུབ་བེད་སྤྱོད་ཀྱིས་ལས་བྱེད་ནི་ལས་ཀ་བྱེད་མཁན་ཡིན་པ་ལས་ལྟ་བ་ཡོད་མཁན་དང་། བསམ་ཚུལ་འདོན་མཁན། སྲིད་ལ་ཇུས་འཁྲི་བྱེད་མཁན་མ་རེད་ཅེས་གསུངས་ཏེ་སྒོ་ཕྱུགས་སེམས་ཅན་ཁྱུ་གཅིག་གི་འདུ་ཤེས་བཅངས་པ་ལ་བརྟེན་ནས་ལས་བྱེད་མང་པོ་ཞིག་བློ་ཕམ་དང་བཅས་གཅིག་མཇུག་གཉིས་མཐུད་ཀྱི་ཐོན་དང་ཐོན་བཞིན་པའི་གནས་སྟངས་འདི་བྱུང་བར་འདོད། ཕྱིས་བཀའ་ཁྲིས་རང་གི་ལྟ་གྲུབ་དེ་ནོར་འཁྲུལ་ཡིན་པ་ཤེས་ནས་སྲི་ཞུ་ལས་བྱེད་པའི་ཚོགས་ཆེན་དང་། སྔ་ལོའི་དམིགས་བསལ་ཚོགས་ཆེན་སྐབས་སྲི་ཞུ་བ་གལ་ཆེ་ཡིན་ཚུལ་གྱི་གཏམ་བཤད་ཐེངས་འགར་གནང་ཡང་དེ་ནི་ནོར་འཁྲུལ་ཤོར་ཚར་བ་དང་འཕྱིས་དྲགས་པར་སྲིད་དོན་དབྱེ་ཞིབ་པ་མང་པོའི་ངོས་འཛིན་བྱེད་བཞིན་ཡོད་པ་རེད། འདི་ནི་ཆེས་ཉེན་འཚབ་ཅན་གྱི་གནད་དོན་ཞིག་ཀྱང་ཆགས་ཡོད་པ་རེད།
གཉིས། བོད་གཞུང་དེ་འབབ་ཚུགས་བཟོ་མིན་གྱི་གནད་དོན་ནི། ཨ་རི་གཙོས་པའི་ནུབ་ཕྱོགས་རྒྱལ་ཁབ་ཁག་ལ་རང་གཞུང་ནས་ལོ་ལྟར་དྲག་འདེམས་ཀྱི་མི་གྲངས་ཉི་ཤུ་ཡས་མས་སློབ་སྦྱོང་དུ་གཏོང་བཞིན་ཡོད་པ་དང་། དེར་ཆ་རྐྱེན་གང་མང་ཞིག་ཡོད་པ་ལས་དོན་ཚན་གལ་ཆེ་ཤོས་གཅིག་ནི། རང་གཞུང་དང་ཡང་ན་དེབ་སྐྱེལ་ཡོད་པའི་གཞུང་འབྲེལ་ཚོགས་པ། ཟུར་སྐྱོང་སྡེ་ཚན་གང་རུང་དུ་ཞབས་ཞུ་ཞུས་པའི་ཞབས་ལོ་ལྔ་དགོས་པ་དེ་རེད། སྲིད་ཇུས་འདི་ལ་འགྱུར་བ་མ་བཏང་ན་བོད་གཞུང་དེ་མུ་མཐུད་འབབ་ཚུགས་རང་ཆགས་རྒྱུ་རེད།

དྲ་གྲོགས་ནམ་མཁའ་བསྟན་འཛིན་གྱི་གནས་ལུགས་ངོ་མ་གླེང་སོང་། གཞུང་སྒེར་སུ་ཡིན་རུང་རྩ་བའི་ལས་སྣེ་བ་དག་གིས་བརྟན་པོ་མ་བྱས་ན ཚོགས་པ་དེའི་ལས་ཀའི་སྤས་ཚད་ལ་སྐྱོན་རྒྱག་པ་དེ་དངོས་ཡོད་གནས་ལུགས་སུ་ཆགས་ཡོདཔར་སྣང་། ངོ་མ་དེ་དག་འཕུར་བའི་གྲ་སྒྲིག་ཡོད་ན་གཞུང་སྒེར་གྱི་སྡེ་ཚན་དེ་དག་འཕྲལ་སེལ་གྱི་མགྲོན་ཁང་ལྟ་བར་བེད་སྤྱོད་མི་འོས་པར་བཤད་འདོད་པ་ལས། ཁོ་ཕྱི་རྒྱལ་གང་དུ་སོང་ཡང་ཁོ་བོད་པ་ལས་གཞན་ཞིག་ཏུ་འགྱུར་འགྲོ་བས་དོགས་པ་བྱས་མྱོང་མེད། རང་ཉིད་ཀྱི་ཤ་ཁྲག་རུས་གསུམ་བོད་མི་རིགས་ཞེས་པ་དེའི་རིགས་རྒྱུད་ལས་མཆེད་པ་གཞན་ཞིག་འགྱུར་འདོད་ཀྱང་སྐྱེ་བ་རྗེས་མར་སྨོནལམ་རྒྱབ་ན་མ་གཏོགས་མི་ཡོང་པའི་གནས་ལུགས་སུའི་ཡང་རྟོགས་ཀྱི་རེད།

བསེ་རུ་ལགས་ཀྱིས་སྐད་ཆ་འདི་ལ་ཚང་མས་ནང་གི་གནས་ལུགས་ལྡན་ཤོས་དེ་ཆགས་འདུག འུ་ཅག་གིས་རྟག་དུ་ནག་ཉེས་བཤད་པ་ལས་ནག་ཉེས་དེ་དག་མི་འབྱུང་ཆེད་དུ་གང་ཟག་སུ་ཡང་ཐད་ཀར་གདོང་དུ་འབུད་འཕོད་མཁན་མེད་པ་ནས་རེ་ཟུང་ཡོད་ཀྱང་ནུས་པ་ཞིག་ཐོན་གྱི་མེད་པ་འདི་དག་གང་ལ་ཐུག་གི་འདུག སྤུན་ཟླ་ཚོ་སེམས་གནད་དུ་ཕབ་དེ་བསམ་བློ་རེ་གཏོང་རོགས་ཞུ།

གོང་གསལ་རྩོམ་སྒྲིག་པ་ལུང་རིགས་ལགས་ཀྱི་གསུངས་པའི་བཀའ་མོལ་དེར་རྒྱུ་མཚན་འདུག ཚོགས་པ་ཁག་དང་སྡེ་ཚན་ཁག་ཅིག་ནང་ལས་བྱེད་གསར་ཞུགས་སྐབས་ཐོག མར་གན་རྒྱ་ཞིག་འཇོག་སྲོལ་ཡོད་ཀྱང་། མཐའ་མ་ཐག་གཅོད་དང་ལག་བ་སྟར་བྱ་སྐབས་ལག་བསྟར་བྱ་མཁན་རྣམས་གང་ཟག་སྒེར་པའི་དགྲ་ཁ་གཏད་དུ་གྱུར་ནས་གན་རྒྱ་དེ་སྒེར་པའི་ལག ཆར་བེད་སྤྱོད་གཏོང་གི་ཡོད་པའི་བསམ་ཚུལ་བཤད་དེ་ལག་བསྟར་བྱེད་མ་ཐུབ་པའི་དཀའ་ངལ་ཡོད། འོན་ཏེ་གཞུང་ཞབས་ལས་བྱེད་པའི་ཁྲོད་གན་རྒྱ་ཁ་གསལ་ཞིག་འཇོག་ཐུབ་ཚེ་ཏན་ཏན་ད་བར་ལག་བསྟར་མ་ཐུབ་པའི་གནས་ཚུལ་བྱུང་མེད་སྟབས་ངེས་པར་དུ་གཞུང་ཞབས་སུ་འདེམས་སྒྲུགས་ཟིན་རྗེས་ངེས་པར་ལོ་གསུམ་ནས་ལྔའི་བར་ཞབས་ཞུ་མ་གྲུབ་ཚེ་དངུལ་ཆད་གཙོ་ བོར་གྱུར་བའི་ཉེས་པ་གཏོང་རྒྱུའི་སྒྲིག་གཞི་ཞིག་གསར་གཏོད་ཐུབ་ཚེ་ཏན་ཏན་ཕན་ཐོགས་ཡོང་ངེས། ཡིན་ནའང་སེམས་ཁྲལ་མེད་པ་ཞིག་ནི་ད་ལ་ྟ་གཞུང་ཞབས་ཁོངས་ཡིག་རྒྱུགས་གཏོང་མཁན་ལོ་རེ་ལས་ལོ་རེ་མང་དུ་སོང་སྟེ་ས་མིག་མི་ཁེངས་པ་དང་མི་མེད་པའི་གནས་ཚུལ་རྦད་དེ་མཇུག་བསྒྲིལ་ཟིན་པ་མ་ཟད། མིའི་ཉམས་མྱོང་གི་སྤུས་ཚད་ཙམ་ལས་ཤེས་ཡོན་གྱི་གནས་ཚད་ཐོག་ནས་དེང་དུས་ཀྱི་ཚད་གཞིར་མཐོ་རིམ་སློབ་གཉེར་ཐོན་པའི་མི་རབས་གསར་པ་ཞིག་གིས་གཞུང་འཛིན་བྱེད་པའི་ལོ་རབས་ནང་བསྐྱོད་བཞིན་ཡོད། འོན་ཏེ་ཉམས་མྱོང་ཅན་དང་འཛིན་སྐྱོང་ཁྲོད་གཞོགས་འདེགས་ཞུ་ཐུབ་མཁན་གྱི་ནུས་པ་ཅན་གྱི་མི་སྣ་ཁག་ཅིག་གི་སྟོང་ཆ་ད་དུང་བསྐོང་རྒྱུར་ལུས་བཞིན་ཡོད་པ་ནི་མུ་མཐུད་བཀངས་དགོས་པ་ཞིག་རེད། བཀའ་བློན་ཁྲི་པ་སུ་ཞིག་ཡིན་མིན་ལ་མ་ལྟོས་པར་གཞུང་ཞབས་ལས་བྱེད་གཙོ་བོར་གྱུར་བའི་སྤྱི་པའི་ཞབས་སྟེགས་ཐོག་བསྡད་དེ་ཞབས་ཞུ་གྲུབ་མཁན་མང་དུ་འགྲོ་རྒྱུ་མ་ཟད། གནས་སྟངས་དང་འགྱུར་འགྲོས་གང་གི་ ཐད་ནས་ཀྱང་དགོངས་པ་ཞུས་ཏེ་ཕྱིར་ཐོན་མཁན་སོགས་མང་དུ་འགྲོ་རྒྱུ་ལས་ཉུང་དུ་འགྲོ་མི་སྲིད། སེམས་ཁྲལ་མེད་པ་གཅིག་ནི་ང་ཚོར་ཞབས་ཞུ་བྱ་ཡུལ་གྱི་ས་སྟོང་མེད་པས་མི་མང་པོ་ཞིག་དགོས་མེད་རྐུབ་སྟེགས་ཐོག་སྡོད་པ་ལས་ཕྱིན་ན་ཡག་པ་དེ་འདྲའི་གནས་ ཚུལ་ཡང་ཡོད། དེ་ཚོའང་ང་ཚོས་ཤེས་དགོས་པ་ཞིག་འདུག ཡིན་ནའང་སྐད་ཆ་གང་བཤད་ཀྱང་བདག་པོ་བརྒྱབ་སྟེ་སོ་སོས་འགན་ལེན་བྱ་དགོས་པ་དེའང་ང་ཚོའི་སྤྱི་ཚོགས་ཀྱི་བཟང་ཆ་ཞིག་ཏུ་ངོས་འཛིན་བྱ་དགོས་པ་ལས། དཀྱིལ་འཁོར་གཅིག་གི་ནང་དུ་འཚང་སྟེ་སྡིགས་མོ་བསྐུལ་རེས་བྱེད་པ་ནི་ངོ་ཚའི་རྒྱུ་རང་མ་རེད་དམ།

གཞུང་ཞབས་མི་སྣ་ཙམ་མ་ཡིན་པར་གཞུང་འབྲེལ་ལམ་སྒེར་གང་ཡིན་ཡང་ལས་སྣེ་བ་མི་ཉུང་བ་ཞིག་གིས་འཕྲལ་སེལ་ཙམ་ལ་དམིགས་པ་མ་གཏོགས་དོན་ངོ་མ་བོད་སྤྱི་བའམ་༸གོང་ས་མཆོག་དང་སྐྱིད་སྡུག་མཉམ་མྱོང་གིས་ལས་སྣེར་བཞུགས་པ་ཧ་ཅང་ཉུང་ཉུང་དུ་སྣང་། དཔེར་ན་བལ་ཡུལ་སྣེ་ལེན་ཁང་དང་ཉེ་འཁོར་གྱི་ཚོགས་པ་ཁག་གི་གསར་འགོད་པ་ཚོ་ཡང་གོང་དང་གཅིག་མཚུངས་རེད། དང་པོ་ནང་དུ་འཛུལ་སྐབས་ཁོ་ཚོ་འབྲེལ་བ་བརྒྱུད་ནས་ལས་སྣེར་བཞུགས་པ་ལས་ཡོན་ཏན་དང་ལྷག་བསམ་ལ་ཞིག་ནས་འཇུག་མཁན་ཧ་ལམ་ཡོད་པ་མ་རེད། རྗེས་སུ་རང་གི་འཚོ་བའི་དཀའ་ངལ་ལ་སེམས་འཁྲལ་མེད་པའི་བརྒྱུད་རིམ་ནས་ཐབས་བརྒྱ་ཇུས་སྟོང་གིས་ཕྱི་བསྐྱོད་ཀྱི་ལམ་ཁ་བཙལ་བར་ལྟ་ན་གསལ་བོ་རེད། སྣེ་ལེན་ཁང་གཅིག་པོའི་ནང་དུ་ཉེ་བའི་ལོ་ལྔའི་ནང་ལས་བྱེད་མི་སྣ་བཅོ་ལྔ་ཉི་ཤུ་ཕྱི་རྒྱལ་ལ་འགྲོ་ཚར་རེད། ད་ལྟ་ལས་བྱེད་རྙིང་པ་ཟླ་བ་རྡོ་རྗེ་དང་དགྲ་འདུལ་མ་ཆེན་འོན་པ་མ་གཏོགས་ལྷག་ཡོད་མེད་པ་རེད། ཕྱི་ལོག་གི་གསར་འགོད་སྡེ་ཚན་ཡང་གཅིག་མཚུངས་རེད་ད་དུང་ལྷག་ཡོད་པ་མང་ཆེ་བས་ཕྱི་བསྐྱོད་ཀྱི་གོ་སྐབས་ལ་སྒུག་སྡོད་ཡོད་པ་རེད། འདི་འདྲ་བྱས་ན་གཞུང་སྒེར་གང་ཡིན་ཡང་ལས་ཀར་ཚགས་དམ་པ་ཞིག་བྱེད་པར་གནོད་སྐྱོན་ཐེབ་རྒྱུ་རེད་འདོད་བྱུང་།

རིན་པོ་ཆེ་ལ་ཐུགས་ཁག་མི་འདུག ཡིན་ཡང་། གཞུང་ཞབས་ཚོ་རང་མགོ་གང་ཐོན་གྱིས་འགྲོ་བཞིན་པ་ནི་ད་སྐབས་བཅོས་སུ་མེད་པའི་ན་ཚ་ལྟ་བུ་ཞིག་ཏུ་གྱུར་ཡོད་པ་རེད། གཞུང་ཞབས་མ་ཡིན་པའི་རང་དབང་ཅན་གྱི་སྡེ་ཚན་གྱི་མི་སྣ་དང་། མང་ཚོགས་དཀྱུས་མ། བླ་མ་གྲྭ་པ་ཚོའང་གཅིག་མཚུངས་རེད།

ཡིན་ཡང་། གཞུང་ཞབས་ལས་བྱེད་བསྡུ་སྐབས་མ་མཐའི་ཆ་རྐྱེན་ལྟ་བུའི་གན་རྒྱ་རེ་འཇོག་རྒྱུ་ཡོད་ན་ཅུང་ཙམ་ཕན་མི་ཡོང་ངམ་སྙམ།

སྤྱི་འཐུས་ཚོས་འགན་འཁྱེར་མི་དགོས་པའི་བཀའ་སློབ་མ་གནང་རོགས། བརྗོད་གཞི་འདི་ལེགས་པོ་གང་འདྲ་མི་འདུག་གམ། སྤྱི་འཐུས་ཚོགས་གཙོའི་བཀའ་སློབ་དེ་སུ་ལ་དམིགས་ནས་གནང་གི་ཡོད་པ་རེད་དམ། བུ་གླེན་པས་ཕའི་མགོ་བོ་བརྡུང་པ་ནང་བཞིན་ཕ་བསད་མ་བརྡུང་ཡུལ་ནས་ཕུད་པའི་དགྲ་བོར་ཁ་གཏད་གཅོག་རྒྱུའི་འདུན་པ་མེད་པར། ག་དུས་ཡིན་ནའང་གངས་སྐྱིད་ཀྱི་དཀྱིལ་འཁོར་དེའི་ནང་ཕན་ཚུན་འཕྱ་སྨོད་དང་སྡིགས་མོ་བསྐུལ་རེས་བྱེད་པ་ནི་ངོ་ ཚ་དགོས་པ་ཞིག་མི་འདུག་གམ། རང་ཉིད་བཀའ་བློན་དུ་འདེམས་ཐོན་མ་བྱུང་ནའང་དེ་ལྟ་བུའི་སྐྱོན་བརྗོད་བྱ་བ་འདིས་སུ་ལ་ཕན་གྱི་བ་ཡོད་པ་རེད་དམ། ཡང་ན་དམིགས་ཡུལ་གཞན་ཞིག་གྲུབ་བསམ་པ་རེད་དམ། སྤྱི་འཐུས་རྣམ་པ་ཚོས་ཀྱང་རང་མགོ་གང་ཐོན་གྱིས་ལས་ཐོག་ཡིན་བཞིན་དུ་ཐོན་དང་ཐོན་བཞིན་ཡོད་པ་མ་རེད་དམ། ད་ལྟའི་ལས་ཐོག་གི་སྤྱི་འཐུས་ཁག་ཅིག་ཀྱང་རང་མགོ་གང་ཐོན་གྱིས་ཐོན་འགྲོ་བཞིན་ཡོད་པ་མ་རེད་དམ། ངས་མ་འོངས་པར་རང་ཉིད་ལོ་ན་བགྲེས་རྗེས་བོད་མི་མང་གི་ད་ལྟའི་སྤྱི་འཐུས་ནང་བཞིན་ཞིག་བྱེད་འདོད་ཡོད། གཙོ་བོ་སྐད་ཆ་གང་ཡང་བཤད་ཀྱང་འགན་འཁུར་དགོས་ཀྱི་མེད་ལ། ཡིག་སྐྱེལ་ནང་བཞིན་ལན་འཕྲོད་ཙམ་བྱུང་ན་འགྲིག་གི་ཡོད། ས་གནས་ཁག་ཏུ་ལྟ་སྐོར་ཕྱིན་རྗེས་ཐག་གཅོད་ཐུབ་པ་དང་གོ་ཚོད་པའི་གནས་ཚུལ་མང་དག་ཞིག་འཛིན་སྐྱོང་དང་དབུས་ནས་འཐུས་ཤོར་ཕྱིན་པའི་ནག ཉེས་ལྟ་བུར་གསོག་འཇོག་བྱས་ཏེ་གྲོས་ཚོགས་མ་ཚུགས་བར་སོ་སོའི་ཁུག་མའི་ནང་བསགས་རྗེས་གྲོས་ ཚོགས་སྐབས་དེ་དག་བཀའ་བློན་ཚོར་འཕེན་རྒྱུའི་མདའ་གཞུ་ལྟ་བུ་བྱ་གི་ཡོད། དེ་ནི་དངོས་གནས་ཐབས་སྐྱོ་བའི་བྱེད་སྟངས་ཞིག་མ་རེད་དམ། ང་ཚོའི་སྤྱི་འཐུས་ཚོས་ཡང་སྙིང་སུ་ཞིག་ལ་འགན་འཁུར་དགོས་ཀྱི་ཡོད་པ་རེད་དམ། ལྷག་བསམ་རྣམ་དག་བྱ་མཁན་གྱི་གཞུང་ཞབས་པ་དེ་དག་ཀྱང་བོད་མི་མང་གི་ཁུངས་སུ་ཚུད་ཀྱི་མེད་པ་རེད་ དམ། གཞན་ལ་ཉེས་སྐྱོན་བཙུགས་པར་རང་ཉིད་དཀར་པོར་ཐོན་ཐུབ་པ་བྱེད་དགོས་ལ། སོ་སོ་རང་ཉིད་ནས་འགོ་བཙུགས་ཏེ་འགན་ལེན་ཐུབ་པ་བྱ་དགོས། དེ་མིན་ད་ལྟའི་སྤྱི་འཐུས་རྣམ་པ་ཚོས་ལས་དོན་གང་ཞིག་ཡིན་ཡང་འཛིན་སྐྱོང་ཐོག་སྤུངས་ཏེ་འཁུར་མཉམ་ལེན་མི་བྱེད་པ་མ་ཟད། ད་དུང་དེ་ལས་ལྡོག་སྟེ་ཁ་ནང་གི་རྨ་ཁ་ཁ་ནང་དུ་གསོ་ཐབས་མ་བྱས་པར་བྱས་ཡུས་བཤད་དེ་མི་མང་སྤྱི་འཐུས་ཀྱི་ ཞབས་སྟེགས་དེར་ཤི་འཐམས་རོ་འཐམས་བྱེད་འདོད་ཀྱི་རྣམ་འགྱུར་བཏོན་གྱི་འདུག དངོས་གནས་ཡ་མཚན་རེད། སྤྱི་འཐུས་རྣམ་པ་ཚོས་གང་བཤད་པ་དེར་འགན་ལེན་བྱ་མ་དགོས་པ་དེ་བཅའ་ཁྲིམས་ཀྱི་གཏན་ལ་ཕབ་པ་རེད་དམ། ཡང་ན་ཁྱེད་ཚོས་དེ་སྔ་གྲོས་ཚོགས་སྟེང་རྩོད་གླེང་ཤུགས་ཆེ་བྱེ་དཔའི་སྲོལ་རྒྱུན་གྱི་གོམས་གཤིས་ ཞེས་པ་དང་འབྲེལ་བ་ཡོད་པ་རེད་དམ།

རང་དབང་རྒྱལ་གྱུར་ཅིག
བདེན་དོན་རྒྱལ་གྱུར་ཅིག
ཞི་བདེ་རྒྱལ་གྱུར་ཅིག
མང་གཙོ་རྒྱལ་གྱུར་ཅིག