ཨ་རིའི་རྒྱ་ནག་གི་དོན་གཅོད་གསར་པ་སྐུ་ཞབས་ རྗོན་ ཧུན་ཙི་མན་ རྗེ་ཨར་ གྱིས་ཕྱི་ཚེས་ ༢ ཉིན་མངའ་ཁུལ་གྱི་བརྟན་ལྷིང་དང་ཁོར་ཡུག འགྲོ་བ་མིའི་ཐོབ་ཐང་སོགས་ཚུད་པའི་གལ་ཆེའི་གནད་དོན་མང་པོ་ཞིག་ནི་རྒྱལ་ཁབ་གཉིས་ཀྱི་འབྲེལ་མོལ་གྱི་གཞི་རྩ་ཡིན་སྐོར་སོགས་ཨ་རྒྱ་གཉིས་ཀྱི་མཉམ་འབྲེལ་གྱི་རྩ་བའི་དགོངས་ཚུལ་བཏོན་ཡོད་པ་རེད།
སྐུ་ཞབས་ རྗོན་ ཧུན་ཙི་མན་ རྗེ་ཨར་ Jon Huntsman JR གྱིས་རེས་གཟའ་ལྷག་པའི་ཉིན་པེ་ཅིན་གྱི་ཨ་རིའི་གཞུང་ཚབ་ཁང་དུ་གསར་འགོད་རྣམས་ལ་ཐུག་འཕྲད་ཀྱིས་བཤད་དོན། ཁོང་གིས་རྒྱ་ནག་གཞུང་ལ་ཨབ་གྷན་དང་ཨི་རན། པཱ་ཀི་སི་ཐན། བྱང་ཀོ་རི་ཡ་སོགས་ཀྱི་བདེ་སྲུང་གི་གནད་དོན་ཐད་ཕྱག་ལས་གནང་རྒྱུའི་ཕན་ནས། ནམ་ཟླའི་འགྱུར་ལྡོག་དང་ཁོར་ཡུག་གི་གནད་དོན་སོགས་ནི་ཁོང་འདིར་ཕེབས་ཏེ་གྲོས་མོལ་བྱ་རྒྱུའི་ལས་དོན་གལ་ཆེའི་གྲས་ཡིན་ལ། དེའི་རྒྱུ་མཚན་ནི། དེ་རིང་གི་འཛམ་གླིང་འདིར། ང་ཚོ་ཚང་མས་ཆུ་རྒྱུན་གཅིག་དེད་ནས་འགྲོ་གིན་ཡོད་རེད་ཟེར།
རང་ལོ་ ༤༩ ལ་སོན་པའི་སྐུ་ཞབས་ ཧུང་ཙི་མན་ ནི་ཨ་རིའི་ཨུ་ཊ་མངའ་སྡེའི་སྲིད་སྐྱོང་བ་ཟུར་བ་ཡིན་ལ། ཁོང་ཉིད་པེ་ཅིན་དུ་འབྱོར་ཏེ་བཞུགས་ཤག་གྲ་སྒྲིག་ཟིན་པའི་རྗེས་འདིར་པེ་ཅི་གྱི་ཨ་རིའི་གཞུང་ཚབ་ཁང་དུ་གསར་འགོད་པ་རྣམས་ལ་མཇལ་འཕྲད་གནང་ཡོད་པ་རེད།
ཁོང་ཉིད་སྲིད་འཛིན་ཨོ་བྷ་མས་ཨ་རིའི་རྒྱ་ནག་གི་གཞུང་ཚབ་པར་བདམས་ཤིང་ཕྱི་ཟླ་ ༨ པའི་ནང་ཨ་རིའི་གྲོས་ཚོགས་གོང་མས་རྒྱབ་གཉེར་གནང་ཡོད་པ་རེད།
ཁོང་ནི་ཨ་རིའི་སྤྱི་མཐུན་ཚོགས་པའི་གྲགས་ཅན་མི་སྣ་གསར་པ་ཞིག་ལ་ངོས་འཛིན་བྱེད་བཞིན་པ་མ་ཟད། ༢༠༡༢ ལོའི་ཨ་རིའི་སྲིད་འཛིན་གྱི་འོས་གཞིའི་འགྲན་ཞུགས་ཁྲོད་ཞུགས་སྲིད་པའི་རེ་བ་བྱེད་ཀྱིན་ཡོད་ནའང་། ཁོང་གིས་ཐེངས་འདིར་ཨ་རིའི་རྒྱ་ནག་གི་གཞུང་ཚབ་པ་གནང་རྒྱུའི་གོ་སྐབས་འདིར་ངོས་ལེན་གནང་ཡོད་པ་རེད།
ཁོང་ཉིད་པེ་ཅིན་དུ་མངགས་སྐབས། མི་རྣམས་ཀྱིས་ཁོང་གིས་ལས་དོན་མཐའ་འཁྱོལ་བ་ཞིག་བསྒྲུབ་ཐུབ་པའི་རེ་བ་མཐོན་པོ་ཞིག་དང་བཅས་པེ་ཅིན་དུ་འབྱོར་ཡོད། ཁོང་ཉིད་རྒྱ་སྐད་ལའང་བྱང་ཆ་དོད་པོ་ཡོད་མཁན་ཞིག་ཡིན་འདུག
ཁོང་གིས་བཤད་དོན། ཁོང་ཉིད་གཞུང་ཚབ་ཏུ་མངགས་པའི་བདུན་ཕྲག་དང་པོའི་ནང་དུ་སྲིད་འཛིན་ཧུའུ་ཅིན་ཐའོ་དང་། ཕྱི་སྲིད་བློན་ཆེན་ཡང་ཇི་ཁྲི་གཉིས་ལ་ཐུག་ཅིང་། ད་ལྟའི་ཆར་སྲིད་འཛིན་ཨོ་བྷ་མ་མཆོག་ལོ་འདིའི་ལོ་མཇུག་ཏུ་པེ་ཅིན་ལ་ཕེབས་རྒྱུའི་ཐད་གྲ་སྒྲིག་བྱེད་ཀྱིན་ཡོད་པར་བཤད།
ཁོང་ཉིད་རྒྱ་ནག་ལ་རྒྱུས་ལོན་གཏིང་ཟབ་ཅིག་ཡོད་པའི་རྐྱེན་གྱིས་ནུབ་ཕྱོགས་ཀྱི་རྒྱ་ནག་ཉམས་ཞིབ་པ་དང་རྒྱ་ནག་གི་དབྱེ་ཞིབ་པ་མང་པོ་ཞིག་གིས་ཁོང་ལ་གདེང་འཇོག་མཐོན་པོ་ཐོབ་ཡོད་པ་རེད།
ཡང་གཅིག་བཤད་ན་རྒྱ་ནག་དམར་ཤོག་གིས་གླིང་ཆེན་ཨེ་ཤ་ཡའི་དམག་གི་ས་ཚིགས་དང་པོ་མཐོ་སྒང་བོད་དེ་ཆགས་ཡོད་པ་དང་། བོད་ནས་རྒྱ་གར་ལ་དཔུང་འཇུག་བྱེད་ཐུབ། རྒྱ་གར་ནི་ནུབ་ཕྱོགས་དང་ཨ་རི་ལ་དམག་རྒྱག་རྒྱུའི་ཆེད་དམག་དོན་གྱི་ས་ཚིགས་གལ་ཆེ་ཤོས་ཡིན་ཟེར།
མཐར་རྒྱ་ནག་དམག་དམངས་ཀྱི་གྲངས་འབོར་མི་དུང་ཕྱུར་གཉིས་ཀྱི་ཚེ་སྲོག་བློས་བཏང་བྱེད་ཐུབ་ཚེ་ད་གཟོད་གཞི་ནས་ཨ་རི་བཙན་རྒྱལ་རིང་ལུགས་ཟེར་བ་དེ་རྒྱ་ནག་དམར་ཤོག་གིས་དྲག་པོའི་དམག་གིས་སྟོབས་ཤུགས་འོག་བཅིང་གྲོལ་གཏོང་ཐུབ་རྒྱུ་ཐེ་ཚོམ་མེད་ཅེས་བཤད་ཡོད།
དེར་འདྲ་སོང་ཙང་ཨ་རྒྱ་གཉིས་ཀྱི་འབྲེལ་བ་དེ་དོན་དངོས་ཐོག་མེ་དང་ཆུ་ལྟ་བུར་གྱུར་ཡོད། གནད་དོན་དེ་འདྲ་འོག་ནས་ཕར་ཕྱོགས་ནས་རྒྱ་ནག་གིས་བོད་ས་ཡོངས་རྫོགས་བཙན་འཛུལ་བྱས་ཡོད་ལ་ཚུར་ཕྱོགས་ནས་སྟོབས་ཆེན་ཨ་རིས་༸ གོང་ས་མཆོག་ལ་གསེར་གྱི་རྟགས་མ་འབུལ་བཞིན་ཡོད་ལ་བོད་འཐབ་རྩོད་ཆེ་ཨ་སྒོར་ས་ཡ་མང་པོའི་རོགས་དངུལ་དང་བརྒྱབ་སྐྱོར་བྱེད་བཞིན་ཡོད།
འགྲན་རྩོད་ཀྱི་དུས་རབས་འདི་ནས་ང་ཚོ་ཡང་ཨ་རི་ལ་མི་མཁོ་བ་མ་རེད། བཙན་བྱོལ་སྤྱི་ཚོགས་ཀྱི་རོགས་དངུལ་ཆད་ཀྱི་མ་རེད། བོད་ཀྱི་བདེན་མཐའ་གསལ་བར་ཕན་ཆེན་པོ་ཐོགས་ཀྱི་ཟེར་ན་ཁག་པོ་རེད། ང་ཚོ་སོ་སོའི་ངོས་ན་ནི་མི་གཅིག་མ་གཏོགས་ནུས་པ་ཅན་མེད་པས།
མདོ་དོན་གང་གླེང་གིན་ཡོད་པ་རེད། ཧ་གོ་མ་སོང་ཨ་རྒྱ་གཉིས་འབྲེལ་བ་གླེང་ན་ང་ཚོ་ལ་ཀ་རེ་འདུག ཨ་རུས་ནམ་ཡང་ཁོ་རང་ཚོས་ཁེ་ཕན་ལ་དཔག་ནས་ལས་འགུལ་སྤེལ་གྱིན་ཡོད་པ་རེད། ད་དུང་ཡང་མུན་ནག་གི་ནང་དུ་འཁོར་ནས་ཡོད་པ་རེད་དམ་ག་རེ་རེད།
ཁམས་བཟང་། ཨ་རྒྱ་གཉིས་ནི་མེ་དང་ཆུ་བཞིན་མཐུན་ཐབས་མེད་ལ་རྒྱ་ནག་གི་གཙོ་འཛིན་མའོ་ཙེ་ཏུང་གིས་སྤྱི་ཚོགས་རིང་ལུགས་དང་། དམངས་འཚོ་རིང་ལུགས་གཉིས་ནི་ཁྱེད་ཤི་ང་གསོན་གྱི་འཐབ་རྩོད་གཅིག་ཡིན་ཟེར།
གླིང་ཆེན་ཨེ་ཤེ་ཡའི་ནང་མི་འབོར་ཆེ་ཤོས་རྒྱ་ནག་དང་རྒྱ་གར་ཡིན་སྟབས། དང་ཐོག་ང་ཚོས་རྒྱ་གར་དབང་བསྒྱུར་བྱེད་དགོས། རྒྱ་གར་ལ་དམག་རྒྱག་པར་དང་ཐོག་བོད་དེ་དམག་གི་ཟམ་པ་ལྟ་བུ་གལ་ཆེན་ཞིག་ཆགས་ཡོད་པས་སྔོན་ལ་བོད་བཅིང་གྲོལ་གཏོང་དགོས་ཟེར།
དེ་ནས་བོད་དུ་དམག་གི་རྟེན་གཞི་བཙུགས་ནས་རྒྱ་གར་ལ་དམག་རྒྱག་དགོས། རྒྱ་གར་དེ་ནུབ་ཡུ་རོབ་ལ་དམག་རྒྱག་སའི་ལྟེ་གནས་གཙོ་བོ་ཡིན་སྟབས་ཐེངས་གཉིས་པར་རྒྱ་གར་དབང་བསྒྱུར་བྱེད་རྒྱུ་དེ་གལ་ཆེ་ཆགས་ཡོད་ཟེར།
དེ་ནས་རྒྱ་གར་དབང་སྒྱུར་བྱས་རྗེས་སུ་མཐར་ཨ་རི་བཙན་རྒྱལ་རིང་ལུགས་ངེས་པར་དུ་བཅིང་གྲོལ་གཏོང་རྒྱུ་དེ་རྩ་དོན་ཐ་མ་དེར་ཐུག་ཡོད་ཟེར།
དེས་ན་བོད་དང་རྒྱ་གར་དེ་ནས་ནུབ་ཕྱོགས་རྒྱལ་ཁབ་སོགས་ཀྱི་ས་ཆའི་ཐད་དང་པོ་ཤོག་བུའི་སྟེང་དུ་ཆིངས་ཡིག་བཞག་མཐར་དམག་དོན་གྱི་སྟོབས་ཤུགས་ཆེན་པོ་ཆགས་རྗེས་མིང་རྟགས་བརྒྱབ་པའི་གྲོས་ཆོད་ཚང་མ་བརྩི་མེད་བཏང་ནས་མཐར་དམག་གི་སྟོབས་ཤུགས་གལ་ཆེ་ཤོས་ཡིན་ཟེར།
མའོ་ཡི་ལྟ་བ་དང་དམིགས་ཡུལ་དེ་ད་ལྟའང་དོར་མེད་པས་རྒྱ་ནག་དམར་ཤོག་ཚོགས་པས་དམག་དོན་གྱི་སྟོབས་ཤུགས་རྒྱས་རྒྱུར་དམིགས་འབེན་གཙོ་བོ་འཛིན་ཡོད།
སྔོན་དུས་རྒྱ་གར་གྱིས་ཤིར་ལང་ཀར་དམིགས་བསལ་ཟབ་སྤྱོང་སྤྲད་པའི་འཇག་དམག་མང་པོ་གསང་བའི་ཐོག་བཏང་ནས་རྒྱ་གར་གྱིས་དབང་སྒྱུར་བྱེད་རྒྱུར་འབད་བརྩོན་རབ་དང་རིམ་པ་མང་པོ་བྱས་ཡོད་ཀྱང་ད་ཆ་བསམ་ཡུལ་ལས་འདས་པ་ཞིག་སྟེ།
རྒྱ་ནག་གི་དམག་མིའི་རོགས་རམས་བཏང་ཏེ་ད་ཆ་ཤིར་ལང་ཀའང་རྒྱ་ནག་གི་དམིགས་འབེན་དུ་འཚུད་དེ་ད་ཆ་དངོས་ནས་རྒྱ་གར་གྱི་གཡས་གཡོན་གང་སར་རྒྱ་ནག་གི་མཐའ་ནས་རིམ་བཞིན་བསྐོར་ནས་དེ་སྔའི་དམིགས་ཡུལ་ལྟར་ལེགས་གྲུབ་ཡོང་རྒྱུར་འབད་བརྩོན་ཧུར་བསྐྱེད་བྱེད་བཞིན་འདུག
དེར་བརྟེན་སྟོབས་ཆེན་ཨ་རི་དང་། སྟོབས་ཆེན་རྒྱ་ནག་གཉིས་ཀྱི་འབྲེལ་བ་དེ་ཁྱོད་ཤི་ང་གསོན་ཡིན་ལ་དེ་གཉིས་ཀྱི་འགྲན་རྩོད་དེའང་རྣོ་ངར་མཚོན་ཆའི་སྟོབས་ཤུགས་ཁོ་ནར་ཐུག་ཡོད།
ཅི་ཙམ་བཤད་ཀྱང་གྲུབ་འབྲས་ཤིག་ཐོན་རྒྱུ་ཁག་པོ་རེད། རང་ཉིད་ཀྱི་ཁེ་ཕན་ཞིག་ལས་གཞན་སེམས་ཅན་ཞིག་དེང་སྐབས་ཧ་ལམ་མེད་པ་ལྟ་བུར་ཆགས་འདུག་པས། ཕར་ཆེར་་་་་་་་་་