ཐེངས་འདིར་ངེད་ཚོས་ཕྱི་གླིང་བའི་ཉམས་ཞིབ་པ་དག་ལ་འབྲེལ་བ་བྱས་ཏེ། ཁོང་ཚོས་བརྩམས་གནང་བའི་བོད་དོན་གྱི་ལོ་རྒྱུས་དང་བསམ་ཚུལ་ཁག་ལ། འདིར་ཡོད་བོད་མི་ཚོས་བལྟ་ཀློག་དང་ཉན་འཇོག་ཐུབ་རྒྱུ་དང། ཕྱོགས་གཉིས་ཀས་བོད་ཀྱི་དོན་དངོས་ཀྱི་ལོ་རྒྱུས་དང་གནས་སྟངས་གཞི་ལ་བཞག་པའི་ཐོག་ནས་གོ་བསྡུར་བྱས་ཏེ། རང་གཞན་གཉིས་ཀར་དོན་དངོས་ཀྱི་ཕན་འབྲས་ཆེན་པོ་ཡོང་རྒྱུ་དང་། ལྷག་པར་བོད་རང་གི་ལོ་རྒྱུས་དེ་ཁ་གསལ་དང་དག་ཐེར་འཐུས་ཚང་ཞིག་ཏུ་ཡོང་རྒྱུས་མཚོན། ཁོང་ཚོ་དང་འབྲེལ་ལམ་མུ་མཐུད་གནས་རྒྱུར་དམིགས་པ་ཞིག་ཡིན།
ཟླ་འདིའི་ཚེས་ ༣ ནས་ ༥ བར་བོད་གཞུང་དཔེ་མཛོད་ཁང་གི་གོ་སྒྲིག་འོག བོད་དང་ཧི་མ་ལ་ཡའི་རིག་པའི་སྐོར་རྒྱལ་སྤྱིའི་ཚོགས་འདུ་ཞེས་པ་ཞིག་གངས་ཅན་སྐྱིད་གཤོང་གི་དཔེ་མཛོད་ཚོགས་ཁང་དུ་འཚོགས་བཞིན་ཡོད་པ་རེད། ཚོགས་འདུའི་དབུ་འབྱེད་ཉིན་མོ་དེ་མེག་གྷན་གྱི་ཀ་ལབ་ཧའོ་ས་ Club House ལ་འཚོགས་ཡོད་ཅིང། ཚོགས་མགོན་དུ་རྒྱ་གར་ཆོས་རིག་ལས་ཁུངས་ཀྱི་བློན་ཆེན་མཁས་དབང་ཇོ་ཧར་སིར་ཀར་ Dr. Jawhar Sircar མཆོག་ཕེབས་གནང་ཡོད་པ་རེད། ཉིན་རྒྱབ་ནས་བོད་ཀྱི་དཔེ་མཛོད་ཚོགས་ཁང་དུ་ཚོགས་འདུ་དངོས་སུ་དབུ་འཛུགས་ཞུས་ཡོད་ཅིང། ཐེངས་འདིའི་ཉིན་ ༣ རིང་གི་ཚོགས་འདུའི་ནང་ཚོགས་ཞུགས་པ་ཁྱོན་ ༢༠ ཙམ་ཡོད་ཅིང། འཇར་མན་དང། ཨི་ཊ་ལི། ཨ་རི། ཨོ་སི་ཊོ་ལི་ཡ་སོགས་ཕྱིའི་ཡུལ་གྲུ་ཁག་ནས་ཕེབས་པའི་ཕྱི་རྒྱལ་བའི་རྒྱ་གར་དང་་བོད། སོག་པོ་བཅས་ཀྱི་ལོ་རྒྱུས་ཉམས་ཞིབ་པ་ ༡༣ དང་། དེ་བཞིན་རྒྱ་གར་མཁས་དབང་ ༡ དང་བོད་རིགས་མཁས་དབང་ ༦ བཅས་ཡོད་འདུག གསུང་བཤད་ཀྱི་བརྗོད་གཞི་རྣམས་སྡེ་ཚན་ལྔ་རུ་བསྒྲིལ་ཡོད་དེ། དང་པོ། ཕྱི་ནང་གི་ནང་པའི་པཎ་གྲུབ་དང་ཆོས་ལུགས། གཉིས་པ། ཁ་ཕྱོགས་བཞིའི་ནང་གི་བོད། གསུམ་པ། བོད་དང་རྒྱ་གར། བཞི་པ། དངོས་ཟོག་གི་རིག་གཞུང། ལྔ་པ། ཕྱི་རབས་ཀྱི་བོད་བཅས་ཡིན་ཞིང། དེའང་གཙོ་བོ་བོད་གནའ་རབས་ཀྱི་ལོ་རྒྱུས་དང། རིག་གཞུང། ནང་ཆོས། སྐད་ཡིག ཆབ་སྲིད། དེ་བཞིན་བོན་གྱི་ལོ་རྒྱུས་ཁག་དང། བོད་དང་ས་འབྲེལ་ཆགས་པའི་རྒྱལ་ཁབ་སོག་པོས་མཚོན་པའི་རྒྱ་གར་དང། ཁུ་ནུ། རྒྱ་ནག་བཅས་ཀྱི་ལོ་རྒྱུས་དང། འབྲེལ་ལམ། འཕགས་བོད་པཎ་གྲུབ་རྣམས་ཀྱི་མཛད་རྗེེས་བཅས་ལ་གསུང་བཤད་གནང་བ་དང་བསམ་ཚུལ་བརྗེ་རེས་བྱས་ཡོད་པ་རེད།
བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོར་ལགས་ཀྱིས་འདི་གའི་གསར་འགོད་པར་གསུངས་པ་ལྟར་ན། ཐེངས་འདིའི་ཚོགས་འདུའི་དམིགས་ཡུལ་གཙོ་བོ་ནི་གཅིག་ནས་འདས་པའི་ལོ་ངོ་ ༥༠ ནང་བོད་གཞུང་དཔེ་མཛོད་ཁང་ནས་ཕྱི་རྒྱལ་ཉམས་ཞིབ་པ་ཚོ་དང་བཙན་བྱོལ་བོད་རིགས་བར་ལ་ཚོགས་འདུ་འདིའི་རིགས་གོ་སྒྲིག་ཞུ་མྱོང་མེད་པ་དང། གཉིས་ནས་རྒྱ་ནག་གཞུང་གིས་ལོ་ལྟར་མཐུན་རྐྱེན་བསྐྲུན་ཏེ། བོད་ཀྱི་ལོ་རྒྱུས་ཉམས་ཞིབ་པ་ཕྱི་གླིང་བ་མང་པོ་ཞིག་བོད་དུ་མགྲོན་འབོད་ཀྱིས། བོད་ཀྱི་ལོ་རྒྱུས་དང་འབྲེལ་བའི་ཐད་ལ་བགྲོ་གླེང་བྱེད་ཀྱིན་ཡོད་པ་རེད། དེའི་རིང་རྒྱ་ནག་གཞུང་ཕྱོགས་ནས་བོད་ཀྱི་ལོ་རྒྱུས་ལ་འཁྱོགས་བརྗོད་ཚད་ལས་བརྒལ་བ་བྱས་ཏེ་ཁོང་ཚོར་འགྲེལ་བརྗོད་བྱེད་ཀྱིན་ཡོད་པས། ཁོང་ཚོའི་བར་གྱི་ལྟ་ཚུལ་དང་འགོད་ཚུལ་གཉིས་མི་མཐུན་པ་ཡོང་རྒྱུར་སྨྲོས་མེད་ཐོག དོན་འབྲས་སྨིན་པོ་ཞིག་ཡོང་གི་མེད་པ་རེད། གང་ལྟར་ཡང་ཐེངས་འདིར་ང་ཚོས་ཕྱི་གླིང་བའི་ཉམས་ཞིབ་པ་དག་ལ་འབྲེལ་བ་བྱས་ཏེ། ཁོང་ཚོས་བརྩམས་གནང་བའི་བོད་དོན་གྱི་ལོ་རྒྱུས་དང་བསམ་ཚུལ་ཁག་ལ། འདིར་ཡོད་བོད་མི་ཚོས་བལྟ་ཀློག་དང་ཉན་འཇོག་ཐུབ་རྒྱུ་དང། ཕྱོགས་གཉིས་ཀས་བོད་ཀྱི་དོན་དངོས་ཀྱི་ལོ་རྒྱུས་དང་གནས་སྟངས་གཞི་ལ་བཞག་པའི་ཐོག་ནས་གོ་བསྡུར་བྱས་ཏེ། རང་གཞན་གཉིས་ཀར་དོན་དངོས་ཀྱི་ཕན་འབྲས་ཆེན་པོ་ཡོང་རྒྱུ་དང་། ལྷག་པར་བོད་རང་གི་ལོ་རྒྱུས་དེ་ཁ་གསལ་དང་དག་ཐེར་འཐུས་ཚང་ཡོང་རྒྱུས་མཚོན། ཁོང་ཚོ་དང་འབྲེལ་ལམ་མུ་མཐུད་གནས་རྒྱུར་དམིགས་པ་ཞིག་ཡིན་ཞེས་གསུངས་གནང་བྱུང།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
འབྲོག་རུ་ཆོས་གྲགས་ལེགས་ངས་ཁྱེད་རང་གང་ན་ཡོང་རྕར་གཅོད་གི་མེད་།སྤྱིར་སྟངས་ཐ་སྙད་འདོགས་སྟངས་ལ་ཁྱད་པར་མེད་ལབ་གི་མེད་དེ་།ཁྱེད་ཀྱི་ཡང་གཟབ་དགོས་བ་ཞིག་ཆགས་འདུག།ནོར་འཕྲུལ་མ་ཡིན།ནོར་འཁྲུལ་ཡིན་པ་འདྲ།
bhod dang hiamalaya lapna yakporang yadna hiamalaya bhudki ngagokmaribey
རིག་པའི་རལ་གྲིས། རང་རེའི་བོད་ཀྱི་སྤྱི་ཚོགས་ནང་དུ་ཕྱོགས་ཞེན་དང་འཐེན་འཁྱེར་གྱི་ཐག་པ་བྲེག་པར་འདོད་ནས། དྲ་ཐོག་ཏུ་ཡོང་བ་ཡིན།
ངས་བལྟས་ནས་ཐ་སྙད་བསྒྱུར་སྟངས་དང་མིང་ཚིག་འདོག་སྟངས་ཀྱི་ཐད་ནས་ཁྱད་པར་ཆེན་པོ་ཡོད་པ་མ་ཟད། དེ་གནད་འགག་ཅིག་ཀྱང་རེད་བསམ་ཡོད།
ད་ལྟ་ང་དྷ་སྟེང་གི་ཨ་མདོ་གྲོང་གསེབ་ན་ཡོད། ང་དང་གྲོགས་པོ་འགས་མིང་ཚིག་གསར་བ་བོད་ཡིག་ནང་བསྒྱུར་སྟངས་དང་མི་མང་གིས་བེད་སྤྱོད་སྟངས་སྐོར་ལ་ལབ་གླེང་ཤུགས་ཆེན་བྱེད་བཞིན་པའི་སྒང་ཡིན། དེ་རིང་གི་གྲོགས་པོ་ཞིག་གིས་དེའི་ཐད་ནས་བརྗོད་རྒྱུར། མིང་ཚིག་གསར་བ་ག་རེ་ཡིན་ཡང་སྒྲ་སྒྱུར་བྱས་ན་ཡག་ཤོས་རེད། སྒྲ་སྒྱུར་བྱས་པ་ཡིན་ན་བརྗོད་བདེ་ཡི་ཐོག་ན་འང་ལྟ་ས་ཞིག་ཡོད་པ་རེད།
ད་དུང་བོད་ཕྱི་ནང་གཉིས་དང་ཡང་ན་མི་མང་གི་ངོས་ནས་ཀྱང་ཁས་ལེན་མ་ལེན་གྱི་དཀའ་ངལ་ཡོད་པ་མ་རེད་ཟེར། དེ་འདྲ་བྱས་ནས་དེའི་སྐོར་ལ་གླེང་སློང་ཤུགས་ཆེན་བྱེད་བཞིན་ཡོད་ཀྱང་ད་ལྟ་ཁོང་ཚོ་འཐད་པ་བྱུང་ཡོད་ས་ནི་སྒྲ་སྒྱུར་དང་ཡང་ན་དོན་སྒྱུར་གྱི་ཕྱོགས་རེད། ཐ་སྙད་སྒྱུར་སྟངས་ཀྱི་ཐད་ནས་ཏག་ཏག་ཅིག་མ་བསྡད་ན་གོ་དོན་གྱི་ཕྱོགས་ནས་ནོར་འཕྲུལ་བཟོ་སྲིད། དེ་བས་འདི་གནད་འགག་ཅིག་རེད་བསམ་ཡོད།
ཐ་སྙད་ག་རེ་བཏགས་པ་ལ་མ་ལྟོས་པར་བརྗོད་གཞི་སྟེང་ལ་ཚང་མའི་བལྟ་དགོས་བ་ཞིག་ཆགས་ཡོད་རེད།དེ་འདྲ་མུ་མཐུན་དུ་གོ་སྒྲིག་གནང་རྒྱུ་ཐུགས་རྗེ་ཆེ་ཞུ་རྒྱུ་ཡིན།
ཐ་སྙད་ཇི་འདྲ་ཞིག་བཏགས་ཀྱང་དེ་ཙམ་གལ་ཆེན་པོ་མིན་ལ་དོན་དངོས་ཀྱི་བརྗོད་གཞིའི་ཐོག་འགྲོ་གླིང་ལྷུགས་པོ་དང་དོན་འབྲས་ཡོང་བའི་འབད་བརྩོན་གནང་རོགས།
ལྷག་དོན་དཔེ་མཛོད་ཁང་གིས་གོ་སྒྲིག་འོག་ལས་དོན་མང་དག་སྤེལ་བར་ཡི་རང་ཞུ།
རྩོམ་སྒྲིག་པ་ལགས། ཉིན་རྒྱབ་་་་་ཟེར་བའི་ཐ་སྙད་འདི་ངོ་མ་མི་ཡག་གི འདི་བོད་སྐད་མི་ཤེས་ཞིག་གིས་བཤད་པའི་བོད་སྐད་ལྟ་བུ་འདུག ང་ཚོས་་་དུས་་་་ལ་་་རྒྱབ་མདུན་གྱི་རྣམ་དབྱེ་མི་འབྱེད་་་་ དེ་ལ་སྔ་ཕྱིའི་རྣམ་དབྱེ་འབྱེད་དགོས། དེ་བས། རྗེས་སུ་་་་ བོད་ཀྱི་དུས་བབ་ཐོག་ནས་་་་ དེ་ལྟའི་ཡིག་ནོར་མི་བྲི་བའི་རེ་བ་ཡོད། བཀའ་དྲིན་ཆེ།
ཧི་མ་ལ་དང་བོད་ཀྱི་ཐུན་མོང་གི་རིག་གཞུང་འདི་ནང་ཆོས་དང་སྐད་ཡིག་འདི་ཡང་ཡང་དྲན་དགོས་ལ་ངེས་པར་ལག་ལེན་ཁྲོད་དར་སྤེལ་གཏོང་དགོས་མ་གཏོགས་དེ་འབྲེལ་ཡོད་རབས་ཙམ་གླེང་ནས་ཅི་བྱེད།
བོད་གཙོ་བའི་ཧི་མ་ལ་ཡའི་རི་རྒྱུད་དུ་གནས་པའི་ཚོགས་ཆེན་ཞེས་བཏགས་པ་ཡིན་ན་འགྲིག་ས་རེད་སྙམ་སོང་།
འོ་ན། བོད་འདི་ཧི་ལ་ཡའི་བདག་པོ་ཡིན་ནམ། ཡང་ན། ཧི་མ་ལ་ཡ་བོད་ཀྱི་བདག་པོ་རེད་དམ། དེ་ལས་གཞན་པའི་འགྲེལ་བ་འདྲ་འདུག་གམ།
ཐེངས་འདིའི་ཚོགས་འདུ་དེའི་མིང་ལ་༼བོད་དང་ཧི་མ་ལ་ཡའི་རིག་པའི་སྐོར་རྒྱལ་སྤྱིའི་ཚོགས་འདུ༽ཟེར། དབྱིན་ཡིག་གིས་(International Seminar on Tibetan and Himalayan Studies.)ཟེར།