གཞན་གྱི་ཤན་ཞུགས་པ་དང་ལེགས་ཆ་བླངས་པ། ཤུགས་གནོན་ཐེབས་པ་གསུམ་གྱི་ནང་དོན་ཁ་ཁ་རེད། བོད་པའི་རྩོམ་རིག་ལ་རྩོམ་རིག་གཞན་པའི་ཤན་ཞུགས་ན། སྐྱོན་ཆེན་པོ་མེད་ཀྱང་ཡག་པོ་མ་རེད། གཞན་པའི་ལེགས་ཆ་བླངས་ན་ཡག་པོ་རེད། གཞན་གྱི་ཤུགས་གནོན་ཐེབས་པ་ཡིན་ན་རང་དབང་བརླག་འགྲོ་བ་རེད། དེར་བརྟེན། རྙིང་པ་མ་བརླག་པའི་ཐོག་ནས་གསར་བ་ཡར་རྒྱས་སུ་བཏང་སྟེ་རྩིག་པ་བཞིན་བརྩིག་དགོས་པ་རེད། རྙིང་པ་གཏོར་གྱིན་གཏོར་གྱིན་གསར་བ་བརྩིག་ན་རྩིག་པ་དེ་ལ་ནམ་ཡང་མཐོ་རུ་འགྲོ་རྒྱུ་ཡོད་པ་མ་རེད།
ད་ལོའི་པེན་བོད་ཀྱི་རྩོམ་པ་པོའི་མཐུན་ཚོགས་ཀྱི་ཚོགས་ཆེན་གྱི་མཇུག་སྡོམ་ཉིན། བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་ཆེད་ཕེབས་ཀྱིས་བོད་པའི་རྩོམ་རིག་ལ་རྩོམ་སྟངས་གསར་བ་ཁག་ཅིག་ཁ་སྣོན་བྱ་དགོས་ཚུལ་དང་། རྩོམ་པ་པོ་ཞིག་ཡིན་ན་རྩོམ་ཡིག་ཡག་པོ་འབྲི་ཤེས་པ་ཙམ་གྱིས་མི་ཆོག་པར་ཀུན་སྤྱོད་ཀྱང་གལ་ཆེན་ཡིན་སྐོར་གསུངས་དོན། བོད་ཀྱི་རྩོམ་རིག་དེ་འཛམ་གླིང་ནང་གྲངས་ཚད་ཀྱི་ཆ་ནས་མང་ཤོས་དང་སྤུས་ཚད་ཀྱི་ཐད་ནས་ཡག་ཤོས་ཆགས་ཡོད། གང་ཡིན་ཟེར་ན། བོད་དུ་བརྡ་སྤྲོད་དང་ཡིག་གཟུགས་དར་ནས་ལོ་ཆིག་སྟོང་སུམ་བརྒྱ་ཙམ་ལས་ཕྱིན་མེད་ལ། བོད་པའི་མི་འབོར་ས་ཡ་དྲུག་ཙམ་རེད། བོད་པའི་སྙན་ངག་ཡིན་ན་འདྲ་ལ། ཚིགས་བཅད་ཚིགས་ལྷུག་གང་ཡིན་ནའང་འདྲ། རྩོམ་གྱི་རྣམ་བཞག་དེ་ཧ་ཅང་གི་གཏིང་ཟབ་པོ་དང་རྒྱ་ཆེན་པོ་རེད། འོན་ཀྱང་། འགྱུར་བ་དང་འཕེལ་རྒྱས་ཀྱི་འགྲོས་ཧ་ཅང་དལ་མོ་རེད། ནུབ་ཕྱོགས་སུ་ལོ་ལྔ་བཅུ་དྲུག་ཅུའི་ནང་དུས་རབས་གསར་བའི་རྩོམ་རིག་འདྲ་མིན་དར་ཏེ། སྔར་གྱི་རྩོམ་རིག་མང་པོ་ཞིག་རྙིང་བ་ཆགས་ཀྱིན་ཡོད། ང་ཚོའི་གནས་ཚང་རྒྱ་གར་ལ་ཆ་བཞག་ནའང་ཧིན་རྡུའི་རྩོམ་རིག་ལ་ལོ་བརྒྱ་ཡས་མས་ནང་འགྱུར་བ་ཆེན་པོ་ཕྱིན་ཡོད། རྩོམ་པ་པོ་གྲགས་ཆེན་རེ་རེ་བྱུང་སྐབས། རྩོམ་སྟངས་མི་འདྲ་བ་རེ་རེ་གསར་གཏོད་བྱས་ཡོད། བོད་པའི་རྩོམ་རིག་དེ་ད་དུང་མེ་ལོང་མའི་སྒྲིག་ལམ་འོག་བསྡད་འདུག ཅེས་གསུངས་བྱུང་།
ཁོང་གིས་བོད་པའི་རྩོམ་རིག་ནང་ཁ་སྣོན་བྱ་དགོས་པའི་རྩོམ་སྟངས་ཁག་ཅིག་ངོ་སྤྲོད་གནང་དོན། བོད་པའི་རྩོམ་རིག་ནང་ངེས་པར་དུ་ཚང་དགོས་པའི་རྩོམ་སྟངས་ཁ་ཤས་ཤིག་ངས་སྔོན་མ་ནས་མཐོང་བསྡད་ཡོད། དེའི་ནང་གི་གཅིག་དེ་བཅོས་སྒྲུང་རིང་པོའི་རིགས་རེད། དབྱིན་ཡིག་ནང་ Novel དང་། བོད་སྐད་དུ་ཉེ་བར་བཀོད་པ་ཟེར། དེ་ནི་དངོས་ཡོད་གནས་ཚུལ་མ་ཡིན་པར་རྣམ་རྟོག་གི་སྒྲོས་བཏགས་ཏེ་བཟོས་པ་ཞིག་ཡིན། དེར་ཚིག་རྒྱན་ཞེ་དྲག་སྤྱོད་མི་དགོས་མོད། རྣམ་རྟོག་གི་འགྱུ་བ་མང་པོ་ཞིག་བཀོལ་དགོས། བརྡ་སྤྲོད་དང་མ་འགལ་ཞིང་། ཚིག་རྒྱན་གྱིས་མ་སྤྲས་པའི་ཐོག་ནས་མི་དང་མིའི་བར་སྐད་ཆ་བཤད་པ་ཇི་བཞིན་འབྲི་དགོས་པ་ཞིག་ཡིན། དེ་བཞིན། བོད་པར་ཟློས་གར་རྩོམ་པ་པོ་ཉུང་ཉུང་རེད། སྔར་བོད་རང་ལ་ཟློས་གར་གྱི་མཚན་ཉིད་ཚང་བའི་གཞུང་ཆ་ཚང་གཅིག་ཀྱང་མེད། ལྷ་མོའི་འཁྲབ་གཞུང་དེ་ཚོ་ཡང་ཟློས་གར་གྱི་གཞུང་ལུགས་མ་རེད། གཞན། བོད་པའི་རྩོམ་པ་པོའི་ནང་དུ་གཞན་གྱི་རྩོམ་ཡིག་ལ་དཔྱད་གཏམ་གྱི་རྩོམ་ཡིག་འབྲི་མཁན་མི་འདུག འབྲི་སྟངས་དེ་ནུབ་ཕྱོགས་སུ་དར་ཁྱབ་ཆེན་པོ་རེད། རྒྱ་གར་ལ་མཚོན་ན་རྩོམ་པ་པོ་དེ་རིགས་ལ་ངོས་འཛིན་ཁ་ཁ་ཞིག་ཡོད། ང་ཚོས་འདི་ལྟ་བུར་འབད་བརྩོན་བྱ་དགོས། ཞེས་གསུངས་སོང་།
བཀའ་བློན་ཁྲི་པ་མཆོག་གིས་མུ་མཐུད་དུ་བཙན་བྱོལ་ནང་དཔེ་དེབ་ཀློག་པ་པོ་ཉུང་བ་དང་དེ་ལ་གདོང་ལེན་བྱེད་ཕྱོགས་སྐོར་གསུངས་དོན། བཙན་བྱོལ་སྤྱི་ཚོགས་ནང་གི་རྩོམ་པ་པོ་ཚོར་དཀའ་ངལ་ཆེ་ཤོས་གཅིག་ནི་ཀློག་པ་པོ་ཉུང་བ་དེ་རེད། མི་ལ་དཔེ་དེབ་ཀློག་པའི་གཤིས་ཀ་བསྐྲུན་རྒྱུ་དེ་དགེ་རྒན་དང་རྩོམ་པ་པོ་གཉིས་ཀར་འགན་ཡོད་པ་རེད་དྲན་ཡོད། ཀློག་པ་པོ་འགུག་ཐབས་ཐད་རྩོམ་པ་པོ་ཚོར་བསམ་ཚུལ་མི་འདྲ་བ་གཉིས་ཡོད། རྩོམ་པ་པོའི་རྩོམ་ཡིག་གི་ནུས་པར་བརྟེན་ཏེ་ཀློག་པ་པོར་དོ་སྣང་བསྐྲུན་དགོས་ཟེར་མཁན་ཞིག་དང་། ཀློག་པ་པོའི་དོ་སྣང་དང་དགའ་ཕྱོགས་ལ་བསྟུན་ཏེ་རྩོམ་ཡིག་འབྲི་དགོས་ཟེར་བ་གཉིས་ཡོད། ང་རང་གི་བསམ་པར། རྩོམ་གྱི་ནུས་པར་བརྟེན་ཏེ་ཀློག་པ་པོར་འདུན་པ་བསྐྲུན་ཐུབ་དགོས་པ་ལས་ཀློག་པ་པོའི་དོ་སྣང་དང་དགའ་ཕྱོགས་ཁོ་ནར་བལྟས་ཏེ་རྩོམ་ཡིག་བྲིས་ན་མི་འགྲིག འགྲོ་བ་མིའི་རིགས་ལ་ཐོག་མ་ནས་ངག་རིག་གི་ཐོག་ལ་དམིགས་བསལ་གྱིས་དོ་སྣང་ཡོད་མཁན་ཞིག་ཡོད་པ་མ་རེད། རྩོམ་ཡིག་ཀློག་པ་དང་རྩོམ་ཡིག་གི་བྲོ་བ་རོལ་མྱོང་བྱས་ཏེ་དོ་སྣང་སླེབས་པ་ཞིག་རེད། ཀློིག་པ་པོའི་དོ་སྣང་དང་དགའ་ཕྱོགས་གཅིག་པུར་བལྟས་པ་ཡིན་ན། ཉིན་ཞིག་རྩོམ་ཡིག་རྙིང་པ་དག་སུ་གང་གིས་ཀྱང་མི་གོ་བ་དང་། རྩོམ་ཡིག་གསར་བའི་རིགས་ལའང་མཚམས་དང་ཚད་མེད་པ་ཆགས་འགྲོ་བ་རེད། ཅེས་གསུངས་བྱུང་།
ཡང་བཀའ་ཁྲི་མཆོག་གིས་རྩོམ་པ་པོའི་མཐུན་ཚོགས་ཀྱི་གལ་ཆེའི་རང་བཞིན་གསུངས་དོན། ཁྱེད་ཅག་གིས་ཐེངས་འདིར་བྱིས་པའི་རྩོམ་ཡིག་ཐད་དགོངས་པ་བཞེས་པ་ཧ་ཅང་ཡག་པོ་རེད། མ་འོངས་པར་བྱིས་པར་ཆེད་དམིགས་ཀྱིས་བྱིས་སྒྲུང་དང་། བྱིས་པའི་རྩོམ་ཡིག་འབྲི་ཐུབ་པ་ཡིན་ན་ཏན་ཏན་བྱིས་པའི་བློ་གྲོས་འཕེལ་བར་ཕན་ཐོགས་གི་རེད་བསམ་ཡོད། དེང་སང་འཛམ་གླིང་ནང་རྩོམ་པ་པོའི་མཐུན་ཚོགས་གལ་ཆེན་པོར་རྩི་བཞིན་ཡོད། གཞུང་འབྲེལ་མ་ཡིན་པའི་ཚོགས་པའི་ནང་ནས་སྐད་གྲགས་ཆེན་པོ་དང་། ནུས་པ་ཆེ་ཤོས་ཤིག་ཏུ་ངོས་འཛིན་བྱེད་ཀྱིན་ཡོད། བོད་པར་ཡང་རྩོམ་པ་པོའི་མཐུན་ཚོགས་དགོས་པ་གལ་ཆེན་པོ་རེད། བར་ལམ་ཞིག་ལ་གྲོས་ཚོགས་ནང་རྩོམ་པ་པོའི་མཐུན་ཚོགས་དེ་གཞུང་གིས་འཛིན་དགོས་པ་དང་། གཞུང་གིས་མཐུན་འགྱུར་ཞུ་དགོས་པ་བཅས་ཀྱི་ཐད་གླེང་སློང་མང་པོ་བྱུང་ཡོད། འོན་ཀྱང་། རྩོམ་པ་པོའི་མཐུན་ཚོགས་ལ་གཞུང་ངོས་ནས་མཐུན་འགྱུར་ཞུ་དགོས་ཀྱང་། གཞུང་གི་ཐེ་ཇུས་སླེབས་མི་རུང་། ཞེས་གསུངས་སོང་།
ཁོང་གིས་མུ་མཐུད་དུ་རྩོམ་པ་པོ་དག་གིས་ཀུན་སྤྱོད་ལ་སྲུང་སྐྱོབ་བྱ་རྒྱུ་གལ་ཆེན་ཡིན་སྐོར་གསུངས་དོན། རྩོམ་པ་པོ་ཚོས་རྩོམ་ཡིག་ཡག་པོ་འབྲི་ཤེས་པ་ཁོ་ནས་འདང་གི་མེད། རྩོམ་ཡིག་འབྲི་རྩལ་དང་སྤོབས་པ་ཡོད་པ་དང་ཆབས་ཅིག མིའི་བཟང་སྤྱོད་ཡག་པོ་ཡོད་ན་རྩོམ་པ་པོར་ཆེ་མཐོང་དང་མཚན་སྙན་རྒྱས། རྩོམ་ཡིག་འབྲི་མཁས་ཀྱང་མི་ཐབས་ཆག་ཡིན་ན། རྩོམ་ཡིག་གིས་ཡར་འཐེན་ཡང་། མི་གཤིས་ཀྱིས་མར་འཐེན་ཏེ་དཀའ་ངལ་འཕྲད་གི་རེད། རྩོམ་པ་པོའི་སྒྲིག་འཛུགས་ཀྱི་སྡིངས་ཆ་རང་དོན་བསྒྲུབ་ཆེད་དང་། ཕྱི་རྒྱལ་དུ་འགྲོ་བའི་མཐུན་རྐྱེན་ལ་བེད་སྤྱོད་བཏང་བ་ཡིན་ན། རྩོམ་ག་ཚོད་ཡག་པོ་འབྲི་ཤེས་ཀྱང་གཞི་རིམ་གྱི་འགྲོ་བ་མིའི་བཟང་སྤྱོད་ཀྱི་གཞི་རྟེན་མེད་སྟབས། དེ་ལ་སྙིང་བོ་གང་ཡང་ལྷག་ཡོད་པ་མ་རེད། གལ་སྲིད་མ་འོངས་པར་སྒྲིག་འཛུགས་ཡག་པོ་དང་སྲ་བརྟན་བྱུང་བ་ཡིན་ན། དཔལ་འབྱོར་མཐུན་རྐྱེན་སྦྱོར་རྒྱུ་གཞུང་གི་ལས་འགན་རེད་སྙམ་ཡོད། ཞེས་གསུངས་བྱུང་།
ཁོང་་གིས་བོད་པའི་རྩོམ་རིག་ལ་ཕྱི་བཟང་ནང་འདྲེན་དང་། གནའ་བཟང་དེང་སྤྱོད་བྱ་དགོས་སྐོར་གསུངས་དོན། རྩོམ་རིག་ཡར་རྒྱས་སུ་གཏོང་སྐབས་མཐའ་གཉིས་སུ་མ་ལྷུང་བའི་དབུ་མའི་ལམ་གྱི་ཐོག་ནས་བསྐྱོད་ཐུབ་དགོས། གསར་བརྗེ་རྐྱང་རྐྱང་ལས་རྙིང་པ་ཚང་མ་གཏོར་བཤིག་གཏོང་མི་རུང་ལ། གསར་བ་ཁྱོན་ནས་མེད་པར་རྙིང་པ་རྐྱང་རྐྱང་ལ་རྙིང་ཞེན་བྱས་ནའང་ཕན་ཐོགས་མེད། རྩོམ་རིག་ལ་ཤན་ཞུགས་པ་དང་ལེགས་ཆ་བླངས་པ། ཤུགས་གནོན་ཐེབས་པ་བཅས་གསུམ་ཡོད། དེ་གསུམ་གྱི་ནང་དོན་ཁ་ཁ་རེད། བོད་པའི་རྩོམ་རིག་ལ་རྩོམ་རིག་གཞན་པའི་ཤན་ཞུགས་པ་ཡིན་ན། སྐྱོན་ཆེན་པོ་མེད་ཀྱང་ཡག་པོ་མ་རེད། བོད་པའི་རྩོམ་རིག་ལ་རྩོམ་རིག་གཞན་པའི་ལེགས་ཆ་བླངས་ན་ཡག་པོ་རེད། བོད་པའི་རྩོམ་རིག་ལ་རྩོམ་རིག་གཞན་གྱི་ཤུགས་གནོན་ཐེབས་པ་ཡིན་ན་རང་དབང་བརླག་འགྲོ་བ་རེད། དེར་བརྟེན། རྙིང་བ་མ་བརླག་པའི་ཐོག་ནས་གསར་བ་ཡར་རྒྱས་སུ་བཏང་སྟེ་རྩིག་པ་བཞིན་བརྩིག་ན་ཡག་པོ་རེད། རྙིང་པ་གཏོར་གྱིན་གཏོར་གྱིན་གསར་བ་བརྩིག་ན་རྩིག་པ་དེ་ལ་ནམ་ཡང་མཐོ་རུ་འགྲོ་རྒྱུ་ཡོད་པ་མ་རེད། ཅེས་གསུངས།
དེང་སྐབས་མཁྱེན་ལྡན་པ་མང་པོས་ཆེ་འདོད་ཀྱི་ཁྲི་སྟེང་ནས་དོན་དངོས་ཀྱི་ས་རྗེན་ཐོག་བབ་ནས་བོད་རིགས་བྱིས་པ་ཚོའི་ཆེད་དུ་བྱིས་སྒྲུང་འབྲི་རྒྱུའི་གལ་ཆེའི་རང་བཞིན་གླེང་བ་དེ་དག་ནི་དགའ་ཚོར་སྐྱེ་འོས་པ་ཞིག་རེད།
འོན་ཀྱང་རང་ཉིད་ནས་འགོ་མ་བརྩམ་པར་ཤེས་ལྷན་སོགས་ལ་རེ་བསྡད་ན་ཡོང་རྒྱུ་གང་ཡང་མི་འདུག གང་ཡིན་ཞེ་ན་བདག་གིས་བྱིས་སྒྲུང་བྲིས་ནས་ཤེས་ལྷན་ལ་བཅར་བ་ཡིན།
“བསྔགས་བརྗོད་ཡོད། ཡག་པོ་རེད།” ཟེར་བའི་ཁ་ཡག་ཙམ་ལས་”གལ་ཏེ་ཁྱེད་ཀྱིས་སློབ་དེབ་དང་འབྲེལ་བའམ་ཡང་ན་བྱིས་སྒྲུང་སོགས་སློབ་ཕྲུག་དང་འབྲེལ་བ་ཡོད་པའི་དེབ་ཅིག་བྲིས་ཚེ་ཤེས་ལྷན་ནས་པར་སྐྲུན་དང་དེབ་རིན་སོགས་ལ་དཀའ་ངལ་གང་ཡང་མེད།”པ་དེ་འདྲ་མ་རེད། གཙོ་བོ་རང་ངོས་ཐབས་ཤེས་མ་བྱས་ཚེ་གནམ་ཆུ་འབབ་རྒྱུ་མི་འདུག ཚོད་ལྟ་ཐེངས་ཤིག་གནང་ན་མཁྱེན་ངེས་རེད།
མཁས་དབང་ནི་མཁས་དབང་རང་རེད། དངོས་གནས་ཕན་ཐོག་ངེས་ཀྱི་བཀའ་སློབ་ཞིག་གནང་འདུག དེང་སང་ཨ་གསར་ཚ་བའི་གསར་ཚར་རྣམས་ཀྱི་ནང་དུ། གཞན་གྱི་རྩོམ་གཤིས་ཀྱིས་ཤན་ཞུགས་ཞིང་། བོད་ཀྱི་སྐད་ཡིག་རང་ལ་བྱང་ཆུབ་པའི་མཁས་དབང་རྣམས་ཀྱིས་གོ་ཐུབ་ཀྱི་མི་འདུག་ཡང་ཡང་ནས་གསུངས་ཞིང་སྐད་ཤོར་བའི་རྡོ་ཆགས་ལྷུ་བསྒྲིགས་ཀྱི་རྩོམ་ཞིག་སྤེལ་དང་སྤེལ་བཞིན་པ་དང་། རང་རེའི་རྩོམ་ཆོས་དང་རྩོམ་གཤིས་རྙིང་པ་རྣམས་གཏོར་རླག་བྱེད་པའི་རྒྱ་མའི་ངན་ཇུས་ཀྱི་ཤུགས་རྐྱེན་ཐེབ་པ་ཞིག བོད་ཕྱི་ནང་གཉིས་ལ་མེ་བཞིན་འབར་འདུག་པ་དེ་ལ། ཆུ་ཡག་ཐག་ཆོད་གཅི་བླུགས་འདུག
བོད་ཀྱི་རྩོམ་པ་པོ་མཐུན་ཚོགས་ཟེར་བ་ཐོས་པ་ནི་ཉུང་ཉུང་མིན་ལ། ཚོགས་གཙོ་གཙོས་ཚོགས་མི་རྣམས་ཕྱི་རྒྱལ་ཁག་ལ་ཕྱིན་པར་ཐོས་པ་ཡང་ཉུང་ཉུང་མིན། འོན་ཀྱང་བོད་ཀྱི་རྩོམ་པ་པོ་མཐུན་ཚོགས་ཀྱིས། རྩོམ་པའི་རྩོམ་ཡིག་གོ་ཆོད་ཕན་ཐོག་ངེས་ཞིག་ད་ཕན་ཡོད་ཚུལ་ཡང་ཐོས་རྒྱུ་དཀོན།
ནོར་བཅོས་་་་་་་་་་་་་་་་་་་་་་་་་་་་་་་་་་ཚོགས་མི་མི་སྣ་སྤུས་དག་་་་་་་་་་་་་་་་་་་་་་་་་་་་་་་་་་་་་་་་་་་་་་་
བཙན་བྱོལ་ནང་གི་ཚོགས་པ་ཚང་མའི་ནང་ནས་བྱས་རྗེས་ཆེ་ཤོས་དང་འཆར་གཞི་ཟབ་ཤོས་དང་ཡར་རྒྱས་ཆེ་ཤོས་གཅིག་ནི་དུས་བབ་གསར་ཁང་རེད་འདོད། ཚོགས་པ་འདི་དང་འདིའི་སློབ་སྟོན་པ་སོགས་པ་ཚོགས་མི་སྣ་སྤུས་དག་པོ་ཁ་ཤས་ཡོད་པས་ཡིན་པ་རེད། ཚོགས་པ་འདི་ལ་བརྟེན་བཙན་བྱོལ་སྤྱི་ཚོགས་ནང་བོད་ཀྱི་མདུན་ལམ་རྒྱ་ཆེ་རུ་དང་རེ་བ་ཡོད་པ་ཞིག་བཟོ་གི་འདུག འོན་ཀྱང་དེང་དུས་བབ་ཚང་གི་དག་ཆ་སྐོར་ལ་ཕྲན་བུ་ཉམས་ཆགས་སོང་སྐར་བཤད་མཁན་ཡོད་པ་བདེན་པར་མཐོང་ཡང་། དེ་ནི་མི་རིང་བར་ཡག་པོ་ཡག་ཆགས་ཆོག་ཆོག་མཐོང་གི་འདུག ངོ་ནས་ཚོགས་པ་འདི་དང་སྨོན་ལམ་ཡིག་གཟུགས་བཟོ་འདོན་གནང་བར་གཟི་བརྗིད་ཆེན་པོ་མཐོང་གི་འདུག
“བོད་ཀྱི་རྩོམ་རིག་དེ་འཛམ་གླིང་ནང་གྲངས་ཚད་ཀྱི་ཆ་ནས་མང་ཤོས་དང་སྤུས་ཚད་ཀྱི་ཐད་ནས་ཡག་ཤོས་ཆགས་ཡོད། ”
ཨ་འ་ཧཧཧ་ཧ་ཧ་། ཨ་འ་ཧཧཧཧཧཧ་་་་་་
ད་ཡིན་ན། ཨོའ་ཧོ་ཧོ་ཧོཧོཧོ་་་་་
ཏོག་ཙམ་སྒུག་ཨ། ཨའའའའ་ཧ་ཧ་ཧ་ཧ་་་་
དགོངས་དག རྟུག་དྲི་ཡང་ཤོར་སོང་། ཨུའུ་ ཧུ་ཧུཧ་ཧུ་ཧུ་་་་་
དཔེར་ན་བོད་ཀྱི་དམངས་ཁྲོད་ཀྱི་སྙན་རྒྱུད་གནའ་གཏམ་ཕུན་སུམ་ཚོགས་པོ་རྣམས་རྩོམ་སྒྲིག་ཞིབ་ཚགས་པོ་བྱས་ནས། བྱིས་པའི་བསམ་བློ་དང་མཐུན་པའི་རི་མོ་མཚར་པོ་མང་པོ་མཉམ་དུ་བྲིས་ནས་བོད་པའི་ཕྲུ་གུ་ཚོར་ཕན་པ་མ་ཟད། སྐད་ཡིག་གཞན་ནང་སྤུས་དག་བསྒྱུར་ནས་བོད་ཀྱི་བྱིས་སྒྲུང་ངམ་གནའ་གཏམ་བྱས་བཙོང་བ་ཡིན་ན། དངུལ་རྒྱུན་མ་ཆད་པར་ཡོང་གི་རེད། འོན་ཀྱང་དེ་འདྲ་ལས་ཀ་ཚད་ལྡན་ཞིག་སྒྲུབ་རྒྱུའི་ནུས་ཤུགས་མཐུན་དང་མཐུན་ཚོགས་ཀྱི་མི་སུ་ལའང་མེད་པ་འདྲ།
རྩོམ་པ་པོ་ཞིག་ཡིན་ན་བརྩམས་ཆོས་ལ་བརྟེན་ནས་ཁ་ཡང་སོས། མདུན་ལམ་ཡང་རྙེད་དགོས་པ་མ་རེད་དམ། དེ་མིན་མིང་རྩོམ་པ་པོའི་མཐུན་ཚོགས་བཏགས་ནས། ཁྲིམས་འགལ་དང་མི་ཕྱི་རྒྱལ་ལ་བཏང་ནས་དཔལ་འབྱོར་འཙོལ་བ་ནི་འུ་ཐུག་པ་དང་། མཐུན་ཚོགས་དང་ཚོགས་མི་ཚང་མ་ཚད་ལྡན་མ་ཡིན་པའམ། ཡང་ན་སྟག་ལྤགས་གྱོན་པའི་བོང་བུའི་ཁྱུ་ཚོགས་ཤིག་ཡིན་པའི་རྟགས་རེད།
དོན་ངོས་ཐོག་རྩོམ་ཆོས་ཡག་པོ་བརྩམས། སྐད་ཡིག་གཞན་ལ་བསྒྱུར་ཚོང་བ་སོགས་གང་ལྟར་ཚོགས་པ་འདི་རྩོམ་པ་པོ་དང་བརྩམས་ཆོས་ལ་བརྟེན་འཚོ་གནས་དགོས་པ་རེད། འོན་ཀྱང་ཀུན་དོན་སོགས་ཚོགས་པ་ཞིག་གི་མིང་ལ་བརྟེན་ནས་དངུལ་བཟོ་སྟངས་ལ་ལངས་ཤོར་མཁན་གྱི་འགན་འཛིན་མིང་འཛིན་ཁ་ཤས་ཀུན་སློང་དང་དམིགས་ཡུལ་གཙང་མ་མེད་སྟབས། རེ་བ་ཡོད་པ་མ་རེད། ཚོགས་པ་ཚད་ལྡན་དང་བྱས་རྗེས་ཅན་ཞིག་ཡིན་ན་སྦྱིན་བདག་དང་རོགས་པ། རྒྱབ་སྐྱོར་རགས་རྒྱུ་ཁག་པོ་ཡོད་པ་མ་རེད།
བཀའ་ཁྲིས་དངོས་གནས་ལམ་སྟོན་ཁྱད་དུ་འཕགས་པ་ཞིག་གནང་འདུག རྩོམ་ཡིག་དང་རྩོམ་པ་པོ། སྒྲིག་འཛུགས་བཅས་ཕྱོགས་གང་ཐད་ལ་ལམ་སྟོན་གསལ་བོ་ཞིག་གནང་འདུག ཡིན་ཡང་ཁོང་གི་ལམ་སྟོན་ལ་མ་ཉན་པར་དངུལ་འཚོལ་སའི་ལམ་ཁ་ཞིག་ལྐོག་ནས་བཟོས་ཡོད་ཚེ་བཀའ་ཁྲིའི་ལམ་སྟོན་འདི་དག་རྐང་བཙུགས་ནས་གསུབ་པ་འདྲ་བ་རེད།
བཀའ་ཁྲིའི་གཏམ་བཤད་འདི་མཇལ་བས་སེམས་པ་མི་སྐྱིད་པ་བཟོས་སོང༌། ངའི་གྲོགས་པ་རྩོམ་པ་པོའི་ཚོགས་ཆེན་ལ་ཞུགས་ནས་ཕྱིར་སླེབས་དུས་ཀྱི་གསར་འགྱུར་སྙན་ཤོས་ཤིག་ལ། བཀའ་ཁྲིས་གཞུང་གི་ངོས་ནས་རྩོམ་པ་པོའི་མཐུན་ཚོགས་ལ་དཔལ་འབྱོར་གྱི་མཐུན་རྐྱེན་སྦྱོར་གྱི་ཡིན་གསུངས་པ་དེ་རེད། དེ་ནི་ངའི་གྲོགས་པོས་ང་ལ་བཤད་པ་ལ་ཉན་ནས་དགའ་བ་ཙམ་ཆགས་ཚར་སོང༌། ད་དུང་དགའ་བ་ཉིས་རྩེག་བྱུང་བ་ཞིག་ལ།
བཀའ་ཁྲིའི་གཏམ་བཤད་ཀྱི་ཉིན་རྗེས་མ་དེར། རྩོམ་པ་པོའི་མཐུན་ཚོགས་ཀྱི་ནང་ཁུལ་ཚོགས་འདུའི་སྐབས། རྩོམ་པ་པོ་ཁ་ཤས་ནས་ད་ནས་སྔོན་གྱི་ལམ་ཁ་ལྟར་ཕྱི་རྒྱལ་ལ་གཏོང་མཚམས་འཇོག་དགོས་ཀྱི་འདུག་མ་གཏོགས། ང་ཚོའི་ཚོགས་པའི་མཚན་སྙན་ལ་གནོད་ཀྱི་འདུག་མདོག་མདོག་བཤད་ནས་ཕྱི་རྒྱལ་ལ་གཏོང་བའི་ལམ་ཁ་གཅོད་རྒྱུར་ཤུགས་བརྒྱབ་འདུག་ཀྱང༌། རྩོམ་པ་པོའི་མཐུན་ཚོགས་ཀྱི་ཚོགས་མི་མང་ཆེ་བས། ༼ཚོགས་མི་ཚོ་ཕྱི་རྒྱལ་ལ་གཏོང་གི་ཡིན། ཧིན་སྒོར་འབུམ་གཅིག་གཏའ་མ་ལ་ལེན་གི་ཡིན། གཅིག་ནས་མཐུན་ཚོགས་ལ་དཔལ་འབྱོར་གྱི་ཁེ་ཕན་འདུག གཉིས་ནས་ཚོགས་མི་ཞིག་ཕྱི་རྒྱལ་ལ་ཐར་གི་རེད། ཡིག་ཐོག་ལ་བཞག་ནས་ལམ་ཁ་འདི་གསལ་བཤད་བྱས་ན། རྒྱ་གར་གཞུང་གི་ཁྲིམས་ཐོག་ནས་དཀའ་ངལ་ཡོང་སྲིད་པ་རེད། དེ་ཡིག་ཐོག་རང་ན་མེད་པར་བྱས་ན་འགྲིག་གི་རེད༽ཅེས་པའི་ཕྱོགས་ལ་ལག་པ་བཀྱགས་པ་རེད། སྔོན་གྱི་ལམ་ལུགས་སྲོལ་ལ་རྒྱལ་ཁ་ཐོབ་པ་རེད་ཟེར་ནས་ངའི་གྲོགས་པོས་ལབ་སོང༌། དེ་དུས་ད་ནི་གཞུང་ནས་ཀྱང་མཐུན་རྐྱེན་གནང་རྒྱུའི་ཞལ་བཞེས་གསལ་པོ་གནང༌། རྩོམ་པ་པོའི་ཚོགས་པས་ཀྱང་འདི་ལྟར་དངུལ་ཡོང་ས་ཞིག་བཟོས་པ་ཡིན་ན། ཡར་རྒྱས་ཀྱི་རེ་བ་ཡོད་པ་རེད་དྲན་སོང་ལ། དགའ་ཡང་དགའ་སོང༌།
ཡིན་ནའང༌། དེ་རིང་བཀའ་ཁྲིའི་གསུང་ཚིག་བཀོད་ཐོན་འདིའི་ནང༌། ༼རྩོམ་པ་པོའི་སྒྲིག་འཛུགས་ཀྱི་སྡིངས་ཆ་རང་དོན་བསྒྲུབ་ཆེད་དང༌། ཕྱི་རྒྱལ་དུ་འགྲོ་བའི་མཐུན་རྐྱེན་ལ་བེད་སྤྱོད་བཏང་བ་ཡིན་ན། རྩོམ་ག་ཚོད་ཡག་པོ་འབྲི་ཤེས་ཀྱང་གཞི་རིམ་གྱི་འགྲོ་བ་མིའི་བཟང་སྤྱོད་ཀྱི་གཞི་རྟེན་མེད་སྟབས། དེ་ལ་སྙིང་བོ་གང་ཡང་ལྷག་ཡོད་པ་མ་རེད། གལ་སྲིད་མ་འོངས་པར་སྒྲིག་འཛུགས་ཡག་པོ་དང་སྲ་བརྟན་བྱུང་བ་ཡིན་ན། དཔལ་འབྱོར་མཐུན་རྐྱེན་སྦྱོར་རྒྱུ་གཞུང་གི་ལས་འགན་རེད་སྙམ་ཡོད། ཞེས་གསུངས་བྱུང༌།
༽ཞེས་གསལ་འདུག དེས་སེམས་མི་སྐྱིད་པ་བཟོས་སོང༌།
བཙན་བྱོལ་ནང་དུ་རྩོམ་པ་པོ་ཡིན་ཟེར་མཁན་མང་ནའང་ལག་ལེན་ངོ་མའི་ཐོག་ནས་བལྟས་ན་ཧ་ཅང་ཉུང། བྱིས་སྒྲུང་འབྲི་རྒྱུ་དང་ལྷག་པར་སློབ་གྲྭ་ཁག་གི་སློབ་དེབ་ཀྱི་ཟུར་ལྟ་དེབ་རིགས་འདྲ་མིན་འབྲི་རྒྱུ་ཧ་ཅང་གལ་ཆེ། ང་ཚོའི་མིག་སྔར་གྱི་ལས་དོན་གཙོ་བོ་ནི་རང་ཉིད་ཀྱི་ཚོར་བ་ཁོ་ན་སྙན་ངག་ནང་འབྲི་རྒྱུ་དང་ཕན་ཚུན་ལ་རྩོད་རྒྱག་འབྲི་རྒྱུ་ཙམ་མིན་པར་སློབ་གྲ་ཁག་གི་སློབ་དེབ་ལ་ཞིབ་འཇུག་བྱས་ཏེ་སློབ་དེབ་ཀྱི་ཟུར་ལྟའི་དེབ་རིགས་འདྲ་མིན་འདོན་རྒྱུ་ཧ་ཅང་གལ་ཆེ། གལ་ཏེ་ཁྱེད་ཀྱིས་སློབ་དེབ་དང་འབྲེལ་བའམ་ཡང་ན་བྱིས་སྒྲུང་སོགས་སློབ་ཕྲུག་དང་འབྲེལ་བ་ཡོད་པའི་དེབ་ཅིག་བྲིས་ཚེ་ཤེས་ལྷན་ནས་པར་སྐྲུན་དང་དེབ་རིན་སོགས་ལ་དཀའ་ངལ་གང་ཡང་མེད། ཡིན་ནའང་ད་ལྟ་བར་དེ་འདྲའི་རིགས་ཤེས་ལྷན་ལ་ཕུལ་མྱོང་མི་འདུག མཚམས་རེར་སྙན་ངག་གི་དེབ་འཁྱེར་ཡོང་ནས་ཤེས་ལྷན་ལ་མངག་ཉོ་ཡོང་བར་ཞུ་བ་འཐེན་གྱི་འདུག་ནའང། ཤེས་ལྷན་ནས་བདག་སྤྲོད་བྱེད་ཀྱི་མི་འདུག གང་ཡིན་ཞེ་ན་དེ་དག་སློབ་གྲྭ་ཁག་གི་སློབ་མ་དང་འབྲེལ་བ་དེ་ཙམ་མེད་པས་རེད།
བྱིས་སྒྲུང་འབྲི་རྒྱུ་དེ་ཆེས་གལ་ཆེན་ཞིག་ཆགས་འདུག བྱིས་སྒྲུང་གསར་རྩོམ་བྱེད་མ་ཐུབ་ཀྱང་བོད་ཀྱི་དམངས་ཁྲོད་དུ་ངག་རྒྱུན་གྱི་གནའ་གཏམ་མང་པོ་ཡོད་པ་རྣམས་ཡལ་བཞིན་འདུག་ན། བོད་ཀྱི་བྱིས་སྒྲུང་ངམ་གནའ་གཏམ་མྱུར་སྐྱོབ་བྱེད་རྒྱུ་གལ་ཆེན་མཐོང་སོང་།
བོད་ཡིག་གི་དྲ་རྒྱ་རེ་འགའི་ནང་བོད་ཀྱི་དམངས་གླུ་དང་། གཏམ་དཔེ་དང་དགོད་གཏམ་སོགས་གང་ཐུབ་ཐུབ་འགོད་བཞིན་པ་ཀློག་རྒྱུ་ཡོད་སྟབས་དགའ་བོ་འདུག ཡིད་འཕང་བ་ཞིག་ལ་བོད་ཡིག་གི་དྲ་རྒྱ་ཁག་ནང་བོད་ཀྱི་ཕྲུ་ཚོར་ཐོབ་སྐལ་གང་ཡང་འགོད་ཀྱི་མི་འདུག བྱིས་པ་ཚོ་བོད་ཡིག་ལ་དོ་སྣང་སླབས་ཐབས་ལ་དམིགས་པའི་ཀྱི་དྲ་རྒྱ་གཅིག་ཀྱང་མི་འདུག དེ་ཕྱིར་ཕྲུ་གུ་ཚོས་དབྱིན་ཡིག་སོགས་སྐད་ཡིག་གཞན་པའི་ཐོག་ནས་ game and Story སོགས་ཀློག་རྒྱུ་ལས་ཐབས་མེད་ཆགས་འདུག ་་་་་་་་་་་་་་་་་་
གསར་འགྱུར་འདི་རྙིང་འདུག