ཐེངས་འདིའི་གཟེངས་རྟགས་འདིས་ངོས་རང་ལ་བོད་མིའི་དཀའ་རྙོག་སེལ་ཐབས་ལ་སྐུལ་སློང་འཕར་མ་ཞིག་གནང་སོང་ཞེས་༧གོང་ས་མཆོག་གིས་བཀའ་སློབ་བསྩལ་ཡོད་འདུག
ཕྱི་ཚེས་ ༩ ཉིན་ཨེ་པེ་གསར་ཁང་གིས་གནས་ཚུལ་སྤེལ་བ་ལྟར་ན། ༧གོང་ས་མཆོག་རེས་གཟའ་མིག་དམར་ཉིན་སུ་ལོ་ཝེ་ཀི་ཡའི་ནང་ཆིབས་བསྒྱུར་བསྐྱངས་ཤིང་། ཡུལ་དེའི་སྦར་ཏི་སི་ལའི་གྲོང་ཁྱེར་གྱི་སྤྱི་ཁྱབ་ཀྱིས་ཕེབས་བསུ་ཞུས་ཡོད་པ་མ་ཟད། ཁུལ་དེར་བཞུགས་རྒྱུན་རིང་ཕྱོགས་འགལ་ཚོགས་པའི་གྲོས་ཚོགས་འཐུས་མི་ཁག་ཅིག་གིས་ཀྱང་༧གོང་ས་མཆོག་ལ་མཇལ་འཕྲད་གནང་ཡོད་པ་རེད། ཐེངས་འདིའི་འགྲོ་བ་མིའི་ཐོབ་ཐང་གི་གཟེངས་རྟགས་འབུལ་བཞེས་ཀྱི་ཉིན་དེར། ༧གོང་ས་མཆོག་གིས་དེར་ཡོད་མི་མང་ལ་གསུངས་དོན། ངོས་ནས་གཟེངས་རྟགས་འདི་བོད་རྒྱའི་དཀའ་རྙོག་ཕན་ཚུན་གཉིས་སྨན་གྱི་ལམ་ནས་སེལ་རྒྱུའི་འབད་བརྩོན་བྱེད་པ་དེར་བློ་སྤོབས་གསར་བ་ཞིག་བྱིན་པར་ངོས་འཛིན་བྱེད་ཀྱིན་ཡོད་ལ། མ་འོངས་བོད་ཀྱི་དཀའ་རྙོག་སེལ་བར་ཐད་ཀར་སྐུལ་སློང་འཕར་མ་ཞིག་ཀྱང་གནང་སོང་། ཅེས་བཀའ་བསྩལ་ཡོད་པ་རེད།
ཐེངས་འདིའི་འགྲོ་བ་མིའི་ཐོབ་ཐང་གི་གཟེངས་རྟགས་འདི་༧གོང་ས་མཆོག་ལ་འབུལ་གནང་དོན་གཙོ་བོ་ནི། ༧གོང་ས་མཆོག་གིས་འཚེ་བ་མེད་པའི་ལམ་ནས་འགྲོ་བ་མིའི་ཐོབ་ཐང་དང་། བོད་མིའི་མིང་དོན་མཚུངས་བའི་རང་སྲིད་རང་སྐྱོང་ཡོང་བར་འབད་བརྩོན་གནང་མཁན་གྱི་འཛམ་གླིང་གི་དབུ་ཁྲིད་ཅིག་ཡིན་པའི་ངོས་འཛིན་གྱིས་གཟེངས་རྟགས་འདི་ཁོང་ལ་ཕུལ་གནང་བ་ཞིག་ཡིན་འདུག་ལ། ཐེངས་སྔོན་མར་འགྲོ་བ་མིའི་གཟེངས་རྟགས་ཏེ་དམངས་གཙོ་འཕེལ་རྒྱས་ཀྱི་ཐད་ལ་ཕྱག་ལས་གནང་མཁན་ཧང་གྷ་རིའི་སྲིད་འཛིན་ཟུར་པ་ཨར་པ་ཊ་མཆོག་ལ་ཕུལ་ཡོད་པ་རེད།
དེ་བཞིན། ཉིན་གྲངས་གཉིས་རིང་༧གོང་ས་མཆོག་ནོ་སྦེལ་ཞི་བདེའི་གཟེངས་རྟགས་བཞེས་མཁན་གྱི་མི་སྣ་དང་མཁས་པ། གྲོས་ཚོགས་ཀྱི་སྐུ་ཚབ་བཅས་མཉམ་ཞུགས་གནང་བཞིན་པའི་རྒྱལ་སྤྱིའི་ཚོགས་འདུ་ཞིག་ཏུ་ཆིབས་བསྒྱུར་གནང་སྟེ། གླིང་ཆེན་ཨེ་ཤ་ཡའི་ནང་གི་འཚེ་མེད་ཞི་བ་དང་དམངས་གཙོ། འགྲོ་བ་མིའི་ཐོབ་ཐང་བཅས་ཀྱི་བརྗོད་གཞིའི་ཐོག་བཀའ་སློབ་བསྩལ་ཡོད་པ་དང་། དེ་བཞིན་ཅེག་སྤྱི་མཐུན་རྒྱལ་ཁབ་ཀྱི་སྲིད་འཛིན་ཟུར་པ་སྐུ་ཞབས་ V`aclav Havel དང་མཇལ་འཕྲད་གནང་རྒྱུ་ཡིན་འདུག་ལ། ཁོང་གི་ཐེངས་འདིའི་མཛད་འཕྲིན་ཡོངས་སུ་གྲུབ་རྗེས་ཕྱི་ཚེས་ ༡༢ ཉིན་རྒྱལ་ས་ལྡི་ལིར་ཆིབས་བསྒྱུར་གནང་རྒྱུ་ཡིན་འདུག
རླབས་ཆེན་ཀྱི་དབུ་ཁྲིད་འདི་འདྲ་ཞིག་བྱུང་བ་ནི་ངོ་མ་ཁོང་རང་གི་གཟི་བརྗིད་དང་བསོད་ནམས་རེད། ང་ཚོས་ཁ་ཆེ་ཐག་ཆོད་གདང་ནས་འདུག་དང་དེ་ཡང་་ང་ཚོའིབསོད་ནམས་རང་རེད།
རླབས་ཆེན་གྱི་དབུ་ཁྲིད་འདི་འདྲ་ཞིག་བྱུང་བ་ནི་ངོ་མ་བསོད་ནམས་རེད།
ཁོང་གི་མཛད་འཕྲིན་འདི་ལྟར་མུ་མཐུད་དེ་གོང་ནས་གོང་དུ་འཕེལ་ན་ད་གཟོད་རང་རེའི་
མི་རིགས་འདིའང་རོ་ལངས་ཤིག་རྒྱག་ཐུབ་པའི་རེ་བ་ཡོད།
ཁྱེད་ནི་འགྲོ་བའི་དོན་གྱི་སླད།།
ཅུང་ཟད་ཙམ་མི་ངལ་ཞིང་།།
འགྲོ་བ་རྣམས་ཀྱང་ཁྱེད་ཀྱི་ནི།།
ཡོན་ཏན་བརྗོད་ལ་ངལ་མ་གྱུར།།
རྗེ་ཙོང་པའི་གསུང་།
མི་འཇིག་ཆོས་སྲིད་ཟུང་གི་ཁྲི་སྟེང་གི།།
མི་ཡི་མགོན་པོ་གང་སྐུའི་གཟི་འོད་དེ།།
མི་ཡུལ་མུན་པ་སེལ་བའི་ཉི་མ་རུ།།
འཁྲུལ་ནས་འདབ་ལྡན་དགྱེས་སམ་ལྟ་ལ་བྲེལ།།
འཛམ་གླིང་ཉི་མ་གཅིག་ལས་མེད།
ཉི་མ་གང་དུ་ཤར་ན་དེ་རུ་འོད་སྣང་ཡོད།།
ཉི་མ་གང་དུ་མེད་ན་དེ་རུ་འོད་སྣང་མེད།།
ཉི་མ་གང་དུ་འཚོ་བའི་ཡུལ་གྲུར་བདེ་སྐྱིད་ལྡན།།
ཉི་མ་གང་དུ་མེད་པའི་རི་ལུང་སྡུག་གི་མནར།།
གངས་རིའི་༧འཕགས་མཆོག་མི་ཡི་དབང་།།
ས་སྟེང་སྐྱེ་དགུའི་མགོན་པོ་མཆོག།
མགོ་ནག་མི་དག་འགྲོ་བསྡོད་སོགས།།
ཡོད་པ་འདི་རང་ཉིད་ཀྱིས་དྲིན།།
འདི་ལྟར་༸གོང་ས་མཆོག་ལ་ཆེས་རྒྱུས་མངའ་ལྡན་པའི་སྟོབས་ཆེན་རྒྱལ་ཁབ་ཨ་རི་གཙོས་ནུབ་ཕྱོགས་རྒྱལ་ཁབ་ཁག་དང་ཁོང་གི་སྐུ་ཚེ་རིན་ཐང་སྐོར་ལ་མཁྱེན་རྒྱ་ཡངས་ཤིང་གཟུ་བོར་གནས་པའི་ནུབ་ཕྱོགས་ཀྱི་མཁས་པ་དང་སྤྱི་འབངས་དག་
གིས་ཁོང་ལ་ཕུལ་བའི་ཆེས་བསྟོད་ཀྱི་གཟེང་རྟགས་རེ་རེས་མགོན་པོ་ཉིད་ལ་གཡོ་སྒྱུ་ཁྲམ་གསུམ་གྱི་སྒོ་ནས་མཚན་སྨད་དང་ཁ་བརྡུང་གཏོང་བཞིན་པའི་རྒྱ་དམར་སྲིད་གཞུང་དང་དེའི་རྒྱུ་ཁྱི་དག་གི་སེམས་ལ་ནམ་ཡང་སོས་ཐབས་མེད་པའི་
རྨ་ཁ་རེ་བཟོས་ཡོད་པ་ནི་གདོན་མི་ཟ་ལ་དེ་དང་ཆབས་ཅིག་ཁོང་ལ་དད་གུས་དང་ཡིད་ཆེས་རྩེ་གཅིག་ཏུ་ཡོད་པའི་གངས་ཅན་པ་དང་དྲང་བདེན་ལ་རྒྱབ་སྐྱོར་བྱེད་མཁན་གྱི་འཛམ་གླིང་མི་མང་ཡོངས་ལ་སྤོབས་པ་དང་དགའ་སྤྲོ་ཚད་མེད་ཅིག་སྦྱིན་ཡོད་པ་ནི་བརྗོད་མི་དགོས་པ་ཞིག་རེད། ང་རང་ལ་མཚོན་ནའང་ས་མཐའ་འདིར་འདི་འདྲའི་བཀྲ་ཤིས་པའི་གསར་འགྱུར་རེ་རེར་མཐོང་དུས་རང་ཉིད་བོད་མི་ཡིན་པ་ལ་སྔར་ལས་ལྷག་པའི་སྤོབས་པ་ཞིག་སྐྱེ་གི་འདུག
འོན་ཀྱང་ཡིད་ཕངས་པ་ཞིག་ལ་༸གོང་ས་མཆོག་ལ་ཕུལ་བའི་ཆེས་བསྟོད་ཀྱི་གཟེངས་རྟགས་དག་གི་རིན་ཐང་དང་ད་ལྟའི་བར་༸གོང་ས་མཆོག་ནས་འཛམ་གླིང་ཞི་བདེ་གཟེངས་རྟགས་གཙོས་རྒྱལ་ཁབ་དང་ཚོགས་སྡེ་ཁག་ནས་ཕུལ་བའི་
ཆེས་བསྟོད་གཟེངས་རྟགས་ཅི་ཙམ་བཞེས་ཡོད་མེད་དང་དེ་དག་གི་ལོ་རྒྱུས་ཐུང་ཙམ་བཅས་བོད་རྒྱ་དབྱིན་གསུམ་ཤན་སྦྱར་གྱི་སྒོ་ནས་དྲ་རྒྱ་དང་དེབ་པར་སྐྲུན་གྱིས་འགྲེམས་སྤེལ་བྱེད་མ་ཐུབ་པ་ནི་རྒྱ་ནག་སྲིད་གཞུང་ལ་གོ་སྐབས་ཤིག་སྤྲད་པ་ལྟར་མཐོང་གི་འདུག། ད་ལོ་ནི་དུས་ཆེན་ཁྱད་པར་ཅན་ཞིག་ཏུ་བཙན་བྱོལ་གཞུང་དམངས་ནས་ངོས་འཛིན་ཞུ་གི་ཡོད་པར་བརྟེན་འདི་ལོའི་ཞི་བདེ་གཟེངས་རྟགས་ཀྱི་དུས་ཆེན་དང་བསྟུན་དེ་འདྲའི་དེབ་ཞིག་ཁོང་ལ་དུས་རྟག་ཏུ་ཡིད་ཆེས་དང་དགའ་མོས་བྱེད་མཁན་གྱི་འཛམ་གླིང་མི་མང་རྣམས་ལ་དྲན་རྟེན་དུ་འགྲེམས་སྤེལ་བྱེད་ཐུབ་ཚེ་ཧ་ཅང་གི་དགེ་མཚན་ཆེ་བར་མཐོང༌གི་འདུག་ན།
གཟུ་བོར་གནས་པའི་དྲ་གྲོགས་རྣམས་ལ་འདིའི་ཐད་དགོངས་ཚུལ་ག་འདྲ་ཡོད་དམ།
དགོངས་འདག བཀོལ་སྤྱོད་གཏོང་རྒྱུ་མ་ཡོད་པས་རེད། ཅེས་བཅོས་པར་ཞུ།
༸ཡིད་བཞིན་ནོར་བུའི་རྣམ་དཔྱོད་དང་སྙིང་སྟོབས། བྱམས་བརྩེ་དང་ནུས་པ་སོགས་ཀྱི་ཁྱད་ཡོན་ངོས་འཛིན་དང་ཁྱབ་སྤེལ་གྱི་མཚོན་རྟགས་སུ་གཟེངས་རྟགས་དང་གུས་བསྟོད་ལ་སོགས་པའི་ལས་དོན་རླབས་ཆེན་བརྩམས་དང་རྩོམ་བཞིན་པའི་གནས་སྟངས་འདི་དགའ་དགོས་པའི་དོན་བཟང་ཞིག་རེད་མོད། ད་དུང་རྒྱ་དམར་སྲིད་གཞུང་གིས་བརྩི་འཇོག་དང་བསམ་ཤེས་མི་ཐུབ་པ་འདིས། བོད་མི་རིགས་དང་རྒྱ་གཞུང་གཉིས་ཀ་མུན་ནག་སྟུག་པོའི་དབྱིངས་སུ་བསམ་བཞིན་དུ་བསྐྱལ་བ་ཞིག་མ་རེད་དམ། ཨ་ཁ། ༸རྒྱལ་བ་ཡིད་བཞིན་ནོར་བུའི་དགོངས་དོན་ཟབ་མོ་དང་རླབས་ཆེན་གྱི་ལམ་སྟོན་གལ་ཆེན་དག་བོད་མི་རིགས་ཀྱིས་ངོས་འཛིན་དང་སྲུང་སྐྱོབ་བྱེད་ལས་ལྡོག་སྟེ། ཁོང་རིན་པོ་ཆེའི་ཐུགས་དགོངས་ངོ་མ་དང་ཕྱོགས་སྟོན་མ་ནོར་བ་དེ། མི་རིགས་དང་རྒྱལ་ཁབ་གཞན་དང་གཞན་གྱིས་ེརྒྱུན་འཛིན་དང་ཆེ་མཐོང་བགྱིས་དང་བགྱིད་བཞིན་པའི་གནས་ཚུལ་དག་ལ་སོམས་དང་། ང་ཚོ་བོད་མི་རིགས་སྤྱི་ཡོངས་ཀྱིས་ཁོང་གི་ནུས་པ་དང་ཤེས་རབ། སྙིང་སྟོབས་དང་གསར་རྟོགས་བཅས་ནི། ལྷ་དང་སྒྱུ་འཕྲུལ་གྱི་ངོ་བོར་དང་རྣམ་པར་བསྒྱུར་དང་བསྒྱུར་བཞིན་པ་འདིས་ཅི་ཞིག་མཚོན་གྱི་འདུག་གམ། ཤེས་རྟོགས་ཞན་པས་རྨོངས་དད་ཆེ་དྲགས་པ་ཞིག་རེད་དམ། ཡང་ན་རིག་གཞུང་གང་ཡང་རུང་ཞིག་གིས་དབང་བསྒྱུར་བྱེད་ཆེ་དྲགས་པ་རེད། གཞན་ཡང་དུས་རབས་ཀྱི་འགྱུར་འགྲོས་དང་འཚམ་པའི་གོ་རྟོགས་ཤིག་མ་ཡོད་པས་རེད་དམ། ཡང་ན་རང་དབང་ཆེ་བའི་རྣམ་དཔྱོད་བཀོལ་སྤྱོད་མ་ཡོད་པས་རེད།
གངས་རིའི་རང་མདངས་ལ་སྙིང་སྟོབས་བྱིན་ཞིང་གདེང་སྤོབས་ཀྱི་ཁ་བའི་འདབ་མ་དགུང་ནས་དགུང་ལ་བརྩེགས་མཁས་པའི་གངས་ཅན་གྱི་མགོན་པོར་འཚམས་འདྲི་ཡང་ནས་ཡང་དུ་ཞུ།
ནོར་བཅོས (མི་ཡི་རྣམ་རོལ་ཞིང་།)
ཙོང་ཁའི་ཡུལ་དུ་མི་ཡི་རྣམ་པར་རོལ།།
ནོར་བུ་གླིང་ཀར་འཚར་བུའི་ཨ་མའི་བུ།།
མཐོང་བ་ཉིད་ཀྱིས་འགྲོ་རྣམས་བདེར་འགོད་པ།།
ཞི་བདེའི་དམིགས་བུ་གངས་རིའི་བརྒྱན་དུ་ཤར།།