བོད་ཀྱི་དུས་བབ་སྤྱིའི་འདོན་ཐེངས་ ༡༦༠ པའི་སྟེང་གི་རྩོམ་སྒྲིག་པའི་གཏམ།
བཙན་བྱོལ་བོད་མི་ཚོའི་གནས་བབ་ཀྱི་ངོས་ནས་བཤད་ན། འདས་པའི་ལོ་ ༤༩ རིང་གི་ང་ཚོའི་དམངས་གཙོ་ནི་རི་མགོའི་དམངས་གཙོ་སྟེ། ཡུལ་མེད་པ་དང་ཁ་འཐོར་སྤྱི་ཚོགས་ཤིག་གི་དམངས་གཙོ་རེད། དེར་བརྟེན་ང་ཚོ་ནི་རང་རང་སྡོད་སའི་ཡུལ་ལུང་དེ་དག་གི་དམངས་གཙོའི་སྤྱི་ཚོགས་ནང་ཡོད་རུང་། རང་ཉིད་ཀྱི་དམངས་གཙོའི་སྤྱི་ཚོགས་ཤིག་གི་སྒྲོམ་གཞིའི་ནང་དུ་ད་རུང་གསལ་བོ་ཞིག་འཕྲོད་མེད།
དམངས་གཙོའི་སྒྲོམ་གཞི་དེའི་ནང་ཏག་ཏག་ཅིག་མ་འཕྲོད་པའི་དབང་གིས་འཐུས་ཤོར་གྱི་མགོ་བཙུགས་པ་ཡིན། དཔེར་ན། བཙན་བྱོལ་བོད་མིའི་ཤེས་ཡོན་འཐུས་ཤོར་ནི་ཕྱོགས་གཞན་ནས་བཤད་ན་ང་ཚོའི་དམངས་གཙོའི་འཐུས་ཤོར་ལ་ཐུག་ཡོད། འཛིན་སྐྱོང་དང་ལས་བྱེད་ཀྱི་ཚད་གཞི་འདི་དམངས་གཙོ་ཡང་དག་པ་ཞིག་བརྒྱུད་ནས་སླེབས་མ་ཐུབ་པ་དང་། བརྟག་དཔྱད་དང་སྟངས་འཛིན་གྱི་ཕྱོགས་ནས་མ་འདེང་བས་ཡིན། ད་དུང་བཤད་ན་ལས་ཀྱི་སྣེ་མོར་གཏོགས་པ་དག་གིས་ཐོབ་ཐང་དང་འོས་འགན་གཉིས་ཀྱི་ཁྲོད་ནས་ཐོབ་ཐང་བླངས་ཏེ་འོས་འགན་ལ་དོ་ཁུར་དེ་ཙམ་བྱ་མ་ཐུབ་པའི་ཉེར་ལེན་ཡིན། འདི་ལ་བརྟེན་ནས་ཤེས་ཡོན་གྱི་གནས་ཚད་ཕྱོགས་གང་ཐད་ནས་འཐུས་ཚང་ཞིག་ལ་འཕོ་མ་ཐུབ་པ་དང་། གཞི་རིམ་མང་ཚོགས་ཁྲོད་དུའང་ང་ཚོའི་དམངས་གཙོའི་གོམ་སྟབས་རང་བཞིན་གྱིས་ཇེ་དལ་དང་ཇེ་ལྷོད་ལ་སོང་ཡོད། གནས་སྟངས་འདིའི་རིགས་ཀྱང་ང་ཚོའི་བསྐྱར་ཞིབ་ཀྱི་གཞི་ལ་འཇོག་དགོས་པར་འདོད།
ལོ་རྗེས་མ་ནི་བཙན་བྱོལ་བོད་མིའི་དམངས་གཙོའི་ལོ་ ༥༠ པའི་དུས་དྲན་རེད། དུས་དྲན་འདི་ནི་དམངས་གཙོའི་ཉམས་ལེན་གལ་ཆེ་ཤོས་ཏེ། ༢༠༡༡ ལོའི་བཀའ་ཁྲི་དང་སྤྱི་འཐུས་འོས་འདེམས་ཀྱི་དུས་མཚམས་གལ་ཆེན་ཞིག་ལའང་འཁེལ་ཡོད་སྟབས། བཙན་བྱོལ་བོད་མི་ཚོས་ངེས་པར་དུ་དམངས་གཙོའི་ལྟ་བ་དང་ལག་ལེན་གཉིས་ཀར་མ་འགལ་བའི་སྒོ་ནས་འོས་བསྡུ་ཆེན་མོ་འདིའི་ཆ་ཤས་ལེན་དགོས། ལོ་རྒྱུས་ཀྱིས་ང་ཚོར་ཡང་དང་བསྐྱར་དུ་ར་སྤྲོད་ཀྱིན་པ་ལྟར། ང་ཚོར་ངེས་པར་དུ་དམངས་གཙོའི་རྩ་བ་བརྟན་པོ་ཞིག་ཚུགས་དགོས་སྟབས་འོས་བསྡུ་ཆེན་མོ་འདི་ནི་བོད་མིའི་ལོ་རྒྱུས་ཀྱི་ས་མཚམས་གལ་ཆེན་ཞིག་ལའང་འགྱུར་དགོས།
ལོ་རྗེས་མའི་དམངས་གཙོའི་དུས་དྲན་དང་དེའི་ཕྱི་ལོའི་འོས་བསྡུ་ཆེན་མོའི་ལས་རིམ་གཉིས་ནི་མི་རིགས་འདིའི་མ་འོངས་པའི་འཐབ་རྩོད་དང་མདུན་ལམ་ཐག་གཅོད་པའི་ལས་དོན་གལ་ཆེན་གཉིས་ཡིན་སྟབས་ང་ཚོས་ད་ལྟ་ནས་བསྐྱར་ཞིབ་དང་མནོ་བསམ་མ་ནོར་བ་རེ་གཏོང་དགོས་པར་འདོད།།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
མིའདི་ཅན་པོ་ཡིག་ངག་གི་ལམ་ནས་གོ་བརྡ་སྤྲོད་མི་ཐུབ།
ངས་ཀྱང་གནས་ཚུལ་འདི་སྔར་གོ་མྱོང་འདི་བདེན་པ་ཡིན་ས་རེད།
ད་ཐབས་ལམ་ཡག་ཤོས་ས་གནས་རང་བཙན་ཚོགས་ཆུང་ནང་ལ་འགད་རྫས་ཆུང་ཆུང་ཞིག་བཞག་ནས་གོ་བ་ཨེ་ལོན་གཅིག་ལྟ་ད་དུང་སྔར་བཞིན་འདུག་ན་དེ་ལས་ཅུང་དྲག་གཅིག་བྱས་ཆོག
ཤ་བོ་དུང་རྭ་ཅན་ལ་འགྲོ་ལུགས་བཅོ་བརྒྱད་ཡོད་ན།།
རྔོན་པ་མདའ་གཞུ་ཅན་ལ་སྒུགས་ལུགས་ཉི་ཤུ་ཡོད།།
བལ་ཡུལ་དུ་བོད་མི་དེ་ཚོས་རང་བཙན་ལས་དེབ་བལ་ཡུལ་གྱི་ཡུལ་མི་རྣམས་ལ་འཚོང་རྒྱུ་ལས་བོད་མི་གསར་འབྱོར་བ་ཞིག་ལ་མྱུར་དུ་བཟོ་གི་མ་རེད། བོད་མི་རྣམས་ལ་བཟོས་ན་ཁེ་བཟང་མེད་པས་རེད།
བོད་མི་ཞིག་དང་ལྷག་པར་དུ་བཙན་བྱོལ་སྤྱི་ཚོགས་ཀྱི་སྒྲོམ་གཞིའི་ནང་མང་གཙོའི་ཁེ་དབང་ལོངས་སྤྱོད་བྱ་འདོད་ཡོད་རུང་གུས་པ་ནི་བོད་མིའི་དཔྱ་འཁྲལ་ལག་དེབ་མེད། རྒྱུ་མཚན་གང་ཡིན་ཞེ་ན་ལོ་གཉིས་གོང་ནས་པལ་ཡུལ་རང་བཙན་ཚོགས་ཆུང་དུ་སྣེ་ལེན་ཁང་གི་ངོ་སྤྲོད་ཡིག་ཆ་དང་འདྲ་པར་ཆ་ཚང་བསྐྱལ་ཡང་ད་དུང་བཟོས་མི་འདུག རང་བཙན་ཚོགས་ཆུང་ལ་ཐེང་མང་ཕྱིན་ཀྱང་ལགས་དེབ་རག་གི་མི་འདུག
བང་ཆེན་ཟིན་བྲིས་པ་ཞིག་གིས་འདི་ལྟར་བཤད་འདུག
ཐེ་ཝན་དུ་༧གོང་ས་མཆོག་གི་སྐུའི་ལྟོ་ཕད་བརླགས་པ།
ཉེ་བའི་ཆར་༧གོང་ས་མཆོག་ཐེ་ཝན་དུ་ཆིབས་བསྒྱུར་གནང་སྐབས། སྐུ་འཁོར་རྣམས་ཀྱི་ནང་དུ་སྔོན་མ་རྒྱ་གར་ལྷོ་ཕྱོགས་མོན་གྷོ་གཞིས་གྲོང་གསུམ་པ་ཁང་ཨང་༩ པ་ནས་ཡིན་པ་དང་རྣམ་རྒྱལ་གྲྭ་ཚང་གི་གྲྭ་ལོག་ཡིན་པ། དེང་སྐབས་ཨེ་ཤ་ཡ་རང་དབང་རླུང་འཕྲིན་ཁང་གི་གསར་འགོད་པ་སྐལ་ལྡན་བློ་གྲོས་ཟེར་བས་འཚང་ཀ་བརྒྱབ་ཡོད་འདུག་པ་དང༌། སྐུའི་ཞབས་འབྲངས་པས་མཉམ་སྦྱར་སྐུའི་ལྟོ་ཕད་༼ཞེ་ཚིག་སྦྱར་མ་ཤེས་པར་དྲ་གྲོགས་རྣམས་ལ་དགོངས་སེལ་ཞུ་༽བསྣམས་ནས་ཕེབས་བཞིན་པའི་སྐབས་སྐལ་ལྡན་བློ་གྲོས་ཀྱིས་ཁོས་ཁུར་ཆོག་ཅེས་ཁུར་ནས་སོང་ཡོད་པ་དང༌། རྗེས་སུ་སྐལ་ལྡན་བློ་གྲོས་ཟེར་བས་སྐུའི་ལྟོ་ཕད་རླངས་འཁོར་གྱི་ནང་དུ་གཡུགས་ནས་སོང་ཡོད་པ་རེད། རྗེས་སུ་རྩད་གཅོད་བྱེད་པའི་སྐབས་རླངས་འཁོར་དེ་ཉེན་རྟོག་ལས་ཁུངས་ནས་ཡིན་འདུག་པ་དང༌། རླངས་འཁོར་དེ་ཡང་རླངས་འཁོར་འཇུག་སའི་ནང་དུ་བཅུག་ནས་ཆུ་ཚོད་མང་པོའི་ནང་མ་རྙེད་པའི་གནས་ཚུལ་བྱུང་ཡོད་པ་རེད། གནད་དོན་འདིའི་ཐད་ནས་སྐུ་འཁོར་རྣམས་ལའང་ཁ་རྡུང་གཏོང་འོས་པ་ཞིག་རེད། དངོས་ཡོད་གནས་ཚུལ་གྱི་ཐོག་ནས་བཤད་ན་སྐུའི་ཞབས་འབྲངས་པ་ཞིག་ཡིན་པའི་ཆ་ནས་ལྟོ་ཕད་ཅིག་ཁུར་མི་ཐུབ་པ་ག་རེ་ཡིན་ཐེ་ཚོམ་གྱི་རང་བཞིན་དང༌། སྐལ་ལྡན་བློ་གྲོས་ལ་མཚོན་ན་དུས་རྒྱུན་གསར་འགྱུར་ནང་དུ་མི་མང་པོ་ལ་ཁ་གཏོང་མཁན་ཞིག་ཡིན་པ་མ་ཟད། རྡ་ས་ཡོངས་གླིང་སློབ་གྲྭའི་བདག་པོ་སྤྱི་རྒྱུ་སྒེར་བདག་སྤྱི་འཐུས་ཟླ་བ་ཚེ་རིང་གི་མཛུབ་མོས་གར་བསྟན་ཤར་བྱེད་མཁན་ཞིག་ཡིན་ཚུལ་འདུག འདི་དག་སྐབས་བབས་ཀྱི་གནད་དོན་དང་འབྲེལ་བ་མེད་ཀྱང་ཁོ་རང་གི་རང་བཞིན་ངོ་སྤྲོད་ཙམ་བྱས་པ་ཡིན། དོན་དངོས་སྐལ་མེད་ས་ལ་སྐེ་བསྲིངས་དགོས་དོན་ག་རེ་ཡིན་མིན་དང༌། ལྷག་པར་དུ་གནད་དོན་དེའི་ཐོག་གླེང་ཕྱོགས་སྣ་ཚོགས་ཡོང་བཞིན་པ་དང༌། དེ་བས་ཀྱང་སྐུ་འཁོར་རྣམས་ལ་ཁ་གཏོང་མཁན་མང་པོ་ཡོད་པ་འདི་དག་ཕྱོགས་གང་ནས་བལྟས་ཀྱང་སྐབས་འདིར་གཡོལ་ཐབས་མེད་པའི་ནོར་འཁྲུལ་ཤོར་མཁན་ནི་སྐལ་ལྡན་བློ་གྲོས་ཟེར་བ་དེ་ཡིན་འདུག དྲ་གྲོགས་རྣམ་པས་གནད་དོན་འདིའི་སྐོར་རྩད་གཅོད་དང་བགྲོ་གླེང་གནང་རོགས།
དམངས་གཙོའི་རྒྱལ་ཁབ་དག་ཏུ་བལྟས་ན་སྲིད་འཛིན་དང་། གྲོས་ཚོགས་ཀྱི་འོས་ཤོག་ལ་ཞུགས་པ་བརྒྱ་ཆ་ ༥༠ ལས་བརྒལ་བ་ཧ་ཅང་ཉུང་ཉུང་ཡིན། དེའི་རྒྱུ་མཚན་ནི་གྲོས་ཚོགས་དང་གཞུང་གིས་མི་དམངས་ཀྱི་འགན་འཁུར་གྱི་མེད་པར་བརྟེན་གཞུང་དང་མི་དམངས་ཀྱི་བར་དུ་སྟོང་ཆ་ཆེན་པོ་ཞིག་ལྷག་པ་རེད། རྡ་སའི་རི་གྲོང་ཆུང་ཆུང་འདིར་མིང་དུ་བོད་གཞུང་ཞིག་ཡོད་པ་འདིས་ཀྱང་ང་འཐུས་པའི་བོད་མི་དམངས་ཀྱི་དགོས་འདུན་སྒྲུབ་ཐུབ་ཀྱི་མེད་པས། ང་རང་འོས་བསྡུའི་ལས་འགུལ་ལ་རྩ་བ་ནས་ཞུགས་འདོད་མེད། སེམས་ཤུགས་ཤིག་གིས་འདིར་ཞུགས་པ་ནི་སྨྱོན་རྟགས་ཁོ་ནའོ།།
དོན་དག་འདི་བོད་མི་རྒྱ་རྩོམ་འབྲི་མཁན་ཚོས་གནའ་སྔ་མོ་ནས་བཤད་ཟིན་པ་ཞིག་ཡིན་པས། ཧང་སངས་དོན་མེད་ལ་ཧ་ལས་དོན་དེ་བས་ཀྱང་མེད། དེ་ལས་བོད་མི་རང་གིས་སྔར་ནས་ཤེས་ཟིན་པ་དག་ལ་བསྐྱར་ཞིབ་བྱེད་རན་མི་འདུག་གམ།
After The Dalai Lama – India
ཁོམ་པ་ཡོད་དུས་འདི་ལ་ཡང་གཅིག་གཟིགས་རོགས་ཞུ།
101 East – The Dalai Lama – 12 March 09 – Part 1
101 East – The Dalai Lama – 12 March 09 – Part 2
དབྱིན་སྐད་མཁྱེན་མཁན་དག་གིས་འདི་ལ་གཟིགས་དེ་བོད་ཡིག་ལ་སྒྱུར་ཐུབ་མཁན་ཡོད་ན་དངོས་ནས་སེམས་གཏིང་ནས་དགའ་བསུ་ཞུ་ལགས།
རྩོམ་ཡིག་འདི་དྲ་ཐོག་སླེབས་པར་རྗེས་ལུས་ཅུང་ཐེབས་སྣང་།
ཡིན་ནའང་བཀའ་ཁྲིའི་འོས་ཤོག་དེར་ངས་དོ་དན་དང་གྲོགས་ཡོང་ལ་གོ་རྟོགས་སྤེལ་གང་ཐུབ་བྱ་བསམ་ཡོད་།
ལགས་སོ་ལགས། སེམས་སུ་འཛིན་བཞིན་ཡོད། ཐུབ་ཚོད་ཅིག