༧གོང་ས་མཆོག་གིས་དྲང་བདེན་གྱི་གནས་ཚུལ་དང་ཤེས་ཡོན། རང་དབང་གི་ཁྲིམས་བཤེར་ནི་དམངས་གཙོའི་ལྡེ་མིག་རེད་ཅེས་གསུངས་འདུག
ཕྱི་ཚེས་ ༡༡ ཉིན་གྱི་ཨེ་ཤ་ཡའི་དམངས་གཙོ་དང་འགྲོ་བ་མིའི་ཐོབ་ཐང་། ཞི་བདེ་ཞེས་པའི་ཚོགས་འདུའི་སྟེང་གཏམ་བཤད་གནང་དོན། དམངས་གཙོའི་ཡང་དག་ཅིག་ཡོང་རྒྱུའི་གཞི་རྩ་གཙོ་བོ་ནི་དྲང་ཚུགས་ལྡན་པའི་གནས་ཚུལ་དང་། ཤེས་ཡོན། རང་དབང་གི་ཁྲིམས་བཤེར་བཅས་རེད། འཁྱོག་བརྗོད་ཀྱི་གནས་ཚུལ་ནི་སྔ་ཕྱི་ཙམ་མ་གཏོགས་མི་དམངས་ཀྱིས་ཤེས་ཡོང་གི་ཡོད་སྟབས་ཀུན་སྤྱོད་ཀྱི་ངོས་ནས་བཤད་ནའང་ནོར་འཁྲུལ་རེད་ཅེས་གསུངས།
༧གོང་ས་མཆོག་གིས་མུ་མཐུད་གསུངས་དོན། དུས་རབས་ཉེར་གཅིག་པའི་འཛམ་གླིང་གི་འཕེལ་ཕྱོགས་ནི་ཞི་བདེ་དང་དམངས་གཙོ། གུ་ཡངས། འབྲེལ་མོལ། འདུམ་འགྲིག་གི་བསམ་བློ་བཅས་རེད། ཉེ་བའི་ཆར་གྱི་འགྱུར་བ་དེ་དག་ནི་དབང་ཤུགས་ཀྱི་འོག་ནས་བྱུང་བ་མ་རེད། ལས་འགུལ་གྲགས་ཅན་དེ་འདྲར་བརྟེན་ནས་བྱུང་བ་རེད། དེར་བརྟེན། མ་འོངས་པར་ང་ཚོའི་རེ་བ་ནི་མི་དམངས་རེད་མ་གཏོགས་སྲིད་གཞུང་མ་རེད། སྲིད་གཞུང་དག་གིས་དབང་ཆ་ཇི་ལྟར་བཀོལ་ནས་སྟངས་འཛིན་བྱེད་པར་ལྟ་གི་རེད་ཅེས་གསུངས་འདུག
ཁོང་གིས་རྒྱ་ནག་གི་ཐོག་ལ་གསུངས་དོན། རྒྱ་ནག་ནང་གི་དམངས་གཙོ་ནི་རྒྱ་ནག་མི་དམངས་ཀྱི་དགོས་འདུན་ལ་བསྟུན་ནས་ཡོང་ཐུབ་པ་ཞིག་རེད་ཅེས་ཀྱང་བཀའ་བསྩལ་འདུག
ཨེ་ཤ་ཡའི་ནང་གི་དམངས་གཙོ་དང་ཞི་བདེ། འགྲོ་བ་མིའི་ཐོབ་ཐང་གི་གདོང་ལེན་ཅེས་པའི་བགྲོ་གླེང་གི་སྐབས་སུ་ཁོང་གིས་གསུངས་དོན། གཅིག་སྡུད་རིང་ལུགས་པའི་དབང་ཤུགས་བཀོལ་སྤྱོད་དེས་མཐའ་མར་ལྡོག་ཕྱོགས་ཀྱི་ནུས་པ་འདོན་ལ། ལྷག་པར་དུ་སོ་སོའི་མི་དམངས་ཀྱི་ནང་དུ་འགལ་ཟླ་བསྐྲུན་གི་རེད། དེ་བས་ཞི་མོལ་ནི་ལམ་ཁ་ཁོ་ན་དེ་ཡིན་ཅེས་གསུངས་ཡོད།
ཁོང་གིས་ཡུ་རོབ་མཐུན་ཚོགས་དཔེར་བཀོད་ནས་གསུངས་དོན། རྒྱལ་ཁབ་རང་རང་གིས་སོ་སོའི་ཁེ་ཕན་བློས་བཏང་སྟེ་ཐུན་མོང་གི་ཁེ་ཕན་སྟེང་འགྲོ་གི་ཡོད་པ་རེད། ཡུ་རོབ་མཐུན་ཚོགས་ལ་བལྟས་ནས་ཨེ་ཤ་ཡའི་མཐུན་ཚོགས་སམ་མངའ་ཁུལ་མཉམ་འབྲེལ་གྱི་རྒྱལ་ཁབ་འཛུགས་འོས་པ་ཞིག་རེད། གཞུང་འབྲེལ་མ་ཡིན་པའི་ཚོགས་པ་དག་གིས་དམངས་གཙོའི་ཡར་རྒྱས་ཐད་དམིགས་བསལ་གྱི་ནུས་པ་འདོན་དགོས་པ་རེད་གསུངས་པ་དང་། གོ་ལ་རང་བཞིན་དང་། རྒྱལ་ཡོངས་རང་བཞིན། སྤྱི་ཚོགས་རང་བཞིན། ཁྱིམ་ཚང་རང་བཞིན། མི་སྒེར་གྱི་ངོས་བཅས་རིམ་པ་མཐའ་དག་ན་གདོང་ལེན་བྱ་རྒྱུ་མང་པོ་ཡོད་པ་རེད། འདི་དག་ཕལ་ཆེ་བ་ནི་མིས་བཟོས་པའི་དཀའ་རྙོག་རེད། འདི་དག་མིས་བཟོས་པ་ཡིན་ཙང་ང་ཚོས་དེ་དག་རྩ་མེད་བཟོ་མི་ཐུབ་ཀྱང་ཉུང་དུ་གཏོང་ཐུབ་དགོས་པ་རེད། དེར་བརྟེན་ང་ཚོས་རེ་བ་བརླག་པ་ལས་རེ་བ་ཆེན་པོ་ཞིག་ཡོད་འོས་པ་རེད་ཅེས་གསུངས་ཡོད་པ་རེད།
མང་ཚོགས་ཀྱིས་འོས་ཚད་ལྡན་ཞིག་འཕེན་་རྒྱུ་དེའང་མང་གཙོའི་ལྡེ་མིག་གམ་སྲོག་རྩ་ཞིག་རེད། གཞན་འདི་ངའི་ཟིན་བྲིས་སུ་འགོད་ཆོག་པར་ཞུ་ཞེས་རྩོམ་སྒྲིག་པ་མཆོག་ལ་ཞུ།
དམངས་གཙོའི་ལྡེ་མིག་ཟེར་ན་ཧ་ཅང་གི་ཚད་མཐོ་བོ་ཞིག་རེད། མི་རྣམས་ཀྱིས་རང་དང་རྒྱལ་ཁབ་གཉིས་ཀྱི་ནང་ནས་རྒྱལ་ཁབ་འདེམས་ཐུབ་པའི་བློ་སྟོབས་དེ་ནི་ལྡེ་མིག་གངོས་གནས་དེ་རེད། ལྡེ་མིག་དེ་རྒྱ་ཆ་བདུན་ཅུ་ལ་ཡོད་ན་ད་གཟོད་སྒོ་ཕྱེ་ཐུབ
བང་ཆེན་ཟིན་བྲིས་པ་ཞིག་གིས་འདི་ལྟར་བཤད་འདུག ཐེ་ཝན་དུ་༧གོང་ས་མཆོག་གི་སྐུའི་ལྟོ་ཕད་བརླགས་པ།
ཉེ་བའི་ཆར་༧གོང་ས་མཆོག་ཐེ་ཝན་དུ་ཆིབས་བསྒྱུར་གནང་སྐབས། སྐུ་འཁོར་རྣམས་ཀྱི་ནང་དུ་སྔོན་མ་རྒྱ་གར་ལྷོ་ཕྱོགས་མོན་གྷོ་གཞིས་གྲོང་གསུམ་པ་ཁང་ཨང་༩ པ་ནས་ཡིན་པ་དང་རྣམ་རྒྱལ་གྲྭ་ཚང་གི་གྲྭ་ལོག་ཡིན་པ། དེང་སྐབས་ཨེ་ཤ་ཡ་རང་དབང་རླུང་འཕྲིན་ཁང་གི་གསར་འགོད་པ་སྐལ་ལྡན་བློ་གྲོས་ཟེར་བས་འཚང་ཀ་བརྒྱབ་ཡོད་འདུག་པ་དང༌། སྐུའི་ཞབས་འབྲངས་པས་མཉམ་སྦྱར་སྐུའི་ལྟོ་ཕད་༼ཞེ་ཚིག་སྦྱར་མ་ཤེས་པར་དྲ་གྲོགས་རྣམས་ལ་དགོངས་སེལ་ཞུ་༽བསྣམས་ནས་ཕེབས་བཞིན་པའི་སྐབས་སྐལ་ལྡན་བློ་གྲོས་ཀྱིས་ཁོས་ཁུར་ཆོག་ཅེས་ཁུར་ནས་སོང་ཡོད་པ་དང༌། རྗེས་སུ་སྐལ་ལྡན་བློ་གྲོས་ཟེར་བས་སྐུའི་ལྟོ་ཕད་རླངས་འཁོར་གྱི་ནང་དུ་གཡུགས་ནས་སོང་ཡོད་པ་རེད། རྗེས་སུ་རྩད་གཅོད་བྱེད་པའི་སྐབས་རླངས་འཁོར་དེ་ཉེན་རྟོག་ལས་ཁུངས་ནས་ཡིན་འདུག་པ་དང༌། རླངས་འཁོར་དེ་ཡང་རླངས་འཁོར་འཇུག་སའི་ནང་དུ་བཅུག་ནས་ཆུ་ཚོད་མང་པོའི་ནང་མ་རྙེད་པའི་གནས་ཚུལ་བྱུང་ཡོད་པ་རེད། གནད་དོན་འདིའི་ཐད་ནས་སྐུ་འཁོར་རྣམས་ལའང་ཁ་རྡུང་གཏོང་འོས་པ་ཞིག་རེད། དངོས་ཡོད་གནས་ཚུལ་གྱི་ཐོག་ནས་བཤད་ན་སྐུའི་ཞབས་འབྲངས་པ་ཞིག་ཡིན་པའི་ཆ་ནས་ལྟོ་ཕད་ཅིག་ཁུར་མི་ཐུབ་པ་ག་རེ་ཡིན་ཐེ་ཚོམ་གྱི་རང་བཞིན་དང༌། སྐལ་ལྡན་བློ་གྲོས་ལ་མཚོན་ན་དུས་རྒྱུན་གསར་འགྱུར་ནང་དུ་མི་མང་པོ་ལ་ཁ་གཏོང་མཁན་ཞིག་ཡིན་པ་མ་ཟད། རྡ་ས་ཡོངས་གླིང་སློབ་གྲྭའི་བདག་པོ་སྤྱི་རྒྱུ་སྒེར་བདག་སྤྱི་འཐུས་ཟླ་བ་ཚེ་རིང་གི་མཛུབ་མོས་གར་བསྟན་ཤར་བྱེད་མཁན་ཞིག་ཡིན་ཚུལ་འདུག འདི་དག་སྐབས་བབས་ཀྱི་གནད་དོན་དང་འབྲེལ་བ་མེད་ཀྱང་ཁོ་རང་གི་རང་བཞིན་ངོ་སྤྲོད་ཙམ་བྱས་པ་ཡིན། དོན་དངོས་སྐལ་མེད་ས་ལ་སྐེ་བསྲིངས་དགོས་དོན་ག་རེ་ཡིན་མིན་དང༌། ལྷག་པར་དུ་གནད་དོན་དེའི་ཐོག་གླེང་ཕྱོགས་སྣ་ཚོགས་ཡོང་བཞིན་པ་དང༌། དེ་བས་ཀྱང་སྐུ་འཁོར་རྣམས་ལ་ཁ་གཏོང་མཁན་མང་པོ་ཡོད་པ་འདི་དག་ཕྱོགས་གང་ནས་བལྟས་ཀྱང་སྐབས་འདིར་གཡོལ་ཐབས་མེད་པའི་ནོར་འཁྲུལ་ཤོར་མཁན་ནི་སྐལ་ལྡན་བློ་གྲོས་ཟེར་བ་དེ་ཡིན་འདུག དྲ་གྲོགས་རྣམ་པས་གནད་དོན་འདིའི་སྐོར་རྩད་གཅོད་དང་བགྲོ་གླེང་གནང་རོགས།
ཧ་ལས་བ་རེད་ཡ་་་་་་་་་་་་་་་་་་་་་་་་་་་་་་་་་་་
གནས་ཚང་གི་དྲི་བ་རང་ལ་དྲིས་ནས་ལན་རང་གིས་བྱས་འདུག་ཀྱང་སྙིང་རྗེ་ལན་དེ་ནོར་འདུག
ཆེད་ལས་དང་རིགས་གཅིག་རྐང་འཛིན།
མང་གཙོ་དང་དམངས་གཙོ། ཧ་ཧ་ཧ་ཧཧ་་་་་་་་་་་་་་་་་་་
མང་གཙོ་ཟེར་བ་དེ་གང་རེད་དམ། དེ་ནི་འགོ་གཙོས་བློ་ཐག་རྦད་བཅད་ཀྱིས་དབང་ཤུགས་གཤམ་དུ་སྤྲོད་པ། མང་ཚོགས་ཀྱིས་སྒྲུབ་བྱེད་ཡོད་པའི་སྨྲ་བརྗོད་ལོངས་སུ་སྤྱོད་པ་དང་དབང་འཛིན་པར་ལྟ་རྟོག་ཡང་དག་བྱེད་པའོ།
གོང་ས་མཆོག་གི་བཀའ་སློབ་འདི་བཞིན་འཇིག་རྙིང་དང་མི་འདྲ་བར་རྦད་དེ་འགྱུར་བ་ཐེབ་ཟིན་པའི་འཇིགས་རྟེན་འདིར་དམག་དང་མཆོན་ཆ་ནི་བེད་སྤྱོད་མེད་པར་གྱུར་
ཟིན་པ་རེད། དེ་ཡང་གོང་དུ་༧ གོང་ས་མཆོག་གིས།
དུས་རབས་ཉེར་གཅིག་པའི་འཛམ་གླིང་གི་འཕེལ་ཕྱོགས་ནི་ཞི་བདེ་
དང་དམངས་གཙོ། གུ་ཡངས། འབྲེལ་མོལ། འདུམ་འགྲིག་གི་བསམ་བློ་བཅས་རེད།
ཅེས་གསུངས་འདུག་པ་བཞིན་ང་ཚོ་བོད་པས་རངགི་རིག་གཞུང་ནང་ཆོས་ཀྱི་ལྟ་གྲུབ་དང་མཐུན་ཞིང་འཛམ་གླིང་གི་མིའི་ཁ་ཕྱོགས་དང་ཡིད་སྨོན་བྱེད་སའི་འཚེ་མེད་ཞི་
བདེའི་ལག་ལེན་ནི་བརྗེད་མི་རུང་བའི་གནད་དོན་ཞིག་ཡིན། ང་ཚོས་ལས་འགུལ་ཆེ་ཕྲ་
ཇི་འདྲ་ཞིག་སྤེལ་ན་ཡང་འཚེ་བ་མེད་པ་ནི་ནམ་ཡང་བརྗེད་མི་རུང་། ང་ཚོ་མཐའ་གཅིག་ཏུ་འཚེ་མེད་ཞི་བའི་ལམ་ཁར་བསྐྱོད་ན་དེ་ཙམ་གྱིས་ཕ་རོལ་པོའི་དམག་དང་མཚོན་ཆ་
ནི་བེད་སྤྱོད་མེད་པར་འགྱུར་ངེས་ཡིན། དེར་བརྟེན་ང་ཚོས་ཕ་རོལ་པོ་ལ་ཁ་གཏད་
གཅོག་དགོས་ན་དམག་དང་མཚོན་ཆ་དེ་བཞིན་འཚེ་བ་བཅས་ལ་བསམ་བློ་བཏང་བའམ་
བེད་སྤྱོད་བྱས་ཚེ་ཁོང་ཚོ་ལ་དགོས་ངེས་ཀྱི་ཆ་རྐྱེན་ཏུ་འགྱུར་རྒྱུ་ཉག་གཅིག་རེད།
འདི་ནི་གཞིས་ལུས་རྒྱ་ཆེའི་མི་མང་གི་གོ་དགོས་པའི་གནད་དོན་ཞིག་ཡིན།
དམངས་གཙོའི་ལྡེ་མིག་གཅིག་རང་རེད། དེ་སུ་ཞིག་གིས་དམངས་གཙོ་ཡི་དགོས་པ་དང་རིན་ཐང་རྟོགས་མིན་དེ་རེད།