བདུད་མུ་ཟི།
ད་ལོ་དྲ་རྒྱ་དང་དུས་དེབ། གསར་ཤོག་དང་བགྲོ་གླེང་། ཟབ་སྦྱོང་སོགས་སུ་མི་མང་གིས་དོ་སྣང་བྱེད་ས་དང་། དྲི་བ་དྲིས་ལན་ནི་ ༢༠༡༡ ལོའི་བཀའ་ཁྲི་སུ་འོས་མིན་དང་། ཁྱད་ཆོས་གང་འདྲ་ཚང་དགོས་མིན་དེ་རེད་ལ། སྤྱི་ཚོགས་ནང་ངར་ཤུགས་ཀྱིས་གླེང་གིན་འདུག དེ་དང་སྟབས་བསྟུན་རྩོམ་པ་པོ་འགའ་རེས་རང་དབང་གི་ཐོབ་ཐང་ལོངས་སུ་སྤྱད་དེ། འབྱུང་འགྱུར་གྱི་བཀའ་ཁྲི་འདི་ལྟ་བུ་དགོས་པ་རེད་ཅེས་གང་ཟག་སྒེར་བ་རེ་མཛུབ་སྟོན་བྱེད་མཁན་དང་། ཡང་མི་ངོས་བཟུང་མེད་པར་ ༢༠༡༡ ལོའི་བཀའ་ཁྲི་ལ་ཆ་རྐྱེན་འདི་ལྟ་བུ་དགོས་ཀྱིན་འདུག་ཅེས་བསམ་འཆར་འདོན་པ་ནི་ཧ་ཅང་གི་ཡར་རྒྱས་དང་། མི་མང་གི་གོ་རྟོགས་ཡག་ཏུ་འགྲོ་བཞིན་པ་ལྟ་བུར་ཚོར་བྱུང་། ད་དུང་ ༢༠༡༡ ལོའི་བཀའ་ཁྲི་ཡང་བསྐྱར་ཟམ་གདོང་རིན་པོ་བཟང་རབས་བཤད་མཁན་དང་། བུད་མེད་ཅིག་དགོས་རབས་གླེང་མཁན་ཡང་ཡོང་གིན་འདུག། གང་ལྟར་ཡང་། ངས་ཀྱང་རང་ཉིད་ཀྱི་འདོད་པ་ལྟར་ ༢༠༡༡ ལོའི་བཀའ་ཁྲི་ཁྱད་ཆོས་གསུམ་ལྡན་ཅན་ཞིག་ངོས་འཛིན་བྱེད་རྒྱུ་ཡིན་ལ། དེ་ལྟ་བུའི་བཀའ་ཁྲི་དེ་ངས་ལམ་སེང་ཡིད་ལ་ཤར་མ་ཐག་ཤར་མར་ཡིག་ཐོག་ཏུ་བྲིས་པ་ཞིག་མིན་པར། རང་ཉིད་ཀྱིས་ཀྱང་ད་ལོ་བགྲོ་གླེང་རེ་འཚོགས་དུས་ཕར་བཅར་ནས་བཅར་འདྲི་དང་བགྲོ་གླེང་བྱས་པ་ཡིན་ལ། མཚམས་ལན་རེར་རང་ཉིད་ཀྱང་མི་གཞན་གྱིས་སྐད་བཏང་ནས་དེའི་སྐོར་ལ་དྲི་བ་དྲིས་ལན་དང་བཅས་ཉམས་མྱོང་མང་བོ་བརྒྱུད་མཐར་ ༢༠༡༡ ལོའི་བཀའ་ཁྲི་འདི་རེད་ཟེར་རྒྱུ་ཞིག་རྙེད་པ་དེ་རེད། ངས་རྙེད་པའི་འབྱུང་འགྱུར་གྱི་བཀའ་ཁྲི་དེ་ནི་སྐུ་སྒེར་དྲུང་ཆེ་རྔ་བ་ཚེ་རྒྱམ་ལགས་རེད། ཁོང་ལ་ཁྱད་ཆོས་གསུམ་ཚང་བ་ནི་དྲན་ཕོད་དང་བཤད་ཕོད་པ། སྒྲུབ་ཕོད་པ་བཅས་རེད། དང་པོ་དྲན་ཕོད་པ་ཞེས་པ་ལ་སྔོན་འགྲོའི་ཆ་རྐྱེན་གལ་ཆེ་ཤོས་ནི་བོད་ཀྱི་ཁྱིམ་མཚེས་རྒྱལ་ཁབ་རྒྱ་དཀར་ནག་གཉིས་ཀྱི་ཆབ་སྲིད་དང་རྩོད་རྙོག་མགོ་ཚོད་དགོས། ཁོང་ལ་མཚོན་ན་བོད་ནང་ནས་སློབ་གྲྭར་སོང་བ་དང་སློབ་དེབ་བཀླགས་པ། ད་དུང་རྒྱ་ནག་གི་ཆབ་སྲིད་སྐོར་གྱི་དཔེ་དེབ་བཀླགས་པ་ཙམ་མིན་པར། དོན་དངོས་སུ་མིག་ལམ་ནས་མཐོང་ཐོས་དང་བཅས་ཧ་གོ་མཁན་ཞིག་རེད།
གཉིས་པ་བཤད་ཕོད་པ་ཞེས་པ་ལ་སྔོན་འགྲོའི་ཆ་རྐྱེན་བཤད་སྤྱད་ལྕེ་དགོས་པ་རེད། ད་ལྟའི་བོད་ཀྱི་ཆབ་སྲིད་ཀྱི་གནས་བབ་དང་འཛམ་གླིང་མི་མང་གི་རྒྱབ་སྐྱོར་སོགས་ལ་བསམ་གཞིགས་ཞིག་བཏང་ན་ངེས་པར་དུ་སྨྲ་བྱེད་ཀྱི་ལྕེ་གསུམ་དགོས་ཀྱིན་འདུག།བོད་ཀྱི་ཆོས་སྲིད་ཀྱི་འགན་འཁྲི་འཁུར་དགོས་པས་བོད་ཀྱི་སྐད་ཡིག་ལ་བྱང་ཆུབ་པ་ཞིག་དང་ནང་བསྟན་ཆོས་ལུགས་ལ་མ་རྨོངས་པ་ཞིག་དགོས་པ་རེད།
དང་པོ།
རྔ་བ་ཚེ་རྒྱམ་ལགས་ཀྱིས་བོད་ཕྱི་ནང་གི་གཞུང་འབྲེལ་ཚགས་ཤོག་དང་དུས་དེབ་སྟེང་ཚད་ལྡན་གྱི་རྩོམ་ཡིག་གང་མང་སྤེལ་ཡོད་པ་དང་། ལྷག་པར་དུ་ནང་བསྟན་ཆོས་ལུགས་ལ་ལོ་མང་རིང་དོན་གཉེར་ཆེན་པོས་འབད་བརྩོན་བྱས་པར་བརྟེན། ད་ལྟ་ཕལ་ཆེར་རང་མགོ་ཐོན་ཡོད་ལབ་ན་མི་འགྲིག་པ་མེད།
གཉིས་པ། རྒྱའི་སྐད་ཡིག་གི་ཐད་ནས་ཀྱང་བྱང་ཆུབ་པ་ཞིག་ཡིན་པ་ཐའེ་ཝན་དོན་གཅོད་སྐུ་ངོ་ཟུར་བ་དང་། ཐའེ་ཝན་གྱིས་ཁོང་ལ་གཟེངས་རྟགས་ཕུལ་བ་དེས་ར་གསལ་བོར་འཕྲོད་ཐུབ་པས་མང་བོ་འབྲི་མི་དགོས་པར་འདོད།
གསུམ་པ། འཛམ་གླིང་སྐད་ཡིག་གི་ཚབ་མཚོན་དབྱིན་སྐད་དབྱིན་ཡིག་ཀྱང་ངོ་གནོང་མི་དགོས་པ་ཞིག་ཡོད།
གསུམ་པ་སྒྲུབ་ཕོད་པ་ཞེས་པ་ལ་སྔོན་འགྲོའི་ཆ་རྐྱེན་ལེགས་ཉེས་དབྱེ་འབྱེད་མི་བྱེད་པར་ཧོལ་རྒྱུགས་བྱེད་པ་ལྟ་བུ་མིན་པར། ད་ལྟའི་འཛམ་གླིང་གི་སྤྱི་ཚོགས་ཀྱི་གནས་སྟངས་ཧ་གོ་བ་དང་ལྷག་པར་དུ་བོད་ཀྱི་རྩ་དོན་དེ་རྒྱ་ནག་དང་འབྲེལ་ཡོད་པས་བོད་རྒྱ་གཉིས་ཀྱི་ཆབ་སྲིད་ཀྱི་སྒྲོམ་གཞི་མགོ་ཚོད་ནས་ལས་དོན་སྒྲུབ་པ། ཁོང་ལ་མཚོན་ན་བོད་ཕྱི་ནང་གཉིས་ཀྱི་མི་མང་དང་སྤྱི་ཚོགས་ཀྱི་གནས་སྟངས་ཡོད་ཚད་དངོས་སུ་རིག་ནས་ཉམས་མྱོང་བསགས་བསྡད་ཡོད་པ་ཞིག་རེད།
འདི་ལྟ་བུའི་ ༢༠༡༡ ལོའི་བཀའ་ཁྲི་ནི་རང་ཉིད་ཀྱིས་བསམ་གཞིགས་གང་མང་བཏང་བ་དང་མི་མང་གིས་རམ་འདེགས་འོག་དྲི་བ་དྲིས་ལན་སོགས་བརྒྱུད་པ་ལ་བརྟེན་ནས་རྙེད་པ་ཡིན། འོན་ཀྱང་ཁྱེད་ཅག་སྤུན་ཟླ་ཚོས་ཀྱང་འདི་ལྟ་བུའི་མི་སྒེར་བ་རེ་ངོ་སྤྲོད་བྱེད་ཐུབ་ན་དགེ་མཚན་ཆེ་བར་མཐོང་ངོ་། །
བདུད་མུ་ཟི་ལགས། ཉིདཀྱིས་བསམ་ཚུལ་ལ་རྒྱབ་སྐྱོར་བརྒྱ་ཆའི་བརྒྱ་ཡོད། དངོས་གནས་བཀའ་ཁྲིའི་འོས་གཞི་ལ་ཁོང་ལས་ལྷག་པ་ཞིག་མེད་སྙམ། གང་ཡིན་ཞེ་ན། དབྱིན་ཇི་ཐར་ཐོར་རེ་ཤེས་པ་ཙམ་གྱི་འགྲིག་གི་མི་འདུག་ བོད་རང་གི་རིག་གཞུང་གི་ཕྱིག་དགོས་པ་དང༌། དེའི་ཐོག་ལ་རྒྱ་ནག་གི་གནས་བབ་ཤེས་མཁན་ཞིག་ངེས་བར་དགོས་པས་རྒྱ་ནག་གི་གནས་བབ་ཤེས་མཁན་ཞིག་ལ་ཁོང་ལས་ལྷག་པ་ཞིག་མེད་སྙམ།
དངོས་གནས་བྱས་ན། ཁང་གསར་རྡོ་རྗེའི་ཤེས་རྟོགས་དང་ཉམས་མྱོང་གིས་ང་ལ་བཞག་པའི་ལེགས་ཕྱོགས་ཀྱི་བག་ཆགས་ཟབ་མོ་ཡིན་མོད། ད་ཐེངས་ཁོང་གི་བཤད་ཕྱོགས་འདིས་ང་ལ་རང་དབང་མེད་པར་སྐྱོ་སྣང་ཞིག་སྟེར་བྱུང་། གང་ལགས་ཞེ་ན། འགན་ལེན་དང་རྣམ་དག་གིས་རྒྱུ་མཚན་དང་བརྟག་དཔྱད་ཀྱིས་ཁོངས་མི་འཚོལ་བར་རྒྱ་ཡན་པའི་སྐད་ཆ་བྱུང་དུ་སྨྲས་པས་རེད།
ཆབ་སྲིད་ཀྱི་གོ་རྟོགས་དམན་པའིཨུ་ཐུགས་ཀྱི་ཁ་ཤེས་མཐོང་དུས་ང་ཐང་ཆད་འགྲོ་གི།རྒྱུ་མཚན་སོ་སོའི་བརྟག་དཔྱད་མ་བཏང་པར་མི་ཞིག་གི་ལབ་ཀྱི་འདུག་ཟེར་ནས་རང་ཉིད་ར་བཟི་ནང་བཞིན་ཡར་ནས་བཤད་པ་ཡར་རྒྱུགས་མར་ནས་བཤད་པ་མར་རྒྱུགས་མཁན་གྱི་རེ་་སོང་ཡོད་ས་རེད།རང་ལུགས་མེད་མཁན་འདི་ཚོ་སྙིང་རྗེ་་་་་་་་་་་།དཔེར་ན་གསང་གཏོར་དང་གེ་མོ་གེ་དེ་ཚོ་་་་་་་།གནས་ལུགས་འཚོལ་ནས་སོ་སོའི་རིག་པའི་དཔྱོད་དང་མི་བཤད་པ་ལ་ཆགས་འཇོག་བྱེད་དགོས་བ་ཡོད་བ་མ་རེད་ལོ་་་་་་་།
ཁང་གསར་རྡོ་རྗེ་ལགས
ཁྱོད་ཀྱིས་རྔ་བ་ཚེ་རྒྱམ་ལགས་ཀྱིས་ཆོལ་ཁའི་ཕྱོགས་ཞེན་གྱི་ལས་ཀ་བྱེད་བཞིན་འདུག་ཟེར་པ་དེ་དངོས་ནས་ཁྱོད་ཀྱིས་འགན་འཁུར་ཐུབ་འམ
ཨ་རོ་གྲོགས་པོ་ཚོ་རྔ་བ་ཚེ་རྒྱམ་ལ་དབྱིན་སྐད་ཀྱི་ཆུ་ཚོད་ཞན་ལབ་ན་འགྲིག་གི འོན་ཀྱང་ཁྱེད་ཅག་མང་བོ་ཞིག་གིས་ཕྱོགས་ཞེན་ཆེ་རབས་གླེང་བ་དེས་ཁྱེད་ཅག་གི་སེམས་པ་དེ་གསལ་བོར་ལྷང་ལ་བུད་འདུག་ལ། གོང་དུ་བདུད་མུ་ཟིས་《 འདི་ལྟ་བུའི་ ༢༠༡༡ ལོའི་བཀའ་ཁྲི་ནི་རང་ཉིད་ཀྱིས་བསམ་གཞིགས་གང་མང་བཏང་བ་དང་མི་མང་གིས་རམ་འདེགས་འོག་དྲི་བ་དྲིས་ལན་སོགས་བརྒྱུད་པ་ལ་བརྟེན་ནས་རྙེད་པ་ཡིན། འོན་ཀྱང་ཁྱེད་ཅག་སྤུན་ཟླ་ཚོས་ཀྱང་འདི་ལྟ་བུའི་མི་སྒེར་བ་རེ་ངོ་སྤྲོད་བྱེད་ཐུབ་ན་དགེ་མཚན་ཆེ་བར་མཐོང་ངོ་། །》ཞེས་པའི་ཚིག་འདི་ཁྱེད་ཅག་གིས་མི་མཐོང་བ་དེས་སུ་ཞིག་ལ་ཕྱོགས་ཞེན་ཆེ་མི་ཆེ་གསལ་བར་བསྟན་འདུག་ན་ངས་གསལ་བཤད་མི་དགོས་པར་མཐོང་ངོ་། རྣམ་དཔྱད་བེད་སྤྱད་གཏོང་ཨེ་ཤེས་གྲོགས་པོ་བཟི་མཁན་ཚོ།
i don’t accept your concept. Every one has right to say anything. But……………………..
སྐད་ཡིག་མང་བོ་ཤེས་ན་ལེགས་མོད་ཀྱང་་ཨ་རིའི་སྲིད་འཛིན་གྱིས་ཀྱང་དབྱིན་སྐད་ཁོ་ན་ལས་ཤེས་རབས་མེད་ཚུལ་འདུག་དེ་བཞིན་རྒྱ་ནག་གི་སྲིད་འཛིན་གྱིས་ཡང་རྒྱའི་སྐད་ཡིག་ལས་མི་ཤེས་བ་སོགས་་སོ་སོའི་ལུང་བའི་སྐད་ཡིག་གཙོར་བཟུང་གི་ཐོག་ནས་ཕྱག་ལས་གནང་བཞིན་པ་མ་རེད་དམ།
ཁྱེད་ཅག་གི་འདོད་པ་ལྟར་ན་ཐེངས་རྗེས་མའི་བཀའ་ཁྲི་དེས་དབྱིན་སྐད་ཕར་ཟད་ཡུ་རོབ་རྒྱལ་ཁག་གི་སྐད་ཡིག་ཀྱང་ཤཻས་དགོས་ཚུལ་རེད། བཀའ་ཟུར་བསོད་ནམ་སྟོབས་རྒྱས་སོགས་དབྱིན་སྐད་མི་ཤེས་མཁན་གང་མང་བྱུང་ཡོད་མོད་་དེ་ཚོས་ཁོངས་འཁྱོལ་ནས་ཚེ་རྒྱམ་གྱིས་ཁུངས་མི་འཁྱོལ་བའི་རྒྱུ་མཚན་གང་ཡིན་ནམ།
རྔ་མ་ཚེ་རྒྱམ་ལ་ཤེས་འཇོན་གཉིས་ལྡན་རེད། ཡིན་ནའང་དབྱེན་ཤེས་ཀྱི་མེད་པ་མ་ཟད། ཕྱོགས་ཞེན་ཆེན་པོ་ཡོད་པའི་སྐད་ཆ་མང་དུ་གོ་རྒྱུ་འདུག རྒྱ་ཡིག་ཤེས་པ་ཙམ་གྱི་ག་རི་ཕན་ཐོག་ཡོད་རེད། རྒྱ་ནག་ལ་ཡོང་འཇུག་གི་མེད། ད་ལྟའི་སྐབས་སུ་རྒྱ་ཡིག་ལས་དབྱེན་ཡིག་གལ་ཆེ་བ་རེད། ལྷག་པར་མིང་དངོས་འདོན་མི་ཕོད་པའི་མི་ཞིག་གི་ཚེ་རྒྱམ་བཀའ་ཁྲིར་ལ་རྒྱབ་སྐྱོར་བྱས་པ་དེས་ཁོང་རང་རྔ་བ་ཚེ་རྒྱམ་ལ་དེ་ཙམ་གྱི་གདེང་འཇོགས་མེད་པ་མཚོན།
གསལ་བཤད་བྱ་དགོས་དུས་མ་གཞི་ནས་ཚར་བ་རེད། ཡིན་ཡང་། ༧གོང་ས་མཆོག་གི་མདུན་ན་རྒྱ་ཡིག་གི་ལམ་ནས་འབྲེལ་བ་གནང་ཐུབ་མཁན་ཞིག་དགོས་པ་དངོས་ཡོད་རེད། མ་རེད་དམ།
ཡོན་ཏན་ཅན་དང་འཇོན་ཐང་ཅན་གྱི་རྒྱུད་ལ་ལུང་ཚན་གྱི་ཞེན་ཁོག་ཆེན་པོ་ཞིག་ཡོད་ན། དེ་ནི་ནམ་ཡང་བཀའ་ཁྲིར་སླེབས་ཐབས་མེད།
ཁང་གསར་གྱིས་ཁ་ཉིན་རྒྱ་རི་རིན་པོ་ཆེ་བཀའ་ཁྲིའི་འོས་ཁོངས་སུ་ཕེབས་མི་ཉན་ཚུལ་གྱི་རྒྱུ་མཚན་བགྲང་བ་བཞིན། ད་ཐེངས་ལུང་རིགས་ཀྱིས་ཚེ་རྒྱམ་འགོག་གི་འདུག་སྙམ་མོ།
རྔ་བ་ཚེ་རྒྱམ་བཀའ་བློན་ཁྲི་པར་འདེམས་རྒྱུར་མོས་མཐུན་མེད།
དང་པོ། ཁོང་གིས་དབྱིན་ཡིག་ཁུངས་འཁྱོལ་བ་ཤེས་ཀྱི་མེད།
གཉིས་པ། འཛིན་སྐྱོང་གི་ཉམས་མྱོང་ཕྲན་བུ་ཙམ་ལས་མེད།
གསུམ་པ། ཆོལ་ཁའི་ཕྱོགས་ཞེན་གྱི་ལས་ཀ་མང་པོ་བྱས་དང་བྱེད་བཞིན་རེད།
བདུད་མུ་ཟི་ལགས། ཁྱེད་རང་གིས་སྐུ་ཞབས་ཚེ་རྒྱམ་ལགས་ངོ་སྤྲོད་སྟོན་པ་ནི་དངོས་གནས་ཡག་པོ་དང་ཤེས་ལྗོན་ལྡན་པ་ཞིག་འདུག ཡིན་ཡང་ཁོང་ནང་བཞིན་ངོ་ཚོའི་སྤྱི་ཚོགས་སྐུ་ཞབས་དེ་འདྲ་བ་མེད་པ་མ་རེད། ཁྱེང་རང་གིས་ཁོང་དམིགས་དཀར་དགོས་པའི་རྒྱུ་མཚན་གང་ཡིན་ནམ། གཉིས་ནས་ཁོང་ད་ལྟའི་ཆར་གཞུང་ཞབས་པ་ཞིག་རེད། དེར་བརྟེན་ཁོང་བཀའ་ཁྲིར་འོས་གཞིར་ཞུགས་ཆོག་གི་ཡོད་དམ་མེད། རྩ་ཁྲིམས་ཐོག་གཟིགས་ཞིབ་བྱུང་ངམ།
བདུད་མུ་ཟི་ལགས། རེ་སྐུལ་ཞིག་བྱེད་རྒྱུ་ཞིག་ལ། ཁྱེད་ཀྱི་བསམ་ཚུལ་དང་མཉམ་དུ་སྐུ་སྒེར་དྲུང་ཆེ་ཚེ་རྒྱམ་ལགས་ཀྱི་ལོ་རྒྱུས་མདོར་བསྡུས་ཤིག་ངོ་སྤྲོད་བྱེད་ཐུབ་ན། ད་གཟོད་རྒྱུས་ལོན་དང་བརྟག་དཔྱད་བྱེད་རྒྱར་ཕན་ཐོགས་འབྱུང་སྲིད་པ་ཞིག་རེད། མི་རང་རང་གི་བསམ་ཕྱོགས་རེ་འཁྱེར་ཡོང་ནས། ཡག་རབས་དང་འཇོན་རབས་རྐྱང་རྐྱང་གིས་བརྒྱ་བཤད་དང་ཁྲོམ་བསྒྲགས་བྱེད་ཀྱིན་འདུག་པ་དེས་ཕན་ནུས་ཆེར་མི་འདུག་པས། བློ་གཟུ་བོའི་སྒང་ནས་འོས་ཆོས་ཚང་མཁན་གང་ན་སུ་བཞུགས་པ་ཚང་མ་དམིགས་བཀར་བྱེད་ཐུབ་པའི་དབང་དུ་བཏང་ན། ང་ཚོས་ཁོང་ཚོའི་ཆ་རྐྱེན་ལ་བསྡུར་ནས་དཔྱད་འདེམས་བྱས་ཆོག་པ་ཞིག་རེད་ལ། རྩེ་གྲས་དང་ཡག་ཤོས་སླེབས་ཐུབ་པར་ཕན་ནུས་མི་ཉུང་བ་ཞིག་ཐོན་ཐུབ་པ་ཞིག་རེད་སྙམ།
ཁ་ཡོད་ལག་ཡོད་མཁོ་བ་རྒྱ་བོད་བར་ལ་མཁྱེན་རྟོགས་དངོས་གནས་ཆེ་མཁན་ཞིག་བཀའ་ཁྲི་ལ་འགྲོ་དགོས་ཤུན་ཏུ་ལས་ཀྱང་གལ་ཆེ།རྔ་བ་ཚེ་རྒྱམ་ངེས་པར་དུ་འགྲོ་དགོས་ས་རེད།བདུད་མུ་ཟིའི་བཤད་པ་གནས་ལུགས་འཚོལ།
གོང་དུ་བདུད་མུ་ཟིས་བཤད་པ་ལྟར་རྔ་བ་ཚེ་རྒྱམ་ལགས་སུ་ཆ་རྐྱེན་དེ་གསུམ་དང་ལྡན་པ་བདེན་པར་མཐོང་། འོན་ཀྱང་ཁོང་ལ་འཛིན་སྐྱོང་གི་ཉམས་ཞན་པོ་མེད་འགྲོ་དྲན་སོང་། ངས་བསམ་པར་བོད་གཞུང་དཔལ་འབྱོར་དྲུང་ཆེ་ཟུར་བ་ཚེ་རིང་བཀྲ་ཤིས་དེང་སྐབས་ཨ་རིར་གནས་བསྡོད་པ་དེ་ལ་རྒྱ་ཡིག་མ་གཏོགས་ཆ་རྐྱེན་ཀུན་ལྡན་དང་སྐྱོན་ཀུན་བྲལ་ལྟ་བུ་ཞིག་ཡོད་པ་རེད་ཟེར་གྱི་འདུག རྩད་གཅོད་ཅིག་གནང་ན་ཡག་པོ་ཡོད་པ་རེད།
ཁྱེད་ཀྱི་བསམ་ཚུལ་ལ་བརྩི་བཀུར་ཡོད། ཡིན་ཡང་། རྔ་པ་ཚེ་རྒྱམ་ལགས་ད་ལྟའི་ཆར་སྐུ་སྒེར་ཡིག་ཚང་ནས་བསྡད་ན་སྐུ་མདུན་གྱི་ཕྱག་ལས་མང་པོ་ཞིག་ལ་ཕན་ཐོགས་གི་རེད། དཔེར་ན། སྐུ་མདུན་གྱིས་རྒྱ་རིགས་མི་དམངས་ལ་འབྲེལ་བ་ཤུགས་ཆེན་པོ་ཞིག་འཛིན་གི་ཡོད་དུས་ཚེ་རྒྱམ་ལྟ་བུ་ཞིག་སྐུ་བཅར་ཁོངས་སུ་མེད་དུས་དཀའ་ལས་ཁག་པོ་ཆགས་གི་རེད། ང་ཚོས་བཀའ་ཁྲིའི་འོས་གཞི་འདོན་དུས་ཕྱོགས་མང་པོ་ཞིག་ལ་བསམ་བློ་ཐོངས་དགོས་པ་རེད།