འདས་ལོའི་བོད་ནང་གི་དོན་རྐྱེན་དང། ཉེ་ཆར་ཞིན་ཅང་ཟིང་འཁྲུག་ལས་འབྲེལ་ཏེ། རྒྱ་ནག་གཞུང་གིས་གྲངས་ཉུང་མི་རིགས་ཀྱི་ཐོབ་ཐང་ལ་སྲུང་སྐྱོབ་བྱེད་མི་ཐུབ་པ་དང། མི་རིགས་དབྱེ་འབྱེད་བྱས་པའི་རྐྱེན་གྱིས། དོན་རྐྱེན་དེ་དག་བྱུང་བར་རྒྱལ་ཚོགས་ཀྱིས་སྐྱོན་བརྗོད་བྱས་ཡོད་པ་དང། རྒྱ་ནག་གི་དཔོན་རིགས་ཚོས་ངེེས་པར་དུ་རྩ་ཁྲིམས་ལ་བརྩི་སྲུང་དང་ལེན་བྱས་ཏེ། འགྲོ་བ་མིའི་ཐོབ་ཐང་ལ་བརྩི་འཇོག་བྱེད་དང། ལྷག་པར་གྲངས་ཉུང་མི་རིགས་ཀྱི་དོན་རྐྱེན་དེར་དོན་འབྲས་སྨིན་པའི་རྣམ་པ་ཞིག་འོང་བར་ནན་སྐུལ་བྱས་ཡོད་པ་རེད།
ཟླ་འདིའི་ཚེས་ ༡༥ ཉིན་གནས་ཚུལ་སྤེལ་བ་ལྟར་ན། རེས་གཟའ་མིག་དམར་ཉིན་ཇེ་ནི་ཝར་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་ཚོགས་དུས་ ༡༢ པའི་ཐོག་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཚོགས་པའི་གཙོ་འཛིན་ལྕམ་སྐུ་ནཱ་ཝཱ་ནེ་ཐམ་པི་ལེ་ Navanethem Pillay མཆོག་གིས་འདས་ལོའི་བོད་ནང་གི་དོན་རྐྱེན་དང། ཉེ་ཆར་ཞིན་ཅང་ཟིང་འཁྲུག་ལས་འབྲེལ་ཏེ། རྒྱ་ནག་གཞུང་གིས་གྲངས་ཉུང་མི་རིགས་ཀྱི་ཐོབ་ཐང་ལ་སྲུང་སྐྱོབ་བྱེད་མི་ཐུབ་པ་དང། མི་རིགས་དབྱེ་འབྱེད་བྱས་པའི་རྐྱེན་གྱིས། དོན་རྐྱེན་དེ་དག་བྱུང་བར་རྒྱལ་ཚོགས་ཀྱི་ངོས་ནས་སྐྱོན་བརྗོད་བྱས་ཡོད་པ་དང། རྒྱ་ནག་གི་དཔོན་རིགས་ཚོས་ངེེས་པར་དུ་རྩ་ཁྲིམས་ལ་བརྩི་སྲུང་དང་ལེན་བྱས་ཏེ། འགྲོ་བ་མིའི་ཐོབ་ཐང་ལ་བརྩི་འཇོག་བྱེད་དང། ལྷག་པར་གྲངས་ཉུང་མི་རིགས་ཀྱི་དོན་རྐྱེན་དེར་དོན་འབྲས་སྨིན་པའི་རྣམ་པ་ཞིག་འོང་བར་ནན་སྐུལ་བྱས་ཡོད་པ་རེད།
ཡུ་རོབ་དུ་གནས་སྡོད་རྒྱལ་སྤྱིའི་བོད་དོན་ལས་འགུལ་ཚོགས་པའི་ཚོགས་གཙོ་ཚེ་རིང་བྱམས་པས། ལྕམ་སྐུ་ནཱ་ཝཱ་ནེ་ཐམ་པི་ལེ་ཡིས་བོད་ནང་གི་གནས་སྟངས་ཇི་ཙམ་ལྗིད་པོ་དང། ཛ་དྲག་ཡིན་པར་ཤེས་རྟོགས་ཐུབ་པར་བསྔགས་བརྗོད་ཞུ་རྒྱུ་དང། མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་ཆེད་ལས་པ་ཚོས་ངེས་པར་དུ་འོས་འགན་འཕར་མ་ཞིག་འཁྱེར་ཏེ། གཞིས་སྡོད་བོད་མི་ཚོས་མྱངས་དང་མྱོང་མུས་ཀྱི་དྲག་སྤྱོད་དེ་དག་གཙང་སེལ་གནང་དགོས་པ་རེད་ཅེས་གསུངས་ཡོད་ཅིང། མཉམ་འབྲེལ་རྒྱལ་ཚོགས་ཀྱི་ཧྥ་རན་སིའི་གཞུང་འབྲེལ་མིན་པའི་ཚོགས་པ་ཞིག་གི་མགྲིན་ཚབ་པ་ཇེན་ཧྥ་རན་ཀོ་ཧྥེ་ཊོ་རི་ལགས་ཀྱིས་རྒྱ་ནག་གཞུང་གིས་མི་རིགས་ཀྱི་དབྱེ་འབྱེད་ཀྱི་ལག་བསྟར་འོག བོད་དང་ཡུ་གུར་བས་མྱོང་བཞིན་པའི་དཀའ་ངལ་མཐའ་དག་དངོས་བདེན་ཡིན་ཞིང། ད་ཐེངས་ལྕམ་སྐུས་བཏོན་གནང་པའི་བོད་དང་ཡུ་གུར་བ་གཙོས་པའི་གྲངས་ཉུང་མི་རིགས་ཀྱི་འགྲོ་བ་མིའི་ཐོབ་ཐང་གི་སྙན་ཐོ་དེ། ཧ་ཅང་གི་འདོད་བློ་ཚིམ་པོ་ཞིག་འདུག་ཚུལ་གསུངས་ཡོད་པ་རེད།
ལོ་འདིའི་ཕྱི་ཟླ་ ༧ པའི་ཚེས་ ༢༧ ཉིན་ལྕམ་སྐུས་གསར་འགོད་པ་དང། རྩོམ་པ་པོ་བྷུ་རར་སོ་ལ་ Buhrer Solal གཉིས་པོར་ཡིག་ཐོག་གི་ལམ་ནས་ལན་འདེབས་གནང་དོན། སྤྱིར་བོད་དེ་རྒྱ་ནག་གི་ཆ་ཤས་ཡིན་ཡང། རྒྱ་མིའི་དཔོན་རིགས་ཚོས་བོད་མི་ཚོའི་འགྲོ་བ་མིའི་ཐོབ་ཐང་སྲུང་སྐྱོབ་ལ་ལས་འགུལ་སྤེལ་དགོས་རྒྱུ་ནི་གལ་འགངས་ཆེན་པོ་རེད། རྒྱ་ནག་རང་གི་རྩ་ཁྲིམས་སུ་གྲངས་ཉུང་མི་རིགས་སྲུང་སྐྱོབ་དང། རང་སྲིད་རང་སྐྱོང་གི་ཐོབ་ཐང་ཡོད་ཚུལ་བཤད་ཡོད་ཀྱང། དུས་མཚུངས་སུ་འགྲོ་བ་མིའི་ཐོབ་ཐང་ལ་རྡོག་རོལ་བཏང་སྟེ། ཚབས་ཆེན་གྱི་དྲག་སྤྱོད་སྤེལ་གྱི་ཡོད་ཚུལ་འཁོད་ཡོད་པ་རེད།
རྩོམ་པ་པོ་བྷུ་རར་སོ་ལ་ཡིས་ལྕམ་སྐུའི་བོད་དོན་དང་འབྲེལ་བའི་སྙན་ཐོར་རང་ཉིད་ཀྱི་བསམ་ཚུལ་དང་འབྲེལ་ཏེ་བཤད་དོན། མཉམ་འབྲེལ་རྒྱལ་ཚོགས་ཀྱི་ནང་དུ་བོད་དོན་གྱི་གནས་ཚུལ་གླེང་བརྗོད་བྱ་རྒྱུར་བཀག་འགོག་བྱས་ཡོད་ཚོད་འདུག ཚོགས་མི་མང་པོ་ཞིག་ནི་བོད་དོན་གླེང་སློང་བྱ་རྒྱུར་འཇིགས་སྣང་བྱེད་ཀྱིན་ཡོད་ལ། ད་ཐེངས་ལྕམ་སྐུས་ཀྱང་ཐུགས་གཟབ་ཕྲན་བུའི་ངང་ནས་བོད་དོན་གླེང་ཡོད་ཀྱང། རྩ་བའི་ཆ་ནས་ཡག་པོ་རེད། འདས་པའི་ལོ་གཅིག་གི་རིང་མཉམ་འབྲེལ་རྒྱལ་ཚོགས་ཀྱིས་བོད་ཐོག་ཏུ་སྨན་པའི་ལས་གཞི་གང་ཡང་སྤེལ་ཐུབ་མེད། ད་ཆ་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཚོགས་པའི་གཙོ་འཛིན་ལྕམ་སྐུ་པི་ལེ་དང། ཁོང་གི་ཕྱག་རོགས་འགས་བོད་དང་རྒྱ་ནག་གི་ནང་དུ་འགྲོ་བ་མིའི་ཐོབ་ཐང་ལ་གུས་བརྩི་དང་ལག་བསྟར་གོང་མཐོར་གཏོང་རྒྱུར། དངོས་དོན་གྱི་གནས་ཚུལ་ཉམས་ཞིབ་ཀྱིས་ཞབས་འདེགས་ཞུ་རྒྱུའི་དུས་ལ་སླེབས་པར་བསམ་གྱི་འདུག་ལ། མི་རིགས་གཉིས་ཀྱི་ཞི་བདེ་མཐུན་སྒྲིལ་ཡོང་རྒྱུ་ནི་མཉམ་འབྲེལ་རྒྱལ་ཚོགས་ཀྱི་འོས་འགན་ཡང་རེད་ཅེས་གསུངས་ཡོད་པ་རེད།
ཇེ་ནི་ཝའི་མཉམ་འབྲེལ་རྒྱལ་ཚོགས་ཀྱི་རྒྱ་ནག་སྐུ་ཚབ་དོན་གཅོད་པ་ལི་པའོ་དུང་ Li Baodong གིས་འགྲོ་བ་མིིའི་ཐོབ་ཐང་གི་ལྕམ་སྐུ་པི་ལེ་ཡིས་དངོས་དོན་ལ་ཡིད་འཇོག་མ་བྱས་ཚུལ་སྐྱོན་བརྗོད་བྱས་པ་དང་འབྲེལ། ཁོ་བོས་བཤད་དོན། མཉམ་འབྲེལ་རྒྱལ་ཚོགས་ཀྱིས་ལྷན་ཚོགས་ཀྱིས་གཏན་འབེབས་མཛད་པའི་ལྟ་བ་ཕྱོགས་རིས་མེད་པ་དང། ཕྱོགས་སུ་མི་ལྷུང་བའི་རྩ་དོན་ཁག་ལ་འགན་འཁུར་དང་ལེན་དགོས་པ་དང་། ལར་ནས་བོད་དང་ཞིན་ཅང་གི་གྱོད་གཞི་དེ་དག་ཁ་བྲལ་བས་ངན་སྐུལ་བྱས་ཏེ། དྲག་སྤྱོད་ཀྱི་ལས་འགུལ་འདྲ་མིན་སྤེལ་བ་ལས། རྒྱ་ནག་གཞུང་ཕྱོགས་ཀྱི་གྲངས་ཉུང་མི་རིགས་ཀྱི་སྲིད་བྱུས་མི་འགྲིག་པ་ལས་བྱུང་བ་ཞིག་གཏན་ནས་མིན་ཚུལ་བཤད་ཡོད་པ་རེད།
གང་ལྟར་ཡང། མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་ཚོགས་མི་དྷར་ལེན་ཊའི་སྐུ་ཞབས་བྷོ་ཌི་ཝིན་གྱིས་ལྕམ་སྐུ་པི་ལེའི་སྙིང་སྟོབས་ལ་བསྔགས་བརྗོད་གནང་ཡོད་པ་དང། མཉམ་འབྲེལ་རྒྱལ་ཚོགས་ཀྱི་མི་རིགས་དབྱེ་འབྱེད་རྩ་མེད་ཚོགས་ཆུང་ནས་རྒྱ་ནག་གཞུང་ལ། བོད་དང་ཞིན་ཅང་གཉིས་ཀྱི་ཞི་རྒོལ་གྱི་རྒྱུ་རྐྱེན་གཙོ་བོ་གང་ཡིན་རྟོགས་ཞིབ་བྱེད་དགོས་པའི་ནན་སྐུལ་བྱས་པའི་ཉིན་གྱི་བདུན་ཕྲག་གསུམ་གྱི་རྗེས་སུ་ལྕམ་སྐུ་པི་ལེའི་སྙན་ཐོ་དེ་བཏོན་ཡོད་པ་རེད།
མཐའ་མའི་གསུང་བཤད་ཀྱི་ནང་དུ་ཁོ་མོས་འགྲོ་བ་མིའི་ཐོབ་ཐང་གི་ཚོགས་པ་ཁག་ལ། ད་ཡོད་འགྲོ་བ་མིའི་ཐོབ་ཐང་མེད་པའི་མི་རིགས་ཁག་ལ་བདེན་ཁ་སྤྲད་དེ། ཁོང་ཚོ་བློ་ཕམ་དུ་མི་འཇུག་རྒྱུར་ནན་སྐུལ་བྱས་ཡོད་པ་དང། འགྲོ་བ་མིའི་ཐོབ་ཐང་བཙན་འཕྲོག་ཟིན་པའི་སྐྱེ་བོ་སུ་ཡིན་ཡང་དེ་འབྲེལ་གྱི་ལྷན་ཚོགས་སུ་འབྲེལ་གཏུགས་བྱས་ཏེ། ཁོང་ཚོའི་ལམ་སྟོན་དང་རྒྱབ་སྐྱོར་བླངས་ཐུབ་པ་དགོས་ཚུལ་གསུངས་ཡོད་པ་རེད།
མཉམ་འགྲེལ་རྒྱལ་ཚོགས་ནི་མིང་སྐམ་ཙམ་ཡིན་ལ།་་་་་ཁེ་བཟང་དང་དཔལ་འབྱོར་ལ་རྔམས་པ་ལས་དོན་དངོས་ཀྱི་མི་རིགས་ཀྱི་བདེ་སྡུག་ལ་ནམ་ཡང་སེམས་ཁཱུར་ལེན་གྱི་མེད།་་་དེ་ནི་ད་ལྟའི་བོད་མིར་ཁོར་ནར་བལྟས་ན་དེ་ལས་ཤེ་ནུས།
ད་བར་དུ་མཉམ་འབྲེལ་རྒྱལ་ཚོགས་ཁོ་རང་གི་ནུས་ཤུགས་ལ་བརྟེན་ནས་རྒྱལ་སྤྱིའི་དཀའ་རྙོག་ཅིག་ཐག་བཅད་པ་ཕལ་ཆེར་དཀོན་པོ་རེད།
དཔེ་བཞག་ན། མཉམ་འབྲེལ་རྒྱལ་ཚོགས་ཀྱི་ནུས་པ་ནི། བོད་ཀྱི་གནད་དོན་འདི་བོད་མི་ཚོའི་རེ་བ་བཞིན་སེལ་ཐབས་སུ་མཉམ་འབྲེལ་རྒྱལ་ཚོགས་ལ་ནུས་པ་ཡོད་པ་མ་རེད། ཡིན་ཡང་། བོད་ཀྱི་གནད་དོན་འདི་རྒྱ་ནག་གི་རེ་བ་བཞིན་ཐག་གཅོད་པ་ལ་མཉམ་འབྲེལ་རྒྱལ་ཚོགས་ལ་ནུས་པ་ཡོད་པ་རེད།
འདི་ལྟའི་འགལ་བ་ཆེན་པོ་ཞིག་གི་རྐྱེན་གྱིས་མཉམ་འབྲེལ་རྒྱལ་ཚོགས་ཀྱི་ད་ཡོད་ཀྱི་གྲུབ་ཆ་དང་དབང་ཚད་ལ་འགྱུར་བ་གཏོང་དགོས་པར་གླེང་མཁན་མང་པོ་ཡོད་པ་རེད། འོན་ཀྱང་། རྒྱལ་ཁབ་ཁག་ཅིག་གི་ཁ་སྟབས་ལ་གླགས་མ་བརྙེད་པར་ལྷག་ཡོད་པ་རེད།
མཉམ་འབྲེལ་རྒྱལ་ཚོགས་ལ་ནུས་ཤུགས་འཕར་མ་ཞིག་ཡོད་པ་བདེན་པ་ཡིན་ནམ་གྲོགས་པོ་སུའི་ལན་རྒྱབ་ན་འགྲིག་རེད།ལན་ཞིག་གསུང་རོགས་་་་་་་།
ལོ་མང་པོ་ཞིག་གི་རྗེས་ལ་གཞི་ནས་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་སྡེ་ཚན་གྱིས་བོད་མི་རིགས་ཀྱི་བདེ་སྡུག་ལ་སེམས་ཁུར་དང་རྒྱ་ནག་ལ་རྣམ་འགྱུར་གསལ་བོ་ཞིག་བསྟན་འདུག་སྙམ།
མཉམ་འབྲེལ་རྒྱལ་ཚོགས་མིང་ཙམ་མ་གཏོགས་ཉམ་ཆུང་ཞིག་གི་དངོས་ཡོད་ལ་རྒྱབ་རྩ་བྱ་བའི་ནུས་པ་མེད་པ་མཐོང་སོང་། ད་ཡིན་ན་བཀའ་ཁྲིའི་གསུངས་བ་ནང་བཞིན་རྒྱལ་སྤྱིའི་སྤྱི་ཚོགས་ཀྱི་རྒྱལ་ཁབ་ཁག་ཡིན་ན་མཉམ་འབྲེལ་རྒྱལ་ཚོགས་པོ་ཡིན་ན། རྫ་ཁྲ་རའི་ཕར་ནང་རིག་སོང་འབྲོང་ཡུ་ལི་ཡིན་ཤེས་ཐལ།