ཨེ་ཤ་ཡའི་སྲོལ་རྒྱུན་གསོ་རིག་ཁག་ནས་ཀྱང་བོད་ཀྱི་གསོ་བ་རིག་པ་འདི་ཉིད་ཤིན་ཏུ་གལ་ཆེ་ཡིན་སྐོར་དང་རྒྱལ་སྤྱིའི་ནང་ཐུགས་ཕན་ཆེན་པོ་སོས་བཞིན་ཡོད་སྐོར་གྱི་སོགས་ཀྱི་གསུང་བཤད་གནང་ཡོད་འདུག
སྤྱི་འཐུས་སྨོན་ལམ་མཐར་ཕྱིན་ལགས་ཀྱིས་འདི་གར་བཏང་བའི་གནས་ཚུལ་ལྟར་ན། རྒྱལ་སྤྱིའི་ཨེ་ཤ་ཡའི་སྲོལ་རྒྱུན་གསོ་རིག་འདུ་ཚོགས་ཐེངས་བདུན་པ་དེ་ ༢༠༠༩ ཟླ་ ༩ ཚེས་ ༧ ནས་ཚེས་ ༡༠ བར་འབྲུག་གི་རྒྱལ་ས་ཐིམ་ཕུའི་ཉེ་འགྲམ་སེམས་རྟོག་ཁ་རྫོང༌། འབྲུག་གི་འཛིན་སྐྱོང་མཐོ་སློབ་ཏུ་ཚོགས་ཡོད་འདུག ད་ལན་གྱི་འདུ་ཚོགས་དེའི་ཐོག་འཛམ་གླིང་གི་རྒྱལ་ཁབ་ཁག་མ་འདྲ་བ་སུམ་ཅུ་ཙམ་ནས་སྨན་པ་དང༌། གསོ་བ་རིག་པའི་ཉམས་ཞིབ་པ་སོགས་ཚོགས་ཞུགས་མི་སྣ་ ༢༡༧ མཉམ་བཞུགས་གནང་ཡོད་འདུག་ཅིང༌། འདུ་ཚོགས་ཀྱི་དབུ་འབྱེད་མཛད་སྒོའི་ཐོག་སྐུ་མགྲོན་གཙོ་བོ་འབྲུག་གི་བསྟན་རྒྱས་བློན་པོ་མཁའ་འགྲོ་དབང་ཕྱུག་མཆོག་ནས་གསུང་བཤད་གནང་ཡོད་པ་དང༌། འཕྲོད་བསྟེན་བློན་པོ་མཆོག་ཀྱང་ཕེབས་གནང་ཡོད་འདུག ཚོགས་འདུ་དངོས་གཞིའི་ནང་སྨན་པ་དང་ཆེད་མཁས་མི་སྣ་ཁག་སོ་སོས་ཆེད་རྩོམ་སྒྲོག་སྦྱང་དང༌། ཉམས་མྱོང་སྤེལ་རེས་བཅས་ཞིབ་ཕྲ་བྱུང་ཡོད་པ་མ་ཟད། འདུ་ཚོགས་ཀྱི་མཇུག་བསྡོམས་མཛད་སྒོའི་སྐབས་གོ་སྒྲིག་དྲུང་ཆེ་མཆོག་ནས་ཨེ་ཤ་ཡའི་སྲོལ་རྒྱུན་གསོ་རིག་ཁག་ནས་ཀྱང་བོད་ཀྱི་གསོ་བ་རིག་པ་འདི་ཉིད་ཤིན་ཏུ་གལ་ཆེ་ཡིན་སྐོར་དང་རྒྱལ་སྤྱིའི་ནང་ཐུགས་ཕན་ཆེན་པོ་སོས་བཞིན་ཡོད་སྐོར་གྱི་སོགས་ཀྱི་གསུང་བཤད་གནང་ཡོད་འདུག ད་ལན་གྱི་འདུ་ཚོགས་དེའི་ཐོག་བོད་ནང་ནས་གསོ་རིག་འབུམ་བཞིའི་སྨན་པ་རྒན་པ་དབྲ་ཁྱུང་དགེ་བཤེས་སྐལ་བཟང་ནོར་བུ་མཆོག་དང༌། བོད་ལྗོངས་རྒྱ་གྲམ་དམར་པོའི་བོད་སྨན་མཐུན་ཚོགས་ཀྱི་སྨན་པ་གཅིག ལྷ་ས་དང་གཞིས་རྩེ་སྨན་རྩིས་ཁང་གཉིས་ནས་སྨན་པ་རེ་རེ། བོད་ལྗོངས་ཀྱི་ཆེད་མཁས་མི་སྣ་གཅིག མཚོ་སྔོན་ནས་བོད་རིགས་སྨན་པ་བཞི། ཡུན་ནན་ནས་བོད་རིགས་སྨན་པ་གསུམ་བཅས་ཕེབས་ཡོད་འདུག་པ་དང༌། རྒྱ་གར་དང་བལ་ཡུལ་ནས་བོད་ཀྱི་གསོ་བ་རིག་པའི་ཆེས་མཐོའི་སྨན་པའི་ལྷན་ཚོགས་ཀྱི་ཚོགས་གཙོ་སྨན་པ་རྡོ་རྗེ་རབ་བརྟན་མཆོག་དང་དྲུང་ཆེ་ཐོགས་མེད་དཔལ་འབྱོར་ལགས། བོད་གཞུང་སྨན་རྩིས་ཁང་གི་དབུ་འཛིན་སྨན་རམས་པ་ཟླ་བ་ལགས་དང་སྨན་རམས་པ་པདྨ་རྡོ་རྗེ་ལགས། སྔར་སྲོལ་གསོ་རིག་འབུམ་བཞིའི་སློབ་གྲྭའི་སྨན་དགེ་རག་ཤི་ཚུལ་ཁྲིམས་སངས་རྒྱས་མཆོག་དང་སྨན་པ་ཉི་མ་ལགས། དཔལ་གཤེན་བསྟན་སྨན་རིའི་གླིང་གི་སྨན་པ་དགེ་བཤེས་རིན་ཆེན་བསྟན་འཛིན་མཆོག་དང་གསོ་རིག་དཔྱད་བརྗོད་པ་དགེ་བཤེས་ཆོས་འཁོར་ཚང་ཉི་མ་འོད་ཟེར་མཆོག་བཅས་བོད་ཕྱི་ནང་གཉིས་ནས་བོད་ཀྱི་གསོ་བ་རིག་པའི་རྒྱུན་འཛིན་ཁག་ཚོགས་ཞུགས་གནང་ཐུབ་པ་བྱུང་ཡོད་འདུག་པ་དང༌། ད་དུང་ཧི་མ་ལ་ཡའི་མི་རིགས་དང༌། རྒྱ་རིགས། ཕྱི་རྒྱལ་བ་སོགས་བོད་ཀྱི་གསོ་བ་རིག་པའི་རྒྱུན་འཛིན་པ་མང་པོ་ཞིག་མཉམ་ཞུགས་གནང་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
པར་གང་ཡོད་པ་དེ་དག་སྤུད་ཚད་ངེས་ཅན་བཟོ་དགོས་པ་ཤིན་ཏུ་གལ་ཆེ་།དེ་ཡང་ལྷག་པར་དུ་སྨན་རྕིས་གཉིས་ལྡན་སློབ་འདོད་ཡོད་རིགས་ལ་གོ་སྐབས་གནང་དགོས་ངེས་ཡིན་དེ་འདྲའི་སློབ་བུ་ཤིན་ཏུ་དཀོན་པས་།བོད་གཞུང་ཤེས་རིག་ངོས་ནས་ཡང་འདི་ཐད་ལ་དོ་སྣང་དང་སྤྱད་ཞིབ་ངེས་པར་དུ་གནང་དགོས་གལ་སྟེ་ལྷོད་ཡེངས་སུ་ཕྱིན་ཚེ་ལོ་རབས་ཉེར་གཉིས་ནང་དུ་སྨན་སྩིས་ཀྱི་བསྟན་པ་ཉམས་གུས་སུ་འགྲོ་ངེས་ཡིན་།
བོད་གཞུང་སྨན་སྩིས་ཁང་ནས་ངེས་པར་དུ་ཤུགས་བསྣོན་རྒྱག་དགོས་པ་ནི་སྨན་སློབ་རྩིས་སློབ་ཁ་གྲངས་མང་པོ་བཟོ་བ་གལ་ཆེན་པོ་མིན་།
ཐེངས་འདི་རྒྱ་སྤྱིའི་གསོ་རིག་ཚོགས་ཆེན་ནང་བོད་ཀྱི་གསོ་རིག་བསྐོར་གཙོ་བོ་གླེང་བར་ཤིན་ཏུ་དགའ་པོ་བྱུང་་འོན་ཀྱང་གོང་དུ་སྤྱི་འཐུས་སྨོན་མཐར་གྱིས་ཅུང་ཞེན་ཁོག་གི་སྐད་ཆ་ཤིག་སུངས་འདུག་པས་ཚང་མས་མི་འདི་རིགས་ལ་དོ་སྣང་ངེས་པར་གནང་དགོས་་་་་་་་་་་་་་་་་་འོ་ན་འདྲི་བ་གཅིག་འཕུལ་ན་་་་་་་་་་་་་་ཁྱེད་ཀྱིས་འབུམ་བཞི་ཡང་ཡང་དུ་བསྒྲངས་དགོས་པའི་རྒྱུ་མཚན་ཅི་ལགས་།་
བོད་ཀྱི་གསོ་བ་རིག་པའི་ཚོགས་ཆེན་གྱི་སྐུ་མགྲོན་རྣམས་ཕེབས་པར་དགའ་བསུ་ཞུ།མིང་སྐམ་ཙམ་མ་ཡིན་པར་དོན་དངོས་ལག་ལེན་འཁེལ་བ་ཞིག་ཡོང་བའི་རེ་བ་ཆེ།