ང་རང་གིས་བལྟས་འོང་དུས་ཁོང་ཚོ་མང་ཆེ་བས་བོད་སྨན་གྱི་སྨན་རྩྭ་དང་ནད་ཐོག་རིག་པ། བསྔོ་སྨན་སྡེབ་སྦྱོར་དང་སྲུང་སྐྱོབ། ལོ་རྒྱུས་དང་རིག་པའི་གཞུང་ལུགས་སོགས་ཀྱི་སྐོར་ལ་ཉམས་ཞིབ་བྱས་པའི་སྐོར་སོགས་བཤད་འོང་གི་འདུག་ལ། བགྲོ་གླེང་གི་གནས་སྟངས་དང་བརྗོད་གཞི་ལ་གཞིིགས་ན་བརྒྱ་ཆའི་ ༨༠ དེ་བོད་པའི་སྨན་གྱི་སྒང་ལ་བགྲོ་གླེང་གནང་བསྡད་འདུག་པའི་ཚོར་སྣང་བྱུང་སོང་།
རྒྱལ་སྤྱིའི་ཨེ་ཤ་ཡའི་གསོ་རིག་ཚོགས་པ (IASTAM) པའི་གོ་སྒྲིག་འོག་ཟླ་འདིའི་ཕྱི་ཚེས་ ༧ ནས་ཚེས་ ༡༠ བར་གྱི་ཉིན་བཞིའི་རིང་འབྲུག་ཡུལ་གྱི་རྒྱལ་ས་ཐིམ་ཕུའི་ཉེ་འགྲམ་སེམས་རྟོག་ཁ་རྫོང་དུ། རྒྱལ་སྤྱིའི་ཨེ་ཤ་ཡའི་གསོ་རིག་ཚོགས་འདུ་ཐེངས་བདུན་པ་དེ་སྐོང་འཚོགས་གནང་ཡོད་པ་དང་། ཐེངས་འདིའི་ཚོགས་འདུ་སྟེང་རྒྱལ་ཁབ་ ༣༠ ལྷག་གི་སྨན་པ་དང་གསོ་རིག་ཉམས་ཞིབ་པ་སོགས་གནད་ཡོད་མི་སྣ་ ༢༠༠ ལྷག་མཉམ་ཞུགས་གནང་སྟེ་བགྲོ་གླེང་གོ་བསྡུར་གནང་ཡོད་འདུག་ལ། ཚོགས་འདུའི་མཛད་སྒོ་དང་མཇུག་བསྡོམས་མཛད་སྒོའི་སྟེང་ཨེ་ཤ་ཡའི་གསོ་རིག་ཚོགས་པའི་ཚོགས་གཙོ་གཙོས། འབྲུག་ཡུལ་དཔེ་མཛོད་བཀའ་བློན་དང་འཕྲོད་བསྟེན་དྲུང་ཆེ་སོགས་ཆེད་ཕེབས་ཀྱིས་འབྲུག་ཡུལ་རང་གི་ནང་ཆོས་དང་སྲོལ་རྒྱུན་གྱི་ཡུལ་སྲོལ་གོམས་གཤིས་དང་འབྲེལ་བའི་ཐོག་ཚོགངས་འདུའི་དབུ་འབྱེད་དང་མཇུག་བསྡོམས་གཟབ་རྒྱས་ཤིག་གོ་སྒྲིག་གནང་ཡོད་འདུག
ཕྱི་ཚེས་ ༢༢ ཉིན་འདི་གའི་གསར་འགོད་པས་ཐེངས་འདིའི་རྒྱལ་སྤྱིའི་ཨེ་ཤ་ཡའི་གསོ་རིག་ཚོགས་འདུའི་སྟེང་མཉམ་ཞུགས་གནང་མཁན་བོད་གཞུང་སྨན་རྩིས་ཁང་གི་ངེས་སྟོན་པ་དང་འགན་འཛིན་ཟླ་བ་ལགས་སུ་བཀའ་འདྲི་ཞུས་པར་ཁོང་གིས། ཐེངས་འདིའི་འབྲུག་ཡུལ་དུ་འཚོགས་པའི་རྒྱལ་སྤྱིའི་ཨེ་ཤ་ཡའི་གསོ་རིག་ཚོགས་འདུ་དེ་རྒྱལ་སྤྱིའི་ཨེ་ཤ་ཡའི་གསོ་རིག་ཚོགས་པ་གཙོས་ཚོགས་པ་ཁག་ཅིག་གི་མཐུན་རྐྱེན་རྒྱབ་སྐྱོར་འོག་གོ་སྒྲིག་གནང་བ་ཞིག་རེད། ཚོགས་པ་འདིས་ལོ་རེེའི་ནང་ཐེངས་རེར་གོ་སྒྲིག་གནང་བཞིན་ཡོད་སྟབས། འདི་ལོ་ཚོགས་ཐེངས་བདུན་པ་དེ་ཆགས་ཡོད་འདུག་ལ། འབྲུག་ཡུལ་ལ་མཚོན་ན་རྒྱལ་སྤྱི་རང་བཞིན་གྱི་ཚོགས་འདུ་སྐོང་འཚོགས་གནང་བ་ཐེངས་དང་པོ་དེ་ཆགས་ཡོད་ཅེས་བརྗོད་ཀྱིན་འདུག ཐེངས་འདིའི་ཚོགས་འདུའི་ཁྲོད་རྒྱལ་ཁབ་ ༣༠ ནས་ཕེབས་པའི་ཕྱི་གླིང་བ་དང་རྒྱ་ནག བོད་དང་ཧི་མ་ལ་ཡའི་རི་རྒྱུད། སོག་པོ་བཅས་ཚོགས་ཞུགས་མི་སྣ་ ༡༨༠ ལྷག་མཉམ་ཞུགས་གནང་ཡོད་པ་མ་ཟད། འབྲུག་ཡུལ་རང་དུ་ཡོད་པའི་ནང་པ་དང་གསོ་རིག་ཕྱག་ལས་གནང་མཁན་དང་། ཚན་རིག་འབྲེལ་ཡོད་མི་སྣ། སློབ་གྲྭ་བ་སོགས་སྡོམ་པའི་མི་ ༢༠༠ ལྷག་འཛོམས་གནང་སྟེ། བརྗོད་གཞིའི་ལྟེ་བ་རྒྱལ་ཁབ་དང་མི་རིགས་སོ་སོར་ཡོད་པའི་སྲོལ་རྒྱུན་གྱི་སྨན་ལུགས་མི་འདྲ་བའི་རིགས་ཏེ་ཕན་ཚུན་བགྲོ་གླེང་གོ་བསྡུར་བྱས་ཏེ་ཤེས་བྱ་སྤེལ་རྒྱུ་དང་། སྲོལ་རྒྱུན་གྱི་སྨན་ལུགས་དེ་རྒྱལ་སྤྱིའི་ཁྲིམས་ཀྱིས་ངོས་ལེན་བྱེད་སྟངས་ལ་དཀའ་ངལ་འཕྲད་བཞིན་པའི་གནད་དོན་སེལ་ཐབས་ཀྱི་སྐོར་ལ་བགྲོ་གླེང་དང་གོ་བསྡུར་གནང་བ་རེད་ལ། དེ་བོད་ལུགས་ཙམ་མ་ཡིན་པར་རྒྱལ་སྤྱིའི་ནང་གི་རྒྱ་ནག་དང་རྒྱ་གར་སོགས་རང་གི་རྒྱལ་ཁབ་ལས་གཞན་པའི་ཡུལ་གྲུ་མང་པོ་ཞིག་ནང་ལག་ལེན་དང་བེད་སྤྱོད་བྱེད་པར་དཀའ་ངལ་འདི་འཕྲད་ཀྱིན་ཡོད་སྟབས། དེ་དག་ཁྲིམས་མཐུན་གྱི་སྒོ་ནས་ལག་ལེན་བྱ་རྒྱུ་དང་རྒྱལ་སྤྱིའི་ཁྲིམས་ཀྱི་ངོས་ལེན་བྱེད་སྟངས་སོགས་ཀྱི་ཐད་ལ་བགྲོ་གླེང་བྱས་པ་རེད། ཅེས་བརྗོད་བྱུང་།
ཡང་ཁོང་གིས། ཐེངས་འདིའི་ཚོགས་འདུའི་བགྲོ་གླེང་གི་རྣམ་པ་དང་བོད་ནང་ནས་ཕེབས་པའི་གསོ་བ་རིག་པའི་གནད་ཡོད་མི་སྣ་དང་མཉམ་དུ་བགྲོ་གླེང་གོ་བསྡུར་གནང་བའི་ཐད་བརྗོད་དོན། ཐེངས་འདིའི་ཚོགས་འདུའི་སྟེང་འཛམ་བུ་གླིང་དང་ཨེ་ཤ་ཡའི་ནང་གི་རྒྱ་ནག་དང་རྒྱ་གར་གྱི་སྨན་ལུགས། བོད་ལུགས་བཅས་ཡོངས་གྲགས་ཀྱིས་ངོས་ལེན་གནང་ཡོད་མཁན་དང་། དེ་མིན་ཉི་ཧོང་དང་ཀོ་རི་ཡའི་སྨན་ལུགས། ཐའེ་ལན་ཌིའི་སྨན་ལུགས། ཁ་ཆེའི་སྨན་ལུགས། བལ་ཡུལ་སྨན་ལུགས་སོགས་སྨན་ལུགས་འདྲ་མིན་གྱི་མི་སྣས་བརྗོད་གཞི་འདྲ་མིན་གྱི་སྟེང་བགྲོ་གླེང་གོ་བསྡུར་གནང་ཡོད་པ་དང་། དེ་ཡང་བོད་སྐད་སྡེ་ཚན་ཚོགས་ཆུང་གཅིག་དང་དབྱིན་ཇིའི་སྡེ་ཚན་གྱི་ཚོགས་ཆུང་གསུམ་སོགས་ཚོགས་ཆུང་བཞི་རུ་བགོས་ཏེ་སོ་སོའི་བརྗོད་གཞིའི་སྒང་བགྲོ་གླེང་གནང་བ་རེད། ཡིན་ནའང་། ང་རང་གིས་བལྟས་འོང་དུས་ཁོང་ཚོ་མང་ཆེ་བས་བོད་སྨན་གྱི་སྨན་རྩྭ་དང་ནད་ཐོག་རིག་པ། བསྔོ་སྨན་སྡེབ་སྦྱོར་དང་སྲུང་སྐྱོབ། ལོ་རྒྱུས་དང་རིག་པའི་གཞུང་ལུགས་སོགས་ཀྱི་སྐོར་ལ་ཉམས་ཞིབ་བྱས་པའི་སྐོར་སོགས་བཤད་འོང་གི་འདུག་ལ། བགྲོ་གླེང་གི་གནས་སྟངས་དང་བརྗོད་གཞི་ལ་གཞིིགས་ན་བརྒྱ་ཆའི་ ༨༠ དེ་བོད་པའི་སྨན་གྱི་སྒང་ལ་བགྲོ་གླེང་གནང་བསྡད་འདུག་པའི་ཚོར་སྣང་བྱུང་སོང་། ཅེས་དང་། དེ་བཞིན། བོད་ནང་གི་ས་ཁུལ་ཁག་བཞི་ནས་འོང་བའི་མི་སྣ་མཚོ་སྔོན་ནས་མི་ ༤ དང་ཡུན་ནན་བདེ་ཆེན་ཁུལ་ནས་མི་ ༣ ། གཞིས་ཀ་རྩེ་ནས་མི་ ༡ ། ལྷ་ས་རྒྱ་གྲམ་དམར་པོའི་སྨན་ཁང་ནས་མི་ ༡ བཅས་བོད་ནང་གི་གསོ་རིག་གནད་ཡོད་མི་སྣ་ཁག་ཅིག་ཕེབས་འདུག ཁོང་ཚོའི་ཁྲོད་ཀྱི་མི་སྣ་མང་ཆེ་བ་བོད་ནང་སྨན་གྱི་ཐོག་ལ་ལག་ལེན་བྱེད་ཀྱིན་པའི་མི་སྣ་རྐྱང་རེད། བགྲོ་གླེང་སྐབས་ཁོང་ཚོས་བོད་ནང་གི་བོད་སྨན་གྱི་སྐོར་ལ་འཕྲད་བཞིན་པའི་དཀའ་ངལ་གྱི་ཐད་ནས་གསུངས་སོང་ལ། ང་ཚོའི་བར་ལའང་མཛད་རིམ་གཞིར་བཞག་ཐོག་བཀའ་མོལ་གནང་རྒྱུའི་གོ་སྐབས་ཡག་པོ་བྱུང་སོང་ལ། དེ་ནི་བོད་སྐད་སྡེ་ཚན་གྱི་ཆུ་ཚོད་ཕྱེད་ཀའི་རིང་གི་གོ་སྐབས་ཁྲོད་ང་ཚོ་ཕན་ཚུན་གྱིས་སྤ་གསང་ཅི་ཡང་མེད་པའི་ཐོག་ནས་བོད་ཕྱི་ནང་གཉིས་ཀྱིས་མ་འོངས་བོད་ཀྱི་གསོ་བ་རིག་པའི་བསྟན་པ་འདི་ཉིད་ཇི་ལྟར་མི་ཉམས་རྒྱུད་འཛིན་དང་འཛིན་སྐྱོང་སྤེལ་གསུམ་བྱ་བའི་ཕྱོགས་ལ་ཕན་ཚུན་གྱི་བསམ་ཚུལ་བརྗེ་རེས་བྱས་པ་ཡིན། ང་རང་ལ་མཚོན་ན་དེ་ནི་ཧ་ཅང་གི་རྩ་ཆེན་པོ་དང་དོན་སྙིང་ལྡན་པ་ཞིག་ཏུ་ངོས་འཛིན་བྱས་ཡོད། གང་ཡིན་ཅེ་ན། ང་ཚོས་ཐེངས་འདིར་གླེང་བ་དེ་ཆབ་སྲིད་དང་འབྲེལ་བའི་གནད་དོན་ཞིག་མིན་པར་མི་རིགས་འདིའི་རིག་གཞུང་ཞིག་གི་སྲུང་སྐྱོབ་ཀྱི་སྐོར་གླེང་ཡོད་པ་དང་། རིག་གཞུང་སྲུང་སྐྱོབ་བྱ་རྒྱུ་དེ་ང་ཚོ་བོད་པ་གཅིག་པུ་མ་ཡིན་པར་འཛམ་གླིང་གི་མི་རིགས་ཡོངས་ཀྱི་གཅེར་ནོར་ཞིག་ཏུ་བརྩི་བཞིན་ཡོད་སྟབས། ང་ཚོའི་གསོ་བ་རིག་པའི་གཞུང་ལུགས་ལ་གཅེས་འཛིན་བྱ་རྒྱུའི་འགན་དེ་དམིགས་བསལ་ང་ཚོ་བོད་ཕྱི་ནང་གཉིས་ཀྱི་བོད་མི་ཡོངས་ལ་ཡོད་བསྡད་པ་ཞིག་དང་། ལྷག་པར་གསོ་བ་རིག་པའི་ཐོག་ལ་ལག་ལེན་བྱེད་ཀྱིན་པའི་སྨན་པ་ཚོར་དམིགས་བསལ་གྱིས་འགན་ཡོད་པ་ཞིག་ཡིན་སྟབས། ང་ཚོས་་དེ་ལྟ་བུའི་ཀུན་སློང་དང་ལྷག་བསམ་ཞིག་གི་སྟེང་གུ་ཡངས་པོའི་ཐོག་བགྲོ་གླེང་གོ་བསྡུར་གནང་ཐུབ་བྱུང་ལ། དམིགས་བསལ་གྱིས་བོད་ནང་སྡོད་མཁན་ཚོས་བོད་རང་གི་སྲོལ་རྒྱུན་གྱི་སྨན་ལུགས་དེ་ཉིད་མི་ཉམས་པ་དང་ངོ་བོ་མ་བརླགས་པའི་ཐོག་ནས་རྒྱ་ལུགས་སྨན་གྱི་ཁྱད་ཆོས་དང་ནུས་པ་གང་ཡོད་པ་དེ་བསྡུ་ལེན་བྱས་ཏེ་ཡར་རྒྱས་གཏོང་རྒྱུ་དང་། ང་ཚོའི་ཕྱོགས་ནས་ཀྱང་རྒྱ་གར་གྱི་སྲོལ་རྒྱུན་སྨན་རིགས་གཙོས་པའི་ཕྱི་གླིང་ཁྱད་ཆོས་ཉམས་ལེན་དང་བསྡུ་ལེན་བྱ་རྒྱུ་སོགས་ཕྱོགས་གཉིས་ནས་བོད་ཀྱི་གསོ་རིག་གཞུང་ལུགས་དེ་ཕན་ཚུན་ཐུན་མོང་གིས་ཚགས་ཚུད་དུ་གཏོང་རྒྱུ་དང་། མ་འོངས་ཕྱོགས་གཉིས་ཀྱིས་ཉམས་ཞིབ་བྱས་ཡོད་པའི་གྲུབ་འབྲས་སོགས་སྤེལ་རེས་བྱ་རྒྱུ་སོགས་ཀྱི་ཐད་ལ་བགྲོ་གླེང་དང་གོ་བསྡུར་ཡག་པོ་བྱུང་སོང་ལ། དེ་བཞིན་མ་འོངས་པར་འདི་ལྟ་བུའི་ཚོགས་འདུའི་གོ་སྐབས་མི་མཐུད་བྱུང་བ་ཡིན་ན་རིག་གཞུང་རང་གི་ཐོག་ནས་བགྲོ་གླེང་གོ་བསྡུར་གནང་རྒྱུའི་སྐོར་ལ་དུས་ཡུན་ཐུང་ངུ་ཞིག་གི་ནང་བགྲོ་གླེང་དང་བསམ་བློ་བརྗེ་རེས་ཡག་པོ་ཞིག་བྱུང་སོང་། ཅེས་བརྗོད་བྱུང།
མཐའ་མར་། ཁོང་ལ་ཐེངས་འདིའི་ཚོགས་འདུའི་སྟེང་བོད་ཀྱི་གསོ་བ་རིག་པའི་སྒང་ལ་གླེང་སློང་ཤུགས་ཆེར་བྱས་པ་མ་ཟད། བོད་ཕྱི་ནང་གཉིས་ཀྱི་མི་སྣ་མང་པོ་ཞིག་ལྷན་འཛོམས་བྱུང་ཡོད་པར་རྒྱ་གཞུང་གིས་བཀག་འགོག་གི་གནས་ཚུལ་བྱུང་ཡོད་མེད་དྲིས་པར། ཁོང་གིས། ཐེངས་འདིའི་ཚོགས་འདུ་དེ་ ༢༠༠༧ ལོ་ནས་བཟུང་གྲ་སྒྲིག་གནང་ཡོད་འདུག་ལ། སྐབས་དེར་རྒྱ་གཞུང་གིས་བཀག་འགོག་གི་བརྡ་ལན་སྤྲད་ཡོད་འདུག ཡིན་ནའང་། ཐེངས་འདིའི་ཚོགས་འདུ་ཚོགས་ཡུལ་དེ་འབྲུག་ཡུལ་བདམས་ཡོད་ཀྱང་འབྲུག་གཞུང་ལ་ཐད་ཀར་འབྲེལ་བ་མེད་སྟབས། འབྲུག་གཞུང་ལ་ཆབ་སྲིད་ཀྱི་བཀག་རྒྱ་ཨེ་ཡོད་བསམ་པ་དྲན་གྱིན་འདུག་ལ། འདི་ཐད་ཀར་རྒྱལ་སྤྱིའི་རང་བཞིན་གྱི་ཚོགས་འདུ་ཞིག་ཆགས་ཡོད་དུས་འདི་ལ་བཀག་རྒྱའི་གནས་ཚུལ་བྱུང་ཡོད་པ་གོ་མ་བྱུང་། ཡིན་ནའང་། རྒྱ་ནག་གཞུང་ཕྱོགས་ནས་ཐེངས་འདིར་བོད་ནས་ཕེབས་འདོད་ཡོད་པའི་མི་སྣ་ཁག་ཅིག་ལ་ཆོག་མཆན་མ་སྤྲད་པ་རེད། ཅེས་པའི་གནས་ཚུལ་ཞིག་གོ་རྒྱུ་འདུག་ཟེར།
རྒྱལ་སྤྱིའི་ཨེ་ཤ་ཡའི་གསོ་རིགས་ཚོགས་འདུ་སྐབས་རྗེས་མ་དེ་ ༢༠༡༠ ལོ་ལྷོ་ཀོ་རི་ཡའི་ནང་འཚོགས་གཏན་འཁེལ་ཡོད་པ་རེད།
སྨན་རྩིས་ཁང་གི་ངེས་སྟོན་ལགས་སུ། ཁྱེད་ཀྱིས་གསུངས་གསལ་དུ།
༼སྲོལ་རྒྱུན་གྱི་སྨན་ལུགས་དེ་རྒྱལ་སྤྱིའི་ཁྲིམས་ཀྱིས་ངོས་ལེན་བྱེད་སྟངས་ལ་དཀའ་ངལ་འཕྲད་བཞིན་པའི་གནད་དོན་སེལ་ཐབས་ཀྱི་སྐོར་ལ་བགྲོ་གླེང་དང་གོ་བསྡུར་གནང་བ་རེད་ལ། དེ་བོད་ལུགས་ཙམ་མ་ཡིན་པར་རྒྱལ་སྤྱིའི་ནང་གི་རྒྱ་ནག་དང་རྒྱ་གར་སོགས་རང་གི་རྒྱལ་ཁབ་ལས་གཞན་པའི་ཡུལ་གྲུ་མང་པོ་ཞིག་ནང་ལག་ལེན་དང་བེད་སྤྱོད་བྱེད་པར་དཀའ་ངལ་འདི་འཕྲད་ཀྱིན་ཡོད་སྟབས། དེ་དག་ཁྲིམས་མཐུན་གྱི་སྒོ་ནས་ལག་ལེན་བྱ་རྒྱུ་དང་རྒྱལ་སྤྱིའི་ཁྲིམས་ཀྱི་ངོས་ལེན་བྱེད་སྟངས་སོགས་ཀྱི་ཐད་ལ་བགྲོ་གླེང་བྱས་པ་རེད།༽ཅེས་གསལ་ན།
མཐའ་དོན་སྤྱི་མོས་ཐག་ཆོད་གང་བྱུང་བ་དང་། ཁ་ཡོད་ལག་ཡོད་སྲོལ་རྒྱུན་སྨན་ལུགས་ལ་ཕན་འབྲས་ཅི་བྱུང་གསལ་བཤད་ཐུང་ཙམ་ཡོང་བའི་རེ་འབོད་ཞུ།
རྒྱུད་བཞིའི་མྱུ་གུ་ལགས། རང་སྐྱོན་རི་འདྲ་བོ་མི་མཐོང་བ། གཞན་སྐྱོན་ཤིག་འདྲ་ཞིག་བཙལ། ཞེས་པའི་དཔེ་ལས་མ་འདས་སོ།།
རྒྱུད་བཞིའི་མྱུ་གུ་ལགས། ལ་རྒྱ་ཆེ་ལ། ཡིག་ནོར་ཡང་མང་།
དེ་འདྲའི་ནང་འགལ་གྱི་རྣམ་པ་ནིཕྱོགས་ཅིག་གི་ཡར་རྒྱས་ཀྱི་འབྲས་བུ་ལས་གཞན་མ་འཆིས་ང་ཚོའི་མི་དམངས་ནི་ཀླད་པ་ཀླ་པོ་རེད་ལ་ཤེས་ཡོན་ཡང་དེ་ཙམ་མེད་་རྒྱུ་ཚན་་དེས་དོ་སྣང་བྱེད་བཞིན་མེད་་་་དེ་བཞིན་་གཞོན་བསྐྱེད་ཕལ་ཆེ་བས་བོད་སྨན་ལ་དེ་ཙམ་དོ་སྣང་བྱེད་བཞིན་མེད་་་་་་་་་་་་གཟིགས་དང་གཞོན་བསྐྱེད་ནང་བོད་ཡིག་རང་བསྐྱ་འཕེལ་བ་ཤིན་ཏུ་ཉུང་བ་རྒྱུ་་ཚན་ཅི།།།།།།།།།
བོད་ཀྱི་གསོ་བ་རིག་པ་ཨེ་ཤ་ཡའི་ནང་དོ་སྣང་ཆེ་ཙམ་ཡོང་གིན་འདུག་ཅེས་སྨན་རྩིས་དབུ་འཛིན་མཆོག་གིས་འགྲེལ་གནང་ཕྱོགས་དང་བོད་མི་རང་གིས་བོད་ཀྱི་གསོ་བ་རིག་པར་དོ་སྣང་དེ་ཙམ་བྱེད་ཀྱི་མེད་པ་གཉིས་ལ་ནང་འགལ་ཕྲན་བུ་ཞིག་ཀྱང་དེ་དང་ལྷན་དུ་ཡོང་གི་འདུག
ད་དུང་བོད་སྨན་གྱི་དགེ་མཚན་འགའ་ཞུས་ན། གཅིག་ཕན་གཞན་གནོད་མེད་པ། རིན་གོང་ཆུང་བ། སྦྱོར་དུས་ཁོར་ཡུག་དང་ཚེ་སྲོག་ལ་གཏོར་བཅོམ་མི་གཏོང་བ།
ཨེ་ཤ་ཡ་འདི་སྲོལ་རྒྱུན་གྱི་རིག་གཞུང་འཐུས་ཚང་ལྡན་པའི་གླིང་ཕྲན་ཞིག་ཏུ་ད་ལྟ་དངོས་ཡོད་ཁས་ལེན་བྱེད་མུས་རེད། མ་ཟད་བོད་པ་ཚང་ལའང་སྲོལ་རྒྱུན་ཞེས་གླེང་དུས་མགོ་མཐོ་མཐོ་བྱེད་ཆོག་པ་ཞིག་ཆགས་ཡོད། དེས་ན་གཅིག་དེ་བོད་སྨན་འདི་ཆགས་ཡོད་པས་འདི་ནི་བོད་ཀྱི་གཞོན་སྐྱེས་རྣམས་ལ་ངོ་སྤྲོད་བྱེད་བདེའི་འཚོགས་འདུ་ཞིག་ཡིན་པར་མཐོང་།
བཀུར་འོས་དུས་བབས་གསར་ཁང་གིས་བོད་ལུགས་གསོ་རིག་དང་མི་མང་དཀྱུས་མའི་བར་འབྲེལ་མཐུད་པ་ནུས་ལྡན་ཞིག་ཡོང་རྒྱུའི་ཐད་བློ་རིག་ཡོད་དགུ་རྩལ་སྤྲུག་གནང་རོགས། མ་ཟད་ཟིན་བྲིས་པ་ཚོའི་བགྲོ་གླེང་གི་ཁ་ཕྱོགས་ལ་ཅུང་ཐུགས་སྣང་གིས་འབོད་སྐུལ་དང་ལམ་སྟོན་རེ་གནང་རྒྱུ་ཡང་དུས་ཀྱི་དགོས་མཁོ་དང་འཚམས་པོ་ཆགས་ཡོད་སྙམ།
སྤྱིར་བོད་ཀྱི་གསོ་རིག་གཞུང་ནི་ཆེས་ཕན་ནུས་ཆེ་བ་ཡོད་ཀྱང་དུས་རབས་བཅུ་དགུའི་མཇུག་དང་ཉི་ཤུའི་བསྟོད་ཀྱི་བོད་ཀྱི་སྨན་པ་ཕལ་ཆེ་བས་འགན་དེ་ཙམ་མ་འཁྱེར་བ་དང་དེ་བཞིན་སྨན་རྩིས་ཁང་ནས་ཡང་ཉི་མ་གང་སོང་བྱས་པའི་ཉེར་ལེན་ད་དུང་ཁ་ནས་བཤད་ཀྱང་དང་ལག་ལེན་མ་ཐུབ་ཚེ་འཛྷམ་གླིང་ནང་དེབ་བསྐྱེལ་ཐུབ་ཀྱང་ཕན་་ནུས་ཅི་ལགས།།།།།།།།།།།།།།།།།།།།།།།།།།
བོད་ཀྱི་གསོ་བ་རིག་པའི་གཞུང་ལུགས་ཆེན་མོ་རྒྱུད་བཞི་ལ་གཟིགས་དང་
སྨན་བླ་གཡུ་ཐོག་པ་མཆོག་གི་ངོ་མཚར་གྱི་མཛད་རྗེས་
སྲོལ་བཟང་འདི་མི་ཉམས་རྒྱུན་འཛིན་བྱེད་རྒྱུ་བོད་ཀྱི་སྨན་པ་ཚོའི་ཕྲག་ཐོག་གི་འོས་
འགན་
ཐུབ་ཀྱི་རེད། ཐུབ་ཀི་རེད།
གཉིས་ནི་རང་ཚུགས་མི་བརྟན་པའི་རྩོད་གཞི་ཞིག་ཡིན་སྟབས།
ཀློག་པ་པོ་ཚོས་ཤེས་དགོས་པའི་དོན་ཆུང་ཞིག་རེད།
ཧ་ཅང་བཟང་གི རང་རང་ས་ནས་ཤུགས་རྒྱག་དགོས་པ་རེད། འདི་ལྟར་བྱས་ན་གཟོད་ང་ཚོས་བྱས་རྗེས་ཆེན་པོ་འཇོག་ཐུབ་ཀི་རེད།