བོད་གཞུང་ཤེས་རིག་ལས་ཁུངས།
DEPARTMENT OF EDUCATION
Central Tibetan Administration of His Holiness the Dalai Lama
༄༅། །འདི་ག་ཤེས་རིག་ལས་ཁུངས་ལ་གཞི་རིམ་བར་མའི་བོད་ཡིག་སློབ་དེབ་རྩོམ་སྒྲིག་པ་༡ དང༌། གཞི་རིམ་གོང་མའི་འཛིན་རིམ་དགུ་པ་ནས་བཅུ་གཉིས་བར་གྱི་བོད་ཡིག་སློབ་དེབ་རྩོམ་སྒྲིག་༡ བཅས་རྩོམ་སྒྲིག་པ་གཉིས་ཆོད་གན་ཐོག་བསྐོ་གཞག་གནང་འཆར་ལགས་ན། གཤམ་གསལ་དགོས་མཁོའི་ཆ་རྐྱེན་ཚང་ཞིང་ཞུགས་བློ་ཡོད་རིགས་ཚོས་སོ་སོའི་ལག་འཁྱེར་ཡིག་ཆ་ཁག་དང་སྦྲགས་འཚང་སྙན་ཕྱི་ལོ་ ༢༠༠༩ ཟླ ༡༠ ཚེས ༣༠ འགྱངས་མེད་འབུལ་དགོས་པ་དང༌། འཚང་སྙན་ནང་སོ་སོའི་འབྲེལ་གཏུགས་ཞལ་པར་ཨང་གྲངས་དང་ཨི་མེལ་ཁ་བྱང་ངེས་པར་འཁོད་དགོས། གོང་འཁོད་དུས་བཀག་རྗེས་འཚང་སྙན་ཕུལ་འབྱོར་རིགས་རང་བཞིན་གྱིས་རྩིས་མེད་གཏོང་རྒྱུ་ཡིན་པ་དང༌། ཆ་རྐྱེན་ཚང་བའི་སྙན་འབུལ་པ་རྣམས་འདི་ནས་འདེམས་སྒྲུག་ཚོགས་ཆུང་ཆེད་འཛུགས་ཀྱིས་འདེམས་རྒྱུགས་གཏོང་རྒྱུ་དང༌། འདེམས་རྒྱུགས་ཀྱི་གྲུབ་འབྲས་ལ་གཞིགས་པའི་གནས་རིམ་དང་ཐོབ་ཐང་གཏན་འབེབས་གནང་རྒྱུ།
དགོས་ངེས་ཆ་རྐྱེན།
༡༽ ཉུང་མཐའི་ཤེས་ཚད་མཐོ་རིམ་རིག་གནས་རབ་འབྱམས་པའམ་དེ་དང་མཉམ་པའི་ཤེས་ཚད་ཡོད་པ།
༢༽ ཕྱི་ལོ་༢༠༠༩།༣།༣༡ བར་འབུལ་འབབ་གཙང་ཟིན་གྱི་དྭངས་བླངས་དཔྱ་དངུལ་ལག་དེབ་ཀྱི་ཤོག་ངོས་དང་པོ་དང་མཐའ་མའི་འདྲ་བཤུས།
༣༽ ཁྲིམས་མཐུན་དུས་འགྱངས་ཞུས་པའི་སྐྱབས་བཅོལ་ལག་དེབ་ཀྱི་ཤོག་ངོས་དང་པོ་དང་མཐའ་མའི་འདྲ་བཤུས།
༤༽ ངོས་འཛིན་ཡོད་པའི་སྨན་ཁང་ཞིག་ནས་གཟུགས་ཐང་ལས་འཕེར་ཡིན་པའི་སྨན་པའི་ངོས་སྦྱོར།
༥༽ ད་ལྟ་སྡེ་ཚན་གང་རུང་དུ་ལས་ཞབས་ཞུ་མུས་ཡིན་ཚེ་ལས་ཡུལ་ནས་དགག་བྱ་མེད་པའི་ངོས་སྦྱོར།
༦༽ རང་ཉིད་ཀྱི་ལོ་རྒྱུས་དང་ལས་དོན་ཉམས་མྱོང༌། ཤེས་ཡོན་གྲུབ་འབྲས་བདེན་དཔང་དང་བཅས།
གོང་གསལ་ལག་འཁྱེར་ཁག་གི་ཐོག་རང་གཞུང་ལས་ཁུངས་ཁག་གི་ཟུང་དྲུང་ཡན་དང་ས་གནས་འགོ་འཛིན་ཡང་ན་བོད་མིའི་སློབ་གྲྭའི་སློབ་སྤྱི་བཅས་གང་རུང་གི་ངོ་འདྲ་ཧེ་བག་མེད་པའི་དག་མཆན་ངེས་པར་འཁོད་དགོས་པ་དང༌། འདེམས་ཐོན་བྱུང་བའི་དོ་བདག་ལ་ཤེས་རིག་ལས་ཁུངས་ནས་རྒྱབ་གཉེར་གྱིས་བཀའ་ཤག་ལ་འཆར་འབུལ་ཞུས་ཏེ་བཀའ་འཁྲོལ་ཐོན་མཚམས་ལས་འགན་འགོ་འཛུགས་ཞུ་རྒྱུ་བཅས་ཀྱི་གསལ་བསྒྲགས་སུ། ཤེས་རིག་ལས་ཁུངས་ནས། ཕྱི་ལོ་ ༢༠༠༩ ཟླ ༨ ཚེས ༢༡ ལ།།
