རྒྱ་ནག་གཞུང་གིས་དཔེ་དེབ་ལྔ་ཡི་ངོ་བཤུས་ཁྲི་ ༢༤ བོད་རང་སྐྱོང་ལྗོངས་སུ་བཀྲམས་ཏེ་རྒྱ་ནག་གི་སྲིད་བྱུས་སློབ་སྦྱོང་བྱེད་དུ་འཇུག་གི་འདུག
ཕྱི་ཚེས་ ༢༥ ཉིན་ཞིན་ཧྭ་གསར་ལམ་ཏུ་གནས་ཚུལ་སྤེལ་བ་ལྟར་ན། རྒྱ་གཞུང་གིས། ཕྱི་ཚེས་ ༢༣ ཉིན་གྱི་སྔ་དྲོར་རྒྱ་ནག་རྒྱལ་ཡོངས་མི་རིགས་དོན་གཅོད་ཨུ་ཡོན་ལྷན་ཁང་དུ་༼མི་རིགས་ས་ཁུལ་གྱི་གཞི་རིམ་ལས་བྱེད་པས་སྦྱོང་བརྡར་བྱེད་པའི་སློབ་དེབ༽ རྒྱ་བོད་ཤན་སྦྱར་པར་ངོས་ཅན་གྱི་དཔེ་དེབ་ཁྲི་ ༢༤ ལྷག་པར་སྐྲུན་འགྲེམས་སྤེལ་བྱས་ཡོད་འདུག་ལ། པར་སྐྲུན་བྱས་པའི་དཔེ་དེབ་ཡོངས་བོད་རང་སྐྱོང་ལྗོངས་ལ་ཕུལ་ཡོད་འདུག
ཐེངས་འདིའི་བོད་རང་སྐྱོང་ལྗོངས་ལ་ཕུལ་བའི་དཔེ་དེབ་དེ་དག་ནི། ཀྲུང་གོའི་མི་རིགས་སྐད་ཡིག་ཡིག་བསྒྱུར་ཁང་གིས་སྒྱུར་སྒྲིག་བྱས་པའི་(མི་རིགས་ས་ཁུལ་གྱི་གཞི་རིམ་ལས་བྱེད་པས་སྦྱོང་བརྡར་བྱེད་པའི་སློབ་དེབ) རྒྱ་བོད་ཤན་སྦྱར་པར་ངོས་ཅན་གྱི་དཔེ་དེབ་དང་ལྷན་དུ་༼ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་གཞུང་ལུགས་མ་ལག་སློབ་སྦྱོང་བྱེད་པའི་ཀློག་དེབ༽ དང་ ༼ཚན་རིག་དང་མཐུན་པའི་འཕེལ་རྒྱས་ལྟ་བ་སློབ་སྦྱོང་བྱེད་པའི་ཀློག་དེབ༽ ༼ཏང་དང་རྒྱལ་ཁབ་ཀྱི་མི་རིགས་སྲིད་ཇུས་ཀྱི་སློབ་གསོ་དྲིལ་བསྒྲགས་གནད་བསྡུས།༽ ༼མི་རིགས་ས་ཁོངས་ཀྱི་རང་སྐྱོང་ལམ་ལུགས་རྒྱུན་འཁྱོངས་དང་འཐུས་ཚང་དུ་གཏོང་བ།༽ ༼གཞི་རིམ་ལས་བྱེད་པའི་ཁྲིམས་ལུགས་ཤེས་བྱ་ཀློག་དེབ༽ བཅས་སྣ་མི་གཅིག་པའི་དཔེ་དེབ་ལྔ་འདུས་ཡོད་འདུག་ལ། དཔེ་དེབ་དེ་དག་རྒྱ་ནག་ཀྲུང་དབྱང་རྩ་འཛུགས་ལྷན་ཁང་དང་འཐབ་ཕྱོགས་གཅིག་གྱུར་ཁང། རྒྱལ་ཁབ་མི་རིགས་དོན་གཅོད་ཨུ་ཡོན་ལྷན་ཁང་བཅས་ཀྱིས་མཆོག་མཆན་འོག་པར་སྐྲུན་འགྲེམས་སྤེལ་བྱས་པ་ཞིག་ཡིན་འདུག
དེ་ཡང་འབྲེལ་ཡོད་མི་རིགས་ས་ཁུལ་གྱི་ལས་བྱེད་རུ་ཁག་དང་གཞི་རིམ་རྩ་འཛུགས། ཏང་ཡོན་རུ་ཁག་བཅས་འཛུགས་པར་ཤུགས་སྣོན་པའི་དགོས་མཁོར་བསྟུན་ནས་རྩ་འཛུགས་དང་སྒྲིག་བསྒྱུར་གནང་བའི་གཞི་རིམ་ལས་བྱེད་པའི་ངེས་པར་སྦྱོང་དགོས་པའི་སྦྱོང་བརྡར་སློབ་དེབ་ཡིན་ཚུལ་བརྗོད་ཡོད་པ་དང་། རྗེས་ཕྱོགས་མུ་མཐུད་གྲངས་ཉུང་མི་རིགས་ཀྱི་སྐད་ཡིག་དང་རྒྱལ་ཁབ་ཐུན་མོང་གིས་སྤྱོད་པའི་སྐད་ཡིག་ཐོག་འབྲེལ་ཡོད་དཔེ་ཆ་མང་པོ་པར་སྐྲུན་བྱ་རྒྱུ་ཡིན་ཚུལ་བརྗོད་ཡོད་པ་མ་ཟད། ཐེངས་རྗེས་མར་མུ་མཐུད་གྲངས་ཉུང་མི་རིགས་ཀྱི་ལས་བྱེད་པའི་སྦྱོང་བརྡར་སློབ་དེབ་དེ་དཔར་སྐྲུན་དང་མཉམ་དུ་་བརྙན་འཁོར་སོགས་བཟོས་ཏེ། བོད་རང་སྐྱོང་ལྗོངས་ལས་གཞན་སི་ཁྲོན་དང་ཡུན་ནན། ཀན་སུའུ། མཚོ་སྔོན་ཞིང་ཆེན་སོགས་སུ་རིན་མེད་དུ་སྤྲད་དེ་ཞབས་ཞུའི་ཁྱབ་ཁོང་རྒྱ་བསྐྱེད་བྱ་རྒྱུ་ཡིན་ཚུལ་བརྗོད་འདུག
བཀླགས་ཟིན།
སྤོ་འཆར་ཡོད་འདུག་་་་་་་་་་་་་དགོངས་དག
རྒྱ་ནག་གིས། ལས་གཞི་འདི་ལྷ་སར་མགོ་འཛུགས་བྱས་ཟིན་འདུག་ལ། ཅང་མ་འགོར་བར་བོད་ཁམས་ཁུལ་དང་ཨ་མདོ་ཕྱོགས་ལ་གོམ་པ་སྤོ་ཆར་ཡོད་འདུག ་་་་་་་་་་་ད་ང་ཚོས་སྤྱི་འཐུས་གྲོས་ཚོགས་ལྟར་བོད་སྤྱི་བའི་ལས་དོན་ཞིག་སྒྲུབ་ཚེ་མ་འོངས་པར་ཉེན་ཁ་ཡོད་ཀྱི་རེད།
གསར་འགྱུར་གྱི་ནང་དོན་ཕྱོགས་ནས་བླུན་རྒན་ང་ལ་ཅང་བཤད་རྒྱུ་མེད། འོན་ཀྱང་གསར་བྲིས་པ་བཤད་རྒྱུ་ཞིག་མི་འདུག རང་ང་སྒྲོལ་མ་འདོན་འདོན་བྱས་དང་ཆོག་གི གཙང་དག་གསལ་གསུམ་ཚང་བའི་གསར་འགྱུར་ཟེར་ན་འདི་མོ་དགོས་པ་རེད།ཧ་ཧ་ཧ་ཧ། བོད་ཡིག་འདི་འདྲ་བྲིས་ན་དངོས་གནས་ཀློག་སྤྲོ་བོ་འདུག ཐུགས་རྗེ་ཆེ་ཞུ། གསར་འགོད་པ་རྣམ་པ།