ལྷ་ལུང་རྒྱལ།
བཀུར་འོས་སྤྱི་འཐུས་རྣམ་པ་ཚོ། ཁྱེད་ཚོས་བྱེས་གྱར་སྐྱབས་བཅོལ་གྱི་ལོ་འཁོར་ལྔ་བཅུར། ལེགས་སྐྱེས་ཤིག་ཕུལ་བསམས་ནས། གཤེགས་ཟིན་པའི་དཔའ་བོ་དཔའ་མོ་ཚོའི་རེ་སྒུག་མངོན་འགྱུར་ལ་གཟས་ཏེ། ཞིང་བྲན་ཡར་ལངས་དང་ཁ་བྲལ་ལྐོག་གཡོ་ཟེར་བའི་རྫུན་གྱི་ཕུང་པོར་བདེན་པའི་རྒོལ་ལན་དུ་དམིགས་ནས། འདི་ལྟར། ནག་མོའི་ཇོ་འཛིང་ལྟ་བུའི་ཟིང་སློང་ཐེགས་ཤིག་བྱས་པར་བདག་གིས་ཐུགས་རྗེ་ཆེ་ཞེས་ཞུ་ཡི་ཡོད། མ་གཞི་ནས། ང་ཚོས་ཁྱེད་ཚོར་འོས་ཤོག་བླུགས་པ་དེ། ཤེས་འཇོན་ལྷག་བསམ་ཅན་ཞིག་གི་བསམ་བློས་བླུགས་པ་ཡིན། སྟག་འདྲ་གཟིག་འདྲ་ཅན་ཞིག་གི་རེ་བས་བླུགས་པ་ཡིན། ཡིན་ནའང༌། ཁྱེད་ཚོ་ཐོན་སའི་ཚོགས་རར་སླེབས་དུས། ང་ཚོའི་རེ་བ་ནང་བཞིན། རྩོད་རྒྱུའི་ཤ་ཕོའི་རྭ་དེ་མི་རྩོད་ལ། མི་རྩོད་རྒྱུའི་ཡུ་མོ་རྣ་རྩོད་ཀྱི་འདུག དངོས་གནས་བཤད་ན། སྣང་ཚུལ་འདི་ནི། བོད་མི་རིགས་ཀྱི་བདེ་སྡུག་ཡིད་ནས་བརྗེད་ཟིན་ལ། དགྲ་དམར་པོའི་བཙན་འཛུལ་སེམས་ནས་འབོར་གྱིན་པའི་རྟགས་རེད། དེ་མིན་ན། བོད་མི་རིགས་འདི་འདྲའི་ཛ་དྲག་གི་སྐབས། འདི་འདྲའི་སྐྱོ་སྡུག་གི་དུས། རང་ཉིད་བོད་མི་ཞིག་དང༌། ལྷག་པར་གྲོས་ཚོགས་འཐུས་མི་ཞིག་ཡིན་པའི་ཆ་ནས། དགྲ་དགའ་རུ་བཅུག་སྟེ། གཉེན་ངུ་རུ་འཇུག་ཐུབ་རྒྱུ་མ་རེད།
ངས་ཁྱེད་ཚོར་བཤད། སྣང་ཚུལ་འདི་སྐད་ཆར་བརྒྱུས་ཤིང༌། སྐད་ཆ་གློག་རླབས་ལས་མྱུར་བར་ཕྱོགས་བཞིར་འཕུར་དུས། ང་ཚོའི་ཆེད་དུ་ཕྱག་ཟུང་ཐལ་མོས་གཞན་ལ་ཞུ་བ་ཞུ་བཞིན་པའི། ང་ཚོའི་ཆེད་དུ་རྒྱ་དམར་སྲིད་གཞུང་གི་མཚད་སྨོད་སྐུར་འདེབས་ཕོག་གྱིན་པའི་དགུང་ལོ་དོན་ལྔར་ཕེབས་ཤིང༌། དབུ་སྐྲ་དཀར་པོར་གྱུར་པའི་ྋསྐྱབས་མགོན་ཆེན་པོའི་ཐུགས་ལ་གང་འདྲ་ཞིག་དགོངས་ཀྱི་རེད། འདི་ལྟར་ཁོང་གི་ཟབ་ཅིང་གསལ་བའི་གསེར་གྱི་ཞབས་རྗེ་རེ་རེར། ང་ཚོས་བདག་སྤྲོད་གཅེས་གཉེར་བྱེད་མི་ཐུབ་ཀྱང༌། ལག་པས་བསུབ་རྒྱུ་འདི་ལས་རྒྱུ་འབྲས་ལའང་རན་རྒྱུ་མ་རེད་མི་འདོད་དམ།
ད་རུང༌། ཞིང་ཁར་ཡུར་མ་ཡུར་བའི། ཕྱུགས་རྫིར་འུར་ཆ་ཐོག་པའི། སློབ་གླིང་ཀ་ཁ་ཀློག་མཁན། ཆོས་སྲིད་བྱ་བ་སྒྲུབ་མི། དམིགས་བསལ་དུ་འུ་ཚོའི་ཆེད་དུ་བཙན་འོག་ན་འཆི་ལ་ཁད་དུ་ཡོད་པའི་གངས་ཅན་པ་ཚོ། ངུས་ནས་བརྒྱལ་གྱི་རེད་མི་འདོད་དམ། སྨྱོ་ནས་ཤི་རྒྱུ་རེད་མ་བསམ་མམ། ཁོ་ཚོས་ལོ་ངོ་ལྔ་བཅུར་ང་ཚོ་དྲན་ཤིང༌། རི་བོའི་ཚུར་ངོགས་ཀྱི་འུ་ཚོ་ཨ་རི་ལྟ་བུའི་སྟོབས་ཅན་ཞིག་མིན་པ་ཤེས་ནའང༌། ཁོ་ཚོའི་སེམས་ངོགས་སུ། ང་ཚོ་ནི། ཆིག་སྒྲིལ་གྱི་ལེར། དམ་ཚིག་བརྟན་ནེར། ནམ་ཡང་མི་རིགས་འདིའི་ཆེད་དུ་ཐམས་ཅད་བློས་གཏོང་ཕོད་པའི་དཔུང་སྡེ་ཞིག་ལ་ཡིད་ཆེས་ཧ་ཅང་ཟབ། རེ་བ་ཤིན་ཏུ་ཆེ།
ཡིན་ནའང༌། བཙན་འཛུལ་པའི་མདའ་སྐད་མ་ཆད་གོང༌། དྲག་གནོན་གྱི་ཁྲག་དམར་མ་སྐམ་གོང༌། མི་རིགས་ཀྱི་འཐུས་མི་ཁྱེད་ཚོས། རྔ་ཕོར་གང་དང༌། ཟས་ཁམ་གང་བརྩད་ནས། གྲོས་ཚོགས་ཀྱི་ཚོགས་དུས་མཇུག་བསྡུ་བྱེད་མ་ཐུབ་པར། ཁ་ཐོར་དགུ་ཐོར་དུ་སོང་བ་གོ་དུས། ཁོ་ཚོའི་ཡ་ཁོག་ཏུ་རྟ་རྒྱུག་པ་དང༌། མ་ཁོག་ཏུ་འབོམ་བཞག་པ་ལྟ་བུའི་ན་ཟུག་ལོས་སྐྱེ།
མཐའ་དོན། གྲོས་ཚོགས་ཀྱི་ཚོགས་རྭ་འདི་ང་ཚོའི་སྙིང་ཡིན། ང་ཚོས་ཁྱོད་ཚོ་སྙིང་ལ་ཉར་དོན་དེ། དྲོད་ལམ་ལམ་གྱི་བདེ་སྐྱིད་ཞིག་ཐོབ་ན་ལས། གྲང་ཤུར་ཤུར་གྱི་སྡུག་བསྔལ་ཞིག་གི་ཆེད་དུ་གཏན་ནས་མིན། འོན་ཀྱང༌། ཁྱོད་ཚོས་བདག་ཚོའི་སྙིང་གི་ས་གཞི་སྒོར་མོ་འདི། ཕུ་ནུ་ནང་འཁྲུག་གི་གཡུལ་སར་བསྒྱུར་ཏེ། འདི་ལྟར། འཐེན་འཁྱེར་གྱི་ཀི་བཏབ་ནས ཚིག་མཚོན་གྱིས་རྨ་ཕབ་ཡོང་དུས། སྙིང་འདི་འགས་གྲབས་བྱེད་ཀྱི་འདུག་ན། ཐུགས་རྗེས་གཟིགས། ང་ཚོའི་ཚེ་སྲོག་འདི་རྩིས་མེད་རྡོག་རོལ་མ་བྱེད་རོགས་ཞེས་ཞུ་རྒྱུ་ཡིན།
ངོ་མ་བདེན་པ་རེད། གནས་ཚུལ་འདིས་རིགས་འོད་འཁོར་ལ་ལྟོས་དང་། བཟོད་སྲན་དང་གནས་ལུགས་མི་ཤེས་པའི་བླ་རྒན་དག་གི་རང་མདོག་གསལ་ཡོད།
དེ་ལ་བརྟེན་ནས་མ་འོངས་བར་ཆོས་ལུགས་ཁག་ལ་སྤྱི་ཐུས་དགོས་མིན་གསལ་བོར་ཤེས་ངེས་ཡིན།
གཅིག་བྱས་ན། དྲ་གྲོགས་དྲང་ཐིག་ལགས་ཀྱིས་བསྟུན་མར་བསམ་ཤོག་ ༢༠ ཕངས་བཞག་པ་མིན་འགྲོ། ཧ་ཧ་ཧ་ཧ་་་་་་་ ཨ་ལ་ཀུ་རེ་ཡིན།
དྲ་གྲོགས་ཏུག་ར་ལགས། མི་ ༢༡ གྲངས་འབོར་གྱི་བར་ཆོད་དེ་དྲ་ཐོག་ནས་མི་གྲངས་བསྡོམས་རྩིས་ལེན་སྐབས་ཀྱི་དུས་ཀྱིས་སྔ་ཕྱི་ལས་བྱུང་བ་ཞིག་རེད།
ལྷ་ལུང་ལགས་ཀྱིས་ཡག་པོ་བྲིས་འདུག་
ཚེ་རིང་རྒྱལ་ནས་བཟོད་གསོལ་ཞུ་རྒྱུ་དང་ཡག་པོ་རེད། ཞུ་དགོས་ནི་ཟིག་རེད། ད་དུང་གོང་དུ་དྲང་ཐིག་གི་བཤད་པ་དེ་བདེན་པ་ཡིན་ཚེ་མི་ 21 དེ་བརྒྱ་ཆ་གང་ནས་མར་བཏོན་ཡོད་ལགས། ཁྱེད་རང་གིས་ནོར་འཁྲུལ་བཟོས་ན་དུས་བབ་ཚང་གིས་ནོར་འཁྲུལ་བཟོས་པ་དེ་ཤེས་པ་གྱིས་ཤིག
དྲ་གྲོགས་དྲང་ཐིག་ལགས་གཙོས་དྲ་ཚིགས་ཀློག་པ་པོ་ཡོངས་ལ་ཞུ་དོན།
བོད་ཀྱི་དུས་བབ་སྤྱིའི་འདོན་ཐེངས་ ༤༦༢ པའི་སྟེང་གི་༼ བསམ་ཤོག༽གི་ནང་བཀོད། ༼ལམ་གྲོན་ཞུ་མཁན་ནོར་བ་རེད། ༩་༥༧ %༽དེ་༼སྤྱི་འཐུས། ༢༩་༥༧%༽ཞེས་བཀོད་ནོར་ཐེབས་འདུག་པ་དེ། གསར་ཤོག་འདོན་ཐེངས་རྗེས་སྟེང་ནོར་བཅོས་གསལ་བཤད་ཞུ་ངེས་ཡིན་པས་དེ་དོན་ཐུགས་འཇགས་ཡོང་བའི་རེ་བ་ཞུ།
དེ་བཞིན་གོང་བཀོད་ནོར་སྐྱོན་དེ་ནི་ཕྲན་གསར་ཤོག་ཇུས་འགོད་པ་སྒེར་བའི་ངོས་ནས་ཡིད་གཟབ་མ་བྱས་པར་བྱུང་བ་ཞིག་ཡིན་པས་ན། ཕྲན་སྒེར་ངོས་ལ་ཐད་ཀར་སྐྱོན་བརྗོད་གནང་རྒྱུ་ལས། དུས་བབ་རྩོམ་སྒྲིག་པ་དང་། གསར་འགོད་པ། ལྷག་པར་དུ་དུས་བབ་གསར་ཁང་ལ་ཉེས་འགེལ་མི་ཡོང་བ་མཁྱེན་མཁྱེན་མཁྱེན།
གཞན་ཡང་། དྲ་གྲོགས་དྲང་ཐིག་ལགས་ནས་དུས་ཐོག་སྐྱོན་བརྗོད་གནང་པར། ཕྲན་སྒེར་ངོས་ནས་ཐུགས་རྗེ་ཆེ་ཞུ་བ་དང་ཆབས་ཅིག་དྲ་ཚིགས་ཀློག་པ་པོ་རྣམས་ལ་སྙིང་ཐག་པ་ནས་དགོངས་དག་ཞུ་རྒྱུ་ཡིན།
བོད་ཀྱི་དུས་བབ་གསར་ཤོག་ཇུས་འགོད་པ་ཚེ་རིང་རྒྱལ་ནས་བཟོད་གསོལ་དང་དགོངས་དག་ཞུ་ཆེད་དུ་སྤེལ།
ད་དུས་བབ་ཚང་གི་རང་མདོག་ངོ་མ་དེ་བསྟན་ཡོང་གི་འདུག སྔོན་མ་མདོ་སྨད་ཚོགས་གཙོ་དོལ་ཕྲུག་ཁོ་ཚེ་ཚུལ་ཁྲིམས་མཉམ་དུ་ཟང་ཟིང་གི་འབྲེལ་བ་ག་ཚོད་བྱུང་ཡང་མི་འདི་ཚོས་སྦྲང་བུའི་ཟིར་སྒྲ་ཙམ་ཡང་བསྒྲགས་མ་སོང་། ད་ལྟ་མཐོ་དམན་མང་པོ་བཤད་ནས་མཐར་རྒྱ་ནག་གི་ལག་ཆར་གྱུར་སོང་བ་རེད། ད་ཁྱོད་ཚོའི་འཇོན་ཐང་དེ་ཙམ་ཡིན་པ་འདྲ།
བོད་ཀྱི་དུས་བབ་རྩོམ་སྒྲིག་ཁང་གིས་དྲང་པོ་མ་བྱས་པའི་བསམ་ཤོག་གི་གྲུབ་འབྲས།
ཉེ་ཆར་སྐབས་བཅུ་བཞི་པའི་སྤྱི་འཐུས་གྲོས་ཚོགས་ཐེངས་བརྒྱད་པ་མཇུག་བསྡོམས་མ་ཐུབ་པའི་སྐོར་ལ་དུས་བབ་དྲ་ཚིགས་ནང་སུའི་ནོར་མིན་གྱི་བསམ་ཤོག་ཅིག་བསྡུས་སོང་བའི་གྲུབ་འབྲས་ ༢༠༠༩།༩།༢༩ དགོང་དྲོ་ཆུ་ཚོད་ ༧།༥༠ ཐོག
《སྐབས་བརྒྱད་པའི་གྲོས་ཚོགས་ཀྱི་མཇུག་སྡོམ་ཡང་གནང་མ་ཐུབ་པར་དུས་ཚོད་ངེས་མེད་བར་ཚོགས་གསེང་མི་གཏོང་ཐབས་མེད་བྱུང་བ་འདི་ནི།
གྲོས་གཞི་འདོན་མཁན་ནོར་བ་རེད། (༥༡)
ས་རྟགས་འགོད་མཁན་ ༡༤ ནོར་བ་རེད། (༢༠༥)
ཕྱི་ལ་ཐོན་མཁན་ ༡༢ ནོར་བ་རེད། (༩༢)
ལམ་གྲོན་ཞུ་མཁན་ནོར་བ་རེད། (༤༠)
རྒྱུན་ལས་ནོར་བ་རེད། (༣༧)》 ཞེས་ཁྱོན་འོས་གྲངས་ ༤༢༥གསལ་ཡོད་རེད། དེ་དགོང་མོ་པར་བཤུས་བྱས་ནས་ཉར་བ་ཡིན།
ཡང་བོད་ཀྱི་དུས་བབ་ཚགས་ཤོག་སྤྱིའི་འདོན་ཐེངས་ ༤༦༢ ནང་༼བསམ་ཤོག༽ ཅེས་པའི་འོག
《བསྡོམས་པའི་འོས་ཤོག་འཕེན་མཁན་མི་གྲངས་ ༤༠༤ 》 ཞེས་དང་།
《སྐབས་བརྒྱད་པའི་གྲོས་ཚོགས་ཀྱི་མཇུག་སྡོམ་ཡང་གནང་མ་ཐུབ་པར་དུས་ཚོད་ངེས་མེད་བར་ཚོགས་གསེང་མི་གཏོང་ཐབས་མེད་བྱུང་བ་འདི་ནི།
རྒྱུན་ལས་ནོར་བ་རེད། ༨༌༧༦%
གྲོས་གཞི་འདོན་མཁན་ནོར་བ་རེད། ༡༠༌༨༢%
སྤྱི་འཐུས། ༢༩༌༥༧%
ཕྱི་ལ་ཐོན་མཁན་ ༡༢ ནོར་བ་རེད། ༢༠༌༤༠%
ས་རྟགས་འགོད་མཁན་ ༡༤ ནོར་བ་རེད། ༥༠༌༢༤% 》 ཞེས་བྲིས་འདུག ཚགས་ཤོག་ནང་དོན་དངོས་འོས་ཤོག་གི་གྲངས་ཚད་ཆ་ཚང་བཀོད་མི་འདུག་པས་འོས་ཤོག་བླུག་མཁན་རྣམས་ལ་མགོ་བསྐོར་བཏང་འདུག ཡང་དྲ་རྒྱར་གསལ་བའི་ལམ་གྲོན་ཞུ་མཁན་ཟེར་བ་དེ་ཚགས་ཤོག་ནང་བཀོད་མི་འདུག་ཅིང་གལ་སྲིད་སྤྱི་འཐུས་ཟེར་བ་དེ་ཡིན་ཚེ་ཕྱི་ལ་ཐོན་མཁན་ ༡༢ དང་གྲོས་གཞི་འདོན་མཁན་ལས་འོས་གྲངས་ཉུང་བ་དྲ་ངོས་སུ་ཁྲ་ལམ་མེར་གསལ་འདུག་ཀྱང་ཚགས་ཐོག་ཏུ་བརྒྱ་ཆ་མང་བ་བཟོས་འདུག ཉེ་ཆར་གྱི་གནས་ཚུལ་དེ་བྱུང་བ་ནས་བཟུང་དུས་བབ་རྩོམ་སྒྲིག་པ་དང། གསར་འགོད་བ། ཟིན་བྲིས་བ་ཕལ་ཆེར་བཅས་ཀྱིས་ཕྱོགས་གཅིག་ཁོ་ནའི་སྐོར་ལ་བྲིས་འདུག་པ་ལྟར་དེ་རིང་གི་གནས་ཚུལ་འདིས་ར་སྤྲོད་དང་དྲང་པོ་བྱས་མེད་པ་གསལ་མི་འདུག་གམ།
ཧ་ཧ་ཧ་ཧ་ཧ་ཧ་ཧ་ཧ་༌༌༌༌༌༌༌༌༌༌༌༌༌༌༌༌༌༌ཧཧཧཧ༌༌༌༌༌༌༌༌༌༌༌༌༌༌༌༌༌ཧཧཧ༌༌༌༌ཧཧཧ
ལྷ་ལུང་རྒྱལ་ལགས་ཀྱིས་གསུང་བ་ལ་རྒྱབ་སྐྱོར་ཡོད། ངོ་མ་ཡག་པོ་བྲིས་འདུག
ཨོ་དྲ་གྲོགས་ལྷ་ཆབ་ལགས། ད་དེ་རིང་ང་ཚོས་དགྱ་ནག་གི་རྒྱལ་སྟོན་དུས་ཆེན་སྐོར་ལ་སྐད་ཆ་འདྲ་ཀྱང་མེད་ཀཱ སྟོབས་པ་ནི་རྒྱབ་ཐ་མོད་ བཙན་བྱོལ་་བ་འུ་ཚོའི་སྙིང་རྩ་འཛེར་མ་རྒྱབ་ཐཱ་ ཨ་ཡ་ཡ་ ཅང་ཙེ་མེན་པོ་རྡོག་ད་རུང་ཤི་མེད་ཀཱ ད་ཡིན་ན་རྙོབ་སོང་ས་ དོ་དགོང་གཉིད་སྐྱིད་པོ་ཞིག་མི་ཡོང་ནི་ཐག་ཆོད་ཡིན་
ང་ལྷ་ཆབ་སྦྱིན་པའི་སྐད་ཆ་དེར་རྒྱབ་སྐྱོར་གཙང་མ་ཡོད། ང་ཚོས་རྒྱ་ནག་སྲིད་གཞུང་གིས་མྱི་གསོད་འགོ་ཚུགས་ནས་ལོ་རྒན་དྲུག་ཅུ་འཁོར་བའི་དུས་སྟོན་འདིའི་ཕྱོགས་སུ་ཅིག་བལྟ་ཐུབ་ན་ཡག་པོ་འདུག
འདི་རིགས་དངོས་ནས་སྤྱི་ཚོགས་ཀྱིས་ཡང་ཡང་དྲན་པ་གསོས་པ་དང་རྗེས་ཕྱོགས་ནོར་འཁྲུལ་མི་ཡོང་ཆེད་རང་གཞན་སྤྱི་སྒེར་སུས་ཡིན་ཡང་གླེང་འོས་པ་ཞིག་དང་གླེང་དགོས་པ་ཞིག་ལ་མཐོང་གི་འདུག་ལགས། ཉིད་ཀྱིས་དེ་ལྟར་གླེང་བ་དེར་སེམས་གཏིང་ནས་བཀའ་དྲིན་ཆེ་ཞུ་ལ། གང་ཐུབ་ཅི་ཐུབ་ཀྱིས་བོད་ཀྱི་རྩ་དོན་ཐད་དུ་རྩོམ་ཡིག་རེ་སྤེལ་ཐུབ་ན་ཡག་པོ་འདུག
ལྷ་ལུང་རྒྱལ་གྱིས་ཡག་པོ་གསུང་འདུག ཡིན་ནའང་ད་ནི་སྤྱི་འཐུས་ཀྱི་གནད་དོན་དེ་མ་གླེང་ན་ཡག ང་ཚོས་མཐོང་རྒྱུ་ཚང་མ་མཐོང་ཟིན་པས། ད་མང་བོ་ཞིག་མ་གླེང་ན་ཡག དེ་བས་དེ་རིང་གི་དགྱ་ནག་གི་རྒྱལ་སྟོན་དུས་ཆེན་གྱི་སྐོར་ཞིག་གླེང་ཐུབ་ན་ལེགས།