ཁྱེད་རང་གིས་ང་རང་དྲན་ཏེ་འོང་དུས་སུ། ཁྱེད་རང་གིས་མིའི་སྒོར་མོ་མང་བོ་ཞིག་རྔུལ་ཆུ་བསགས་དེ་དཀའ་ལས་བརྒྱབ་པ་འཕྲོ་བརླག་དུ་གཏོང་བཞིན་ཡོད་པ་དྲན་གྱི་མེད་ལ། ཁྱེད་རང་གིས་མིའི་མི་ཚེ་ནང་གི་འཕྲོད་བརྟེན་ལ་ཡང་དེ་ལས་ཀྱང་བསམ་བློ་གཏོང་མྱོང་མེད། ཨ་ཙི། ང་འདི་དངོས་ནས་གླེན་པ་རང་རེད། ཁྱེད་རང་ནི་ཁ་གྲགས་མི་ཤེས་པའི་མིའི་འགྲོ་སོང་གི་སྒོ་མོ་ཞིག་དང་། མིའི་ཚེ་སྲོག་གི་རིན་ཐང་ལ་གནོད་འཚེ་གཏོང་མཁན་གྱི་གཏེ་བོ་ཞིག་ཡིན་པ་ལས། ཁྱེད་རང་ལ་མིའི་རིགས་ཀྱི་སེམས་ཚོར་ཟེར་བ་དེ་ག་ལ་ཡོད། སེམས་ཚོར་ཡོད་མཁན་དང་བསམ་ཤེས་ཐུབ་མཁན་ནི་མི་ཡིན་པས། མིའི་རང་གི་འཕྲོད་བརྟེན་དང་འགྲོ་སོང་ལ་བསམ་བློ་མ་བཏང་བ་ཡིན་ན། ཁྱེད་རང་ལ་ཐུགས་ཁག་ཞིག་ག་ལ་ཡོད། སྨྲ་མི་ཤེས་པའི་ཁྱེད་རང་ལ་སྐད་ཆ་བཤད་བཞིན་པས་ང་རང་ནི་གླེན་པ་རེད། དོན་མི་གོ་བའི་ཁྱེད་རང་ལ་གོ་བརྡ་སྤྲོད་འདོད་པ་ནི་སྟོང་བསམ་རེད། ཚོར་བ་མེད་པའི་ཁྱེད་རང་ལ་གསང་གཏམ་བཤད་པ་ནི་དོན་མེད་རེད། བདེ་སྡུག་གང་ཡང་མེད་པའི་མིང་ཞིག་ཐོག་ཡོད་པ་དེ་ནི་ཁྱེད་རང་གི་མིང་དེ་ཐ་མག་རེད།
ཁྱེད་རང་གི་མིང་དུ་ཐ་མག་བཏགས་པ་དེ་ནས་བཟུང་།ཁྱེད་རང་གིས་ཐ་མལ་གྱི་ལས་ཤིག་མ་གཏོགས་གང་ཡང་བྱས་མྱོང་མེད།དབུལ་བོ་སྡུག་བསྔལ་གྱི་འཚོ་བ་ནས་ནད་ཚའི་མལ་དུ་བརྫངས།ཕྱུག་པོ་ནོར་བདག་ནས་ནད་བདག་གི་གནས་སྟངས་སུ་བསྐྱལ།ཕོ་མོ་དབྱེར་མེད་ཀྱིས་ཁྱེད་རང་ལ་རེག་པ་ནས་ཁྱེད་རང་ནི་རང་གི་ལུས་སེམས་ལ་ངལ་གསོ་སྤྲོད་མཁན་ཞིག་དུ་འཁྲུལ་ནས་སྔ་དགོང་ཡོད་ཚད་དུ་དུས་ཚོད་གང་ཡོད་ལ་ཁྱེད་རང་འཐེན། ཁྱེད་རང་འཐེན་བཞིན་འཐེན་བཞིན་ཁྱེད་རང་ནི་དྲིན་ཆེན་ཕ་མའི་བཀའ་ལ་མི་བརྩི་བའི་གཞི་མར་གྱུར་བ་དང་།སྙིང་གི་དགའ་ས་དག་གི་རེ་འབོད་ལ་ཡང་མི་ཉན་མཁན་དུ་གྱུར།ཁྱེད་རང་ནི་དུས་རྒྱུན་དུ་ལུས་སེམས་ལ་ངལ་གསོ་སྤྲོད་མཁན་ཁོ་ནར་འཁྲུལ་ནས་མི་རེ་རེ་བྲང་ཁོག་ནང་དུ་ཉིན་རེ་ཉིན་རེར་ཇེ་ནག་ནས་ཇེ་ནག་དུ་བཏང་དེ། ཐ་མར་བྲང་ཁོག་ཡོངས་སུ་ཁྱེད་ཀྱིས་བཞུད་ལམ་ཆགས་དེ། ཟ་མ་ཟས་རྗེས་ཁྱེད་རང་མེད་མི་རུང་བ་དང་།ཐང་ཆད་ཀྱང་ཁྱེད་རང་མེད་མི་རུང་། དགའ་དུས་ཀྱང་ཁྱེད་རང་དགོས་ལ་སྡུག་དུས་ཀྱང་ཁྱེད་རང་དགོས། སུན་སྣང་མོད་དུས་དེ་བས་ཀྱང་ཁྱེད་རང་དགོས།ཐ་ན་ཁ་བརྡ་བྱེད་སར་ཡང་ཁྱེད་རང་སླེབས་ཡོད།དེ་དག་ལས་ཀྱང་གལ་ཆེ་བ་ཞིག་ནི་ཁྱེད་རང་བསམ་བློ་གཏོང་མཁན་གྱི་ཀླད་པའི་ནུས་ཤུགས་ལ་རམ་འདེགས་བྱེད་མཁན་ཡང་ཆགས།དེ་དག་ཚང་མ་ཁྱེད་རང་གི་བྱས་རྗེས་ཁོ་ནར་འཁྲུལ།མི་ང་དང་ང་ལྟ་བུ་གླེན་པ་གྲངས་ཀྱི་མི་བླངས་པ་མང་བོ་ཞིག་གིས་ཁྱེད་རང་ནི་མིའི་མི་ཚེ་ནང་དུ་རམ་འདེགས་བྱེད་མཁན་གྱི་རླབས་ཆེན་ཞིག་ལ་འཁྲུལ་ནས་སྒོར་མོ་ཡོད་མེད་དང་རང་གི་འཕྲོད་བརྟེན་སོགས་གང་ལ་ཡང་འགན་ལེན་ཞིག་བྱེད་ཐུབ་ཀྱི་མེད། དོན་དངོས་ཐོག ཁྱེད་རང་ལ་གཏན་ནས་ནོར་འཁྲུལ་ཞིག་མེད།ཁྱེད་རང་ནི་ཉེས་མེད་ཀྱི་ཐོན་རྫས་རིགས་ཤིག་ལས་གང་ཡང་མ་རེད།ནོར་འཁྲུལ་ངོ་མ་བཟོ་མཁན་ནི་ཁྱེད་རང་ཐོག་མར་མི་ཡུལ་དུ་བཟོ་མཁན་དེ་རེད་ལ།དེ་ནས་བཟུང་ང་དང་ང་ལྟ་བུ་གླེན་པ་རང་གཤིས་ཚ་བ་ཤེད་གཅིག་གིས་རང་ཉིད་ཀྱི་མི་ཚེའི་སྐྱོ་རོགས་ཁོ་ནར་འཁྲུལ་བས་ནོར་འཁྲུལ་ཁོ་ན་ལས་ཁྱེད་རང་ལ་དངོས་ནས་ནོར་འཁྲུལ་ཞིག་འཛུགས་ས་མེད།ནོར་འཁྲུལ་དེ་ནི་ཐོན་རྫས་རིགས་ཤིག་དེ།ཐོག་མར་ཁྱེད་རང་བཟོ་མཁན་གྱི་མིའི་རིགས་ཀྱི་གཤེད་མ་དང་བོ་དེ་སུ་ཡིན་ནམ།དངོས་ནས་ཐོན་རྫས་ཁྱེད་རང་གསར་གཏོད་བྱེད་མཁན་གྱི་མི་དེ་ནི་གདོན་འདྲེ་ཟེར་བའི་གྲངས་དུ་འབོད་ཆོག་པ་ལས།དམིགས་བསལ་གྱི་གདོན་འདྲེ་ཟེར་ནས་གཟུགས་མེད་ཀྱི་མིང་ཞིག་ལ་ངོས་འཛིན་བྱེད་དགོས་ཀྱི་མེད་པར་སྣང་།གང་ལྟར།རྗེས་ཕྱོགས་ཁྱེད་རང་གི་རིགས་དང་འདྲ་མཚུངས་ཀྱི་ཐོན་རྫས་རིགས་གང་ཡིན་ཡང་།གསར་གཏོད་བྱེད་མཁན་གྱི་འགྲོ་བ་མི་དེ་འདྲ་ནམ་ཡང་འཛམ་གླིང་ཟླུམ་པོར་འདིར་མི་སྐྱེ་བ་ཤོག
གཉའ་མདང་ཕོ་ཉ་ལགས། འདིའི་བསྐོར་གྱི་སྐྱོ་བའི་དངོས་སྒྲུང་དངོས་ནས་མི་ཉུང་བ་ཞིག་ཡོད་པ་རེད་ལགས། ངས་ཀྱང་དེའི་བསྐོར་མང་བོ་ཞིག་རང་གི་དངོས་སུ་མཐོང་མྱོང་ཡོད་ལ་མི་དེ་འདྲའི་ཁ་ཤས་ཤིག་ལ་འདྲིས་མྱོང་ཡོད་ལགས། ལྷག་པར་དུ་བོད་ནས་གསར་དུ་འབྱོར་བ་ཁ་ཤས་ཀྱིས་ཀྱང་སྐྱིད་སྣང་ཟེར་ན་འགྲིག སྡུག་སྣང་ཟེར་ན་ཆོག དུས་ཚོད་གང་ཡོད་ལ་རང་མགོ་གཡོག་ནས་བསྡོད་མཁན་རེ་ཟུང་ལ་ཡང་དེའི་གོམ་གཤིས་ཤིག་ཆགས་ཡོད་པ་དངོས་སུ་མཐོང་མྱོང་། ད་དེ་ཚོ་དྲན་ན་སེམས་པ་གཏིང་ནས་ན་བཞིན་འདུག ད་དུང་་་་
བོད་ཤ་ཁྲག་ལགས་ཀྱིས་སྤྱི་ཚོགས་ལ་འགན་ཁུར་ཅན་གྱིས་གླེང་མོལ་བྱས་འདུག་ངོ་མ་དགའ་བོ་བྱུང་།
ང་རང་དེང་སང་རྡ་ན་ཡོད།
རྡ་ས་ནི་༧གོང་ས་མཆོག་གི་བཞུགས་སྒར་དང་བཙན་བྱོལ་གཞུང་གི་རྒྱལ་ས་ཞྀག་ཡིན་པ་རེད།
ཡིན་ནའང་རྡ་ས་ན། དུ་འཐེན་མང་ལ། ཉལ་ཐལ་མ་འཐེན་མཁན་ཧ་ཅང་མང་།
འདི་ནི་ནམ་རྒྱུན་ཁྲོམ་ལམ་ནས་མཐོང་ཐཱུབ་པའི་རྡ་སའི་འཚོ་བ་ཞིག་རེད་ཚར་འདུག
དེའང་ངས་བཟི་སྨན་བཟའ་བཞིན་པའི་བོད་མི་ཞིག་ལ་སྐད་ཆ་དྲིས་ཡིན།
ཁྱོད་ཀྱིས་འདི་འདྲ་བཟི་སྨན་གཟའ་དོན་གང་ཡིན།
ཁོས་ང་སེམས་སྐྱིད་པོ་མི་འདུག་ཟེར།
ངས་ སེམས་པ་མ་སྐྱིད་པའི་རྒྱུ་མཚན་དྲིས། ཁོས་ང་ལ་དངུལ་མེད། དགའ་བོས་གཡུག་སོང་། ཟེར་བ་སོགས་རེད་འདུག
འདི་ཚོའི་སྐོར་ནས་སློག་ཐུབ་ན་བསམ་ནས་ཡོད་་་་་་་་་་་་
ཉིན་ལྟར་བསྐོར་གཡེང་བྱེད་པས་བསེ་རུ་ལགས། །
ལས་ཀྱི་འབྲེལ་ཐག་གཅིག་གི་བརྡམས་པ་ཡིས།།
རིགས་ཀྱི་དུངས་མའི་སེམས་ཀྱི་རྩ་བ་འདི།།
ཆད་རེག་བར་དུ་ཡང་ཡང་འཕྲད་་པར་སྨོན།།
མདོ་ལའི་འཁྱམས་པོ་ལགས། ཉིད་ཀྱིས་དེ་ལྟར་གསུངས་དུས། ང་སྙིང་མེད་ཅིག་ཡིན་སྟབས། ཨ་རིའི་ཁྲིམས་ལ་ཐོག་མི་འགྲོ་བསམ་ན་སྐྲག་ནི་ཞིག་ཀྱང་རེད། ཧཧཧ གང་ལྟར་སྐུ་ཉིད་ཁོམ་པ་རེ་ཡོད་དུས་ཕེབས་རྒྱུ་རེ་བ་ཡིན་ལགས། མ་ཁོམ་ན་བྱེད་རྒྱུ་མེད་པ་རེད་ལགས།
ཨ་རོ་རོགས་པ། ལས་བྲེལ་ཆེ་ནས་དྲྭ་ཐོག་ལ་ཡོང་ཁོམ་མ་བྱུང་བས་དགོངས་དག་ཞུ། ཁྱེད་ཀྱིས་བཞག་པའི་ཐ་མག་གི་པར་དེའང་ཕྱི་ཟླ་དགུ་བའི་ཚེས་བཅུ་གཅིག་ཉིན་ཁ་ཆེ་དྲག་སྤྱོད་པས་ཨ་རིའི་ཐོག་ཁང་རིང་པོ་གཉིས་ཀ་གཏོར་བ་དང་འདྲ་བོ་འདུག
བསེ་རུས་ཉིན་ལྟར་སྐོར་གཡེང་རེ་བྱས་ཏེ།།
ཤ་ཁྲག་ཉིད་ཀྱི་ཟིན་བྲིས་ལ་བལྟས་ཡོད།།
བློས་གཏོང་བྲལ་བའི་དྲ་གྲོགས་ཀྱི་ཐུགས་ལ།།
ཉེ་ས་ཉེ་སར་ཡོད་པའི་རི་མོ་ཞིག་འགོད་རོགས།།
འབུར་ཐོ་ལགས། སླར་ཡང་ཕེབས་ནས་བསམ་ཚུལ་གསུངས་པ་དགའ་ནི་ཡིན་ལ། ནང་ཆོས་ཀྱི་འགྲེལ་བཤད་དེ་དག་ནི་ཕལ་ཆེར་ཐ་མག་ལ་ཡིན་རབས་ཡོད་མེད་ང་ལ་གསལ་བོ་ཞིག་མེད་ཀྱང་། རྗེ་གུང་ཐང་བས་ཐ་མ་ཁ་ཟེར་ནས་ཉེས་མིག་ཞིག་གསུངས་ཡོད་པ་གོ་མྱོང་ཡོད་ཀྱང་མཇལ་མྱོང་མེད། ཕལ་ཆེར། གོ་ཚོད་ཡིན་ན་དེ་ནི་སྣ་ཐའི་ཉེས་མིག་ཡིན་རབས་གསུངས་ཡོད་རབས་འདུག་ལགས།
བསེ་རུ་མ་ཡོང་ཉིན་མ་ཁ་ཤས་ཤིག་ཞིག་ཕྱིན་སོང་།།
དེ་རིང་སླེབས་ནས་དུ་བའི་ཉེས་མིག་གི་བསྐོར་ལ།།
ཚིག་བཅད་གཅིག་གིས་སྡོམ་ཚིག་ཤར་མར་ཞིག་བརྒྱབ་དེ།།
གང་ནས་ཕེབས་པ་དེ་རུང་སླར་ཡང་མགྱོགས་པོ་རང་ཕེབས་འདུག།
འཇིགས་བྲལ་བསྟན་འཛིན་ལགས། སྐུ་ཉིད་ཀྱིས་ཟིན་བྲིས་ནང་དུ་མཆན་པུ་འདེབས་པ་དང་ཟིན་བྲིས་སྤེལ་བ་སོགས་རིག་རྒྱུ་མེད་པར་ཟླ་ངོ་ཁ་ཤས་ཤིག་ཕྱིན་སོང་། དེ་རིང་འདི་ནས་འཕྲིན་བཟང་ཞིག་སྤུན་ཟླ་དག་ལ་བསྒྲགས་ཞོར་དུ་འདིར་ཕེབས་པ་དགའ་ནི་ཡིན་ཁོམ་དུས་རེ་ཡོང་གི་བསྡོད།
གངས་ལྗོངས་རང་བདེན་རྩོད་ལེན་མཐུན་ཚོགས་ཀྱིས་འཚེ་མེད་ཞི་བའི་ལས་འགུལ་སྤེལ་ཕྱོགས་ཀྱི་ལམ་སྟོན་ཡིག་ཆ་ཟེར་བའི་གལ་ཆེའི་ཡིག་ཆ་ཞིག་བཏོན་འདུག ཡིག་ཆ་འདི་བོད་དུས་བབ་ཀྱི་གསར་འགྱུར་འཚེ་མེད་ཞི་བའི་ལས་འགུལ་སྤེལ་ཕྱོགས་ཀྱི་ལམ་སྟོན་ཡིག་ཆ་ཞེས་གསལ་བའི་ནང་ཆ་ཚང་བཀོད་འདུག དྲ་གྲོགས་ཚོས་ཞིབ་ཀློག་དང་འབྲེལ་བོད་སྤྱིའི་དོན་ལ་དགོངས་ནས་བསམ་ཚུལ་སྤེལ་ཐུབ་ན་ཧ་ཅང་ཡག་པོ་འདུག
དུ་བ་ཁོག་ཏུ་བཏང་བའི་ཉེར་ལེན་གྱིས།།
གློ་ཁུང་ཡོད་ཚད་ཐབ་ཀྱི་སྤུན་ཟླར་གྱུར།།
དབུགས་ཀྱི་རྒྱུ་བ་མི་བདེ་ནད་རིགས་སློང་།།
དུ་བའི་ཉེས་སྐྱོན་གླེང་ན་རྫོགས་མཐའ་མེད།།
དྲ་གྲོགས་ཤ་ཁྲག་ལགས། ཁྱོད་ཀྱི་སྐད་ཆ་དེ་དངོས་གནས་བདེན་པ་རེད། འདིའི་སྐོར་ལ་ཆོས་ལུགས་ཀྱི་ཕྱོགས་ནས་འགྲེལ་བཤད་རྒྱ་ཆེན་པོ་ཡོད་ས་རེད། འཇིག་རྟེན་པ་ཞིག་ལ་མཚོན་ན་རང་གིས་དཀའ་ལས་ཀྱིས་བསགས་པའི་སྒོར་མོ་ཡོད་ཚད་ཁ་དོ་དང་ཆང་སོགས་ལ་རྗེས་ནས་རང་སྟེང་དུ་ནད་རིགས་མང་བ་ཞིག་ལེན་གྱིན་ཡོད་པ་འདི་ཧ་ཅང་ཚད་དམའ་བའི་བྱ་བ་ཞིག་ལས་མ་འདས་སྙམ། དེའི་ཕྱིར་འདིའི་ཐད་ལ་དགོངས་ཚུལ་དང་ལམ་སྟོན་གནང་མཁན་ཞིག་ལ་མཚོན་ན་འགན་ཁུར་ལྕི་མོ་ཞིག་དང་ལེན་ཞེས་ཡོད་པ་སྨོས་མ་དགོས་པ་རེད།
འབུར་ཐོ་ལགས། རྗེས་སུ་ཡི་རུང་གནང་བ་དེར་ཐུགས་རྗེ་ཆེ་ལགས། བསམ་ཚུལ་རེ་ཡོད་ན་དེའི་ཐད་དུ་གསུང་རོགས་ཞུ།
འདི་འདྲའི་ཕན་ཐོག་ཡོད་པའི་སྐད་ཆ་བཤད་ན་བཟང་གི།
སྐར་ཁྲི་བཙན་ལགས། སྐུ་ཉིད་ཀྱིས་ཁྱེད་རང་ལ་སློབ་སྤྱོང་བྱེད་སྟངས་བསྐོར་ཞིག་གསུང་རྒྱུ་མ་བརྗེད་ཅིག་ལགས། ཡག་པོ་འདུག་ན་སློབ་སྤྱོང་བྱེད་དུ་འོང་།
གཉན་མདང་ཕོ་ཉ་ལགས། རྗེས་སུ་ཕེབས་ཤོག ག་ལེར་ཀློག་ནས་ག་ལེར་བསམ་ཚུལ་གསུང་རོགས།
གྲོགས་ཤ་ཁྲག་ལགས།
ཁྱེད་ཆུ་མོ་བཞིན་ནམ་ཡང་འབབ་བཞིན་པའི་ངང་རྒྱུད་འདིར་ངས་ཐུགས་རྗེ་ཆེ་ཞུ་བཞིན་ཡོད།
དེ་རིང་རང་ངོས་ནས་གློག་ཀླད་ཀྱི་ཆ་རྐྱེན་ཞབས་སྟབས་ཟིན་བྲིས་དབུ་མེད་འདགྱུར་ནས་ཀློག་ཁག་པོ་བྱུང་།
རྗེས་ཕྱོགས་ཞིམ་ཕྲ་ཀློག་རྒྱུའི་རེ་བ་སེམས་ལ་ཉར་ནས་ང་ལོག་འགྲོ་བཞིན་ཡོད།
བཀླགས་ཟིན ང་ལ་སློབ་སྦྱོང་བྱོས་དང་ཐ་མ་འཐེན་དགོས་ཀྱི་མ་རེད།