ནུབ་བྱང་མི་རིགས་སློབ་ཆེན་བོད་སྐད་ཡིག་སྡེ་ཁག་གི་དགེ་རྒན་ཆེན་མོ་དཔལ་མོ་ལགས་ཀྱིས་སྒེར་ངོས་ནས་དཔལ་འབྱོར་གྱི་མཐུན་རྐྱེན་བཙལ་ཏེ། མཚོ་སྔོན་བརྙན་འཕྲིན་ལས་ཁུངས་ཀྱི་རྩོམ་པ་པོ་འཇམ་དབྱངས་སྐྱིད་དང་མཚོ་སྔོན་གསོ་རིག་སློབ་གླིང་གི་ཆེད་མཁས་པ་བོད་གཞུག་སྐྱིད། མཚོ་སྔོན་རྐང་ཚའི་བོད་སྨན་ཁང་གི་སྨན་པ་ཞའོ་ཞ་བཅས་ལས་གྲུབ་པའི་ཚོགས་ཆུང་ཞིག་རྩ་འཛུགས་ཀྱིས་ཟླ་ ༩ ཚེས་ ༢༥ ནས་མཚོ་སྔོན་ཞིང་ཆེན་མཚོ་ལྷོ་ཁུལ་རྐང་ཚའི་འབྲོག་ཁུལ་གྱི་བུད་མེད་ཚོར་རེག་དུག་གི་ནད་ཚ་ AIDS སོགས་འགོས་ནད་རིགས་སྔོན་འགོག་དང་བཅོས་ཐབས་སྐོར་ལ། ཟབ་སྦྱོང་དང་ཤེས་བྱ་བརྒྱུད་སྒྲོག་གི་བྱ་འགུལ་ཐོག་མ་དེ་སྤེལ་ཡོད་འདུག
ཁོང་རྣམས་ཀྱིས་ཚེས་ ༢༥ དང་ ༢༦ བཅས་ཉིན་གཉིས་རིང་མཚོ་སྔོན་རྐང་ཚའི་འབྲོག་སྡེ་བདུན་ཙམ་གྱི་བུད་མེད་ཚོར་འགོས་ནད་ཀྱི་འབྱུང་རྐྱེན་དང་། འགོག་ཐབས་བཅས་ཀྱི་སྐོར་ལ་ལམ་སྟོན་དང་གློག་བརྙན་གཟིགས་འབུལ། པར་རིས་འགྲེམ་སྟོན། ཡིག་ཆ་འགྲེམ་སྤེལ་སོགས་བྱས་ཡོད་པ་མ་ཟད། བུད་མེད་རེར་འགོག་སྨན་སོགས་འཕྲོད་བསྟེན་ཡོ་བྱད་སྣ་ཁ་དྲུག་རེ་སྤྲད་དེ། དངོས་སུ་ལག་ལེན་ཚོད་ལྟ་བྱེད་དུ་བཅུག་ཡོད་འདུག ཐེངས་འདིའི་བུད་མེད་ཀྱི་འཕྲོད་བསྟེན་བྱ་འགུལ་འདིར་ས་གནས་མང་ཚོགས་དང་། སྡེ་དཔོན་དང་ཞང་རིམ་པའི་ལས་བྱེད་བཅས་ནས་དགའ་བསུ་ཆེན་པོ་ཐོབ་ཡོད་པ་མ་ཟད། མ་འོངས་པར་མུ་མཐུད་དུ་བྱ་འགུལ་འདི་རིགས་བོད་ཡུལ་གྱི་འབྲོག་ཁུལ་གཞན་དག་ཏུ་སྤེལ་ན་དགེ་མཚན་ཆེ་སྐོར་དང་། སོ་སོ་ཡང་བྱ་འགུལ་འདིའི་ཞབས་ཞུའི་ལས་དོན་དུ་ཞུགས་འདོད་ཡོད་སྐོར་བརྗོད་མཁན་ཡང་མང་པོ་ཞིག་བྱུང་ཡོད་འདུག་ལ། གོ་སྒྲིག་ཚོགས་ཆུང་གིས་ཀྱང་བྱ་འགུལ་འདི་མུ་མཐུད་མཇུག་སྐྱོང་གནང་རྒྱུའི་ཁས་ལན་བྱས་ཡོད་འདུག
རི་བོང་ཁྱེད་བདེན། མ་རེད་ཟེར་རྒྱུ་ཞིག་ཀྱང་མི་འདུག འོན་ཀྱང་སེམས་ལ་སྤྲོ་སྣང་སྟེར་བའི་བྱུང་བ་རེ་མཐོང་དུས་དེ་འབྲེལ་གྱི་ངོས་འཛིན་ཞིག་དང་བསྟོད་པ་ཞིག་ཀྱང་སྡོད་ཚུགས་མེད་པའི་ཁ་འདི་ནས་ཤོར་འགྲོ་ཡིན་འདུག
ལྷོ་ཕྲུག་སྣ་བོ་ཆེ་ལགས།
ཁྱེད་ཚོས་གཅིག་ཡིན་ན་བོད་དོན་རེད། གཉིས་ཡིན་བོད་དོན་རེད་ལབ་ནས་བོད་ནང་གི་ཤེས་ཡོན་པ་ཚོས་ལས་འགུལ་ལ་བར་ཆད་བཟོ་བཞིན་ཡོད་པ་རེད། འདི་སྤྱི་ཚོགས་ཞབས་ཞུའི་ལས་ཀ་ཞིག་ལ་ངོས་འཛིན་བྱས་ན་འགྲིག་གི་ཡོད་པ་རེད། མོའི་སེམས་ནའང་བོད་དོན་སྒྲུབ་འདོད་ཀྱི་ཀུན་སློང་ཡོད་མེད་ཐེ་ཚོམ་རེད། གལ་སྲིད་ཡོད་ནའང་ང་ཚོས་བསྒྲགས་དགོས་དོན་ཡོད་པ་མ་རེད།
བོད་པའི་སྤྱི་ཚོགས་དང་རིགས་རྒྱུད་རྩ་འཐོར་འགྲོ་བའི་འཇིགས་ཉེན་གྱི་ཐད་ནས་བཤད་ན་རྒྱ་ནག་གི་སྲིད་བྱུས་ལས་ནད་རིགས་འདི་དག་གི་ནུས་ཤུགས་དེ་ལྡབ་གྲངས་དུ་མས་མང་བ་མཐོང་གི་ཡོད། དེར་བརྟེན་དུག་མདའ་རྣོན་པོའི་ངར་ཁ་ནས་རང་དབང་གི་དོན་དུ་དཔའ་སྐད་སྒྲོག་པའི་སྙིང་སྟོབས་དེ་སྐུ་ཚེ་ཡུན་དུ་བརྟན་རྒྱུ་གལ་ཆེན་ཡིན་པ་ཤོད་མི་དགོས་ཀྱང་། ཁ་ཚ་དགོས་གཏུགས་ཀྱི་ལས་དོན་འདི་རིགས་ཀྱི་ལམ་ནས་ཨ་ཅག་དཔལ་མོ་ལགས་ཀྱི་སྙིང་སྟོབས་དེ་མངོན་ཡོང་དུས་ཤེས་ཡོན་པ་ཞིག་གིས་བོད་དོན་སྒྲུབ་སྟངས་དེ་འདི་
འདྲ་ཞིག་ཡིན་རྒྱུ་རེད་ཨང་སྙམ་པ་འཆར་འོང་།
བོད་ཀྱི་མ་སྲི་ཚང་གི་ཤེས་འཇོན་གྱི་སྤོབས་པས་གནམ་ས་སྒུལ་བཞིན་སླེབས་སོང་བས། ཀུན་གྱིས་བསྔགས་འོས་པ་ཞིག་རེད་ལགས། དཔལ་མོ་ལགས། ཁྱེད་རང་ངོ་མས་དཔའ་མོ་ཞིག་རེད་ཡྰ། སྐུ་བསོད་རླུང་དར་བའི་སྨོན་ལམ་ཡོད།